މުއްދަތު ހަމަވެފައި ހުރި ވެކްސިނެއް ކުޑަކުދިންތަކަކަށް ދިން މައްސަލައެއް ބަލަނީ

މުއްދަތު ހަމަވި ފަހުން ކުޑަކުދިންގެ ގަޔަށް ޖެހި ކަމަށް ބުނާ ވެކްސިން ވަޔަލް އެއް.-- ޓްވިޓާ ފޮޓޯ: އުޝާމް

އާސިމާ ނިޒާރު، މިހާރު

27 މެއި 2022 - 00:41

މުއްދަތު ހަމަވެފައި ހުރި ވެކްސިނެއް ވިލިމާލެ ހޮސްޕިޓަލުން ކުޑަކުދިންތަކަކަށް ދިން މައްސަލައެއް ހެލްތު މިނިސްޓްރީން ތަހުގީގުކުރަން ފަށައިފި އެވެ.

މިނިސްޓަރު އަހުމަދު ނަސީމް "މިހާރު" އަށް ރޭ ވިދާޅުވީ، މުއްދަތު ހަމަވެފައި ހުރި ވެކްސިން ޖެހި ކަމުގެ ޝަކުވާތަކެއް ލިބިފައިވާ ކަމަށެވެ. އެކަން އިތުރަށް ބަލަމުން އަންނާތީ އެ ކުދިންގެ ގަޔަށް ޖެހީ ކޮން ކަހަލަ ވެކްސިނެއް ކަމެއް ސާފެއް ނުވެ އެވެ.

"އެއީ ހިނގި ކަމެއް ކަމަކަށް އަދި ނޭނގޭ. އެކަން ތަހުގީގުކުރީމާ އެނގޭނީ،" މިނިސްޓަރު ވިދާޅުވި އެވެ.

ކުޑަކުދިންތަކަކަށް ދުވަސް ހަމަވެފައިވާ ވެކްސިންއެއް ވިލިމާލެ ހޮސްޕިޓަލްގައި ދީފައިވާ ކަމުގެ ޝަކުވާ ވިލިމާލޭގެ ގިނަ ރައްޔިތުންގެ ފަރާތުން އެބަލިބޭ. މިއީ ވަރަށް ސީރިއަސް މައްސަލައެއް. މިފަދަ ކަމެއް ހިނގާފައިވާ ގޮތެއް ސަރުކާރުން ސާފުކޮށްދޭން ޖެހޭ. @KerafaNaseem @HPA_MV @igmhmv pic.twitter.com/gjlnpZL3s2
— Ahmed Usham (@a_usham) May 26, 2022

ވެކްސިން ވަޔަލްގެ ފޮޓޯއަކާއެކު ވިލިމާލެ ދާއިރާގެ މެމްބަރު އަހުމަދު އުޝާމް ކުރެއްވި ޓްވީޓެއްގައި ވިދާޅުވީ، މުއްދަތު ހަމަވެފައިވާ ވެކްސިނެއް ދީފައިވާ ކަމުގެ ޝަކުވާ އެ އަވަށުގެ ގިނަ ބައެއްގެ ފަރާތުން ލިބޭ ކަމަށެވެ. އެއީ ވަރަށް ސީރިއަސް މައްސަލައެއް ކަމަށާއި އެކަން ހިނގާފައިވާ ގޮތެއް ސަރުކާރުން ސާފުކޮށްދޭން ޖެހޭނެ ކަމަށް އުޝާމް ވިދާޅުވި އެވެ.

އެ ފޮޓޯގައިވާ ގޮތުން ފެބްރުއަރީ 2020 ގައި އުފެއްދި އެ ވެކްސިން ވަނީ މިދިޔަ ޖެނުއަރީ އެކެއްގައި މުއްދަތު ހަމަވެފަ އެވެ.

އެމެރިކާގެ ސެންޓާ ފޯ ޑިޒީސް ކޮންޓްރޯލް އެންޑް ޕްރިވެންޝަން (ސީޑީސީ) ގެ ވެބްސައިޓުގައި ބުނީ މުއްދަތު ހަމަވެފައިވާ ވެކްސިނެއް ޖަހައިފި ނަމަ އެ ވެކްސިން އަލުން ޖަހަން ޖެހޭނެ ކަމަށެވެ. ނަމަވެސް މުއްދަތު ހަމަވި ޑޯޒަކީ ލައިވް ވައިރަސް ވެކްސިނެއް ނަމަ، އެ ޑޯޒް ރިޕީޓްކުރަން މަދުވެގެން ހަތަރު ހަފުތާ މަޑުކުރަން ޖެހޭނެ އެވެ. އެކަމަކު، އެ ދުވަހު އެކަން ދެނެގަނެވިއްޖެ ނަމަ، އެ ޑޯޒު ހަމަ އެ ދުވަހު ރިޕީޓް ކުރެވޭނެ ކަމަށް ސީޑީސީގެ ވެބްސައިޓުގައި ބުންޏެވެ.

ކުޑަކުދިން ވިލިމާލެ އަހުމަދު ނަސީމް، ހެލްތު މިނިސްޓަރު ވެކްސިން ދިނުން ހެލްތު މިނިސްޓްރީ އަހުމަދު އުޝާމް (އެޓާނީ ޖެނެރަލް)

13 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަށި

28 May 2022

އެމީހުން ބުނީ ޑަބްލިއުއެޗުއޯ ގުޅާފަ ބުނިއްޔޯ އޯކޭ ވާނެޔޭ މިވަރުން އަދި. މާގިނަދުވަހެއް ނުވެޔެއްނޫންހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަޖުރިބާ

27 May 2022

ކުދިންނަށް ވެކްސިން ދޭ އިރު ބައެއް އެހެން ޤައުމުތަކުގައި ދުވަސްހަމަވާ ތާރީޚު ބެލެނިވެރިޔާއަަށް ދައްކާފައި ވެކްސިން ޖަހަނީ، އަދި ވެކްސިން ފޮތުގައި ވެސް ޖަހާ ވެކްސިންގެ ފުޅީގައި އިންނަ ސްޓިކަރ ހަރުކުރޭ، އެ ސްޓިކަރ ގައި ޖެހި ވެކްސިން ނަން އަދި އުފެއްދި ތާރީޚު އަދި ދުވަސްހަމަވާ ތާރީޚު ވެސް އިނދޭ ލިޔެފަ. މިގޮތަށް ކަންކުރުމުން ތިޔަ ފަދަ މައްސަލަތައް ދިމާވުން ކުޑަވާނެކަމަށް ބެލެވޭ، އަދި ސަމާލުކަން ދޭ މިންވަރުވެސް ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިކަން

27 May 2022

ކެރަފާ އިސްތިއުފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

27 May 2022

މދޫކޮށްލަން ވާ ވަރުގެ މައްސަލަ އެއް ނޫނެވެ، އެބަޔަކު ވަޒީފާ އިން ވަކި ކުރަން ޖެހެ އެވެ. ބަޔަކުގެ ފުރާނަ ދާފަދަ ނުރައްކާ މަައްސަލަ އެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

27 May 2022

މިފަދަ ކަމެއްް ވެސް މިހިނގީ ތަމެންގެ ވެރިކަމުގަ ދޯ.!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޕީޑީފެކުސަނު

27 May 2022

ހައްހާ ޔާނު ވެރިކަމުގަ އެޗް.އައި.ވީ ލޭ އަޅާ ދިވެހި ދެމަފިރިޔަކު މަރާލުމުގެ ޖަރީމާއާ ކުޑަ ކުޖެއްގެ ބޯ ބުރިކޮށްލައިގެން ވިއްސި ޖަރީމާ ފަދަ އެތަށް ޖަރީމާއެއް ހިނގި އިރު ކަލޭމެން ކޮބާ ފެއިލް ފެއިލް ކިޔާ އަނގަ އައްޕަޗޭ ހަދައިގެން ނުނިކުމޭ.. ބަޔަަކު ހަނދާން ނެތުނަސް އަހަރެމެން ހަދާން އެބަހުރި…. ތިޔަ އަދި ތުހުމަތެއް ބެލީމަ އެނގޭނީ އަސްލެއްތޯ ނޫނީ ޕީޕީ ޑީފެކުސަނުން ހަދައިގެން އުޅޭ ފިތުނައެއް ތޯ ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިހާވަރުކަމެއް ވެދާނެ

27 May 2022

ވަކިބަޔަކު ދިނީމާތަ މައްސަލަޔަކީ. ތި ކޮވިޑްވެކްސިންވެސް މުއްދަތު ހަމަވީމަ ބުނީ އދ އިން އަނެއްކާ އިތުރު 6 މަސް މުއްދަތަށް ލައިފިޔޯ. އެންމެން ގަޔަށް ޖެހީ އޭގައި އޮތް މުއްދަތު ހަމަވިފަހުން. އެހެންވީމާ ތީގެ މުއްދަތުވެސް އދ އިން އިތުރު ކުރީ ތޯއްޗެއް. ފަހަރެއްގައި ނަސީމްބެ ވެސް އެކަން ކޮށްފާނެ. އޮފީހަށް ވަދެވޭއިރުވެސް ވަދެވޭތަން މިހާރު ނޭނގޭ ކަމަށްވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދޭ

27 May 2022

ފޮޓޯގައި އިން ޕޯލިޔޯ ފުޅި ޖެނުއަރީ 22 އިނީމާ އެފުޅި ޖެނުއަރީ 31 ށް ބޭނުން ކުރެވޭނެ ، މިއީ ސިއްޙަތު ޖަމްއިއްޔާ އިން ކަނޑަ އަޅާފައިވާ އުސޫލެއް ! ރާއްޖޭގައި އަމަލުކުރަނީވެސް އެކްސްޕަރ ޑޭޓް މިގޮތަށް ބަލާގެން ، ވީމާ ފަހަރެއްގައި ތިކަމުގައި އެކަން ނޭގި ބެލެނިވެރިޔާ ޝަކްވާ ކުރިކަމަށްވެސް ވެދާނެ އެއްނު!