އަމީރު ވިދާޅުވީ، ބަޖެޓުގައި ކަނޑައަޅާފައިވާ ގޮތަށް ދަރަނި އަދާކުރަމުން އަންނަ ކަމަށް. އެހެންވެ، އިގްތިސާދު ޑީފޯލްޓަކަށް ދިއުމުގެ އެއްވެސް ބިރެއް ނެތް ކަމަށް ވިދާޅުވި.
ރާއްޖޭގެ މާލީ ވަޒީރު އަމީރު "މިހާރު" އަށް ކުރިން އިންޓަވިއުއެއް ދެއްވަނީ: އިގްތިސާދާ މެދު އޭނާގެ އޮތް އިތުބާރު ބޮޑު.---ފައިލް ފޮޓޯ| މިހާރު
25 މެއި 2022 - 16:24
57 comments
ސްރީ ލަންކާގެ ހާލަތަށް ރާއްޖެ ނުދާނެ ކަމަށާއި ދަރަނި މެނޭޖު ކުރުމުގައި އެއްވެސް އުނދަގުލެއް ނެތް ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
އޭނާ ނޫސްވެރިން ގާތު އެހެން ވިދާޅުވީ، ރިސޯޓުތަކުގެ ކުލި ކުޑަކުރުން ކަހަލަ، ދައުލަތަށް އާމްދަނީ ދަށްވާ ކަންކަން މި ވަގުތު ކުރުމަކީ ކޮށްގެން ވާނެ ކަމެއް ނޫން ކަމަށް ވިދާޅުވެ، ރާއްޖޭގެ ގަވަރުނަރު އަލީ ހާޝިމް، ސްރީ ލަންކާގެ އިގްތިސާދީ ކާރިސާ އިން މިސާލު ނަންގަވާފައި ވަނިކޮށެވެ.
"މިހާރު ޔޫކްރެއިން މައްސަލަ އާއި ސަޕްލައި ސައިޑް ޝޮކްތައް އަންނަ އިރު ރެވެނިއު ދަށްވާ އެކްޝަންތަކެއް ނެގުން ބުއްދިވެރިއެއް ނޫން. އެ ގައުމުގައި ވެސް [ލަންކާގައި] އެކަހަލަ މައްސަލައެއް ދިމާވެގެން މިހާރު އެހެރީ އައިއެމްއެފް އަށް ދާ ހިސާބަށް ގޮސްފައި،" ރައްޔިތުންގެ މަޖިލީހުގެ އިގްތިސޯދީ ކޮމިޓީގައި މިދިޔަ ހޯމަދުވަހު ވާހަކަ ދައްކަވަމުން ގަވަރުނަރު ވިދާޅުވި އެވެ.
ރާއްޖޭގެ މަރުކަޒީ ބޭންކުގެ ގަވަރުނަރު އެހެން ވިދާޅުވެފައި ވަނިކޮށް، އެމެރިކާގެ އެންމެ ބޮޑު އެއް އިންވެސްޓްމަންޓް ބޭންކް، ޖޭޕީ މޯގަން އިން ވެސް ވަނީ ރަޝިއާ-ޔުކްރެއިން ހަނގުރާމައިގެ ސަބަބުންނާއި ލޯނު ހޯދުމުގެ ދަތިކަން ބޮޑުވެ، ދިމާވާ އިގްތިސާދީ މައްސަލަތަކުގެ ތެރޭގައި ރިޒާވް މަދުވެ، ލޯނު ނުދެއްކިދާނެ ކަމުގެ ބިރު އެންމެ ބޮޑު ގައުމުތަކުގެ ތެރެއަށް ރާއްޖެ ލައިފަ އެވެ.
ނަމަވެސް ރާއްޖޭގެ މާލީ ވަޒީރު މީޑީއާގައި މިއަދު ވިދާޅުވީ، ރާއްޖޭގެ އިގްތިސާދުގެ ހަރަކާތްތައް ރަނގަޅަށް ހިނގާ ކަމަށެވެ. އަދި ޓޫރިސްޓުން އަންނަ ވަރު ވެސް 2019 ވަނަ އަހަރުގެ އަދަދާ ގާތްކުރާ ކަމަށް ވިދާޅުވި އެވެ.
އޭނާ ވިދާޅުވީ، ރާއްޖޭގެ ދަރަނި ދެއްކުމުގައި އެއްވެސް ދައްޗެއް ނެތް ކަމަށެވެ. އަދި ބަޖެޓުގައި ކަނޑައަޅާފައިވާ ގޮތަށް ދަރަނި އަދާކުރަމުން އަންނަ ކަމަށް ވިދާޅުވި އެވެ. އެހެންވެ، އިގްތިސާދު ޑީފޯލްޓަކަށް ދިއުމުގެ އެއްވެސް ބިރެއް ނެތް ކަމަށް އަމީރު ވިދާޅުވި އެވެ.
"އަޅުގަނޑުމެންގެ ޖީޑީޕީގެ ގްރޯތް 13 ޕަސެންޓާއި 18 ޕަސެންޓާ ދެމެދުގެ މިންވަރަކަށް ކުރިއަރާނެ،" އޭނާ ވިދާޅުވި އެވެ.
ޖޭޕީ މޯގަންގެ ރިޕޯޓާ ގުޅޭ ގޮތުން އަމީރު ވިދާޅުވީ، އެ ރިޕޯޓުގައި ފާހަގަކޮށްފައިވާ ގައުމުތަކުގެ ހާލަތާއި ރާއްޖެއާ ވަރަށް ތަފާތު ކަމަށެވެ. އޭނާ ވިދާޅުވީ، ރާއްޖޭގެ އިގްތިސާދީ ހަރަކާތްތަކުން އެކަން ސާފުވާ ކަމަށެވެ. އަދި ދައުލަތުގެ ޓެކްސް އިދާރާ މީރާ އަށް ކޮންމެ މަހަކު ވަންނަ ޑޮލަރުގެ އާމްދަނީން ވެސް އެކަން އެނގޭނެ ކަމަށް ވިދާޅުވި އެވެ.
މިދިޔަ ހަތަރު މަހު މީރާ މެދުވެރިކޮށް 316 މިލިއަންގެ އާމްދަނީއެއް ޑޮލަރުން ލިބިފައިވެ އެވެ. އަދި މިދިޔަ ހަތަރު މަސް ދުވަހުގެ ތެރޭގައި މީރާ އަށް 7.4 ބިލިއަން ރުފިޔާގެ އާމްދަނީއެއް ލިބުނެވެ.
ފިނޭންސް މިނިސްޓަރު ވިދާޅުވިގޮތުގައި، ރާއްޖޭގެ ރިޒާވް ހުސްވުމުގެ އެއްވެސް ބިރެއް ނެތެވެ. ރިޒާވް މެނޭޖު ކުރުމުގައި ރަނގަޅު އުސޫލުތަކެއް ގެންގުޅޭ ކަން ވެސް ފާހަގަކުރެއްވި އެވެ.
އެމްއެމްއޭގެ ތަފާސްހިސާބުތަކުން އެނގޭ ގޮތުގައި މިދިޔަ އަހަރު ނިމުނު އިރު ދައުލަތުގެ ރިޒާވް ހުރީ 805 މިލިއަން ޑޮލަރުގަ އެވެ. އަދި މާޗް މަސް ނިމުނު އިރު ދައުލަތުގެ ރިޒާވް ވަނީ 865 މިލިއަން ޑޮލަރަށް އަރައިފަ އެވެ. މި އަހަރުގެ ފުރަތަމަ ތިން މަހުގައި ރާއްޖޭގެ ރިޒާވް 700 މިލިއަން ޑޮލަރަށް ވުރެ މަދެއް ނުވެ އެވެ.
"މިހާރު ބައްލަވާ ރިޒާވް. މިހާރު ގާތްގަނޑަކަށް 800 މިލިއަންގަައި ހުރީ. ރިޒާވަށް ބެލިއަސް އެނގޭނެ އެ ފަަދަ ކަމެއް ނޫޅޭކަން،" އޭނާ ވިދާޅުވި އެވެ.
ޖޭޕީ މޯގަންގެ ރިސާޗް ރިޕޯޓުގައިވާ ގޮތުން، ރާއްޖޭގެ ރިޒާވް އަންނަ އަހަރު މަދުވެ ލޯނު ނުދެއްކިދާނެ ކަމުގެ ބިރު އެބަ އޮތެވެ.
އަމީރު ވިދާޅުވީ، ރަޝިޔާ އާއި ޔޫކްރެއިންގެ ހަނގުރާމައާ ގުޅިގެން ރާއްޖޭގެ އިގްތިސާދަށް ވެސް ގޮންޖެހުންތަކެއް އެބަ ހުރިކަމަށެވެ. އޭނާ ވިދާޅުވީ، ދުނިޔޭގެ ބާޒާރުގައި ތެލުގެ އަގު އުފުލެމުންދާތީ ރާއްޖޭގެ ތަކެތީގެ އަގު ބޮޑުވާނެ ކަމަށެވެ. އަދި ތެލަށް ކުރާ ހޭދަ ހަތަރު ގުނައަށް އިތުރުވާނެ ކަމަށް ވިދާޅުވި އެވެ.
ތެލުގެ ސަބްސިޑީ އަށް ބަޖެޓުގައި 340 މިލިއަން ރުފިޔާ ވަނީ ކަނޑައަޅައިފަ އެވެެ. އެ އަދަދު ހަތަރު ގުނައަށް އިތުރުވެއްޖެ ނަމަ 1.3 ބިލިއަން ރުފިޔާ އަށް ތެލުގެ ސަބްސިޑީ އަރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެއެކޮނަމިސްޓު
26 May 2022
ދަރިންނޭ ހެޔޮނުވާނެ އަމީރުމެން ޣަރީބުމެން ދައްކާވާހަކައަޑުނާހާށެވެ އެޢީއެއާރޕޯޓައްފަިބާމަދުމީހުންކޮޅުފެނިފަރަންބުއްދިވެގެންއުޅޭބައެކެވެ ރަސިޔާގެ ހަގުރާމައައް ދުލެއްދިނުމުގެއެއްވެސްވިސްނުމެއް ޕުޓިންގެއަދިއެއްނެތެވެ.އަދި ނޭޓޯއާޔޫރަޕާގުޅިހަގުރާމަހޫނުކުރާނަމަ ރަސިޔާއެމީހުންގެނަފުސުގެ ދިފާޢުގަކަމައްބުނެ ނުރައްކާތެރިހަތިޔާރުގެބޭނުންކޮށްފާނެ އެހެންވެއްޖެނަމައެއާރޕޯޓުންތިފެންނަދޮންމީހުންކޮޅެއްްވެސްނުފެންނާނެ!ދަރަންޏެއްވެސްނުދެއްކޭނެ ދަރަންޏައްދޭނެޤައުމެއްވެސްނުވާނެ.ކުރިމަތީއޮތްރިޔާސިީއިންތިޙާބުގެދަހިވެތިކަމުގާމީހުންރުއްސަންނުފޯރާފޮތިންފޫގަޅަމުންރައްޔިތުންގެތެރެއިން ބަޔަކުރުއްސަމުންތިޔަގެންދަވަނީ ޢާޚިރުގަހަމަ ލަންކާއައްޖެހުނުހާލުޖެހުމަކީީވަރައްގާތްކަމެއް އެހެންވެއްޖެނަމަލަންކާއައްވުރެހާލުބޮޑުވާނެ!ޚަރަދުކޮންޓުރޯލްކުރޭ!
ހެޔޮމަށަށް
26 May 2022
އަހަރެން ގަބޫލުކުރާނީ މޯގަން ދައްކާ ވާހަކަ. އަމީރަށްވުރެ އޭނަ މޮޅުވާނެ ޔަގީނުންވެސް. އަމީރުމެން ފޮރުވާފަ އޮންނަ ބައި އެމީހުންނެއް ނުފޮރުވާނެ.
ޔާނު
26 May 2022
މަ ނުދެގެން މިހާ ނުދަންނަ މީހަކު ފިނޭންސް މިނިސްޓަރަކަށް މި ގައުމުގަ ހުރި ދުވަހެއް. ގާސިމު މެން ވެސް ނުކިޔަވާ ތިއްބަސް މިއަށްވުރެ ތޫނުފިލި.
ނުވިސްނޭ
26 May 2022
މިނިސްޓަރ އަމީރު ދައްކާ ވާހަކަ އާ ގައުމުގެ ދަރަނީގެ ހިސާބާ ދިމާނުވޭ. ހަރަދައް ޒިންމާވާގާނޫނު ބުނާގޮތާ ހިލާފުވެ އެ ޒިންމާ ނެގިފައި ނުވޭ. ދަރަނި ހުންނަންވާނީ އުފެއްދުންތެރިކަމުގެ ނިސްބަތް ބޮދުވެގެން 60 ޕަސެންޓު. ނަމަވެސް 117 ޕަސެންޓު އައް އަރާފަ ވަނީ. ވީމާ މިކަން މިއައްވުރެ ރަނގަޅައް ދަންނަ މީހަކު މި މިނިސްޓްރީއައް ލުން ބުއްދިވެރި.
ާބާބޫ
26 May 2022
ސަރުކާރުން ކުރާ ބޭކާރު ޚަރަދު ބޮޑުތަނުން ކުޑަކުރަންޖެހޭ. ދުވަސްތައް ފާހަގަ ކުރުމާއި، އިނާމުތައް ދިނުމާއި، ކޮންމެހެން ކުރަންޖެހޭ ދަތުރެއްނޫނީ ނުކުރުމާއި، އަސާސީ ތަކެތީގެ އަގުތައް ކޮންޓްރޯލްކުރުމާއި، މިވަގުތައް މުސާރަތައް ބޮޑުނުކުރުމާއި ، ވީހާ ވެސް ބޮޑަށް އިޤްތިޞާދުކުރުމަށް ރައްޔިތުންނަށް ނަޞޭޙަތްތެރިވެ، އުފެންދުންތެރިކަން އިތުރުކުރުމަށް ތަފާތު ކަންކަން ރާވާ ރަށުފެންވަރުގައާއި ޤައުމީ ފެންވަރުގައި ގެންދަންޖެހޭ............
ޖަމީލުބެ
26 May 2022
ދެތިން އަހަރު ކުރިން އޮތް ހަވާ އެރުވުމާއި ނާޗަރަންގީ ކުޅުމުގެ ސަގާފަތް ވަރަށް ބޮޑުތަނުން ކުޑަކަން ފާހަގަ ކުރެވޭ! މިކަން ފާހަގަ ކުރެވޭނީ ފާހަގަ ކުރަން ބޭނުންވާ މީހާއަށް!
ޖަމީލުބޭ
26 May 2022
ވެރިންގެ ދަތުރުތަކަށް އިންތިހާއަށް ޚަރަދުވާކަން ފާހަގަނުވާނެ ފާހަގަ ކުރަން ބޭނުންނުވާ މީހާއަށް.
ދޮގު ސަރުކާރު އިސްތިއުފާ
26 May 2022
މިކަލޭގެއަށް ފެންނަނީ މިވަގުތު ލިބޭ ފައިސާއެކަނި. މީގެ ހަމަސް ފަހުން ނޫނި 1 އަހަރު ފަހުން ވާނެގޮތް ހަގީގަތާ އެއްގޮތަށް ރައްޔިތުންނަށް ބުނެދޭން ނޭގޭ ފިނޭންސް މިނިސްޓަރެކޭ ވާންޗޯއެކޭ ތަފާތެއްނެތް. ކަލޭ ތިކަން ދޫކޮއްފަ ކޮންމެސް އެހެން ކަމަކާ އުޅެބަލަ ކިހާ ބޮޑުވެއްޖެ ކަމެއްތަ
ހުޝާމް
26 May 2022
ހާތްތެރި. މީނައެކޭ ރާޖަބަކްސައެކޭ އެއްވަރެއްނު. އޭނަވެސް ބުނި ގައުމު އޯކޭއޭ އިގްތިސާދު އޯކޭއޭ ކިޔާފަ ރައްޔިތުންނަށް ހަގީގަތް ފޮރުވީ.މީނަވެސް މިއަންނަ އަހަރުގެ އިންތިހާބަށް ކަންކަން އެފޮރުވަނީ .ރައްޔިތން ހޭލާ ތިބޭތި. މިބައިގަނޑު އިންތިހާބު ކާމިޔާބު ކުރަން މިކަހަލަ ކިތަންމެ ދޮގެއް އަދިވެސްހަދާނެ. އެހެން ގައުމުތަކުގައި ރައްޔިތުން ކައިރި ސަރުކާރުން ބުނަނީ ދަތިދުވަސްތަކެކޭ ކުރިއަށް އޮތީ.. އިގްތިސާދުކުރާށޭ ޔޫކްރޭން ހަގުރާމައިގެ އަސަރުކުރާނޭ.
އިކޮނިމިސްޓް
26 May 2022
ހެލޯ އަމީރު. ކޮން ކަހަލަ ހިސާބެއް ތިޖަހަނީ؟ ސަޕްލައި ސައިޑް ޝޮކް އަންނާނީ ވަގުތަކުން ނޫން. މިހާރު ކުރާ ޔޫކްރޭން ހަގުރާމައިގެ އަސަރު ރާއްޖެއަށް ކުރާނީ މިއަންނަ އަހަރު. އެއީ އެމެރިކާ ބޭންކުން އެޖަހާ ހިސާބަކީ. ޔޫރަޕްގައި ތެލާ ކާނާ އަގުބޮޑުވަމުންދާއިރު، މިއަންނަ އަހަރު ރާއްޖެއަށް ޔޫރަޕުން އަންނަ މީހުން މަދުވާނެ އެމީހުން ސޭވިން މޯޑަށް ދާނީ ދެން އެއްޗިހި އަގުބޮޑުވީމަ. ބޭންކު ތަކުން ލޯނެއްވެސް ފަސޭހައަކުން އޭރަކަށް ނުލިބޭނެ. ކޯޗެއްތަ ފޮރުވަން ތިއުޅެނީ؟؟
މޮޔަނުގޮވާ!
26 May 2022
ޔޫކްރޭން ހަގުރާމައާ ހެދި ޑީސަލާ ގޭހުގެ އަގު އެތައް ތަނެއް މައްޗަށް ގޮއްސި ދުނިޔޭގައި އަދި ރާއްޖޭގައިވެސް ޑީސަލް ލީޓަރެއް މިހާރު ލިބެނީ 16.30 ރުފިޔާ އަށް ވުރެ މަތިން. މިދިޔަ އަހަރު 10 ރުފިޔާއަށް ލިބުނު ލީޓަރެއް. ޔޫރަޕަކީ އަމިއްލައަށް ތެޔޮ އުފައްދާ ބައެއް ނޫން. ދެން ކާބޯތަކެތި އެކަމާ ހެދި މިއަގުބޮޑުވަނީ. ދެން މިވާގޮތަކީ ދިރިއުޅުމަށް ކުރަންޖެހޭ ހަރަދު ބޮޑުވަނީ ޔޫރަޕްގަވެސް. ދެން އެމީހުން ޗުއްޓީއަށް އަންނަން ހުންނަ ފައިސާ މަދުވަނީ. ދެނޯ އަމީރޫ؟
އޮޅުވާނުލާ!!!!!
26 May 2022
އަމީރު ބުނަން ރަނގަޅު ވާހަކައެއް.އަހަރުމެންނަށްވެސް އިގޭ މިއަންނަ އަހަރު ރިޔާސީ އިންތިހާބު އޮތީމަ ސަރުކާރަށް ސަޕޯޓު ދަމަހައްޓަންޖެހޭކަން. އެކަމަކު ތިހާވަރަށް ކަންކަން ފޮރުވާކަށް ނުވާނެ. އަސްލު ވާގޮތް ފޮރުވާފައި އިގްތިސާދު އޯކޭއޭ ދަރަންޏެއްނުވޭ ބުނީމަ ރައްޔިތުމީހާ ފަހަށް ފައިސާ ރައްކަލެއްނުކުރާނެ.އޭރަށް ދެން ޔޫކްރޭން ހަގުރާމައާ ހެދި ތެލާކާބޯތަކެތި އަގުބޮޑުވެގެން މިއަންނަ އަހަރު ޔޫރަޕުން ރާއްޖެ އަންނަ ޓުވަރިސްޓުން މަދުވާނެ.ދެން އާމުދަނީ ދާނީ ދަށަށް