13 ޖޫން 2022 - 13:34
21 comments
ރަޝިޔާ ސިފައިން ޔޫކްރޭނާ ދެކޮޅަށް މިހާރު ކުރަމުންދާ ހަނގުރާމައިގައި، ރަޝިޔާ ސަރުކާރުގެ އަމާޒު ކުރީ، ޔޫކްރޭންގެ އިރުމަތީ ދޮންބާސް ސަރަހައްދު ޔޫކްރޭނުން މުޅިން ވަކިކޮށްލައި ރަޝިޔާގެ ބާރުގެ ދަށަށް ގެންދިއުމަށް ކަމަށް ޔޫކްރޭންގެ އޮފިޝަލުން ވިދާޅުވެއްޖެ އެވެ.
ދޮންބާސް ސަރަހައްދުން އަމިއްލަ އަށް މިނިވަންކަން އިއުލާންކޮށްފައިވާ ލުހާންސްކް ސަރަހައްދުގައި ހުންނަ ޔޫކްރޭންގެ އަސްކަރީ ވެރިޔާ ސެރްހީ ހައީޑޭ ވިދާޅުވި ގޮތުގައި ރަޝިޔާ ސިފައިންގެ ހަމަލާތައް މިހާރު އަމާޒުކޮށްފައި ހުރީ، ދޮންބާސް ސަރަހައްދުގައި އޮންނަ ސެވެރޮޑޮނެޓްސްކް ސަހަރު، މި ހަފުތާގެ ތެރޭގައި ހިފުމަށެވެ.
ޔޫކްރޭންގެ އިރުމަތީގައި އޮންނަ ދޮންބާސް ސަރަހައްދު ހިފުމަށް ރަޝިޔާ ސިފައިން މިހާރު ކުރަމުންދާ ހަނގުރާމައިގައި، އެންމެ ވަރުގަދަ އަށް ހަމަލާތައް ބަދަލުކުރަމުން ދަނީ، އެ ސަރަހައްދުގެ އެންމެ ބޮޑު ދެ ސަހަރު ކަމަށްވާ ސެވެރޮޑޮނެޓްސްކް އާއި ލީސީޗަންސްކްގަ އެވެ. އެ ދެ ސަހަރުގެ ވެސް ބޮޑު ބައި މިހާރު އޮތީ ރަޝިޔާ ސިފައިންގެ ބާރުގެ ދަށުގަ އެވެ.
އެ ދެ ސަހަރުގެ ދެމެދުގައި އޮންނަ ފުން ކޯރު ހުރަސްކޮށް، އެއް ސަހަރުން އަނެއް ސަހަރަށް ދަތުރުކުރުމަށް އަޅާފައި އޮތް ތިން ބްރިޖްގެ ތެރެއިން ދެ ބްރިޖު، ރަޝިޔާ ސިފައިން އިއްޔެ ދިން ހަމަލާތަކުގައި ވަނީ ބޭނުން ނުކުރެވޭ ވަރަށް ހަލާކު ކޮށްލައިފަ އެވެ. އަދި ތިން ވަނަ ބްރިޖަށް ވެސް މިއަދު ހަމަލާތަކެއް ދިން ކަމަށް ޔޫކްރޭނުން ބުނެ އެވެ.
ޔޫކްރޭނުން ބުނި ގޮތުގައި ރަޝިޔާ ސިފައިން އެ ބްރިޖްތަކަށް ހަމަލާދީ ހަލާކު ކުރަނީ، ސެވެރޮޑޮނެޓްސްކްގެ ރަށްބޭރުގައި ތިބި ޔޫކްރޭން ސިފައިންނަށް، ޔޫކްރޭން ސަރުކާރުން އަސްކަރީ މަދަދު ފޯރުކޮށްދެމުން ދާތީ އެކަމަށް ހުރަސް އެޅުމުގެ ގޮތުންނެވެ. ސެވެރޮޑޮނެޓްސްކް އަށް ދެވެން އޮންނަ މައި މަގު މިހާރު ވެސް ރަޝިޔާ ސިފައިންގެ ބާރުގެ ދަށަށް ގެންގޮސްފައިވާ އިރު، ކޯރު ހުރަސްކޮށް އަޅާފައިވާ ބްރިޖްތައް ފުނޑުފުނޑު ކޮށްލުމުން، ޔޫކްރޭންގެ މައި ސަރުކާރާ އެ ސަހަރު މުޅިން ގުޅުން ކެނޑިގެން ދާނެ އެވެ.
ރަޝިޔާގެ ރައީސް ލަޑިމިއާ ޕުޓިން، ޔޫކްރޭނާ ދެކޮޅަށް ހަނގުރާމަ އިއުލާން ކުރެއްވީ މިދިޔަ ފެބްރުއަރީ މަހުގެ 24 ވަނަ ދުވަހު އެވެ. ރަޝިޔާ ސިފައިން ވަނީ ހަމަ އެ ދުވަހު، އެއްގަމާއި ވަޔާއި ކަނޑު މަގުން ޔޫކްރޭނަށް ހަމަލާ ދޭން ފަށައިފަ އެވެ.
ރައީސް ޕުޓިން ވިދާޅުވި ގޮތުގައި ރަޝިޔާ ސިފައިން ޔޫކްރޭންގައި ފަށާފައިވާ ޚާއްސަ އަސްކަރީ ހަރަކާތްތަކުގެ އަމާޒަކީ، ރަޝިޔާއާ ދެކޮޅަށް ޔޫކްރޭންގައި ހިންގާ ނާޒީ ހަރަކާތްތައް ނައްތައިލުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
14 June 2022
މީޑިޔާ އަދި ސޯސަލް މީޑިޔާ ކޮން ޓްރޯލް ކުރަނީ އެމެރިކާ އަދި ނޭޓޯ އިންނެވެ. ވީމާ ސިކުނޑި އަށް ވަންނާނީ އެމީހުން ދައްކާ މަންޒަރެވެ. އދ އޮއްވަ އެމެރިކާ ބޭނުންވީމަ އެހެން ގައުމު ތަކުގެ އެތައް ބިލިއަން ޑޮލަރަކާ ހަރު މުދާ ހިފަހައްޓަނީ އެވެ. މިއީ ޖަންގަލީގެ އުސޫލެވެ. މިހާރުވެސް އެދަނީ ފަހުގެ ހަތިޔާރު ދެމުންނެވެ. އޭގެ ސަބަބުން ކުށެއް ނެތްބަޔަކު މަރުވެ ހަނގުރާމަ ފުޅާ ވުން ނޫން ކަމެއް ނުވާނެ އެވެ .
ޗޮސްބެ
15 June 2022
ސިކުނޑި ފުށުންޖެހިފަތިބޭ މީހުނަށް ވިސްނޭނީ ތިހެން.
ހަބީބް
13 June 2022
ރައީސް ޕުޓިން ވިދާޅުވި ގޮތުގައި ރަޝިޔާ ސިފައިން ޔޫކްރޭންގައި ފަށާފައިވާ ޚާއްސަ "އަސްކަރީ ހަރަކާތްތަކުގެ" އަމާޒަކީ، ރަޝިޔާއާ ދެކޮޅަށް ޔޫކްރޭންގައި ހިންގާ ނާޒީ ހަރަކާތްތައް ނައްތައިލުމެވެ. ފަޅޮލޭ ކިއްޔަ މާ ތާހިރުވާނެ.
ސަލީމު އިދުރީސް
13 June 2022
ބަލަ ބީރުބޮލައް ނޭގޭތޯ ރޫސީންގެ ނުރައްކާ އޮވެ އެގަމުއުތައް އަޅުވެތި ކުރަން އުޅޭތިކަން އެގައުމު ތަކުން ނޭޓޯޔާ ގުޅެއް އުޅެނީ! ބީރުބޮލު ބުނެބަލަ ރަސިޔާ ދަށުގައޮވެ ކުރިޔައްދިޔަ ގައުމެއްގެނަން! އޭގެ މިސާލެއް 28 އަހަރުގެ އިރުމަތީ ޖަރުމަންގެ އެރިކު ހޮނިކާ ސަރުކާރު ވެއްޓި ދިޔަގޮތް! އެއިރުގެ ރޫސީ ރައީސް ގަރުބަޗޯގެ ރަނގަޅުކަމުން ބޮޑު ލޭއޮރުމަކައް ނުގޮސް ދެޖަރުމަން އެއްކުރެވުނީ
ބީރުބޮލު ވަޒީރު
13 June 2022
ލެއްގި ކޮމިޝަނަރު އޮންނާނަންހޭ ކޮމިޝަނަރު ގޭގެ ފުޅައްބުޑުގާ އަލިފާން އަންދާއިރު ބަލަން. ނޯވެވޭނެ. ރަސިއާވެސް ލައްކަ އާދޭސްކުރި ޔޫކުރޭނަށް އެމެރިކާގެ ލަސްކަރު ނުގެންނާށޭ ރަސިއާއަށް ނުދެވުނު ރައްކާތެރިކަމެއް ނޭޓޯއަކަށް ނުދެވޭނޭ. ޒެލެންސްކީގެ ކަންފަތަށް އެއަޑު ނީވުނީމަ މިހާރު ބާ ޓޭންކްތަކާ ދަބަރުޖަހާފަހުރި ބޮޑުބަޑިތަކާއި ދަތްމަރުތޭލާއި ހަތަރު ކޯރާޑި ހިފައިގެން ރަސިއާ ސިފައިން އެދިއައީ ޒެލެންސްކީ ކަންފަތް ހުރިތޯ ބަލަން. ހަނގުރާމަ އޮތީ ކުރިއަށް.
ލެއްގިކޮމިޝަނަރ
13 June 2022
ފުޅަށްބުޑުގަ އަލިފާން ރޯކުރުމަށްވުރެއް މާނުބައެއްނޫންތަ އިންފާރު ވައްޓާލާފަ ގޭގެ 20 ފޫޓްވަރު ފޭރިގަތީމަ. ބީރުބޮލު ވަޒީރަށް ރަންގަޅުދޯ ތިގޭ އިންފާރު ވައްޓާލާފަ ފާހާނާއަކާ ކޮޓަރިއެއް ޖެހިގެންހުރިގޭ މީހުން ދަމާގަތީމަ. ހެވިފަ ބަލަންދޯހުންނާނީ؟ ވާންކޮށްފަ ބަހައްޓާށޭކިޔާފަ އަވައްތެރި ގޭމީހުނަށް ހިތްވަރުދޭން ކެރޭނެތަ؟ ޔުކްރޭނަކީ މިނިވަންގައުމެކޭ! އެމީހުންގެ އިމުގަ އެމީހުން ބޭނުންކަމެއް ކުރެވޭނެދޯ؟ އެހެނޭ ކިޔާފަ ރަސިޔާއަކަށް ނުޖެހޭނެދޯ ބިބްތައް ފޭރޭކަށް
ސަލީމު އިދުރީސް
13 June 2022
ރޫސީންގެދަބަރުޖާހާ ހައިޑުރޯލިކުނުހުންނަ ޓޭކަކުން އޭގެބަޑި ދެމިހުންވެގެން އަމަމާޒައް ސީދާކުރަންއަބުރާތާ ބައިގަޑިއިރުވެ ދާހިލި މޫނުމައްޗައް ކުދިކޮކާބޫފަހުން ޔޫކުރޭނު ޓޭންކުގައިންނަ މީކައިރީގަ އޮޓަމެޓިކު ސިސްޓަމު އަހަނީ ދުސްމަނުންގެ އޮބުޖެއްޓެއްކަމައް ލަފާކުރެވޭ އެއްޗެއް ފެނެޔޭ ޔޫކުރޭނު ސިފައިންގެ މީހާ ޓެކުތޭރޭ ކޮފީއެއް ބޯންއިދެފަ އޯޑަރުދެނީ ޔަގީންކުރާށޭ ދެންބުނަނީ ޔަގީނޭ ބުނީމައޯޑަރު ދެނީ ގޮއްވާލާށޭ!މިއީރޫސީންގެT-62 ކާ މާޑާ ނުވަތަ ލިއޮޕާޓުގެތަފާތު
ލެއްގިކޮމިޝަނަރ
13 June 2022
ޔުކުރޭނުގެ އިރުމަތީ ސަރަހައްދަކީ 2014 ވަނަ އަހަރުންފެށިގެން ވަކިވެގަނެގެން އުޅޭ ބާޣީން ކޮންޓްރޯލްކުރާ ސަރަހައްދެއް. މިފަދަތަނެއް ދުނިޔޭގެ ބޮޑުބާރެކޭ ކިޔާބަޔަކު ފޭރެގައްނަން 2 މަސްދުވަސްވީމަ ބުނެވޭނީ ހަމަ ދަބަރު ޖަހާފަހުރިބާ މިސައިލާ ޓޭންކޭ ގެންގުޅެނީ. ދަތްހުރި ވަރުގަދަ ސިންގާއެްްނަމަ އެއްފާކޮރު ފުއްލާއެއް ޝިކާރަކުރަން 100 ދުވަހެއް ނުނަގާނެ. މިކަހަލަ ދިރާސާއެއްނުހަދާ ކަނޑުކޮސް ރަދީފު ކޮމެންޓްކުރާތީ ޔަގީންވަނީ ސިނކުޑީގެ ނިއުރޯންވެސް މަދު މީހެއްކަން
ބީރުބޮލު ވަޒީރު.
13 June 2022
ކަނޑުކޮސް ލެއްގި ކޮމިޝަނަރު ހާދަ ކަނޑުކޮހޭ. ބަލަ ޕޫޓިން ނޫޅޭ އެމެރިކާއިން ބޮން އަޅާހެން ބޮންއަޅާފަ ޢާންމުންގެ އެތައްބަޔަކު މަރާލަފަ ދޮންބާސް ހިފާކަށް. ޢާންމުން ސަލާމަތްކުރަމުން އެދަނީ ބޮމަޔަކުން މޭލަކުން ކިލޯމީޓަރަކުން ހިފަމުން. ޔަހޫދީ ކާޓޫނު ފިލްމުކުޅޭ ޖޯކަރު ޢާންމުން އައްޑަނައަކަށް ހަދައިގެން ކާރުހާނާގަ ގެންގުޅެނީ. ގެޓުވެއްޖެތަ؟ ގެޓް ނުވަންޏާ ބުނާތި.
ލެއްގިކޮމިޝަނަރ
13 June 2022
ރަސިޔާއިން ހަނގުރާމަ ކުރަނީ އާއްމުން ނުމަރާދޯ؟ ޔުކުރޭނުގެ އުމުރާނީ ވަސީލަތްތަކަށްވެސް ހަމަލާ ނުދީދޯ؟ ކާރުހާނާތަކާ ވަދަރުތައްކަށްވެސް ގެއްލުމެއް ނުދީދޯ؟ ރަދީފު ބުނާގޮތުންވީޔާ ރަސިޔާއިން މިގެންގުޅެނީ ހާދަހާވާ މޮޅެތި ހަތިޔާރޭދޯ؟ ތަނަކަށް ހަމަލާދިނީމަ ހަލާކުވުމުގެ ބަދަލުގަ އޭގެ އިތުރު 2 ތަން އެފެދެނީދޯ؟ ނޫނޭވާ ޕުޓިން މިގެންގުޅެނީ ހާދަޖާދުގަދަ މިސޭލުތަކެކޭ. ޢިންސާނެއްގެ ފުރާނަ ދުއްވާނުލާ މުޅިޔުކުރޭން ތަރައްގީކޮށް ނިންމާލަނީވޯޔާދޯ؟ ކަނޑުކޮސް ރަދީފު
ލެއްގިކޮމިޝަނަރ
13 June 2022
ތިވާނީ ފޭރުމުގެ އަމަލަކަށް. ކަަނޑުކޮސް ރަދީފް ވަރަށް ތާއިދުކުރާނެ މިކަހަލަ ކަންކަމަށް. ރަސިޔާއިން ޔުކުރޭނުގެ ބިންފޭރުމެކޭ އިޒްރޭލުން ފަލަސްތީން ބިންފޭރުމެކޭ ކޮބާތޯ ތަފާތަކީ؟ ކަނޑުކޮސް ރަދީފަކަށް ޖަވާބެއް ނުދެވޭނެ. އަހަރުމެންނަކީ ކޮންމެބަޔަކު ކުރިޔަސް ގޯސްކަމެއް އެއީ ގޯސްކަމެއްކަމަށް ގަބޫލުކުރާ މީހުން. އިޒްރޭލުވިޔަސް އެމެރިކާވިޔަށް އަދި ރަސިޔާވިޔަސް. ރަދީފަކީ މިޔާހިލާފަށް ހަމަ ގަބޫލުނުކުރާ ކަނޑުކޮސް އަންއޮފިޝަލް މީހެއް
ރަދީފްއޮފިޝަލް
13 June 2022
އަހަރެންގެ ކޮމެންޓްގަ އެބައޮތްތަ ތާއީދުކޮށްފަ؟؟؟ އަހަރެން ކުރިމަތިކުރި ސުވާލުތަކަށް ދޭނެ ޖަވާބެއް ކަލޭ އަތުގަ ނެތީމަ ކޮމާންޑޭ ކިޔައިގެން ކޮސްގޮވަނީ ކީއްކުރަން.އެމެރިކާ އަދި އިޒްރޭލުން ހިންގާ ހުރިހާ ޖަރީމާއަކަށް ކަލޭތީ ހިތުގެ އަޑިން ތާއީދުކުރާ މީހެއް.އެހެންވީމަ ކަލެއަށް އެހެންމީހުން ގައިގަ ލޭބަލް ޖަހާނެ ފުރުސަތެއް ނެތް.ލަދު ކޮބާ؟؟ ވ.ވެދުން
ރަދީފްއޮފިޝަލް
13 June 2022
**އެމެރިކާ ، އިންޑިޔާ އަދި އިޒްރޭލުން
ބީރުބޮލު ވަޒީރު.
13 June 2022
އެއީ ޕޫޓިންގެ ގައްޑާކަން. ޖޯ ބައިޑަން ލެއްގި ކޮމިޝަނަރަށް ސަލާމްބުނި.
ރަދީފްއޮފިޝަލް
13 June 2022
ނިޔުކްލިޔަރ ހަގުރާމައެއް ކުރަން ޖެހުނަސް މިފަހަރު ހުއްޓާލާނީ ޔޫކްރެއިން ހިފާފަ. އެމެރިކާޔާ ހުޅަނގުގެ ގައުމުތައް ތިބެންޖެހޭނީ ހަމަ ބަލަން. ނޯތް ކޮރެޔާ، ޗައިނާ އެތިބީ އަހަރެމެންނާއެކު. އެއީ މިހާރުގެ ސުޕަރ ޕަވަރުން. ނޭޓޯޔަކަށް ނުކެރޭނެ ވައިއެޅެންވެސް.
ހަބީބް
14 June 2022
ރަދީފްބެއްޔާ އުޅެނީ ޕުޓިންވަރު މޮޅު މީހަކު ނެތިގެން. އެބެއްޔާއަށް ރަގަޅީ އެއްވެސް ކަމަކާނުލާ ގައުމަކަށް އަރައިގަނެގެން އެތައްބައިވަރު މީހުން މަރާ، އަމިއްލަ ސިފައިން ގުރުބާންކުރާ ލާއިންސާނީ ޕުޓިން.
ލެއްގިކޮމިޝަނަރް
13 June 2022
ރަދީފް ކަޑަ ކޮށްލާފަ ދޮންބާސް ސަރަހައްދުވެސް ރަޝިއާ އަތުން އަތުލާނަން، ޕުޓިން އާ ރަޝިއާ ސިފައިން އަދި ރަދީފް ވެސް ޖެހޭނީ މަހަށް ދާން!
ނިއުޓްރަލް
13 June 2022
ޗަކޮއެ ހާދަ މާޔޫސް ވެފަ ހެން ހީވެޔޭ..
ބީރުބޮލު ވަޒީރު.
13 June 2022
ހަނދާން ނައްތާލާ.
ރަދީފްއޮފިޝަލް
13 June 2022
ތިޔާއި ހަމަ ތެދެއްތަ؟/ ބާ ދަގަނޑުގެ އެހީގަތޯ ރަޝިޔާއިން ދޮންބާސް އެމީހުންގެ ބާރުގެ ދަށަށް ގެންނަނީ؟ ފުރަތަމަ މިކަން މިތާ ކޮމެންޓްކުރަން އުޅޭ އާޖުފާއްޖު ނުދަންނަ ރޯނުއެދުރު @ސަލީމްއިދްރީސް އަދި ކަނޑުކޮސް @ލެއްގިބަބުރުކޮމިޝަނަރ ބުނެދޭން އެބަޖެހޭ.ޒަމާނީ ހަތިޔާރު ހިފައިގެން ތިބި ޔުކްރެއިން ސިފައިން ނިދިކުރައްވަނީ ތޯ.ދަތްނެތް ސިންގާގެ ކުރިމަތީގަ 100 ސިންގާގެ ދަތްޕިލަ މޫނުގަ އެލުވައިގެން އޮތް ސިންގާގެ އެއްވެސް އާރެއް ބާރެއް ނެތްކަން މި ހާމަވަނީ.ވެދުން
ބީރުބޮލު ވަޒީރު
13 June 2022
ސާބަހޭ ރަދީފު. ލެއްގި ކޮމިޝަނަރު ފިލާއޮވެފަ ނުކުމެގެން މިއުޅެނީ ޒެލެންސްކީ ހައްޔަރުކޮށްފާނެހެން ހީވާތީ. މިފަހަރު އެމެރިކާއާއި ޔޫރަޕަށް އެނގޭނެ ރަސިއާ އެއީ ކިހާވަރެއްގެ ބޮޑު ބާރެއްކަން.