ރައީސްގެ ސްކޮލަޝިޕާއި ހައި އެޗީވާސް ސްކޮލަޝިޕަށް އެދެން ހުޅުވާލައިފި

2020 ވަނަ އަހަރު ރައީސްގެ ސްކޮލަޝިޕް ލިބުނު ދަރިވަރަކަށް ރައީސް އިބްރާހިމް މުހައްމަދު ސޯލިހު ލިޔުން ހަވާލުކުރައްވަނީ.- ފޮޓޯ: ރައީސް އޮފީސް

މާއިދާ މުހައްމަދު ރަޝާދު، މިހާރު

30 މެއި 2022 - 11:21

2 comments

މިދިޔަ އަހަރު މަތީ ސާނަވީ އިމްތިހާނު ނިންމި ދަރިވަރުންގެ ތެރެއިން ރައީސްގެ ހާއްސަ ސްކޮލަޝިޕާއި ހައި އެޗީވާސް ސްކޮލާޝިޕަށް ކުރިމަތިލުމަށް ބޭނުންވާ ދަރިވަރުންނަށް އެ ސްކޮލާޝިޕަށް ކުރިމަތިލުމުގެ ފުރުސަތު ހުޅުވާލައިފި އެވެ.

ހަޔާ އެޑިއުކޭޝަން މިނިސްޓްރީން ބުނީ ރައީސް ދެއްވާ ހާއްސަ ސްކޮލަޝިޕަށް ހޮވޭ ދަރިވަރުންނަކީ ރާއްޖޭގެ ސްކޫލުތަކުން މަތީ ސާނަވީ އިމްތިހާނު ނިންމާ ދަރިވަރުންގެ ތެރެއިން ޖީސީސީ އޭ ލެވެލް އިމްތިހާނުގެ ތިން މާއްދާ އާއި ދިވެހި އިސްލާމުން "އޭ ސްޓާ" ހާސިލުކޮށްފައިވާ ދަރިވަރުންނަށް ލިބޭ ސްކޮލަޝިޕެއް ކަމަށެވެ.

ރާއްޖޭގައި އަރަބި މީޑިއަމް އަށް ކިޔަވައިދޭ ސްކޫލަކުން ޝަހާދާ ސާނަވީ ނިންމައި ހުރިހާ މާއްދާއަކުން "އޭ ސްޓާ" ހާސިލްކޮށްފައިވާ ދަރިވަރުންނަށް ވެސް އެ ސްކޮލަޝިޕް ލިބުމުގެ ފުރުސަތު އޮންނާނެ އެވެ.

މިނިސްޓްރީން ބުނީ ރައީސް ދެއްވާ ސްކޮލަޝިޕްގައި ދަރިވަރުން ބޭނުން ދާއިރާއަކުން ބޭނުން ގައުމެއްގައި ފުރަތަމަ ޑިގްރީ ފުރިހަމަ ކުރުމުގެ ހަރަދު ސަރުކާރުން ދޭނެ ކަމަށެވެ.

ހައި އެޗީވާސް ސްކޮލަޝިޕަކީ މަތީ ސާނަވީ އިމްތިހާނު ނިންމާ ދަރިވަރުންގެ ތެެރެއިން ޖީސީސީ އޭލެވެލްގެ ތިން މާއްދާ އާއި ދިވެހި އަދި އިސްލާމުން "އޭ" ހޯދައި ދަރިވަރުންނަށް ލިބޭ ސްކޮލަޝިޕެކެވެ.

އެ ސްކޮލަޝިޕް ލިބޭ ކޮންމެ ދަރިވަރަކަށް އެ ދަރިވަރަކު ބޭނުން ގައުމެއްގައި ފުރަތަމަ ޑިގްރީ ފުރިހަމަކުރުމުގެ ހަރަދުތައް ސަރުކާރުން ހަމަޖައްސާނެ އެވެެ. އަދި އެ ދަރިވަރުން ޓްރޭނިން ނީޑްސްގައި ހިމެނޭ ދާއިރާއަކުން ކަނޑައެޅިފައިވާ ގައުމުތަކުގެ ތެރެއިން ގައުމެއްގައި ފުރަތަމަ ޑިގްރީ ފުރިހަމަ ކުރުމުގެ ހަރަދު ސަރުކާރުން ހަމަޖައްސައި ދޭނެ އެވެ.

އެ ސްކޮލަޝިޕަށް ހުޅުވާލާތާ 18 މަސް ދުވަހުގެ މުއްދަތުގެ ތެރޭގައި އެކަމަށް ކުރިމަތިލެވޭނެ ކަމަށް ވެސް މިނިސްޓްރީން ބުންޏެެވެ.

ކިޔަވާކުދިން އިބްރާހިމް ހަސަން، ހަޔާ އެޑިއުކޭޝަން މިނިސްޓަރު މިނިސްޓްރީ އޮފް ހަޔާ އެޑިއުކޭޝަން

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިމްޕަލް

30 May 2022

ދިވެހި އަދި އިސްލާމުން މިލިބޭ މާކްސްއަކީ ބޮޑުވެގެންވާ އަޖައިބެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

30 May 2022

މިގައުމުގައި އުޅޭ މަހުޖަނުންނާ ، ޖަމިއްޔާ ތަކާ، ރިށޯޓުތަކުން ކީއްވެބާ ރާއްޖޭޖެ ޔުނިވާސިޓީތަކުން ސްކޯލަޝިޕް ނުދެނީ. ގައިމު މީވެސް ގައުމު ކުރިއާރާނެ ކަންކަން އަދި، ތައުލީމީ އިންޑަސްޓުރީއަދި އިކޮނަމީއަލިބޭ ބޫސްޓަކައްވާނެ. މިކަންކަން ހިން ގާނެ ގައުޑުލައިނެއް ނިކަން އެކުލަވާލަބަލަ، އަދި ސަރުކާރުން މި ހިންގާ ވިޔަފާރިތަކާ ޖަމީއްޔާ ތަކައް އިންސެންޓިވްސް ދީބަލަ.