ސުޕްރީމް ކޯޓު: ޕެންޝަން އޮފީހަށް ސީއީއޯއަކު އައްޔަންކުރުން ހުއްޓުވި މައްސަލަ ބަލައިނުގަތީ ރަނގަޅަށް ކަމަށް އެ ކޯޓުން ވަނީ ނިންމާފައި -- ފޮޓޯ/މިހާރު
29 އެޕްރީލް 2022 - 17:05
4 comments
ޕެންޝަން އޮފީހުގެ ސީއީއޯ އައްޔަން ކުރުން ހުއްޓުވި އަމުރުގެ މައްސަލަ ހައި ކޯޓުން ބަލައިނުގަތުމަށް ނިންމީ ރަނގަޅަށް ކަމަށް ސުޕްރީމް ކޯޓުން ނިންމައިފި އެވެ.
ޕެންޝަން އޮފީހުގެ ސީއީއޯއަކަށް ހުންނެވި އިނގިރޭސިވިލާތުގެ ރައްޔިތެއް ކަމަށްވާ ޖޯން ސްޓެފަން ގްރިންޑަލް މިދިޔަ އަހަރު ވަޒީފާއިން ވަކިކުރި މައްސަލަ ވަޒީފާއާބެހޭ ޓްރައިބިއުނަލުން ބަލަމުންދާތީ އެ މައްސަލަ ނިމެންދެން އެ މަގާމަށް އެހެން މީހަކު އައްޔަން ނުކުރަން ޓްރައިބިއުނަލުން އޮތީ އަމުރެއް ނެރެފަ އެވެ.
ޓްރައިބިއުނަލްގެ އެ އަމުރު ޕެންޝަން އޮފީހުން ހައި ކޯޓުގައި އިސްތިއުނާފް ކުރުމުން އެ މައްސަލަ އެ ކޯޓުގެ ރަޖިސްޓްރާ މިދިޔަ އަހަރު ނިންމީ ބަލައިނުގަތުމަށެވެ. އަދި އެ ކޯޓުގެ ފަނޑިޔާރުންގެ މަޖިލީހުން ވެސް މިދިޔަ ޖެނުއަރީ މަހު އެ ނިންމުން ދެމެހެއްޓި އެވެ.
ހައި ކޯޓުގެ ފަނޑިޔާރުންގެ އެ ނިންމުން އެ އޮފީހުން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން މިދިޔަ އަންގާރަ ދުވަހު ނިންމި ނިންމުމުގައިވަނީ ހައި ކޯޓުން މައްސަލަ ބަލައިނުގަތުމަށް ނިންމި ނިންމުން ގޯސްވާ ސަބަބެއް ޕެންޝަން އޮފީހަށް ނުދެއްކޭ ކަމަށެވެ. އެހެންވެ، އެ މައްސަލަ ބަލައިނުގަތުމަށް ނިންމީ ރަނގަޅަށް ކަމަށް އެ ނިންމުމުގައިވެ އެވެ.
ސްޓެފަން ވަކިކުރީ އޭނާގެ ސުލޫކީ މައްސަލަތަކެއް ޕެންޝަން އޮފީހުން ބެލުމަށްފަހު ކަމަށް އެ އޮފީހުން ބުނެފައިވެ އެވެ. އޭގެ ތަފްސީލެއް އެ އޮފީހުން ހާމައެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިރާސ
01 May 2022
އިނގިރޭސި ވިލާތުގެ މީހަކަށް ރާއްޖޭ ދައުލަތު އެންމެ ބޮޑު މުސާރަ ލިބޭ އެއް މަގާމު ދިނުމުގެ ބޭނުމަކީ ކޮބާ؟ ދިވެހި ރާއްޖެއަށް އޭގެން ކުރަނީ ފައިދާއެއް، އޭނާ އެންމެ ރުފިޔާއެއްވެސް ދިވެހި ގައުމުގެ ބޭންކެއްގައި ރައްކާ ނުކުރާނެ ، ދިވެހި ގައުމުގެ ކުންފުންޏެއްގައި އިސްވެޓެއް ނުކުރާނެ. އޭނާގެ ހުވަފެން ހަޤީޤަތަކަށް ވީފައި އޭނާ ދާނީ ދޯ. އެހެންވީމައި ތައުލީމީ ގާބިލް ދިވެއްސަކަށް ތިޔަ ފަދަ ބޮޑެތި މަޤާމްތަޢް ދީ ދިވެހިރާއްޖެ ކުރިއެރުވޭތޯ ބަލަންޖެހޭ
ހަސަން23
30 April 2022
އެއުޅެނީ މިހާރު ހުރި އެކްޓިންގ ސީއީއޯ އަށް އެމަގާމު ނުދެވިގެން. އެކްޓިން ސީއީއޯ މަގާމުގައި ހުރި މީހަކީ އެމަގާމަށް ކުފޫ ހަމަވާ މީހެއް ނޫން.
ޒިޔަތު
29 April 2022
އެއުޅެނީ މިހާރު ހުރި އެކްޓިންގ ސީއީއޯ އަށް އެމަގާމު ނުދެވިގެން. އޭނަގެ ކޮންޓްރޯލްގެ ދަށުގަ ތިބި ކުޑަކުދިންތަކެއް އެތާ ބޯޑުގަ ތިބެނީ.
ބަލަމާބަހީ
29 April 2022
ނިމޭއިރު ޕެންޗަންއޮފީހުގެ މާލިއްޔަތުން ބަޔެއް ދޭންޖެހެނީ ރައްޔިތުންގެ ފައިސާ އިން ލިބެން އޮތް މަންފާއެއް ނުދީ ބޭރުގެ ރައްޔިތަކަށް ނުޙައްގުން ކަނޑާލީތީވެ. ގާނޫނުތައް ހުންނައިރު މިކަމަށް ބަލާނުލާ ތިމީހެއް ކަނޑާލަން ނިންމި ނިންމުން ނެގި ބަޔަކު ތިޔަ ގެއްލެން އުޅޭ ފައިސާއަށް ޒިންމާކުރެވޭނެބާ؟ ނުނީ އާނމު އުސޫލުން ނިކަމެތި މީހާ އިތުރަށް މިކަމުން ނިކަމެތި ބާ؟ ވާގެއްލުން ބޮއްސުން ނުލަނީސް އަވަސް ގޮތެއް ނިންމުން މުހިންމު. ނޫނީ ބޮޑު މުސާރަ ހިގަމުންދަނީ..