ވިޔަވަތި ކޮންފަރެންސްގައި ރައީސް: މާލޭގައި ބިޔަ ބްރިޖެއް އަޅައި ގިރާވަރު ހިއްކަން ނިންމާފައިވާ ސަބަބު މިއަދު ވިދާޅުވެދެއްވި.
28 މެއި 2022 - 11:02
53 comments
މުޅި ރާއްޖެ ލާމަރުކަޒު ކުރުމުގެ ތަސައްވުރު ކުރިއެރުވުމާ އެކު މާލެ ސަރަހައްދު ގުޅާލާ ބިޔަ ބްރިޖެއް އަޅައި ގިރާވަރު ހިއްކާތީ އެކި ފަރާތްތަކުން އުފައްދާ ސުވާލަށް ރައީސް އިބްރާހިމް މުހައްމަދު ސޯލިހް މިއަދު ޖަވާބު ދެއްވައިފި އެވެ.
އއ. އުކުޅަހުގައި ބޭއްވި "ވިޔަވަތި" ކޮންފަރެންސްގައި ރައީސް ވިދާޅުވީ ބާރުތައް ދޫކޮށްލައި ލާމަރުކުރުމުގެ ބޭނުމަކީ ރަށްތައް ކުރިއެރުވުން ކަމަށެވެ. ފުދުންތެރި ރާއްޖެއަކަށް މިސްރާބު ހިފައި، ރައްޔިތުންގެ ދިރިއުޅުން އުފާވެރިކުރުން ކަމަށެވެ.
މި ތަސައްވުރުގައި، މާލޭގައި އަޅާ ބިޔަ ބްރިޖާ މެދު ސުވާލު އުފައްދަމުންދާ ކަަމަށާއި އޭގެ ޖަވާބު ވެސް އެބައޮތް ކަމަށް ވިދާޅުވި އެވެ.
ޖަވާބަކީ އެއީ ބާރުވެ ތާށިވެފައިވާ ވުމަށް ދޫ ޖެއްސުމަށް ދެން އޮތް ހަމައެކަނި ގޮތް. ރާއްޖޭގެ މައި ބަނދަރު ފުރަމާލެއިން ބޭރުކޮށް ގުޅީފަޅާ ހަމައަށް ފެއަށް ނުޖައްސާ ދައުލަތުގެ ބަޖެޓަށް އާމްދަނީ ކައިރި ކުރެވޭކަށް ނެތް،" ރައީސް ވިދާޅުވި އެވެ.
"މާލޭ ރަށްވެހިންނަށް ހައްގުވާ ގޯތި ނުދީ ވެސް ވާކަށް ނެތް. މުޅި ރާއްޖެ ލާމަރުކަޒުވާ އިރު މާލެއަށް މި ގެނެވެނީ އެއާ ގުޅޭ އިޖުތިމާއީ ދުޅަހެޔޮކަމާއި އިގްތިސާދީ ވެށި ތަނަވަސްކުރުމުގެ ބަދަލު."
އުމްރާނީ ތަރައްގީގެ ބޮޑު އެ މަޝްރޫއުގައި މާލެއާ ގުޅާލަނީ ވިލިމާލެ އާއި ތިލަފުއްޓާއި ގުޅިފަޅެވެ. ބްރިޖު އެޅުމުގައި ތަޖުރިބާ ހުރި އިންޑިއާގެ އެފްކޮންސްއާ ހަވާލުކޮށް މަސައްކަތް މިހާރު ވަނީ ފަށައިފަ އެވެ.
އެ މަޝްރޫއުގައި، މާލެ އިން ގުޅިފަޅަށް ފަސް ކިލޯމީޓަރުގެ ބްރިޖެއް އަދި ކޯޒްވޭއެއް ހަދާނެ އެވެ.
ރައީސް ވިދާޅުވި ގޮތުގައި ސަރުކާރުގެ ހުރިހާ މަޝްރޫއުތަކެއް ލާމަރުކަޒީ ނިޒާމާ ގުޅުވާފައި ވަނީ ދެ ބޭނުމަކު އެވެ. އެއް ބޭނުމަކީ އއ. އުކުޅަހާއި ރަސްދު އާއި ތޮއްޑުއެކޭ އެއްގޮތަށް މުޅި ރާއްޖޭގެ ހުރިހާ ރަށެއް ކުރިއަރުވައި ތަނަވަސްވާނެ ގޮތެއް ހޯދުމެވެ.
ވިޔަވަތި ކޮންފަރެންސްގައި ކައުންސިލަރުން ބައިވެރިވެވަޑައިގަންނަވަނީ: މި ކޮންފަރެންސްގައި ކައުންސިލަރުންނާއި އަންހެނުންގެ ކޮމިޓީތަކުން 174 ބޭފުޅުން ބައިވެރިވެވަޑައިގަތް. -- ފޮޓޯ | ރައީސް އޮފީސް
"ދެ ވަނަ ބޭނުމަކީ މާލެއަށް އޮތް ހުރިހާ ބުރައަކަށް ދެވެން އޮތް އެންމެ ބޮޑު ލުޔެއްދީ ހަމަނޭވާ ލެވޭ ހިތްފަސޭހަތަނަކަށް މާލެ ހެދުން،" ރައީސް ވިދާޅުވި އެވެ.
އެ މަނިކުފާނު ވިދާޅުވީ މާލެއަށް ގޮތް ހުސްވެ، ތޮއްޖެހި، ބޮއްސުންލީ ބަލަބަލައި ތިއްބައި ކަމަށެވެ. ގޯސްތައް ރަމަތަނުވެގެން ކަމަށާއި އަމާޒެއް ނެތި ހަރާބުގެ މަގަށް ޒަމާން އުފެއްދި ގަދަ އޮއިވަރުގެ ސަބަބުން ކަަމަށެވެ.
"[މާލޭގެ ބިޔަ ބްރިޖާއި ގިރާވަރު ފަޅު ހިއްކަނީ ކީއްވެތޯ] ޖަވާބަކީ އެއީ ބާރުވެ ތާށިވެފައިވާ ވުމަށް ދޫ ޖެއްސެން އޮތް ހަމައެކަނި ގޮތް،" ރައީސް ވިދާޅުވި އެވެ.
ވިޔަވަތި ކޮންފަރެންސްގައި ރައީސް އާއި އެލްޖީއޭގެ ސީއީއޯ އަފްޝަން ބައިވެރިވެވަޑައިގަންނަވަނީ. -- ފޮޓޯ | ރައީސް އޮފީސް
އެ ބަދަލު ގެނައުމަކީ ކުޑަ ކަމެއް ނޫން ކަމަށާއި އެކަމަކު ބުރަ ބަދަލަށް ހިތްވަރު ކުރަން ޖެހޭ ކަަމަށް ވިދާޅުވި އެވެ.
"މިކަމަށްޓަކައި ހިތްވަރާއި އަޒުމާ ކެތްތެރިކަން އިސްކުރަން ޖެހޭ. ބަދަލު ހިފުމާއި ޖަދަލުކުރުމާއި ތަައައްސަބުގެ ތެރެއަށް ނުގެނބި އަޅާ ކޮންމެ ފިޔަވަޅެއް އެ މަގުން އަޅާ ނަމަ ހެޔޮ ނަތީޖާ ފެނުން އަވަސްވާނެ،" ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމްސިއްޔާ
30 May 2022
"ބްރިޖު އެޅުމުގައި ތަޖުރިބާ ހުރި އިންޑިއާގެ އެފްކޮންސްއާ ހަވާލުކޮށް މަސައްކަތް މިހާރު ވަނީ ފަށައިފަ އެވެ." ވިދާލުވެބައްލަވާ އެފްކޮއިން މިހާ ފުންތަނެއްގައި އެޅި އެންމެ ބްރިޖެއްވެސް.
އަލީބެ
30 May 2022
ރައީސް އިބޫއެވެ. މާލެ އޮތީ ތާށިވެ ނޭވާ ނުލެވިފައި ކަން ގަބޫލުނުކުރަނީކީ ނޫނެވެ. އެހެނަސް މާލޭގެ ތިރީބުރި އެއްކޮށް އޮތީ ފިހާރަހަދާފައެވެ. މާލެ ފުރިއްޖެއެވެ. ދެންހުރި ފަޅުތައް ހިއްކާ މާލޭއަށް ހިބަކޮށްދީ ހަދާ ހަމައެކަނި މާލޭގެ ވަކިގޯއްޗަކަށް އުފަންވީ މީހުނަށް ގޯތިދޭނަމަ އެއީ ދެންތިބި މީހުންނަށް އަނިޔާވެރިވުމެވެ. މާލެވެސް ތަަރައްގީކުރަންވީއެވެ. އެހެނަސް މާލޭގައި އުޅެންބޭނުންވާ އެންމެނަށް އެފުރުސަތު އޮންނަގޮތަށެވެ. ގޯތިވެސް ލިބެންވާނެއެވެ.
101އިއްބެ
29 May 2022
ބުރިޖް ނޭޅޭނެ ކަން ޔަގީން ވުމުން އަނބުރާ ގޭސް ގަނޑެއް
ކިރު ސައި
28 May 2022
ތިކަމުން ދޫ ޖެއްސޭނީ މާލޭ މީހުންގެ ހަރުވާޅުގެ ރަބަރު އެކަނި. ތޮއްޖެހެނީ އެބާވަތުގެ އެންމެ ތަނެއްހުރީމަ. މިކަމަށް ހައްލެ ނުހޯދާ ހާލަތު ބަދަލެއްނުވާނެ. ހަގީގަތަކީ ވަކި ނަސަބެއްގެބަޔަކު މުޅި ގައުމު ހިސޯރު ކޮއްގެން އުޅުން. ބޮޑެތި އަތޮޅުތަކުން މިކަމާ ވިސްނަން ވެއްޖެ. މިނޫން އެހެންގޮތެއް. ހަގީގީ މިިނިވަންކަން އިހްސާސް ކުރުމަށްޓަކާ.
ޢަރުތަ
29 May 2022
މާލޭގަ ދިރިއުޅޭ މީހުންގެ ތިންބައިކުޅަ ދެބައި އެއީ މާލެ ނޫން ރަށްރަށޫގެ މީހުން، ހުޅުމާލެއަށް ބެލިއަސް މިކަން އޮތީ މިގޮތަށް، އެތަނުން ފުލެޓް ލިބިގެން ދިރިއުޅޭ މީހުންގެ ތިންބައިކުޅަ ދެބަޔަކީ މާލެނޫން ރަށްރަށުގެ މީހުން، އެހެންވީމަ ހަރުވާޅަސް ސޯޓަކަސް ރަބަރުދޫޖެހިގެން ދާއިރު ކުރިން މިބުނި "ރަށްރަށުގެ ބޭފުޅުންގެ" ރަބަރުވެސް ދޫޖެއްސޭނެ ކަމަށް ގަބޫލުނުކުރެވޭތޯ!؟
ޙަބީބު.
28 May 2022
މިހާރުވެސް ތިޔަގެންގުޅެނީ މާލެ ރައްޔިތުންނައް ނޭވާލެވޭނެ ސިޔާސަތެއްނޫން ރައްރަށު މީހުންނައް ފުލެޓު ދިނުމުން މާލެ ރައްޔިތުންނައް ނޭވާ ލެވުމާ ތޮއްޖެހުމުން ސަލާމަތް ވެވޭބާ ހިޔާ ފުލެޓް ތަކަކީ ކޮތަރު ކޮއްޓޭބުނީވެސް ހަމަ އިބޫ ވީމާ ކޮތަރު ކޮށިތަކުން ނެރުމައްޓަކާ ކީއްވެބާ ގޯތި ނުދެވި 4 އަހަރު މިނިމުނީ ގައިމު ގޯތިދިނީމަ ބޮލައް ފަސޭހަވާނެ ސަރުކާރައް ނަމަވެސް މަކަރުވެރިންގެ ވާހަކަ ހުންނާނީ ތިހެން
ކިރު ސައި
28 May 2022
ގޯތި ދިނީމަވެސް ތާހިރު ދިރިއުޅުމެއް ނޫޅޭނެ. އަނެއްކާވެސް އެތަންހަދާ ކުއްޔަށް ދޭނީ. ގޯތި ލިބުނު މާލޭ މިހާ އޮންނާނީ ހަމަ އެކުޑަ ކޮޓަރިގަނޑުގަ ބޯހިޔާވަހިކަމޭ، ފަޅޮލޭކިޔާ ހާސަރުދަމަން.
ކުރާއެއްޗެއްނޫނޭ
28 May 2022
ރާއްޖެތެރޭ ކައުންސިލަރުންގެ ތެރޭން ގިނަ މީހުންނަކީ އެއީ ވަރަށް ފަސޭހަ ސަބްޖެކްޓްސް ތައް ކިޔަވައިގެން ތިބޭ މީހުންނަށް ވާތީވެ އެމެންނަށް ވިސްނޭނީ އޯޕަން މައިންޑަކުން ނޫނޭ ރާއްޖޭގައި ވަރަށް ގިނަވާނެއޭ ދަ ކިއްލިތަޅާ ކިޔަވައިގެން އެދާއިރާއިން ޕީއެޗްޑީ އާއި މާސްޓަރސް ހަދައިގެން ތިބި މީހުން ރައްޔިތުންގެ ކަންކަމާއި ހަވާލުވެ އިގްތިސާދަކީ އެއީ ރާއްޖޭގެ ވަކި ތަނެއްގެ ތަރައްގީ އަށް ކުރާ މަސައްކަތަށް ހުރަސް އަޅާ ފައި އަނެއް ތަނަކަށް އެކަންކަން ޑައިވަރސިފައި
ސާރުދާ
28 May 2022
ތީ ހަމަ ރާއްޖެތެރެ ނިކަމެތި ކޮށްލާ ނިކަމެތިން ނިކަމެތި ކޮށްލަންކުރާ ކަމެއް.ތި ތަނަތަނުން ގޯތިދޭނީ ސިޔާސީ ގޮތުންނާއި ތަނަވަސްކަން ހުރިމީހުން ނަށް.ގޯތި ގަންނާނީ މުއްސަނދި މަހުޖަނުން.ނިކަމެތި ރައްޔިތުން ތިބޭނީ ރަށް ރަށުގަ.އަޅެއެއްނުލާނެ.ތިތަންތަން ހިއްކައިގެން އެއްކޮށްލާ އާބާދީގެ ވޯތުން ވެރިކަމަށް އާދެވޭނެ.އެއިރުން ރާއްޖެތެރޭ ރަށްރަށުގެ މީހުންތިބޭނީ ވަޅޯމަހާ ކާއްޓާކައިގެނ ފުޅިބައްތީގަ ބިމުގަ ކުނާ އަޅައިގެން.ވަރަށް ސާފު.
ޢަރުތަ
29 May 2022
ނިކަން ރަނގަޅަށް ސާފުކޮށްލަބަލަ، މާލޭ ސަރަހައްދުން ފްލެޓާ ގޯއްޗާ ގަނެގެން ބޮޑެތި އިމާރާތްތައް ހަދައިގެން އުޅެނީ މާލޭ ބޭފުޅުންތޯ، ނޫނީ އަތޮޅުތެރޭ ބޭފުޅުންތޯ، އޭރުން އެއްޗެއް ވިސްނޭނެ. ތިޔަބުނާ ސިޔާސީ ގޮތުންނާ ތަނަވަސްކަން ހުރި މީހުންގެ ތެރޭގަ މާލެ ނޫން ރަށްރަށުގެ މީހުން މަދެއް ނުވާނެ، މީ އެއްވެސް ޙާލެއްގަ މާލޭގެ ފައިސާވެރި މަހުޖަނުންނަށް ބުނާ ކުޑައިމީސްބަހެއް ނޫން.
އަލިބެއްޔަގެ އިސްމާއީލު
28 May 2022
ކަލޯ އިބުރާހިމުއެވެ. ގޯތީގެ ވާހަކަ ކަލޭ ނުދައްކާށެވެ. ގދ.ތިނަދޫގައި ބިން ހިއްކާފަ އޮންނަތާ 7 އަހަރު ވެއްޖެއެވެ. ބޯހިޔާވަހިކަން ނެތިގެން އުޅޭމީބުން އަދިވެސް އެހާލެއްގައި ރަށުގައި އެބަތިއްބެވެ. ގދ.ތިނަދޫ ކައުންސިލުން ބުނަނީ ހިންނަވަރު އިބުރާހިމާއި ފަރެސްމާތޮޑާ އަސްލަމުގެ އޯޑަރަށޭ ތިނަދޫއިން ގޯތި ދޫނުކޮއްގެން އުޅެނީ. މިއެއްޗެހިތަކެއް ވެރިކަމަށް ހޮވަން ވޯޓު ދެވުނު މޮޔަ ހިތަށް އަރާ މިހާރު
ޢަރުތަ
29 May 2022
މިވެރިކަމަށް މިފުރެނީ ހަތަރު އަހަރު، ގދ. ތިނަދޫގަ ބިން ހިއްކާފަ އޮންނަތާ ހަތްއަހަރު، މާނައަކީ ނިމުނު ވެރިކަމުގަވެސް އަދި މިވެރިކަމުގަވެސް ތިކަން ކޮށެއް ނުދެވުނޭ، އެހެންވީމަ 2023ގަ މި ދެބައި މީހުނަށްވެސް ފުރުސަތު ދޭކަށްނުފެނެ.
2023ހަނދާން ނައްތާލާ
28 May 2022
ވަރައް ރީއްޗެއްނު ވާހަކަ ދައްކަން. އެމްޑީޕީގެ ވެރިކަން ވެއްޓުމާއެކު ބަދަލު ހިފުމާ ޖަދަލު ކުރުމާ ގައުމު ހަލަބޮލި ކުރުމާ ފިތުނަ ފަސާދަކުރުމާ ރައްޔިތުން ބައިބާކުރިކަން މި ގައުމުގެ އެންމެން ދަންނާނެ. މިހާރު ވެރިކަން ލިބުނީމަ އޭރު އުޅުނު ގޮތް ހަނދާން ނެތިއްޖެ. ބޭކާރު ވާހަކަ ނުދައްކާ ކޮންފަރެންސް ނިންމާފަ މާލެއާދޭ
ޢަރުތަ
29 May 2022
2023ހަނދާން ނައްތާލަން އިނގޭނީ، ކޮވިޑަށް ވާގޮތަކުން، 2020 އަދި 2021 މިތިބީ ހަޔާތުން "އޮމިޓް" ކޮށްލައިގެން.......
ފެރިދޫ
28 May 2022
ކައުންސިލް ތަކުން ރަށްރަށުގައި ޢަމަލީ ގޮތުން ހިންގަން ޖެހޭ ކަންކަން ނުހިންގޭ ރައީސުލްޖުމްހޫރިއްޔާގެ ޒިންމާއަށް ބަލާއިރު ތަންފީޒު ނުކުރެވޭ މައްސަލަ އެބަ ދިމާވޭ ދައުލަތުގެ ތެރޭގަ ތަންފީޒީ ބާރު އޮތީ ރައީސުލްޖުމްހޫރިއްޔާ ހިންގަން ޖެހޭ ކަމެއް