ކޮފީއަށް ހަކުރު އެޅިޔަސް ނޭޅިޔަސް ފައިދާ

އަހްމަދު ޖައިޝަން

02 ޖޫން 2022 - 06:12

ކޮފީ ބޯ މީހުންނަށް މިއޮތީ ވަރަށް އުފާވެރި ވާހަކައެކެވެ. ކޮފީގެ ސަބަބުން ގެއްލުން ލިބޭ ކަމަށް ދައްކާ ވާހަކަ އެއްފަރާތް ކޮށްލަން ހިނގާށެވެ.

ކޮފީ ބުއިމަކީ ގިނަ ބައެއްގެ ދުވަހުގެ ފެށުމެވެ. ކޮފީ ނުބޮއެ ގިނަ މީހުންނަށް ދުވަސް ނުވެސް ފެށެ އެވެ. އެއްބައި މީހުން ކޮފީއަށް އެއްވެސް އެއްޗެއް ނާޅައި ބޯއިރު އަނެއް ބަޔަކަށް ކޮފީ ކަމުދަނީ ކޮންމެވެސް ވަރަކަށް ފޮނިކޮށްލައިގެންނެވެ.

ދާދި ފަހުން ހެދި ދިރާސާއަކުން އެނގުނު ގޮތުގައި ކޮންމެ ގޮތަކަށް ކޮފީ ބުޔަސް އޭގެ ސަބަބުން ސިއްހަތަށް ފައިދާކުރެ އެވެ.

އިނގިރޭސިވިލާތުގައި ކޮފީ ބޯ 17،000 އަށްވުރެ ގިނަ މީހުންގެ މައުލޫމާތު ނަގައިގެން ހެދި ދިރާސާއިން އެނގުނީ ކޮފީ ނުބޯ މީހުންނަށްވުރެ ކޮފީ ބޯ މީހުން ބަލިޖެހިގެން މަރުވުމުގެ ފުރުސަތު ކުޑަކަމެވެ.

ދުވާލަކު ދެތަށި ނުވަތަ ހަތަރު ތަށި ކޮފީ ބޯ މީހުންގެ ތެރެއިން ހަކުރު އަޅައިގެން ކޮފީ ބުއި ނަމަވެސް އަދި ހަކުރު ނާޅައި ބުއި ނަމަވެސް ލިބެނީ އެއް ނަތީޖާއެކެވެ.

"ކުރިން ހެދި ދިރާސާތަކުން އެނގޭކަށް ނެތް ކޮފީ ބޯއިރު ހަކުރު ބޭނުންކުރާ މިންވަރު މަދުކުރިޔަސް އަދި ގިނަ ކުރިޔަސް ފައިދާވާ ކަމެއް. އެކަމަކު މިހާރު އެނގޭ ހަކުރު އެޅިޔަސް ނޭޅިޔަސް ކޮފީ ބޯ ނަމަ ބަލިތައް ޖެހިގެން މަރުވުމުގެ ފުރުސަތު ކުޑަކަން،" ޗައިނާގެ ގުއަންޑޮންގްގެ ސްކޫލު އޮފް ޕަބްލިކް ހެލްތުގެ ލީޑް ލިޔުންތެރިޔެއް ކަމަށްވާ ޑޭން ލިއު ބުންޏެވެ.

އަލަށް އެނގުނު މައުލޫމާތާ އެކު ވެސް ރައްކާތެރިވުމަށް ސައިންސުވެރިން ލަފާދެ އެވެ. ހަކުރު އެޅުމުގެ ސަބަބުން ކޮފީގެ ފައިދާތައް ނުގެއްލުނަސް ހަކުރަކީ އޭގެ ޒާތުގައި ގެއްލުންވާ އެއްޗަކަށް ވާތީ އެކަމަށް ސަމާލުވާން ސައިންސުވެރިން ވަނީ އެދިފަ އެވެ. -- ވެބްއެމްޑީ

ސިއްހަތު ކޮފީ

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

Laamuonline.com

05 June 2022

ބިޒުނަސް ބޭނުމަށް ދިރާސާއެކޭ ފައިދާއޭ ކިޔައިގެން ބަޔަކު ދައްކާވާހަކަ، ކޮފީ ނުބައި އުޅެންފެށީމާ މާފަސޭހަ، މަސައްކަތް ރަނގަޅަށްކުރެވޭ ނިންޖެއްވެސްނާދޭ، ކޮފީ އާންމުކޮށް ބޯނަމަ އެމީހަކަށް ރޭގަނޑުވެސް ހަމަނިދިނުލިބޭނެ، ސަބަބަކީ ކޮފީގެ އަސަރު ހަށިގަނޑުން ނުފިލާހުންނާތީ، ކޮފީގެސަބަބުން ހަޑިގަނޑަށް ނިދިބޭނުންވާކަން ސިނކުޑިއަށް އޮޅުވާލާ، ނިދިމަދުވުމުގެ ސަބަބުން ލިބޭ ގެއްލުންކޮބާ؟ ކޮފީއިންލިބޭ ފައިދާއާ ކޮފީއިންލިބޭ ގެއްލުން އަޅުވާކިޔާއިރު ގެއްލުންމާބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަަސަނު

03 June 2022

ދެންތިހިން ކިޔާފަ ލިޔުނީމަ ހަކުރު އަޅައިގެން ކޮފީބޮއުގެން ފައިދާ ހޯދަން އުޅެފާނެ ހަކުރުބަލީގެ މީހުން ވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިޔެވިފަ އޮންނަ ގޮތައް ކަންކަން ވޭބާ؟ ކުރިއަރާބާ!؟

03 June 2022

އަބަދުމެ ދައްކަނީ އިގިރޭސި ވިލާތުގެ، އެމެރިކާގެ، ހުޅަގުގެ، ނޫނީ ޖަރުމަނުގެ، ދިރާސާއެއްގެ ހޯދުމުގެ ވާހަކަ! ކޮބައިތަ އަހަރުމެންގެ ލޮބުވެތި މެދުއިރުމަތީގެ ދިރާސާ ތަކުގެ ވާހަކަ؟ ނިކަން ބުނެލަބަލަ! ކިހާ ދުރުމިނަކައް އެކިއެކި އުމުރު ފުރައިގެ ކުދިންނައް ގާބުރިއެއް އުކޭނެ ތަހުލީލު ތަކުގެ ދިރާސާ! ނޫނީ ކިހާ އަވަހަކައް ނިތްކުރި ކަޅުވޭތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށޭޑް

04 June 2022

ތިޔަބުނާ ވިލާތު މީހުން ހަދާ ދެ ދިރާސާއެއް ދިމާލެއް ނުވޭ. މިއަދު ކޮފީން ފައިދާވެއޭ ބުނާއިރު، މާދަމާ ބުނާނެ ވާނީ ގެެއްލުމޭ... ހަހަހަހަ... ދެން އޮތީ ގާއުކާކުދިންގެ ވާހަކަ... އެކުދިންނަށް ގާއުކުން ނޫންކަމެއް ކުރިޔަކަ ނުދޭ... އެންމެ ކުޑަވެގެން އަމިއްލަ ނަފްސު ޙިމާޔަތްކޮށްލާނެވަރުވެސް ނުވެ... ދެން ކޮން ދިރާސާއަކާ ހިސާބަށް ދާނީ...