ހަތަރު ރަށެއްގައި އަޅާ ހޮސްޕިޓަލްގެ އާ އިމާރާތުގެ ޑިޒައިނާއި ކޮންސްޓްރަކްޝަން މަސައްކަތް ކުރުމުގެ އެއްބަސްވުމުގައި މިއަދު ސޮއިކުރުމަށްފަހު، ހެލްތުގެ ސްޓޭޓް މިނިސްޓަރު އާދިލް (ކ) އަދި ޓީސީއައިއެލްގެ އެގްޒެކެޓިވް ޑިރެކްޓަރު އަތުލް ފޮޓޯއަކަށް ހުއްޓިވަޑައިގެން.-- ފޮޓޯ: ހެލްތު މިނިސްޓްރީ
30 މެއި 2022 - 12:13
20 comments
ހަތަރު ރަށެއްގައި ހޮސްޕިޓަލް އަޅަން 57 މިލިއަން ޑޮލަރު (882 މިލިއަން ރުފިޔާ) އަށް އިންޑިއާގެ ކުންފުންޏަކާ މިއަދު ހަވާލުކޮށްފި އެވެ.
ހެލްތު މިނިސްޓްރީގައި ބޭއްވި ރަސްމިއްޔާތުގައި ހއ. ދިއްދޫގައި ހުންނަ އަތޮޅު ހޮސްޕިޓަލާއި ރ. އަލިފުށި ހޮސްޕިޓަލާއި ދ. ކުޑަހުވަދޫގައި ހުންނަ އަތޮޅު ހޮސްޕިޓަލް އަދި ގއ. ވިލިނގިލީގައި ހުންނަ އަތޮޅު ހޮސްޕިޓަލްގެ އާ އިމާރާތް ޑިޒައިންކުރުމާއި ކޮންސްޓްރަކްޝަން މަސައްކަތްތައް ހަވާލުކުރީ ޓެލެކޮމިއުނިކޭޝަން ކޮންސަލްޓަންޓްސް އިންޑިއާ ލިމިޓެޑް (ޓީސީއައިއެލް) އާ އެވެ.
އެ މަސައްކަތުގައި ހެލްތުގެ ސްޓޭޓް މިނިސްޓަރު އަހުމަދު އާދިލް އާއި އިންޑިއާ ކުންފުނީގެ އެގްޒެކެޓިވް ޑިރެކްޓަރު އަތުލް ކުމާރު ޖެއިން ވަނީ ސޮއިކުރައްވައިފަ އެވެ.
ހަތަރު ރަށެއްގައި އަޅާ ހޮސްޕިޓަލްގެ އާ އިމާރާތުގެ ޑިޒައިނާއި ކޮންސްޓްރަކްޝަން މަސައްކަތް ކުރުމުގެ އެއްބަސްވުމުގައި ހެލްތުގެ ސްޓޭޓް މިނިސްޓަރު އާދިލް އަދި އިންޑިއާގެ ޓީސީއައިއެލްގެ އެގްޒެކެޓިވް ޑިރެކްޓަރު އަތުލް ސޮއިކުރައްވަނީ.-- ފޮޓޯ: ހެލްތު މިނިސްޓްރީ
އެ އެއްބަސްވުމުގެ ދަށުން ދިއްދޫ އާއި ކުޑަހުވަދޫ އަދި ވިލިނގިލީގައި އިމާރަތްކުރަން ހަމަޖައްސާފައިވަނީ 50 އެނދުގެ ހޮސްޕިޓަލެވެ. އަލިފުށީގައި ހަދަން ނިންމާފައިވާ 30 އެނދުގެ ހޮސްޕިޓަލެވެ. އެކަމަކު ހޮސްޕިޓަލްތައް އަޅަން ދިނީ ކިހާ މުއްދަތެއް ކަން އަދި ސާފެއް ނޫނެވެ.
މިނިސްޓްރީން ބުނީ އެއީ އަންސޮލިސިޓެޑް ޕްރޮޕޯސަލް ހުށަހެޅުމުގެ އުސޫލުން ކުރިއަށްގެންދާ ޕްރޮޖެކްޓެއް ކަމަށެވެ. އެކަމަށް ފައިނޭންސްކުރަން ހަމަޖައްސާފައި ވަނީ އިންޑިއަން އެގްޒިމް ބޭންކުން ބަޔާސް ކްރެޓިޑް ސްކީމްގެ ދަށުން ކަމަށް ވެސް އެ މިނިސްޓްރީން ބުންޏެވެ.
އެ ހޮސްޕިޓަލްތަކުގެ އިތުރުން، އިތުރު އެހެން ރަށްރަށުގައި ވެސް ހޮސްޕިޓަލްތައް އިމާރަތްކޮށްދޭނެ ބަޔަކު ހޯދަން މިނިސްޓްރީން ވަނީ އިއުލާނުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
31 May 2022
ހޮސްޕިޓަލް ޢިމާރާތްތައް ބައިވަރު ނެތީ، އެކަށީގެންވާ ޢަދަދަށް، ކަމަށް އެކަށޭނެ ޑޮކްޓަރުން/ނަރުހުން/ސްޕެޝަލިސްޓުން!
ހަމަތެދު
31 May 2022
ޓެލެކޮމިޔުނިކޭޝަން ކޮންސަލްޓެންޓެންސީގައިއުޅޭބަޔަކަށް ހޮސްޕިޓަލެއް ޑިޒައިންކޮށް އަޅަންދިނުމަކީ ވަރަށްގިނަ ސުވާލުއުފެދޭކަހަލަ ކަމެއް. ތިއަގަކީ، ޑިޒައިންކުރުމާއި، ކޮންސަލްޓަންސީއާއި ކޮންސްޓްރަކްޝަނަށް އެނިހިނގާ ޚަރަދުކަމުގައިވާނަމަ، ބޮޑު. ހޮސްޕިޓަކަށްބޭނުންވާނެ ހުރިހައި ފުރިހަމަކަމެއް ހުރެފައި، ތަކެއްޗާއިއެކުގައިނަމަ ތިއަގު ރަނގަޅުކަންނޭނގެ. ރިޕޯޓަރުން އިތުރު ތަފްޞީލު ހޯދައި، ރިޕޯޓުކުރުން ބޭނުންކަމުގައި ބެލެވޭ.
ބޯނުބައި
31 May 2022
ކާކަށް ގަބޫލުކުރެވޭނީ އެއީ 4 ހޮސްޕިޓަލް ފުރިހަމަކުރަން ދާނެ އަގުކަމަށް؟ ބޮޑުބައި އިންޑިއާއަށް ގޮސްގެން ފަރުވާ ކުރެވޭ ގޮތަށް އެ ތަންތަން ހެދި ނިމިގެންދާނީ.
އިމާރާތް
01 June 2022
އިމާރާތް ކުރަން ހަވާލުކުރީ ޑިޒައިން ނުކޮށް އެބައިމީހުން ބޭނުންވާ ގޮތަކަށް އަޅަން؟ މީ ސަޅި ގޮތެއް ޕްރޮޖެކްޓްތައް ހިންގަން. ކިހިނެއްބާ ތިޔަތަންތަން ނިމޭއިރު ހުންނާނީ؟ އަނެއްކާ އަވަހަށް ނިމޭނެބާ؟
ހޯރަފުށީ ޗާލުނަޔާ
30 May 2022
ކޮބާ ހޯރަފުށީ ގަ އަޅަށް ވައުދުވީ ހޮސްފިޓަލު. ދެން ބުނޭ ކޮންމެ ވައުދަކީ ފުއްދޭނެ ވައުދެއް ނޫނޭ. އަހަރަމެން ވެސް މި ބުނަނީ ވައުދު ނުފުއްދަށްޏާ ވޯޓެއް ނުލިބޭނޭ.
މިއަދު
30 May 2022
ކޮންމެއެނދަކަށް 4,900,000ރ މިއީ ހަމަ ހަމަ ވަރުބަ
މިއަދު
30 May 2022
އަޅެފަހެ އަހަރެމެންނަކީ އިންޑިޔާއަށް ދަރަނިދައްކަ ބަޔަކަށްވުމުގެ ބަދަލުގައި އިންޑިޔާއިން.ތިނަގާ ދަރަނިތަކުން މިގައުމުގެ މަސައްކަތްތެރިންނަށް މަންފާއެއްވާނެގޮތަކަށް ތިކަންކޮއްބަލަ
އައްލާރަކާ
30 May 2022
ދެން ނެޓުވޯކު އަޅަން ހަވާލުކޮށްލާ ހަނޑޫވިއްކާ ކުންފުންޏަކާ.
ކުޗީ
30 May 2022
" ޓެލެކޮމިއުނިކޭޝަން ކޮންސަލްޓަންޓްސް އިންޑިއާ ލިމިޓެޑް " އާއި މިހަވާލު ކުރަނީ ހޮސްޕިޓަލް އަޅަން.
ދިއްދޫމީހާ
30 May 2022
މީކޮންކަހަލަ ދަންތުރައެބާ؟؟ ޗައިނާއިން ވީމަ ދަރަނި ދަންތުރަ އިންޑިޔާއިން ވީމަ ހިލޭ އެހީ އަނބުރާ ދައްކާއިރު 20ޕަރސެންޓް އިންޓްރެސްޓާ އެކު ދައްކަންޖެހެނީ..
ބުމަރޭ
30 May 2022
އަނެއްހެން ބުނަންޏާ ވަރުގަދަ ހޮސްޕިޓާތައް އަޅަން މި ހަވާލުކުރީ މައި ސަރުކާރުގެ ދިރާގާ ދޯ. ގައުމު ވިއްކާ ހުސްކޮށްފި
ހިމާރުލްގައުމު
30 May 2022
ރަށެއްގެ އޮފީހެއްގަ ވަށާފާރު ރޭނިޔަސް އިންޑިއާ ކުންފުންޏަކަށް. ދަށުވިޔަސް ބޮޑުވަރު ތިޔައީ.