ސިޓީގެ ކޯޗު ގާޑިއޯލާ: ސަމާސާ ރާގެއްގައި އޭޏާ ބުނީ މެޗު ޝެޑިއުލްއާ މެދު ހިތްހަމަ ނުޖެހޭނަމަ ކޯޗުކޮށްދޭނީ ރާއްޖޭގައި ކަމަށް
30 އެޕްރީލް 2022 - 14:53
30 comments
ލީޑްސް (އޭޕްރީލް 30) މެޗު ޝެޑިއުލާ މެދު ހިތްހަމަ ނުޖެހިއްޖެ ނަމަ މެންޗެސްޓާ ސިޓީގެ ކޯޗު ކަމުގައި ނުހުންނާނެ ކަމަށާއި ކޯޗުކޮށްދޭނީ ދިވެހިރާއްޖޭގެ ލީގުގައި ކަމަށް ސިޓީގެ ކޯޗު ޕެޕް ގާޑިއޯލާ ބުނެފި އެވެ.
ވާދަވެރި ލިވަޕޫލްގެ ކޯޗު، ޔާގަން ކްލޮޕް މެޗު ޝެޑިއުލްގެ ބުރަކަމާ ބެހޭގޮތުން ހިތްހަމަނުޖެހުން ފާޅު ކުރުމުން، އެކަމަށް ރައްދު ދެމުން ގާޑިއޯލާ ބުނީ ކިތަންމެ ވަރަކަށް ހިތްހަމަ ނުޖެހުނަސް އެކަން ރަނގަޅު ނުވާނެކަން އޭނާ އަށް އެނގޭނެ ކަމަށެވެ.
އިނގިރޭސި ވިލާތުގައި މެޗު ޝެޑިއުލް އެކުލަވާލުމުގައި ބްރޮޑްކާސްޓިން ކުންފުނިތަކުގެ ދައުރު ބޮޑެވެ. ގިނަ މީހުން މެޗުތައް ބަލާނެ ގޮތަކަށް މެޗު ޝެޑިއުލް އެކުލަވާލުމަށް އެ ކުންފުނިތަކުން ބާރު އަޅަ އެވެ.
"ކިތައް ފަހަރު އެކަމާ މަޝްވަރާ ކޮށްފައި އޮތީ. އެއްވެސް ކަމެއް ބަދަލެއް ނުވާނެ. ބްރޯޑްކާސްޓަރުން ވިސްނަނީ އެމީހުން ކުރަންޖެހޭ ކަންތަކާ މެދު. އެއީ ފައިސާއާ މެދު. އެމީހުން ވިސްނަނީ ކުޅުންތެރިންނާ މެދަކު ނޫން. މިކަން ހައްލުވާކަށް ނެތް. އެހެންވެ އަހަރެން އެވާހަކަ ދައްކާކަށް ނެތިން،" މިރޭ ލީޑްސް ޔުނައިޓެޑާ ދެކޮޅަށް ކުޅޭ މެޗުގެ ކުރިން ގާޑިއޯލާ ބުންޏެވެ. އޭނާ ބުނީ ބްރޯޑްކާސްޓަރުން ވިސްނަނީ ޓީވީ މެދުވެރިކޮށް ބަލާނެ އިތުރު މީހުން ހޯދަން ކުރަން ޖެހޭ ކަންތައްތައް ކުރުމަށް ކަމަށެވެ.
"މެޗު ޝެޑިއުލްގެ ބުރަކަން ހައްލުކުރުމަށް އަހަރެމެންނަށް އެކަމާ ކަމެއް ނުކުރެވޭނެ. އެހެންވެ އަހަރެން ހިތްހަމަ ނުޖެހިއްޖެ ނަމަ ދާނީ ގެއަށް. މެންޗެސްޓާ ސިޓީގެ މެނޭޖަރުކަން ނުކުރާނަން. ރާއްޖޭގެ ލީގެއްގައި މަސައްކަތް ކުރާނީ،" ސަމާސާ ރާގެއްގައި ވާހަކަ ދައްކަމުން ގާޑިއޯލާ ބުންޏެވެ.
"ރާއްޖޭގެ ލީގަށް ގޮސް، ހަފުތާއަކު އެއް މެޗު ކުޅޭއިރު އަހަރެން ވަރަށް ހިތްހަމަޖެހޭނެ އޭގެ ފަހުގައި ރުއްތައް ދަށުގައި ގޮސް އޮވެވޭނެ."
ގާޑިއޯލާ އަކީ އޭނާގެ ޕްރެސްތަކުގައި ރާއްޖޭގެ ރީތިކަމާ ބެހޭގޮތުން ވާހަކަ ދައްކާފައިވާ ކޯޗެކެވެ. މީގެ ކުރިން އޭނާ ވަނީ ޗުއްޓި ހޭދަ ކުރުމަށް ރާއްޖެ އައިސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޭ
01 May 2022
އަސްލު މީނާ ޖޯކުޖަހަން ރާއްޖޭގެ ނަން ބޭނުންކުރަނީ. ދިވެހިންނަށް މިހީވަނީ އިސްތިހާރުކުރަނީއޭ. ބޮޑުތަނުން ބަލިވީމަ ފޯކައިދޫއޭ ކިޔަނީ ވެސް ހަމަ މިމޭރުމުން.
ޖޯކޭ
01 May 2022
ޔެސް މިފަހަރު އެއީ ޖޯކެއް.. ކުރިން އަހަރެމެން ފޯކައިދޫއޭ ކިޔާ ގޮތަށް..
ޙަލީ
01 May 2022
އަހަރުންނަށް މައްސަލައެއް ނެތް އަޔަސް. އެކަމު ކަލޯމެއް ކުޅޭނެ ދަނޑެއް ނެތް. ޢިހަށްދުވަހުވެސް ދަނޑެއް ހަލާކުކޮށްލި ވާހަކަ އޮތް ހަބަރުގަ. ދެން މިރާއްޖޭގައި އޮންނަނީ ވަށައިގެން މޫދު. އެސޮރުމެންނަށް ފަތަން ދަސްކޮށްދީގެން އަންނާތި. ފުލޯޓިން ދަނޑެއްވެެސް ގެންނާތި އަންނައިރު. ޢެބާއްވާނެ ޖާގަ އޮތީ މޫދުގަ.
އޮނަރަބްލް އަފީފު ދީދީ
01 May 2022
މ ފަދަ ފަރާތް ތަކުން މަޒާޖީ ގޮތަށް ބޭނުންކޮށްލާ ރާއްޖެއާއި ބެހޭ ވާހަކަ ތައްވެސް ޖޯކެއްގެ ގޮތުގައި މީހުނަށް ނެގެނީ "ޤައުމީ ޓީމްގެ ނަމުގައި" ކ.އަތޮޅު މާލޭގެ ގޭދޮށު ޓީމްތައް ބޭރުގެ މުބާރާތް ތަކުގައި ވާދަކޮށް ބައިކޮޅަށް 17 ނުވަތަ 22 ގޯލް ޖަހާތީ ނޫންތޯ.
ބަތްޕެން
01 May 2022
ފުޓުބޯޅާގައި ބަލި ޓީމުތަކަށް ދިވެހިން މިސާލުޖެހުމަށް ފޯކައިދޫ ކިޔާގޮތަށް ގާޑިއޯލާމެން މިހާރު މިސާލު އެ ޖަހަނީ ރާއްޖޭގެ ނަން ކިޔައިގެން. އެވަރު ނުކުރާ ވަރެއް ނޫނޭ. ދިވެހި ފުޓުބޯޅަ އެއްފިޔަވަޅު ކުރިޔަށް އެޅިއްޔާ އަނެއް 17 ފިޔަވަޅު އަޅާނީ ފަހަތަށް. ލަދުން ބޯހަލާކު. އެހެންނު ވާނީ. މިނޫން ގައުމެއް ނޯންނާނެ ވިއްޔަ ކޮންމެ ކަމެއް ސިޔާސީ ކުރާ.
ލޮލީބޮލީ
01 May 2022
ރާއްޖެ ހިންގަނީ ރިސޯޓް އޯނަރުންގެ ބުރަމަސައްކަތުން އެމީހުންދޭ ޓެކްސް ފައިސާއިން. ރާއްޖޭގެ އިގުތިސާދެއް އޮތީ އެމީހުން ރެއާދުވާލު ހާދަ މަސައްކަތެއް ކޮށްގެންނޭ، ކާކުތޯ މިކަމަށް ވިސްނަނީ؟ އެމީހުންނަގާ ރިސްކާ މާކެޓްކުރަން ކުރަން ކުރާބަރަމަސައްކަތާއި މިއީ ރައްޔިތުން ބަލާގަންނަން އެބަޖެހޭ ކަމެއް
ކަކުނިބޯ
01 May 2022
ޢޭ ފޮނިއަގަ ނުތަޅާ ތިޔަދޭ ޓެކްސްފައިސާކޮޅު ދައްކަނީ އެތައްގުނައެއް މަދުން ފޭކްޑޮކިޔުމަންޓް ހަދާގެން، އަދި ތިފައިސާކޮޅު ދައްކަނީ ދިވެހި ރުފިޔާއިން ޑޮލަރ ބޮދު އަގުގައި ބުލެކްއަށް،މާރުކޮށްގެން އަމިްއްލާ ފައިދާއަށް ޤާނޫނު އިސްލާހުކޮށް ޤައުމު ހަކުރާޖަހާގެންކަނީ. އިސްތިހާރުކޮށް ދެނީ ދައުލަތުގެ ބަޖެޓުން ބޮޑުބައެއްކާލާގެން. ދައުލަތަށް ނުލިބިހުރިފައިސާގެ 90% މިމީހުން. ޢެހެން އިންޑަސްޓްރީތައް ކުރިނާރަނީ މިމީހުންގެ ސަބަބުން މާރކެޓްގައި ޑޮލަރ އަގުއަރުވާގެން
ބޯހަލާކު! ??♂️
01 May 2022
ބަލަ ފުޓްސަލްގައި އީރާނުން ރާއްޖެ ކޮޅަށް 17-0 ލަނޑުން ބަލިގަޅުވާލީމާ ދިވެހި ފުޓުބޯޅަ އަނެއްކާވެސް ދުނިޔޭގެ މީޑިއާތަކުގައި "މަޝްހޫރުވެ" ނުހުންނާނެ ދެއްތޯ!
އަސްލުހާލަތު22
01 May 2022
ކަލެއަށް އަދި ބައެއް ދިވެހިންނަށް ފުޓު ބޯޅައާ ފުޓްސެލް އެއީ އެކަށްޗެއް ހެން ހީވިޔަސް ޔޫރަޕާ ދުނިޔެ ދެކެނީ އެއީ މުޅިން ތަފާތު ދެ ކުޅިވަރެއްގެ ގޮތުގައި.. ފުޓު ބޯޅަ ކުޅޭ މީހުން ފުޓްސެލް ކުޅެއެއްވެސް ނޫޅޭނެ.. ނެޓު ބޯޅައާއި ބާސްކެޓްވެސް އެއީ އެކަށްޗެއްކަމަށް ބައެއް ދިވެހިންނަށް ހީވި ޒަމާނެއް ދިޔަ..
ބުރުވާލިބާގިރުގެ ސިޔާސީ ކާސިމު
30 April 2022
ޝުކުރިއްޔާ ކަލޯ ގާޑިއޯލާ - ރާއްޖެ އިތުރަށް އިސްތިހާރުކޮށްލަދިނީތީ.
ސީޔޫ ސޫން ??
30 April 2022
ރާއްޖެ ނުސީދާކޮއް އިސްތިހާރު ކޮއްދިނީތީ ވަރަށް ބޮޑަށް ތޭންކްސް!
ޕެޕް ?
30 April 2022
ދޮގެއްވާ ނޫން! ??
މުގޮށި6މީދާ
30 April 2022
ލޯބިވެރިޔާއާއި މައްސަލަޖެހިގެން އުޅޭއިރުވެސް ބުނެފާނެ ކަލެއަށްވުރެ އިނގިރޭސި ރާނީއާ ހިތާވާންވެސް މާރަނގަޅޭ. ހަގީގަތުގަ އެބުނަނީ އިނގިރޭސި ރާނީ ދުވަސްވެ މުސްކުޅިވެފަ ހުރީމަ އޭނައާ ހިތާވެގެން ކުރާނެކަމެއް ނޯންނާނެއޭ. މިކަލޭގެވެސް އަސްލު އެބުނަނީ ރާއްޖެއަކީ ވަރަށް ދަށްފެންވަރުގެ ތަނެކޭ. އެކަމަކު ހުޅަނގުގެ ހުދުމީހަކު މިކަހަލަވާހަކައެއް ދެއްކިއަސް އަހަރެމެނަށް މިވަނީ މާމޮޅުކަމަކަށް.