ޚަބަރު / މަދިރި

އެޗްޕީއޭގެ މަދިރި ހޯހޯ ކެމްޕެއިން އިފްތިތާހުކޮށްފި

މާލޭގެ މޭޔަރު ޑރ. މުހައްމަދު މުއިއްޒު މަދިރި ހޯހޯ ކެމްޕެއިން އިފްތިތާހުކޮށް ދެއްވައި ވާހަކަ ދައްކަވަނީ.

މާއިދާ މުހައްމަދު ރަޝާދު، މިހާރު

21 މެއި 2022 - 14:33

8 comments

ހެލްތު ޕްރޮޓެކްޝަން އެޖެންސީ (އެޗްޕީއޭ) ކޮންމެ އަހަރު ކުރިއަށް ގެންދާ، "މަދިރި ހޯހޯ" ކެމްޕެއިން އިފްތިތާހުކޮށްފި އެވެ.

ހުޅުމާލޭ ރުއްގަނޑު އެކެއްގައި މިއަހަރުގެ އެ ޕްރޮގްރާމު އިފްތިތާހުކޮށްދެއްވީ މާލޭގެ މޭޔަރު ޑރ. މުހައްމަދު މުއިއްޒު އެވެ.

އެ ހަރަކާތް އިފްތިތާހުކޮށްދެއްވައި، މުއިއްޒު ވިދާޅުވީ މާލޭގައި މަދިރި އާލާވާ ތަންތަނާއި ކުނި ގިނަވެ ނުތާހިރުކޮށް އޮންނަ ތަންތަން އިތުރުވަމުންދާ ކަމަށެވެ.

މުއިއްޒު ވިދާޅުވީ ސަރުކާރުގެ މުއައްސަސާތަކާއި ސްކޫލްތަކުން ހާއްސަ ދުވަހެއްގައި ނުކުމެ ސާފުކޮށްލުމުން އެކަނި އެ މައްސަލަ ހައްލު ނުކުރެވޭނެކަމަށާއި މިއީ ފަރުދީ ޒިންމާ އަދާކޮށް، އެންމެން އެކުގައި ނޫނީ ހައްލު ނުކުރެވޭނެ މައްސަލައެއް ކަމަށެވެ.

Prevention is the most effective strategy to protect yourself and your loved ones against dengue.
Take these preventive measures against #mosquitobites pic.twitter.com/4S6qRqrrLN
— Health Protection Agency (@HPA_MV) May 18, 2022

މުއިއްޒު ވިދާޅުވި ގޮތުގައި އެންމެން ވެސް މަސައްކަތްކުރަންވީ ކޮންމެ މީހެއްގެ ވެސް ޒިންމާއެއް އޮތް ކަމަށް ދެކިގެން ތަންތަން ސާފުތާހިރުކޮށް ބެހެއްޓުމަށެވެ. އަދި ބަލިތަކުން ރައްކާތެރި ވެފައިވާ ސާފުތާހިރު ތަނަކަށް މާލޭ ހެދުމަށް އެންމެން މަސައްކަތްކުރުމަށް އިލްތިމާސްކުރެއްވި އެވެ.

މުއިއްޒު ވިދާޅުވީ މިއަދު އިފްތިތާހުކުރި މަދިރި ހޯހޯ ކެމްޕެއިނުގެ ނަތީޖާ ވެސް ހާސިލުކުރެވޭނީ ފަރުދީ ޒިންމާ ނެގުމާ އެކު ސާފުތާހިރުކަމަށް އިސްކަންދީގެން ކަމަށެވެ.

މި ދުވަސްވަރު މާލެއެކޭ އެއްގޮތަށް ރަށްރަށުގައި ވެސް މަދިރީގެ އުނދަގޫ ބޮޑުވެފައިވާއިރު މިދިޔަ މަހު ޑެންގޫ ހުން ޖެހުނު މީހުންގެ އަދަދު ވެސް ވަނީ ވަރަށް ބޮޑަށް އިތުރުވެފަ އެވެ.

އެޗްޕީއޭ އިން އިލްތިމާސްކުރަނީ މަދިރިން ރައްކާތެރިވުމުގެ ގޮތުން، ހަށިގަނޑު ރަނގަޅަށް ނިވައިވާނެ ގޮތަށް ހެދުން އެޅުމަށާއި މަދިރި ލޯޝަން އަދި ރެޕެލެންޓް ބޭނުންކުރުމަށެވެ.

މާލެ ސިޓީ ކައުންސިލް ޑެންގީ ހުޅުމާލެ މަދިރި

8 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަކުރޫޙަ ގޮތްތައް ތި ހުންނަނީ

22 May 2022

ތިދެން މަދިރި މަރުވެ ހުސްވީ ހީކުރާ ގޮތްދޯ މުޅި އެންމެންގެ ބޮލަށާ ދިރޭ އެހެން ތަކެތި މަރުވާހެން މީގެ ކުރިއަކުވެސް ބޭސް ޖަހައެއް ނޫޅޭ މިހާރު ތި ޖަހަނީ ހަބޭސް މީހުންގެ ބޮލަށް މަދިރި އުޅޚެނީ ކާނުތަކުގަ ބޭސްޖަހަނީ މަގު ހިނގާ މީހުންގެ ބޮލަށް ލޮލަށް މާލޭގަ ވިޔަސް ހޫމާލޭގަ ވިޔަސް ތަނެއްގަ މަޑު ނުކޮށްލެވޭ ހަފާވަރުން ހީވަނީ ކަނޑޫފަލެއްގަ އުޅޭހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައްޤު

22 May 2022

ނުވަދިހައިގެ އަހަރުތަކުގަ އަހަރެމެން ބައިސްކަލުގައި އެކަނި ސްކޫލަށް ދިޔައިރު މާލެ އެރުން މަނާ ތަކެތީގެ ތެރޭގައި މަދިރި ވާލު ކާޅު ހިމެނޭ. މަ ހުރީ އަޖައިބު ވެފަ މާލޭގައި މަދިރިގެ ނުޖަހާ ދުންދަނޑިވެސް ނުޖަހާ ނިދޭތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2023

21 May 2022

ތިޔައީ 2023 އަށް ކުރާ ކެމްޕެއިން ގެ ބޮޅެއް, އިންޑިއާ އައުޓްގެ ވާޝަންއެއް, ބޭކާރު ޚަރަދު ނުކޮށްވެސް މަދިރި ނައްތާލުމަކީ ސަރުކާރުން ސިޓީކައުންސިލްއާއި މަތިކޮށްފައިވާ ޒިއްމާއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދު

22 May 2022

އެޗް.ޕީ.އޭ އެއީ ސިޓީ ކައުންސިލްތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

21 May 2022

ކޮންމެހެން ވަކިނަމެއް ކިއައިގެން ވަކިމީހަކު އިފުތިތާހު ކުރަންޖެހޭ ކަމެއްނޫންތީ. ތީރައްޔަތުންނަށް ސަރުކާރުން ކުރަންޖެހޭ ޒަރުރީކަމެއް. ވާޖިބެއް. ކޮންމެ އަހަރަކު ހުޅަގުމޫސުން ފެށޭއިރު މަދިރިއާލާވެ މަދިރީގެ ޒަރިއްޔާއިން ޖެހޭ ބަލިތައް އިތުރުވާކަން އެއީ އެއްވެސް މީހަކު ނުދަނަން ކަމެއްނުން. އެހެންވީމާ ތިކަން ކުރަން ބޮޑު ހަފްލާއެއް ބައްވާ ރިބަންކަނޑާނެ ކަމެއްނެތް. އަޅުގަޑުމެން އޮންނާނީ އެކިނަންނަމުގައި ދައްކަންޖެހޭ ޓެކްހެއްވިއްޔާ ދައްކާފަ،