ފިޝަރީޒް މިނިސްޓަރު ޑރ. ހުސައިން ރަޝީދު ހަސަން މަޖިލީހުގައި ވާހަކަ ދައްކަވަނީ: ކޫއްޑޫ ކެޕޭސިޓީ އިތުރު ކުރަން މަސައްކަތް ކުރަމުން އަންނަ ކަމަށް ވިދާޅުވި -- ފޮޓޯ: މަޖިލިސް
23 މެއި 2022 - 10:54
7 comments
ކޫއްޑު އަށް ދުވާލަކު 800 ޓަނުގެ މަސް ގަނެވޭނެ ވަރަށް، މަސްވެރިކަމުގެ މޫސުން ފެށުމުގެ ކުރިން އެ ތަނުގެ ގާބިލްކަން އިތުރު ކުރުމުގެ މަސައްކަތް ކުރަމުން އަންނަ ކަމަށް ފިޝަރީޒް މިނިސްޓަރު ޑރ. ހުސައިން ރަޝީދު ހަސަން މިއަދު ވިދާޅުވެއްޖެ އެވެ.
މަސްވެރިކަން ރަނގަޅުވާ ކޮންމެ ފަހަރު މަސް ކިރުވުމަށް ދަތިވެ ގިނަ އުނދަގޫތަކެއް ކުރިމަތިވެ އެވެ. ދާދި ފަހުން ވެސް އެ މައްސަލަ ބޮޑުވެ، ސަރުކާރަށް ވަރަށް ބޮޑަށް ފާޑުކިޔުން އަމާޒުވި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އެ ކަމާ ގުޅުވައިގެން މެމްބަރަކު ކުރެއްވި ސުވާލަކަށް ޖަވާބު ދެއްވަމުން ޑރ. ހުސައިން ވިދާޅުވީ، މަސްވެރިކަން ރަނގަޅުވާ ދުވަސްވަރު މަސް ކިރުވުމުގައި މިހާރު ދިމާވަމުންދާ މައްސަލަތައް ހައްލު ކުރުމަށް ކުރު މުއްދަތާއި ދިގު މުއްދަތަށް ވިސްނައިގެން ހައްލުތަކެއް ގެންނަން މަޝްވަރާ ކުރަމުން އަންނަ ކަމަށެވެ.
އޭނާ ވިދާޅުވީ މަސްވެރިކަން ތިޔާގިވާ ދުވަސްވަރު އެންމެ ގިނަ އަދަދަކަށް މަސް ކިރަނީ ރާއްޖޭގެ ދެކުނު ސަރަހައްދުގައި ކަމަށާއި ހާއްސަކޮށް ކޫއްޑޫ ފެސިލިޓީ އަށް ކަމަށެވެ.
ވޭތުވެދިޔަ 10 އަހަރުގެ ތަފާސްހިސާބަށް ބަލައިގެން ހޯދި މައުލޫމާތުތަކާ ހަވާލާދީ، ޑރ. ހުސައިން ވިދާޅުވީ މި އަހަރު މަސްވެރިކަމުގެ އެންމެ ރަނގަޅު މޫސުން އޮގަސްޓް މަހާއި ސެޕްޓެމްބަރު ހިސާބުގައި ފެށޭނެ ކަމަށެވެ. އަދި އޮކްޓޯބަރާއި އަންނަ އަހަރުގެ ޖެނުއަރީ މަހާ ހަމައަށް އާދަޔާ ހިލާފަށް ރަނގަޅުވާނެ ކަމަށް ވިދާޅުވި އެވެ.
ކުރިޔަށް އޮތް މަސްވެރިކަމުގެ މޫސުމުގައި މަދުވެގެން 800 ޓަނު ކޫއްޑޫ އަށް ގެންނާނެ ކަމަށް ބަލައިރު ޝޯޓް ޓާމް ހައްލެއްގެ ގޮތުން މަދުވެގެން އިތުރު 400 ޓަނު ގަނެވޭނެ އިންތިޒާމު ހަމަޖައްސަން ޖެހޭ،" --- ޑރ. ހުސައިން
މިނިސްޓަރުގެ އަންދާޒާއަކީ އެ ދުވަސްވަރު ކޫއްޑު އަށް އެކަނިވެސް ދުވާލަކު 800-1،000 ޓަނުގެ މަސް ކިރުވާނެ ކަމެވެ.
ނަމަވެސް ކޫއްޑޫގައި މިހާރު ހުރި ކެޕޭސިޓީ އާއި ކަލަމިންޖާ ބޯޓުގެ ކެޕޭސިޓީއާއެކު ޖުމުލަ ގަނެވޭނީ ދުވާލަކަށް 400 ޓަނުގެ މަސް ކަމަށް ވިދާޅުވި އެވެ.
"ކުރިޔަށް އޮތް މަސްވެރިކަމުގެ މޫސުމުގައި މަދުވެގެން 800 ޓަނު ކޫއްޑޫ އަށް ގެންނާނެ ކަމަށް ބަލައިރު ޝޯޓް ޓާމް ހައްލެއްގެ ގޮތުން މަދުވެގެން އިތުރު 400 ޓަނު ގަނެވޭނެ އިންތިޒާމު ހަމަޖައްސަން ޖެހޭ،" މިނިސްޓަރު ވިދާޅުވި އެވެ.
މަސްވެރިކަމުގެ މޫސުން އައުމުގެ ކުރިން ކުރިޔަށް އޮތް ތިން މަސް ދުވަސް ތެރޭގައި ކޫއްޑޫގެ ގާބިލްކަން އިތުރު ކުރެވޭނެ ހަމައެކަނި ގޮތަކީ ޑރ. ހުސައިން ވިދާޅުވިގޮތުގައި މަސް ފިނިކޮށް، ގަނޑު ކުރާ ފްރީޒާ ވެސަލްތަކެއް ގަތުމެވެ. އަދި މަދުވެގެން ތިން ބޯޓު ބޭނުންވާނެ ކަމަށް ވިދާޅުވި އެވެ.
އެކަމާ ގުޅޭ ގޮތުން މަޝްވަރާ ކުރަން ރައީސް އޮފީހުގައި މިއަދު ވެސް ބައްދަލުވުމެއް އޮތް ކަމަށް ޑރ. ހުސައިން ވިދާޅުވި އެވެ. އަދި ފައިސާ ހަމަޖެހިއްޖެ ނަމަ ތިން މަސް ތެރޭގައި އެކަން ކުރެވޭނެ ކަމަށާއި އެހާ ހިސާބުން ވަރަށް ބޮޑަށް ފަސޭހަވާނެ ކަމަށް ވިދާޅުވި އެވެ.
"އަޅުގަނޑުމެންނަށް ވަރަށް ބޮޑަށް ގަބޫލުކުރެވޭ މިހާރު މި ކުރިމަތިވާ ކޮށި އެރުންތައް ފިލުވައި، ރައްޔިތުން ގަބޫލު ކުރާ މިންވަރަކަށް މަސް ގަތުމުގެ ކަންތައް ރަނގަޅު ކުރެވޭނެ ކަމަށް،" މިނިސްޓަރު ވިދާޅުވި އެވެ.
މިދިޔަ މަހުގެ ތެރޭގައި ވެސް މަސްވެރިކަން ރަނގަޅުވެ ކޫއްޑޫ ބަނދަރުގައި 63 ދޯންޏެއް 900 ޓަނު މަހާ އެކު ކިއޫ ހެދި ކަމަށް މިފްކޯ އިން ވަނީ ބުނެފަ އެވެ. އެކަމަކު އެ ކުންފުނީގެ ފްރީޒިން ކެޕޭސިޓީ އަކީ 480 ޓަނު ކަމަށާއި ހުރިހާ ދޯންޏަކުން މަސް ކިރައި ނިންމަން ދުވަސްތަކެއް ނަގާނެ ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިނިސްޓްރީ
24 May 2022
މިނިސްޓަރއެވެ. މިކަމުގެ ދާއިމީ ހައްލަކީ ވެރިކަން ހޯދަން ބޭކާރު ވައުދުނުވެ މަސްވެރިކަމުގެ ސިނާއަތު ޕްރައިވެޓް ޕާޓީތަކަށް ދޫކޮށްލުމެވެ. މިހާރުވެސް މަސް ގަންނަނީ ތައިލޭންޑަށް މަސްވިއްކާ އަގަށްވުރެ ބޮޑުކޮށްކަން މިނިސްޓަރަށްވެސް އެގެއެވެ. ނަމަވެސް ބޯގޯސް ވައުދެއް ފުއްދުމަށް ރައްޔިތުންގެ ޓެކްސް ފައިސާއިން މަސްވެރިންނަށް ހޭދަކުރަނީއެވެ. ކޮންމެ ފަހަރަކުވެސް މާރކެޓް ރޭޓްގައި މަސްގަންނަން ބުނެ މަސް ގަންނަ އަގުވަނީ ބޮޑެވެ. ފައިސާ ދަނީ ރައްޔިތުންގެ ޖީބުން.
މަކުރިމަގު
23 May 2022
ބޮޑުބައި ބަނޑަށް ގިނަބައި ގާތަށް
އަސްލުވެސް
23 May 2022
މޮޅަދޫބޭރު ކަނދުފަތިއެޅިގޮތައް ތިކަންކޮއްބަލަ
ސަޅިވާނެ މިގޮތް
23 May 2022
ފްރީޒާ ވެސެލް އަނެއްކާވެސް؟ އިހައްދުވަހު އެގެނައީ ބާދަގަނޑަށް ކިރަންލާފަ އޮތް ބޯޓެއް. ދޮންކަލޯ އަޑުއަހަންތަ ރީފާ ކޮންޓޭނަރު. އޭގެ އާކަމަޅިމަތީ ކޮންޓޭނަރު ތަކެއް ގަނެބަލަ. ވެރިކަން ރަގަޅުވީމަ އެހިސާބެއްގަ ބާޖެއް ނޫނީ ކޮޅުވެއްޓިއެއްގަ ނޫނީ ރަށެއްގަ ބެހެއްޓޭނެ. ޕްރޮސެސް ވަންދެން ފެލިވަރުގަ ބެހެއްޓޭނެ. ނޫނީ އެމްއެސްއެސް ބޯޓުގަ ތައިލެންޑަށް ފޮނުވާލަންވީ. ވެރިކަން ދައްވީމަ ކަރަންޓް ކަޑާފަ ބަހައްޓަންވީ. ބޯޓް ފަޅުވެރިންގެ ހަރަދު ޗަލާނެ. ކަޑަތަ މިގޮތް؟
ދގދސެފ×
23 May 2022
މީނަޔާ އަސްލަމާ ދެމީހުންނަކީ ވަރަށް ނާގާބިލް ދެމީހުން.
ބޮޑުމީހާ
23 May 2022
ހުރިހާ މަހެއް ބާނަނީ ކޫއްޑޫއަށް. ހުވަދު އަތޮޅަށް. ހުރިހާ އިންވެސްޓްމަންޓެއް ފެލިވަރަށް.
ހުވަދޫ ކިންގް
23 May 2022
މިއީ ފަހުގެ ތާރީޙް ގައި ބަޔަކު ހަދާނެ ެންމެ ބޮޑު ގޯސް، ކޫއްޑޫ ގައި މަސްކިރުމާއި، އައިސްދޫކުރުމާއި، ކުދި ބޯޓް ފަހަރުން ގެންނަމަސް އަންލޯޑް ކުރުމާއި، މަސްބޭރުކުރުމުގެ ހުރިހާ މަސަައްކަތެއް އެއްތާކު ކުރަންޔާ އެތަނުގެ ޓްރެފިކް ބޮޑުވާނެ ވަރު ވިސްނަވާލައްވާ؟ މަސްވެރިކަމަށް ކުރެވޭ ހޭދަތައް ސްޓަޑީ ކުރުމަށްފަހު އޭގް ފައިދާ ދެމެހެއްޓެނިވި ގޮތެއްގައި އިންވެސްޓްމަންޓް ތައް ޕްލޭންކުރައްވާ.