މީހަކަށް ފައިސާތަކެއް ދެނީ: 180ރ. ވަގަށް ނެގުމުން 14،000ރ. ގެ ޖޫރިމަނާގެ ހުކުމެއް ވަނީ މީހެއްގެ މައްޗަށް އިއްވާފައި -- ފޮޓޯ/މިހާރު
05 ޖޫން 2022 - 13:36
32 comments
ކޮއްކޮގެ ފިހާރައިން 180ރ. ވަގަށް ނެގި މީހަކު 14،000ރ. އިން ޖޫރިމަނާކުރަން ކްރިމިނަލް ކޯޓުން ހުކުމްކޮށްފި އެވެ.
ރ. ހުޅުދުއްފާރުގައި ސެޕްޓެމްބަރު، 2020 ގައި މީހަކު ފިހާރައެއްގެ ވަތްގަނޑުން 180ރ. ނެގީ ދުވާލު ވަގުތުގަ އެވެ. ކޯޓުގައި އޭނާ ބުނެފައިވަނީ އެ ފިހާރަ އަކީ ކޮއްކޮގެ ފިހާރައެއް ކަމަށެވެ.
ފިހާރައިން ފައިސާ ނެގީ އެދުވަސްވަރު ކޮއްކޮއާ ޖެހުނު މައްސަލައެއްގައި ކަމަށް އޭނާ ބުނެފައިވެ އެވެ. ލުއި އަދަބެއް ދޭން އޭނާ އެދިފައިވާތީ ކޯޓުން މިދިޔަ ހަފުތާގައި ކުރި ހުކުމުގައި ނިންމީ އޭނާގެ އަދަބު ޖޫރިމަނާއަކަށް ބަދަލު ކުރުމަށެވެ.
ގާނޫނުލް އުގޫބާތުގެ ދަށުން އެ ކުށުގެ އަސާސީ އަދަބަކީ ދެ މަހާއި 12 ދުވަހަށް ޖަލަށްލުމެވެ. އެ އަދަބު ޖޫރިމަނާއަށް ބަދަލު ކުރުމުން ޖެހެނީ 14،400ރ. އެވެ. އެ ފައިސާ ތިން މަސް ތެރޭގައި މީރާއަށް ދައްކަން އެ ހުކުމުގައި އަންގާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުއިފޯލި
30 July 2022
ރަންގަޅަށް ދަވާ ނުލެވޭނަމަ ބޭބެ އަތުންވެސް ވައްކަން ކޮއްގެން ނުވާނެ , ގައުމުގައި މިހާރު އުޅެނީ ހުސް ދަވާއިން
އުތުރު މަލަމަތި
07 June 2022
މިރަށު ގެއެއްގެ ގަހުން ފޭރެއް ބިނދެގެން މީހަކު އޮތީ ޖަލުގަ. މިފްކޯގެ ތިޖޫރި ފަޅާލީމާ އެމީހާ އެހެރީ ގޭގަ. ދައުލަތުގެ ތިޖޫރި ބަނޑުއަޅާލީމާ އެމީހުންވެސް އެހެރަގެން އުދުހެނީ ގައުމުތެރޭގަ. ދަބަސްތަކަށް އަޅައިގެން އެމްއެމްއޭގެ ލާރިގަނޑު ޕާޓީތަކަށް ބަހައި ވައްކަންކުރީމާ އެމީހުންގެ މައްސަލަ ނުބެލި. ނަމަވެސް ފިހާރައަކުނ 150 ރ ނެގީމާ އިތުރަށް 2 ސުން ލާފަ ޖޫރިމަނާ ކުރީމާ ކަޑަ. ގާނޫނުތައް ބަދަލުކުރޭ!
ނަމަނަމަ
06 June 2022
މިލިޔަނުން ވައްކަން ކުރީމާ ޢާންމުންގެ ތެރޭ ފުރީ ޑައިވް. 100 ރުފިޔާ ވަގަށް ނެގީމާ ޢުމުރަށް ޖަލަށް. ވަލުރުކުން ވެއްޓިފައި އޮތް ކާއްޓެއް ނެގީމާ ވައްކަން ސާބިތުވެ ޢުމުރުދުވަހަށް އަރުވާލަނީ. މިޤައުމުގެ ޤާނޫނު ހަދާފައިމިވަނީ ކޮންތާކުން ކިޔަވައިގެން އައިސްތިބި ބައެއް ބާއޭހިތަށް އަރާ. ނޫނީ ޤާޒީންނަކީ ކޮންފޮތަކުން ކިޔެވި ބައެއްބާއޭ ހިތަށް އަރާ.
އެޗް އެމް
06 June 2022
ވައްކަމަކަށްވާނީ އެކުރާވައްކަމުން ލިބޭ އާމްދަނީން އިތުރު އެހެން ބަޔަކަށް ރާހަތެއްނުކުރާ ނަމަ. މިހަހަލަ ވައްކަންތަކަށް ވަގުތުން ހުކުމްބުނޭ. ލައްކައިން މިލިއަނުން ޝެއަރ ބަހާލެވޭ ގޮތަށް ކުރެވޭ ވައްކަމަކީ ވިޔަފާރީގެ ބާވަތެއް. އެއީ ރެކޯޑެއް ނެތަސް އެތައްއާއިލާއެއްގެ ދިރިއުޅުމާއި ގުޅުން ހުންނަ ކަންކަން. އެފެންވަރުގެ ވައްކަންކުރާނީ ޝަަރަފުވެރި ދީންވެރި ތަނަވަސް ސާދާ ސީދާ ކަމަށަ ބުނެވޭ މީހުން. އެމީހުންނަކަށް ހުކުމް ނުބުނެވޭނެ.
ހުސްނުހީނާ
06 June 2022
180ރ ނެގީމާ ހުކުމް ވަރަށް އަވަސް! މިލިއަނުން ނެގީމާ ކަހާތަން ހިރުވާވެސް ނުލާ! ތަފާތުކުރުން ހުއްޓާލަން ޖެހޭ!
އެޑްމުންޑޯ
06 June 2022
ކޮރަލްގެ ކޮމެންޓަކީ ވަރަށް ރަގަޅު ކޮމެންޓެއް ، ކުދިކުދި އަދަބުތަކަށް އެމީހެއްގެ ކުށުގެ ރިކޯޑްތަކާއި އުޅުމަށް ބަލާފައި އެކަހަލަ ލުއި އަދަބު ތަކެއް ދިނުން މުހިއްމު
މައިކުރޯ
05 June 2022
ޙުކުމް ތި އައީ ފަގީރަކަށް ވާތީ
ކޮރަލް
05 June 2022
ކުދި ކުއްތައް ކުރާ މީހުން ވަކި މުއްދަތަކަށް މުޖުތަމައު ވަކި ކަހަލަ ހިދުމަތެއް ކުރަން ހަމަ ޖެއްސުމުން އޭނަ އަށް ހެޔޮ ބަދަލެއް އަންނާނެ ކަމަށް ފެނެ އެވެ. ކޮންމެ ފަހަރަކު ހަމަ ކުޑަ ކަމެއް ކުރާއިރަށް ބޮޑު އަދަބެއް ދޭންވީކީ ނޫނެވެ. ޑިސިޕްލިން ކުރުވަން ކަމެއް ކުރުވަން ވީ އެވެ.
ވަހީދު
05 June 2022
ތަނެއް ފަޅާލައިގެން ވަދެ ވައްކަން ކުރީމަ ވެސް ލިބޭ ގެއްލުން އަގު ކުރީމަ ބައިލައްކަ އަށްވުރެ ބޮޑު ނުވާ ނަމަ މިހާރު ކުރާނީ ޖޫރިމަނާ. އެމީހާ ދެތިން މަހަށް ޖަލުގައި ބަހައްޓައިގެން ދައުލަތުން ޚަރަދު ކުރުމުގެ ބަދަލުގައި އެމީހާގެ އަތުން ދައުލަތަށް ފައިސާ ނަގާނީ. ބައެއް މީހުންނަށް އަދުލުގެ ނިޒާމު މިހާރު ވޯކް ކުރާގޮތް ނޭނގެނީހެން ހީވަނީ.
ސްޕުރީމުކޯޓު
05 June 2022
42 ކިލޯ ޑުރަގު އެތެރެކުރީމަ އަދަބެއްނެތް. 100 ރުފިޔާ ވަގަށް ނެގީމަ 14000ރ ގެ ޖޫރިމަނާ. ޖުޑީޝަރީން އެދި ގޮވަނީ 100މިލިޔަނަށް ވުރެ ކުޑަނޫން އަދަދަކުން ވައްކަން ކުރަން އޭރުން އެބައިމީހުންގެ ކޮމިޝަން ހިތްހަމަޖެހޭވަރުވަނީ