ޕާޓީތަކުގެ ކެމްޕޭނަށް ފާރެއްގައި ޕޯސްޓަރު ހަރުކޮށްފައި: ސިޔާސީ ޕާޓީތަކަށް ފައިސާ ދޫކުރާ އުސޫލަށް ބަދަލު ގެންނަން އިލެކްޝަންސް ކޮމިޝަނުން ވަނީ ނިންމާފައި. -- ފޮޓޯ | މިހާރު
12 ޖޫން 2022 - 11:07
17 comments
ދައުލަތުގެ ބަޖެޓުން ސިޔާސީ ޕާޓީތަކަށް ފައިސާ ދޫކުރަމުން އަންނަ އުސޫލު ބަދަލުކޮށް، އިންތިހާބުތަކުގައި އެ ޕާޓީއަކުން ކާމިޔާބީ ހޯދާ ނިސްބަތަކަށް، ހުރިހާ ސިޔާސީ ޕާޓީތަކަށް ފައިސާ ދޫކުރާ ގޮތަށް ގާނޫނަށް އިސްލާހެއް ހުށަހަޅަން އިލެކްޝަންސް ކޮމިޝަން (އީސީ) އިން ނިންމައިފި އެވެ.
އެ ކޮމިޝަންގެ ނައިބު ރައީސް އިސްމާއިލް ހަބީބު މިއަދު "މިހާރު" އަށް ވިދާޅުވި ގޮތުގައި އެ އިސްލާހު މި ހަފުތާގެ ތެރޭގައި މަޝްވަރާ އަށް ޕާޓީތަކާ ހިއްސާކުރައްވާނެ އެވެ. އޭގެ ފަހުން އެޓާނީ ޖެނެރަލްގެ އޮފީހަށް ފޮނުވަން ކޮމިޝަނުން ނިންމާފައިވާ ކަމަށް ވިދާޅުވި އެވެ.
"ފައިސާ ދޭ އުސޫލު ބަދަލުކުރަން މަޝްވަރާ ކުރެވިފައި ވަނީ ޕާޓީތަކުން ހޯދާ ވޯޓުގެ އަދަދަށް. އެއާއެކު ހުރިހާ ޕާޓީތަކަށް ފައިސާ ދޫކުރެވޭނެ،" ހަބީބު ވިދާޅުވި އެވެ.
މެމްބަރުންގެ އަދަދަށް ބަލައިގެން ފައިސާ ދޫކުރުމަކީ ގިނަ ގައުމުތަކުގައި އަމަލުކުރާ ގޮތެއް ނޫނެވެ. އޭގެ ބަދަލުގައި އަމަލުކުރަނީ އިންތިހާބުތަކުގައި އެ ޕާޓީއަކުން ހޯދާ ވޯޓާއި ކާމިޔާބީތަކުގެ މައްޗަށް ނުވަތަ ހަރަކާތްތެރިވާ ވަރެއްގެ މައްޗަށެވެ.
ހަބީބު ވިދާޅުވި ގޮތުގައި ކިތަންމެ ހަރަކާތްތެރި ޕާޓީއަކަސް 10,000 މެމްބަރުން ހަމަނުވާ ނަމަ ދައުލަތުގެ ބަޖެޓުން އެއްވެސް ފައިސާއެއް ދޫނުކުރެވޭ ގޮތަށް އޮތުމަކީ ވެސް ހަމަޖެހޭ ގޮތެއް ނޫނެވެ. އެކަމަކު ގާނޫނީ އެއްވެސް އިޖުރާއަތެއް ފުރިހަމަ ނުވެގެން ބަލާއިރު ޖޫރިމަނާ ވެސް ކުރަން ޖެހި ފައިސާ ދައްކަން ޖެހޭ ކަމަށް ވިދާޅުވި އެވެ.
ޖުމްހޫރީ ޕާޓީގެ ޖަލްސާއެއް ކުރިއަށް ގެންދަނީ: ދައުލަތުގެ ބަޖެޓުން މިހާރު ފައިސާ ދެނީ ހަތަރު ޕާޓީއަށް. -- ފޮޓޯ | މިހާރު
ހަބީބު ފާހަގަކުރެއްވި ގޮތުގައި ސިޔާސީ ޕާޓީތަކުގައި 200،000 އެއްހާ މީހުން ތިބިއިރު، އޭގެ ތެރެއިން ވެސް ފައިސާ ދެވެނީ ބައެއް ޕާޓީތަކުގެ މެމްބަރުންނަށެވެ.
"ކުދި ޕާޓީތަކަށް މިހާރު ފައިސާއެއް ދައުލަތުން ނުލިބޭ. ދައުލަތުގެ ބަޖެޓުން 35 މިލިއަން ރުފިޔާ މި ދެވެނީ މަދު ޕާޓީއަކަށް ކަމުގެ ޝަކުވާ ލިބޭ،" ހަބީބު ވިދާޅުވި އެވެ.
ގާނޫނުގައި އޮންނަނީ ކޮންމެ އަހަރަކު ވެސް ދައުލަތުގެ ބަޖެޓުން 0.1 ޕަސެންޓް ސިޔާސީ ޕާޓީތަކަށް ދޫކުރުމަށެވެ. އެ ފައިސާ ދޫކުރަން ޖެހެނީ 10,000 މެމްބަރުން ހަމަވާ ޕާޓީތަކަށެވެ. އެ އަދަދަށް މެމްބަރުން ހަމަކުރެވެނީ ދެ ތިން ޕާޓީއަކަށެވެ.
ރާއްޖޭގައި އުފައްދާފައިވާ ސިޔާސީ ޕާޓީތަކުގެ ތެރެއިން ދައުލަތުގެ ބަޖެޓުން މި އަހަރު ވެސް ފައިސާ ލިބުނީ ހަތަރު ޕާޓީއަކަށެވެ. އެއީ ސަރުކާރުގެ ކޯލިޝަންގައި ހިމެނޭ އެމްޑީޕީ އާއި ޖުމްހޫރީ ޕާޓީ އާއި އަދާލަތު ޕާޓީގެ އިތުރުން އިދިކޮޅު ޕީޕީއެމަށެވެ.
ރާއްޖޭގައި މިހާތަނަށް 11 ސިޔާސީ ޕާޓީއެއް ރަޖިސްޓަރީކޮށްފައި އެބައޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚަލާމް
14 June 2022
ސިޔާސީ ޕާރޓީ ތަކައް ފައިސާ ދޭކައްނުޖެހޭ
ތިންތަކުރުން
13 June 2022
ވާދަވެރިކުރުވާ ބެލެންސްކުރުވުމުގެ ފަލްސަފާ އިލެކްޝަން ކޮމިޝަނަށް ނުވިސްނުނީތީ އެނގިއްޖެ މީ ހުސް ރޯނުއެދުރުންގެ ގައުމެއްކަން. އެހީދެނީ ބާރުވެރި މުއްސަނދި ޕާޓީއެއްގެ މޮނޮޕޮލީ ގައުމުގައި އޮތަނުދީ އިންސާފުވެރި އުސޫލަކުން ވާދަވެރިން އުފެދުމަށް މަގުފަހިކުރަން. މަށަށް ފެންނަނީ ޒަކާތު ފައިސާކޮޅުވެސް އުފެއްދުންތެރިންނަށް ދޭން.
ބޮޑުމީހާ
12 June 2022
އެއްބަޔަކަށް އުވަގަށާ މެޝިނަކަށް ވޯޓް ލެވުމަކީ ކާމިޔާބީއެއް. އަނެއްބަޔަކަށް 4 ބިލިއަން ވަގަށް ނެގުމަކީ ކާމިޔާބީއެއް. އަނެއް ބަޔަކަށް 200 މީހުން ހަމަނުވާ ރަށެއްގައި ބޮޑު ބަދަރަކާއި 4 ބުރީގެ ކައުންސިލް އިދާރާއެއް ހެދުމަކީވެސް ކާމިޔާބީއެއް
އަބްޑޫޅް
12 June 2022
މިއީ މިކަން، ދުނިޔޭގެ ތަހުޒީބު ދިމިގަރާތީ ތަކުގަ ވެސް އޮންނަ ގޮތް. މި ނޫހުގަ އަހުރެން މިހެން މިހާރު ކިތަންމެ ފަހަރަކު ކޮމެންޓު ކޮށްފިން. ލޮލުގަ އުނގުޅީމަ ނޫނީ ކަލޭމަންނަކަށް ނޭގޭ ވިއްޔަ. މިހާރު ދެން އެގިއްޖެ ކަން ރަގަޅު. ތާއީދު ލިބޭ ނިސްބަތުން، ޕާޓީ ތަކަށް ބަޖެޓުން އެހީ ނުވެއްޖެ ނަމަ ދިމިގަރާތީއެއް ނޯންނާނެ. ހަމަ އެކަނި މުއްސަދި ސަޕޯޓަރުންގެ ޗަންދާގެ މައްޗަށް ޕާޓީގެ އާމުދަނީ ބަރޯސާ ވާނަމަ، ޕާޓިތައް ވާނީ އެ މީހުންގެ އަޅުންނަށް.
މީނަމީމު
12 June 2022
ތިއީ އެއްގޮތަކަށްވެސް އެއްވެސް ޕާޓީއަކަށް ދޭންވިއެއްޗެއްނޫން. ތިކަމުގައި ރާއްޖެ އަދިތިގޮތަށްދޭ ފެންވަރަކަށްނުދޭ. ތިކަމުން އުފެދެނީ ފިތުނަފަސާދަ. ތިލާރިން މީހުންއުފެއްދިއްޔާ މާރަނގަޅުވާނެ.
ނާޖާއިޒް ޚަރަދުކުރުން
12 June 2022
ޑިމޮކްރަސީ ކުރި ނާރާނެ 2 ޕާޓީއަކަށް އެކަނި ޓެކްސް ޕޭޔަރުންގެ ފައިސާ ދޫކޮށްގެނެއް. އަދި ސީލިންގ އެއް ނެތި ފައިސާ ދޫކޮށްގެނެއްވެސް. ދުނިޔޭގެ އެއްވެސް ގައުމެއްގައި ނުކުރާ ކަންކަން ރާއްޖޭގައި ކުރާނެ ފައިސާ ހިމެނޭ ނަމަ. މަޖްލީސް މެމްބަރުން އެއީ މީގެ ނާޖާއިޒް ތަޅުދަނޑިތައް.
ހިލަބެ
12 June 2022
އެއްވެސްޕާޓީއަކަށް ދައުލަތުގެ ބަޖެޓުންފައިސާދީގެންނުވާނެ ޕާޓީތަކަކީ ރައްޔިތުންނަށްބޮޑުބުރަޔަކަށްހަދައިގެންނުވާނެ އެޕާޓީއެއްގެ މެމްބަރުނައަތުން ޗަންދާނަގައިގެން ހިންގާ ކިހާދެރަކަމެއްތީ
ގައުމީ ލޯބި
12 June 2022
ޓެކްސް ފައިސާއިން ޕާރޓީތަކަށް ފައިސާދިނުމަކީ ރައްޔަތުން އެއްގޮތަކަށްވެސް އެދޭ ކަމެއް ނޫން.. އެފައިސާއަކީ ރައްޔަތުންގެ މަންފާއަށް ކަންކަން ކުރަން ދައުލަތާއި ހަވާލުކުރާ ފައިސާ. މިހާރު އެފައިސާ ޕާރޓީކަށް ދީފައި މިޖެހެނީ ލޯނު ނަގައިގެން ރައްޔަތުންގެ ކަންކަން ކުރަން.. ބޮޑުވެއްޖެ މުސީބާތެއް ތިޕާރޓީތަކަކީ. އޭގެ ސަބަބުން އެއްބައިވަންތަކަންގެއްލި ރައްޔަތުން އެމީހުން ކުޅޭ ކުޅިވަރަށް އަގުދައްކަން މިޖެހެނީ.. ރައްޔަތުން ފެލައިގެން ޕާޓީ ހިނުގުން ހުއްޓާލާ!
މިއަދު
12 June 2022
ރައިއްޔަތުމީހަވެސް ޖޫރިމަނާކޮއްފިނަމަ ސަރުކާރުން ޖޫރިމަނާ ދައްކާގޮތަށް އޮތުން އަޅުގަނޑަށްފެނޭ ޕާޓީތަކަށް ފައިސާނުދެވޭނަމަ ޕާޓީ ޖުރިމަނާ ނުކުރެވޭގޮތަށް އޮންނަމަ ރައިއްޔަތުމީހާއަށް ފައިސާނުދެވި އެމީހުންވެސް ޖުރިމަނާ ކުރެވިގެންނުވާނެ
ކޮށަލި
12 June 2022
ތިޔައީ އިންސާފުވެރިގޮތެއް ނޫން. އަންހެނުންނަށް ޚާއްޞަ ކޯޓާ ދެނީ އިޖުތިމާޢީގޮތުން އެމީހުން ނިކަމެތިކަމަށް ބަލާފަ. ދިވެހިރާއްޖޭގައި ޤާނޫނީގޮތުން އަންހެނުންނަށް އޮތް ފުރުޞަތުތައް ފިރިހެނުންނެކޭ ތަފާތެއް ނެތް! ބޮޑު ދެޕާޓީން ތަކި ހިއްޕާފަ ދެން މިބުނަނީ ތިމަންމެން ފިޔަވައި ދެންތިބި މީހުނަށް ފައިސާ ނުލިބޭނެ އުކުޅެއް ހަދަމާ ހިނގާށޭ! އެއްވެސް ޕާޓީއަކަށް ފައިސާ ދޭނެކަމެއް ނެތް! ބައިގަޑު ހަދައިގެން ކެއުން ކަމަކީ. ރައްޔިތުންނަށް މާރަގަޅު މައުމޫނިޒަމް.