ސްޓެލްކޯގެ ފްލެޓްތަކަށް ކުންފުނީގެ ހަރަދުގައި ކަރަންޓު ދޭން ދޭން ފާސްކޮށްފި

ހުޅުމާލޭގައި ސަރުކާރުގެ ކުންފުނިތަކުންް އިމާރާތްކުރާ ފްލެޓްތަކުގެ ކަރަންޓް ނެޓްވޯކްގެ ޑިޒައިނިން މަސައްކަތްކުރުން ލަސްވާތީ، އެ މަސައްކަތް އަމިއްލައަށް ކުރުމަށް ސްޓެލްކޯގެ ބޯޑުން ރޭ ފާސްކޮށްފި އެވެ.

ސްޓެލްކޯގެ މީޑިއާ އޮފިޝަލް، "މިހާރު" އަށް ވިދާޅުވި ގޮތުގައި އެޗްޑީސީން ހަވާލުކޮށްފައިވާ ކުންފުނީގެ ދަށުން ކަރަންޓު ނެޓްވޯކިން މަސައްކަތްކުރާ ނަމަ އެތަން ނިމޭނީ އަންނަ ސެޕްޓެމްބަރު ހިސާބުގައި ކަމަށް އެ ކުންފުނިން ބުނެފައިވާ ކަމަށެވެ.

އެކަމަކު ސްޓެލްކޯގެ ފްލެޓްތަކުގެ މަސައްކަތް އޮތީ ގާތްގަނޑަކަށް އެއްކޮށް ނިމިފައިވާ ކަމަށާއި އެހެންވެ ބޯޑުން ނިންމީ ވީ އެންމެ އަވަހަކަށް އެ ތަނަށް މީހުންނަށް ވަދެވޭނެ އިންތިޒާމު ހަމަޖެއްސުމަށް ކަމަށް އޭނާ ވިދާޅުވި އެވެެ.

"ފްލެޓް ލިބުނު މީހުން އަދިވެސް ފައިސާ ދައްކަމުން އެ ދަނީ. އެހެންވީމާ ނުވަދެވި ލަސްވާތީ އެ މީހުންނަށް ބޮޑު ގެއްލުމެއް ލިބޭތީ ބޯޑުން ރޭ ނިންމާފައި ވަނީ ކުންފުނިން އެ މަސައްކަތްކުރާ ގޮތަށް،" އޮފިޝަލް ވިދާޅުވި އެވެ.

PHOTO GALLERY: STELCO ge flat thakuge manzaruthah

ހުޅުމާލެ- މޭ 8، 2022: ސްޓެލްކޯގެ މުވައްޒަފުންނަށް ހާއްސަ ކޮށްގެން ހުޅުމާލޭގެ ދެ ވަނަ ފިޔަވަހީގައި އިމާރާތް ކޮށްފައިވާ ދެ ޓަވަރުގެ މަސައްކަތްތައް ގާތްގަނޑަކަށް ވަނ...

Mihaaru

އެ މަސައްކަތްކުރުމަށް ކުންފުނިން ކިހާ ފައިސާއެއް ހޭދަކުރާނެ ކަމެއް އަދި ސާފެއް ނުވެ އެވެ. ސްޓެލްކޯ އިން ނެޓްވޯކް ޑިޒައިން ހަދައި ކަރަންޓު ފޯރުކޮށްދޭއިރު ކައިރީގައިި ހުރި އެހެން ކުންފުނިތަކުގެ ފްލެޓްތަކަށް ކަރަންޓު ދޭނެ ކަމެއް ވެސް ނޭނގެ އެވެ.

Kunfunithakuge flat imaaraaiythakah kurrent dheyn fesheynee September gai: HDC

The most trusted news source in the Maldives

Mihaaru

ބައެއް ކުންފުނިތަކުގެ ފްލެޓްތަކުގެ މަސައްކަތް ނިމިފައިވީ ނަމަވެސް، އެތަނަށް މީހުންނަށް ނުވަދެވި ވަނީ ހުޅުމާލޭގެ ދެވަނަ ފިޔަވައްސަށް ކަރަންޓާއި ފެނުގެ ހިދުމަތް ދިނުމަށްޓަކައި ނެޓްވޯކް ޑިޒައިން ކުރުން ހަވާލުކޮށްފައިވާ ޗައިނާގެ ކުންފުނިން މަސައްކަތް ނުނިންމައިގެންނެވެ.

އެ ކޮންޓްރެކްޓަރާ ހަވާލާދީ ކުރިން އެޗްޑީސީން ބުނެފައިވާ ގޮތުގައި ކަރަންޓު ނެޓްވޯކްގެ ޑިޒައިނިންގެ މަސައްކަތް އަންނަ ސެޕްޓެމްބަރު މަހު ނިންމާލެވޭނެ އެވެ. އެކަމަކު އަވަހަށް ކުރަން ބޭނުން ނަމަ ކޮންމެ ކުންފުންޏަކުން ވެސް އަމިއްލަ ހަރަދުގައި އެކަން ކުރުމުގެ ފުރުސަތު އޮންނާނެ ކަމަށް އެޗްޑީސީން ބުނެފައިވެ އެވެ.

ސްޓެލްކޯގެ މެނޭޖިން ޑިރެކްޓަރު އަހުމަދު ޝަރީފް ކުރިން ވިދާޅުވެފައި ވަނީ ވަގުތީ ހައްލެއް ހޯދައިގެން ވިޔަސް އަންނަ ޖުލައި މަހު އެ ފްލެޓްތަކަށް މީހުން ވައްދާނެ ކަަމަށެވެ.

Vaguthee halleh hoadhaigen viyas July mahu flat thakah meehun vadhaanan: STELCO

The most trusted news source in the Maldives

Mihaaru

ކުރީގެ ރައިސް އަބްދުﷲ ޔާމީންގެ ވެރިކަމުގައި އިމާރާތްކުރަން ފެށި ސްޓެލްކޯގެ ފްލެޓްތަކުގެ ދެ ޓަވަރުގައި 360 ފްލެޓް ވަނީ ހަދައިފަ އެވެ. އެއީ އެއް ކޮޓަރީގެ 72 އެޕާޓްމަންޓާއި ދެ ކޮޓަރި އާއި މެއިޑް ރޫމް ހިމެނޭ (1+2) 288 އެޕާޓްމަންޓްތަކެކެވެ.