އެމްއާރުއެމްގެ ފޯމުތައް ޕްރޮސެސްކުރުން ލަސްވާތީ ކަންބޮޑުވުން ފާޅުކޮށްފި

އެމްއާރުއެމްގެ އިސް ބައެއް ބޭފުޅުންގެ ބައްދަލުވުމެއް ކުރިއަށް ދަނީ: އެ ޕާޓީއަށް ސޮއިކުރާ މީހުންގެ ފޯމްތައް ޕްރޮސެސްކުރުން ލަސްވާތީ ކަންބޮޑުވުން ވަނީ ފާޅުކޮށްފައި. -- ފޮޓޯ | މިހާރު

މުއިއްޒު އިބްރާހިމް، މިހާރު

02 ޖޫން 2022 - 18:46

12 comments

މޯލްޑިވްސް ރިފޯމް މޫވްމަންޓް (އެމްއާރުއެމް) އަށް ސޮއިކުރި މީހުންގެ ފޯމުތައް ޕްރޮސެސް ކުރުން ލަސްވާތީ އެ ޕާޓީން ކަންބޮޑުވުން ފާޅުކޮށްފި އެވެ.

ސިޔާސީ ޕާޓީތަކުގެ ތެރެއިން މި މަހުގެ 13 ވަނަ ދުވަހުގެ ނިޔަލަށް 3،000 މެމްބަރުން ހަމަނުވާ ޕާޓީތައް އުވާލަން އިލެކްޝަންސް ކޮމިޝަނުން އޮތީ ނިންމައިފަ އެވެ. އޭގެ ތެރޭގައި ކުރީގެ ރައީސް މައުމޫން އަބްދުލްގައްޔޫމްގެ ސިޔާސީ ހަރަކާތްތަކަށް އުފެއްދެވި އެމްއާރުއެމް ވެސް ހިމެނެ އެވެ.

ގާނޫނުގައި ބުނާ އަދަދަށް މެމްބަރުން ހަމަނުވާ ޕާޓީތައް އުވާލަން ނޯޓިސް ދީފައި ވުމުގެ އިތުރަށް، ވަގަށް ޕާޓީތަކަށް ވައްދާ މީހުންގެ މައްސަލަ ހައްލުކުރަން ބޮޑެތި ޖޫރިމަނާތަކެއް ކުރަން ވެސް އިލެކްޝަންސް ކޮމިޝަނުން ވަނީ ނިންމައިފަ އެވެ.

އެމްއާރުއެމުން މިއަދު ނެރުނު ބަޔާނެއްގައި ވަނީ އެ ޕާޓީގެ މެމްބަރުން އިތުރުކުރަން ކުރި މަސައްކަތުން މިހާރު ވެސް 3،000 މެމްބަރުން ހަމަވިޔަސް، ގިނަ ފޯމުތަކެއް އިލެކްޝަންސް ކޮމިޝަނުން ޕްރެސެސް ނުކޮށް އެބަހުރި ކަމަށެވެ. މިހާތަނަށް 1،400 އަށް ވުރެ ގިނަ ފޯމު ހުށަހެޅިއިރު، 1،200 އަށް ވުރެ ގިނަ ފޯމު ޕްރޮސެސްނުވާ ކަމަށް ބަޔާނުގައިވެ އެވެ.

އެ ބަޔާނުގައިވާ ގޮތުން މިދިޔަ މާޗް މަހު އެކަނި ވެސް، 700 ފޯމު ހުށަހަޅާފައިވާތީ އެ ޕާޓީގައި މިހާރު 3،000 މެމްބަރުން ހަމަވާނެ އެވެ. އެކަމަކު ގިނަ ދުވަސްވެފައިވާ ފޯމުތައް ވެސް ހިމެނޭ ގޮތުން، ބައެއް ފޯމުތައް ޕްރޮސެސް ކުރުން ލަސްވާތީ އެކަން އިލެކްޝަންސް ކޮމިޝަންގެ މެމްބަރުންގެ ސަމާލު ކަމަށް ގެނެސްފައިވާނެ ކަމަށް އެ ބަޔާނުގައިވެ އެވެ.

އެމްއާރުއެމުން ގޮވައިލީ މި މަހުގެ ހަތް ވަނަ ދުވަހުގެ ކުރިން އެ ޕާޓީގެ ހުރިހާ ފޯމުތަކެއް ޕްރޮސެސްކޮށް ދިނުމަށެވެ.

އެ ޕާޓީން ބުނެފައިވަނީ އިލެކްޝަންސުން ދީފައިވާ މުއްދަތުގެ މާ ކުރިން، 3،000 ހަމަވާނެ ކަމަށާއި އެ ޕާޓީ އުވާލާ ހިސާބަށް ނުދާނެ ކަމަށެވެ.

ރައީސް މައުމޫން އަބްދުލްގައްޔޫމް ސިޔާސީ ޕާޓީ މޯލްޑިވްސް ރީފޯމް މޫވްމެންޓް އިލެކްޝަންސް ކޮމިޝަން

12 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެލެކްސިއަސް

06 June 2022

ކިރިޔާ 3ކޭ ހަމަވަނީ، މިވަރުންވެސް ޕާޓީ ހަދައިގެން ދައުލަތާއި ސަރުކާރު ތަކުން ބައިއަޅަން އުޅޭނެ. މައުމޫން އަށް ދެން ތާއީދު ކުރާނެ ބަޔަކު އިތުރެއް ނުވާނެ،. އަލަކަށް މި ގައުމަކަށް ތި ޒައީމަށް ސަޕޯޓް ކުރަން ބަޔަކު އުފަންވެގެންނެއް ނުއެއް އަންނާނެ. ކުޑަމިނުން ބޭފުޅާގެ ނަންވެސް މިހާރު ނުވިކޭ. މަގޭ ހިތަށް އަރާ %95 30 އަހަރުވަންދެން ހޮވެމުން އައި ވެރިއަކަށް 3ކޭ ޕާޓީއަށް ހަމަކޮށް ނުލެވުނީމަ ލަދެއް ނުގަނޭބާއޭ. ކަމަކަށް ދެވި ހިފާފަ ހުއަޓަސް ދެން ބޮޑުވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުބުޅާ

05 June 2022

މައުމޫނޫ… ކެވުނުވަރު މަދީތަ؟ މިހާރު ސަޕޯރޓެއްނެތޭ.. އަދިވެސް ވެރިކަމުގެ ދަހިވެތިކަމުގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުރިހާ އޮފިޝަލުންނޭ

03 June 2022

ލަދުވެތި ކަމަކީ މިނިވަންކަމޭ ރައްޔިތުންނޭ ގޮވާ މޭގައި އަތްޖަހާއިރު ތިމާމެންނާ ރައުޔު ދިމާނުވާ މީސްކޮޅު ހަޖަމުނުވެ ފުރައްސާރަކޮށް ނައްތާލާނަމޭ ހިތައި ނިދިނަގާލައި ކޮމެންޓް ކުރުން. ތިޔައީ ބޮޑުތާއީދު އޮތް ބަޔަކުކަން އަމިއްލައަށް އިހުސާސުނުވީމާ އުޅެވޭގޮތް ނޫންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދޯގުދޯ

02 June 2022

މިއަދު އެމްޑީޕީ އަށާއި ޕީޕީއެމް އަށްވެސް ވަނީ އެވަރު. ރައްޔިތުންނަށް ބޯހިޔާވަހިކަން ފަހިކޮށްނުދެވުނު. މައުމޫނު ހިއްކާ ތަރައްގީ ކުރި ހުޅުމާލެ ނޫން އާކަމެއްކުރެވިއްޖެބާ؟ މިއަދު ކާބޯތަކެތި އިންތިހާއަށް އަގުބޮޑުވެއްޖެ. ގައުމު ބަގުރޫޓުވާން މިއޮތީމިސްރާބު ޖަހާފަ. މައުމޫމު ވާ ރަނގަޅު ބަނގުރޫޓު ކޮށެއްނުލާވިއްޔާ.