ކުރީގެ ރައީސް އަބްދުﷲ ޔާމިން ޖަލަށް ލުމަށް ގޮވާލައި އެމަނިކުފާނުގެ ގޭކޮޅު ކުރިމައްޗަށް އެއްވި ގްރޫޕް އަޑުއުފުލަމުން މާލެ ވަށައި ޕިކަޕް ބުރު ޖަހަނީ -- ފޮޓޯ: ނިޝާން އަލީ | މިހާރު
03 މެއި 2022 - 20:44
41 comments
ކުރީގެ ރައީސް އަދި އިދިކޮޅު ލީޑަރު އަބްދުﷲ ޔާމީންގެ ގެކޮޅު ކުރިމައްޗަށް މިއަދު ހަވީރު ގްރޫޕަކުން އެއްވެ، އެ މަނިކުފާނު އަނބުރާ ޖަލަށް ގެންދަން އަޑުއުފުލައިފި އެވެ.
މޯލްޑިވްސް ޔޫތު ފޯސް (އެމްވައިއެފް) ގެ ނަމުގައި ހަރަކާތްތެރިވާ ގުރޫޕްގައި ގިނައީ ޒުވާނުންތަކެއް ކަމަށް ވާއިރު، އެ މީހުން ތިބީ ހުދު ކުލައިގެ ޓީޝާޓެއް ލައިގެން، އެ ޓީޝާޓްގައި އެކި ކަހަލަ ޝުއޫރުތައް ލިޔެގެންނެވެ. އެ މީހުން ގެންގުޅުނު ބޯޑުތަކުގައި ވެސް ޔާމީނާ ދެކޮޅު ތަފާތު ޝުއޫރުތައް ލިޔެފައި ހުއްޓެވެ.
އެނގިފައިވާ ގޮތުގައި އެ ގްރޫޕްގައި އިސްކޮށް ހުންނެވީ ސިވިލް ކޯޓުގެ ކުރީގެ އިސް ގާޒީ މުހައްމަދު ހަލީމެވެ. ޔާމީންގެ ގެކޮޅުގެ ކުރިމައްޗަށް އެއްވެ، އޭނާ ވަނީ އެ މަނިކުފާނާ ދެކޮޅަށް އަޑުއުފުލައިފަ އެވެ.
އެ އެއްވުމުގައި ތިބި ގިނަ މީހުންނަކީ ކުރީގެ ނައިބު ރައީސް އަހުމަދު އަދީބް، ސިޔާސީ ގޮތުން އެންމެ ބާރުގަދަ ދުވަސްވަރު އެ މަނިކުފާނުގެ އަރިސް މީހުންގެ ގޮތުގައި ފެނުނު ބައެކެވެ.
ކުރީގެ ރައީސް އަބްދުﷲ ޔާމީން ޖަލަށް ލުމަށް ގޮވާލައި އެމަނިކުފާނުގެ ގޭކޮޅު ކުރިމައްޗަށް އެއްވި ގްރޫޕް އަޑުއުފުލަމުން މާލެ ވަށައި ޕިކަޕް ބުރު ޖަހަނީ -- ފޮޓޯ: ނިޝާން އަލީ | މިހާރު
އެ މީހުން ގޮވަމުން ދިޔައީ ނަފްރަތު އުފެދޭ ގޮތަށް ކަންކަން ނުކުރުމަށާއި ގައުމުތަކާ އެކު ރާއްޖެއިން ގާއިމުކޮށްފައި އޮންނަ ހާރިޖީ ގުޅުންތަކަށް ބުރޫއަރާ ގޮތަށް އިދިކޮޅު އަމަލުކުރަމުން ދާތީ، އެ ކަންތައްތައް ހުއްޓާލުމަށެވެ. އަދި ޔާމީން އަލުން ޖަލަށް ފޮނުވާލުމަށް ވެސް އެމީހުން ގޮވި އެވެ.
އެ އެއްވުން ކުރިއަށް ދިޔަ ވަގުތުގައި އެ ގްރޫޕާއި އެ ތަނަށް ދިޔަ ޕީޕީއެމްގެ ޒުވާނުންގެ ގޮފީގެ މެމްބަރުންނާއި ޔާމީންގެ ސަޕޯޓަރުންނާ ދެމެދުގައި ވެސް ބަހުގެ ހަމަލާތަކެއް ބަދަލުކުރި އެވެ. ޔާމީންގެ ސަޕޯޓަރުން ގިނަވާން ފެށުމުން އެ ގުރޫޕް އެތަނުން ދިޔައިރު، ޕިކަޕުގައި މާލެ ވަށައި ބުރުޖަހަމުން ވެސް ޔާމީނާ ދެކޮޅަށް އަޑުއުފުލި އެވެ.
އެ އެއްވުން ނިމުނު ފަހުން ޕީޕީއެމްގެ ޒުވާނުންގެ ގޮފިން ބޭއްވި ނޫސްވެރިންގެ ބައްދަލުވުމުގައި ވާހަކަ ދެއްކި ބައެއް މެމްބަރުން ތުހުމަތުކުރި ގޮތުގައި، އެއީ އިންޑިއާގެ ސިފައިން ރާއްޖެއިން ބޭލުމަށް ގޮވާލައި އިދިކޮޅުން ކުރިއަށް ގެންދާ "އިންޑިއާ އައުޓް" ހަރަކާތް ހުއްޓުވަން އިންޑިއާގެ ހައި ކޮމިޝަނުން ފައިސާ ދީގެން ފޮނުވި ބައެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޭގަ ތިބޭ
05 May 2022
ކޮން ޔޫތެކޭ ކިޔާ ބައެއް. ގޭގަ ތިބެބަލަ.
ލޮލްނާ
04 May 2022
ޢެންމެ 20 ކުދިން. ޙައިކޮމިޝަނުން ލާރިކޮޅެއް ދިނީތޯ؟ ޢެވަރުންވެސް ނިކުންނަން ތިބީ 20 ކުދިން.
ޥާނީ
04 May 2022
ތެޅުނުވަރަކަށް ފައިބާނީ ހުޅުނބު. މިސަރުކާރަކަށް 2023 ގައި ވޯޓެއް ނުލާނަން. ޔާމީންގެ 5 އަހަރުގައި ތަރައްގީ ފެނުނު. މިސަރުކާރުން ހިންގުނު މަޗްރޫއެއް ނެތް. ދައުލަތުން އެތައް ބިލިއަން ގެއްލިއްޖެ. ކޮބާ ވެންޓިލޭޓާރ ލާރިގަނޑު؟؟
އައުޓް
04 May 2022
ލާރި ދިނީމަ މަވެސްދާނަން
ގައުމީދޫ001
04 May 2022
ޢިންޑިއާއަށް ވިކިފަ ތިބި ޚާއިނުންތަކެއް! ވޯރާ ވިޔަފާރިވެެިރން ބޭރުކުރަން އުަލުނު އިރުވެސް އެމަިހުންގެ ތައްޕާހުން އުަލުނު ޚާއިނުންތަކެއް އުަލުނު!
ހުސެން
04 May 2022
ޔާމީނުގެ ސަޕޯޓަރުންތައް ގިނަވާންފެށީމާ ގުރޫޕު އެތަނުން (ޔާމީނުގެ ގެ ކައިރީން) ދިޔައީއެވެ. ހެހެ މިއީ ފެންވަރަކީ، ތިޔަގުރޫޕަކީ ޖެނުއިން ގުރޫޕެއްނަމަ އެއްވާންޖެހޭނީ އަންނިގެ ގޭގެ ދޮރުމައްޗަށް، އިންޑިޔާއައުޓު މައްސަލައިގާ ހަގީގަތްތަކެއް އެބަހުރި، ނަމަވެސް އަންނި ޗައިނާއޭ ކިޔައިގެން ދަށްނަކީ ހަގީގަތާ މުޅިންހިލާފު ވާހަކަ، އަންނިއަކީ އަބަދުވެސް ވަރަށް ތާކުންތާކުނުޖެހޭ ވާހަކަދަށްކާމީހެއް، އަމިއްލައަށް ކިޔޭނުކިޔޭ އެއްޗެއް ފަހުމުނުވާމީހެއް އަންނިއަކީ
އަންނިގެބޭބެ
04 May 2022
މިހާތަނަށް އަންނި ދެއްކި ގިނަ ވާހަކަތައް ހުރީ ރަނގަޅަށް
އައްޔަ ބޮޑޭ
04 May 2022
އެއްވެސް ހަގީގަތެއް ބެލުމެއް ނެތި އެބުނީ އިންޑިއާ ހައިކޮމިޝަނުން ލާރިދީގެން ކުރިކަމެކޭ ކީކާއި ދެންބުނާނީ! އަދިމިއުޅެނީ ރަމަލޯން މަސްރަނގަޅައް ނުގޮސް , ފިތުނަ އެއް އުފެއްދެން އޮތިއްޔާ ދޫކޮއް ނުލާތި!
ވަހީދު
04 May 2022
އިންޑިއާގެ އަވަށްޓެރި ގައުމުތަކުގައި ހިނގާފައިވާ ކަންކަން ދިރާސާ ކޮށްލަ ބަލަ. ބައެއް ގައުމުތަކުގެ މިނިވަންކަން ގެއްލި އިންޑިއާގެ ބައެއްގެ ގޮތުގައި، އަނެއްބައި ގައުމުތަކުގެ ބާރު އިންޑިއާއަށް ގޮސް ހުސްވެފައި. ބަނގުލަޑޭޝް، ނޭޕާލް، ކަޝްމީރު، ބޫޓާން މަސްރަހު ބަލާލަބަލަ.
ެއަލީ އަލީ
04 May 2022
ޓަގް ބޯޓް ގްރޫޕް ދެއްތޯ! ބޭރު ތެރެއިން ކޮންމެސް އެހެން ކަމަކާ އުޅުން ރަނގަޅުވާނީ! ބޮލިހިލަން ނޫނީ ފަރަށް ދިޔަޔަށް މާ ގަނަގޅުވާނެ ކަމަށް ފެންނަނީ!
އަސްލުވެސް.
04 May 2022
ވެރިކަމުގައި ހުންނެވިއިރު ރައްޔަތުންގެ ތެރެއިން ސިޔާސީ ގިނަބަޔަކަށް ގާނޫނުގެ ބޭރުން ގިނަ އަނިޔާ ތަކެއްލިބިފައި ވާތީ އެކަމުގައި ހިންހަމަނުޖެހިފައި ގިނަބަޔަކު ތިބީމަ ވާގޮތެއްކަމަށް ފެނޭ........
މީމަ17
04 May 2022
20 އެއީ ވަރަށް ގިނަ ???
ސުވާސާމަންސް
04 May 2022
އެންމެ ހައެކަ މީހުން ނުކުމެ ޔާމީނާ ދެކޮޅަށް އެއްޗެކޭ ބުނެލާއިރަށް ޕޕޕ ގޭންގު އެނުކުތީ ހަނގުރާމައަށް މިހިރީ ޕޕޕ މީހުންގެ ހަޖަމުގެ ހާލަތުހުރިވަރު އެސޮރުމެންވެސް ބޭނުން އެއްޗެއް ގޮވާލަން ފުރުސަތު ދީބަލަ
ވަހީދު
04 May 2022
މިނިވަންކަމަށްޓަކައި ހަނގުރާމަ ކުރި މީހުންގެ ދަރީން ތިބީ ޕީޕީއެމުގެ ވަތަނީ ފިކުރުގައި، އެއިރު ޢައްދާރުވި މީހުންގެ ދަރީން އެތިބީ އެޢައްދާރު ކަމުގައި. ހަނގުރާމައެއް ފެށުނީމަ ފިލަން ދުވާނެ މީހުންގެ ތެރޭގައި މަނިކުފާނު ވެސް ހިމެނޭނެ ކަމީ ޝައްކެއް ނޫން.