ބިމު ކުލި ކުޑަކުރަން ޓޫރިޒަމްގެ ގާނޫނަށް އިސްލާހު ގެންނަން މަސައްކަތް ފެށީ ރަޝިޔާ-ޔޫކްރެއިން ހަނގުރާ ފެށުމުގެ ކުރިން
ރާއްޖޭގެ ރިސޯޓެއް. ރިސޯޓު ކުލި ކުޑަ ނުކުރަން ސަރުކާރުން ވަނީ ނިންމާފައި--
25 މެއި 2022 - 16:45
38 comments
ޓޫރިޒަމްގެ ގާނޫނަށް އިސްލާހު ގެނައުމަށް ރައްޔިތުންގެ މަޖިލީހަށް ހުށަހެޅި ބިލުން ރިސޯޓުތަކުގެ ބިމުގެ ކުލި ކުޑަކުރުމުގެ ބައި އުނިކުރަން ރައީސް އިބްރާހިމް މުހައްމަދު ސޯލިހް ނިންމެވުމުން ކުލި ކުޑަކުރުމުގެ ބައި އަނބުރާ ގެންދަން ނިންމާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
މިއަަދު ބޭއްވި ނޫސްވެރިންގެ ބައްދަލުވުމުގައި އަމީރު ވިދާޅުވީ، ބިމު ކުލި ކުޑަކުރަން ޓޫރިޒަމްގެ ގާނޫނަށް އިސްލާހު ގެންނަން މަސައްކަތް ފެށީ ރަޝިޔާ-ޔޫކްރެއިން ހަނގުރާ ފެށުމުގެ ކުރިން ކަމަށެވެ. މި ވަގުތު ދުނިޔޭގެ މުޅި އިގްތިސާދީ ހާލަތު ބަދަލުވެފައި ވާތީ މިކަމުގައި މަޝްވަރާކޮށް މިހާރު ވަނީ އެ ހުށަހެޅުން އަނބުރާ ގެންދަން ނިންމާފައި ކަމަށް އޭނާ ވިދާޅުވި އެވެ.
"މިހާރު ހާލަތު ބަދަލުވެފައި އޮތުމުން އަޅުގަނޑުމެންގެ ވިސްނުމެއް ނެތް މަޖިލީހުން އެ ބިލް [އެގޮތަށް] ފާސްކުރާކަށް،" އޭނާ ވިދާޅުވި އެވެ.
ކުލި ކުޑަކުރުމުގެ އިސްލާހު އަނބުރާ ގެންދަން ނިންމި ނަމަވެސް މުޅި ބިލް އަނބުރާ ގެންދާކަށް ނުނިންމަ އެވެ.
މިއަދު ރައީސް އޮފީހުގައި ބޭއްވި އިގްތިސާދީ ކޮމިޓީގައި ވަނީ ރިސޯޓް ކުލި ކުޑަކުރުމުގެ ހުށަހެޅުން އަނބުރާ ގެންދަން ރަސްމީކޮށް ނިންމައިފަ އެވެ.
ރިސޯޓު ކުލި ކުޑަކުރާ ބިލް މަޖިލީހުން ނަގަން ސަރުކާރުން ނިންމުމުގެ ކުރިން މި ބިލާ ގުޅޭ ގޮތުން އިގްތިސާދީ ކޮމިޓީގައި ގަވަރުނަރު އަލީ ހާޝިމް ވިދާޅުވީ، ރިސޯޓުތަކުގެ ކުލި ކުޑަކުރުން ފަދަ ދައުލަތަށް އާމްދަނީ ދަށްވާ ކަންކަން މި ވަގުތު ކުރުމަކީ ކޮށްގެން ވާނެ ކަމެއް ނޫން ކަމަށެވެ.
ގަވަރުނަރު ވިދާޅުވީ، ރަޝިޔާ-ޔޫކްރެއިން ހަނގުރާމައާ ގުޅިގެން މުޅި ދުނިޔޭގެ އިގްތިސާދަށް ބަދަލުތަކެއް އަންނަމުންދާ އިރު ރާއްޖޭގެ އާމްދަނީ އަށް ހުރަސް އެޅޭ ފަދަ ކަންކަން ކުރުން އެއްގޮތަކަށް ވެސް ރަނގަޅު ނޫން ކަމަށެވެ. "މިހާރު ޔޫކްރެއިން މައްސަލަ އާއި ސަޕްލައި ސައިޑް ޝޮކްތައް އަންނަ އިރު ރެވެނިއު ދަށްވާ އެކްޝަންތަކެއް ނެގުން ބުއްދިވެރިއެއް ނޫން. އެ ގައުމުގައި ވެސް [ލަންކާގައި] އެކަހަލަ މައްސަލައެއް ދިމާވެގެން މިހާރު އެހެރީ އައިއެމްއެފަށް ދާ ހިސާބަށް ގޮސްފައި،" އޭނާ ވިދާޅުވި އެވެ.
ޓޫރިޒަމްގެ ގާނޫނަށް ގެންނަ އިސްލާހުގެ ތެރެއިން ރިސޯޓުތަކުގެ ކުލި ކުޑަކުރާ ނަމަ ދައުލަތަށް ލިބޭ އާމްދަނީން 590 މިލިއަން ރުފިޔާ ގެއްލޭނެ ކަމަށް ޓެކްސް އިދާރާ، މީރާއިން ވެސް ބުނެފައިވެ އެވެ.
މިވަގުތު ވެސް ރިސޯޓުތަކުގެ ބިމު ކުލީގެ ގޮތުގައި ދައުލަތަށް 12 ރިސޯޓަކުން 665 މިލިއަން ރުފިޔާ ނުލިބި އެބަ އޮތެވެ.
އެވްރެޖްކޮށް އަހަރެއްގެ މައްޗަށް ރިސޯޓު ކުލީގެ ގޮތުގައި 1.6 ބިލިއަން ރުފިޔާ ލިބެ އެވެ. އެހެންވެ ރިސޯޓު ކުލި ކުޑަކުރުމުން އާމްދަނީގެ ގާތްގަނޑަކަށް 40 ޕަސެންޓުގެ ދަށްވާނެ އެވެ.
ރިސޯޓް ބިމު ކުލި ކުޑަކުރުމުގެ އިސްލާހަށް އާންމުންގެ ފަރާތުން ވެސް ބޮޑެތި ފާޑުކިޔުންތައް އަމާޒުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
26 May 2022
ރިސޯޓްތަކުގެ ބިމު ކުލި ކުޑަކުރާނަމަ ތިލަފުށްޓާއި ހުޅުމާލެއިން ކުއްޔަށް ދީފައިވާ ފިހާރަތަކާއި ބިންތަށް އަދި ދަނޑުވެރިކަމަށް ދޫކޮށްފައިވާ ފަޅުރަށް ތަކުގެ ކުލިވެސް ކުޑަކޮށް ދެން ޖެހޭނެ. ހަމައެކަނި މޮޅުގޮތް އޮންނަން ޖެހޭނީ ރިސޯޓު ހިންގާމީހުންނަށް އެކަޏެއް ނުން.
ފާނަކޮށި
26 May 2022
ރަނގަޅު ނިންމުމެއް........
ކަޅު ކަލޯ
26 May 2022
ބިމު ކުލި ކުޑަކޮށް ޓީޖީއެސްޓީ %17 އަށް ޖެއްސުމުން ދައުލަތަށް ވަންނަ އާމްދަނީ ބޮޑުވެ އިގްތިސާދަށް ފައިދާ ބޮޑުވާނެ ކަމަށް ފެނޭ. ރިސޯޓުގެ ބިމު ކުއްޔަކީ ހަދަމުންދާ އަދި އަލަށް މާކެޓަށް ނުކުންނަ ރިސޯޓު ތަކަށް މާލީ ބޮޑު ބުރައެއް.
ާއުނިމާ
26 May 2022
ރިސޯޓު ކުލި ކުޑަކުރިޔަސް ފައިދާ ބޮޑުވާނެ: މައުސޫމް، ލޮލް!
ޢަމުރު
25 May 2022
ޜިސޯޓު ކުލި އަދި ރިސޯޓުން ބިމުކުލި ކުރިން ޑޮލަރުން ދެއްކި ގޮތަށް ދެއްކުމަށް އަމުރު ކުރަން. ރިސޯޓު އޯނަރުން ބޭނުންވާގޮތައް ކޮށްފަ ޢިންކަމެއް . ސަރުކާރުގެ ވެރިންނަށް މިކަން ކޮށް ދިނުމުން ބައިއެޅޭނެ. ޢެކަކީ ސޯލިހު، މަސޫމް....މިހެން ގޮސް.. ފިނޭންސް.އެމްއެއެމް އޭ
ޢަރުތަ
25 May 2022
ޓުއަރިޒަމުން ދައުލަތަށް ލިބޭ އެއްވެސް އާމްދަނީ އެއް އުނިކޮށް ނޫނީ މަދުކުރަން ޖެހޭ އެއްވެސް ސަބަބެއް ނެތް، ދުނިޔޭގެ އިޤްތިސާދަށް އަންނަ ބަދަލެއްގެ ސަބަބުން ޓުއަރިޒަމް ވިޔަފާރިއަށް ހީނަރުކަމެއް އައިނަމަވެސް (ދުވަސް ކޮޅަކަށް) ވިޔަފާރި ފެށުނީއްސުރެ ރިސޯޓު އޯނަރުންގެ އަހަރީ ސާފު ފައިދާ އެތައް މިލިއަން ޑޮލަރަކަށް އަރާއިރު ދޭތެރެއަކުން ދިމާވާ އިޤްތިސާދީ ހީނަރުކަމޭ ކިޔާފަ ތިގޮތަށް ތިކަން ކުރީމަ ދައުލަތަށް ލިބޭ ގެއްލުން މާބޮޑު.
ދަތްނެތްކުއްޖާ
25 May 2022
މަނިކުފާނޫ! ތިމާމެންނަށް ހޭބުއްދި އައިސް ވިސްނެންފެށީ އަދި ކިރިޔާ ދޮތަ! ބަލަ ދުނިޔޭގައި ތިބި ބިޔަ ބޮޑު އިކޮނޮމިސްޓުން އެ ބުނަނީ އޭ ރާއްޖެ އޮތީ ވަރަށް ނާޒުކު ފައްތަރެއްގައޭ! ތަމެންގެ ބޯހަރު ކަމުން އެއްވެސް އަޑެއް އަހާކަށް ބޭނުން ނުވެ ތިބެ އެވެރިންނަށް ގޮންޖަހާފައި މިހާރު ތިހަރަ މައިތިރި ވަނީއޭ ބުނާކަށް މަމެން ނެތީމުއެވެ. ވ ވެދުން.
ޝަފީރު
25 May 2022
ޤައުމުގެ ފައިދާއަށް އަޅާކޮންމެ ފިޔަވަޅެއް ރައްޔިތުން ދެކެނީ ދިމާ އިދިކޮޅަށް. މިދެންނެވީ މިސަރުކާރުން އިސްލާޙުކުރާ ސިޔާސަތު ރައްޔިތުން ބަލައިގަންނަނީ ތިޔަހަދަނީ ގޯހެކޭ ތިޔަކަން ނުކުރާާށޭ ގޮވައި ސަރުކާރު ފަހައިގަންނަން ޖެހޭކަމަށޭ ދެކެނީ. ކުލިކުޑަކޮށްފައި ރިސޯރޓު އިތުރު ކުރީމާ ވާގޮތަކީ 300000.00 ޑޮލަރ ލިބޭ އޯނަރަށް 350000.00 އަށް ބަދަލުވެ މިރިސޯޓުން ސަރުކާރަށް ދެއްކު 5000.00 ޑޮލަރގެ ބަދަލުގައި 3500.00 ޑޮލަރ ދައުލަތަށް ލިބުން.
ކަކުނިބޯ
26 May 2022
ޙެހެހެ މިއުޅެނީ ނުވިކިގެން އަގުވައްޓަންތަ ކޮޓަރީގެއަގު؟ނޫން މިއުޅެނީ ރިސޯޓްހަދަން ކުރިމަތިލާމީހުން މަދުވެގެންތަ؟ނޫން ކުލި ކުޑަކޮށްފިއްޔާ ކޮޓަރި ވިއްކާއަގަށް ބަދަލެއް އަންނާނެތަ ގިނަ މީހުންގެންނަން؟ނުވާނެ އެހެންނެއް ކުލި އެއީ މެޓީރިޔަލް ކޯސްޓެއްތަ ހަރަދު ޕަރ ބެޑަށް ބަހާލުމުން ؟ ނުވާނެ
ޅިންޑި
25 May 2022
ޢުނިކުރީ ޕުރެސަރުވޮޑުވީމަ. ވާންކުރާވަރަކަ ވިސްނޭލެއް އަވަސްވާނެ.
ސދހޖރފޖކދސަފ
25 May 2022
ވަރަށް އުފާވެރި ޚަބަރެއް. ޝުކުރިއްޔާ
ބޮޑުމީހާ
25 May 2022
ޝުކުރު އަދާ ތިކުރަނީ ވާނުވާ ބަލާފަތަ. އުނި ކުރަން ހުށަހެޅީވެސް ސަރުކާރުން
ަދޗަސދަސދ
25 May 2022
"އުނި ކުރަން ހުށަހެޅީވެސް ސަރުކާރުން" - ތެދެއް. ނަމަވެސް، އަޅުގަނޑު ދެކޭ ގޮތުން، ސަރުކާރުގެ އެއް މުއައްސަސާ އާއި އަނެއް މުއައްސަސާ ދެބަސްވެ، އެ ދެބަސްވުން ޙައްލުކުރެވުމަކީ ރަނގަޅު ސަރުކާރެއްގެ ނިޝާނެއް.
ާއުނިމާ
26 May 2022
ކުލިކުޑަކުރަން ނިންމީ އޮޅިގެން- ސަރުކާރު