މުސްހަފު މާލްދީފް ބެހުން ރައީސް ޔާމީން ފަށްޓަވައި ދެއްވައިފި

ކޮންމެ ދިވެއްސަކަށް މުސްހަފެއް ދިނުމަށް ސަރުކާރުން ފެށި މަޝްރޫއުގެ ދަށުން ފުރަތަމަ ޗާޕްކުރި ކޮޕީތައް، ގުރުއާން ހިތުދަސް ކުރަމުން އަންނަ ކުއްޖަކަށް ރައީސް ޔާމީން ހަވާލު ކޮށްދެއްވަނީ: މިއަދު ވަނީ ފުރަތަމަ ބުރުގެ 100،000 ކޮޕީ ބަހަން ފަށާފައި -- ފޮޓޯ: ރައީސް އޮފީސް

މުއިއްޒު އިބްރާހިމް، މިހާރު

29 ޑިސެމްބަރ 2016 - 12:06

9 comments

ކޮންމެ ދިވެއްސަކަށް މުސްހަފެއް ދިނުމަށް ސަރުކާރުން ފެށި މަޝްރޫއުގެ ދަށުން ފުރަތަމަ ޗާޕްކުރި ކޮޕީތައް ބެހުން ރައީސް އަބްދުﷲ ޔާމީން މިއަދު ރައީސް އޮފީހުގައި އިފްތިތާހުކޮށް ދެއްވައިފި އެވެ.

ރާއްޖެއަށް ޚާއްސަކޮށްގެން "މުސްހަފް މާލްދީފް"ގެ ނަމުގައި ބަހުރައިން އިން ޗާޕްކޮށްގެން ގެނައި އެ މުސްހަފު އިފްތިތާހުކޮށް ދެއްވުމުގެ ގޮތުން ރައީސް ޔާމީން ވަނީ ކީރިތި ގުރުއާނާ ބެހޭ މަރުކަޒުގައި ގުރުއާން ހިތުދަސް ކުރަމުން އަންނަ ފަސް ދަރިވަރަކަށް ފަސް ކޮޕީ ދެއްވައިފަ އެވެ.

އެ ރަސްމިއްޔާތުގައި އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރު ވިދާޅުވީ ގުރުއާނުގެ އިލްމު ކުރިއެރުވުމަކީ ސަރުކާރުން ވަރަށް އިސްކަންދޭ ކަމެއް ކަމަށާއި މިއީ އޭގެ މިސާލެއް ކަމަށެވެ. ގުރުއާންގެ އިލްމު ކުރިއެރުވަން އިސްލާމީ ބައެއް ގައުމުތަކުން ވެސް ރާއްޖެއަށް އެހީތެރިވަމުން އަންނަ ކަމަށާއި އެ އެހީތައް ވަރަށް އަވަހަށް ލިބެން ފަށާނެ ކަމަށް ވެސް ޑރ. ޒިޔާދު ވިދާޅުވި އެވެ.

"މިއީ ރައީސް ޔާމީން އިސްލާމީ ގައުމުތަކާއި އަރަބި ގައުމުތަކާ ބާއްވާ ގާތް ގުޅުމުގެ ނަތީޖާކަން ހާމަވެގެން މިދަނީ،" ޒިޔާދު ވިދާޅުވި އެވެ.

ކުރީގެ އިސްލާމިކް މިނިސްޓަރު އަދި އިސްލާމިކް ޔުނިވާސިޓީގެ މިހާރުގެ ޗާންސެލަރު ޑރ. މުހައްމަދު ޝަހީމް އަލީ ސައީދުގެ ބެއްލެވުމުގެ ދަށުން ފެށި އެ މަޝްރޫއުގައި ފުރަތަމަ ރާއްޖެ ގެންނާނީ 100،000 މުސްހަފެވެ.

ފުރަތަމަ ބުރުގައި ގެނައި 100،000 ކޮޕީ ބަހައި ނިމޭއިރު ރާއްޖޭގެ ކޮންމެ ގޭބީސީއަކަށް ވެސް މުސްހަފުގެ ކޮޕީއެއް ލިބޭނެ ކަމަށް އިސްލާމިކް މިނިސްޓްރީން ވަނީ ބުނެފަ އެވެ. މުސްހަފު ބަހާނީ ކޮން ތަނަކުން ކަމެއް އިސްލާމިކް މިނިސްޓްރީން އަދި ހާމައެއް ނުކުރެ އެވެ. އެކަމަކު ބެލެވޭ ގޮތުގައި އެކަން ކުރާނީ ލޯކަލް ކައުންސިލްތަކާ ހަވާލުކޮށްގެންނެވެ.

އިސްލާމިކް މިނިސްޓްރީ އިސްލާމިކް މިނިސްޓަރު ޤުރުއާން ރައީސް އަބްދުﷲ ޔާމީން

9 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަމަނަ

29 December 2016

އަންތަރީސް މިހާރު މުސްޚަފް މާލްދީފް އާނަމެއް ކޮންމެއަކަސް ޑޮކްޓަރ ވަޙީދުގެ ވެރިކަމުގައި ޝަހީމް ފެށި އެމަސައަކަތް މިހާރު އެވަނީ އޭގެ ފޮނިކޮޅު ބޯލަން ލިބިފައެވެ. ހުރިހާކަމެއްވެސްއެހެންނެވެ. ދެން ހިތައް އަރަނީ ކޮންމެ މީހެއްގެ އަތުގައި ސްމާޓް ފޯނެއް އޮންނައިރު އަދި ކޮންމެ ފޯނަކަށް ޤުރުއާންގެ ތަފާތު އެކިއެކި އެޕްލިކޭޝަންތައް އަޅާދފައި ހުންނައިރު ބޭނުން ގޮތަކަށް ބޭނުން ކުރެވޭ އެޕްލިކޭޝަންތައް ހުންނަ އިރު ތިއީ އެހާ މުހިންމު ކަމެއްބާއޭ. ހިތުދަސް ކުރާ މީހުނަށް އެކަމަށް ޚައްޞަ އަދި ޚަތިމަށް ކިޔަވާ މީހަކަށް އެކަމަށް ޚާއްޞަ އަދި ހަމަ އެހެންމެ ތަޖްވީދު ދަސްކުރާ ކުއްޖަކަށް އެކަމަށް ޚާއްޞަ ތަފާތު އެޕްލިކޭޝަން ތައް ހުންނައިރު ދެން ކޮންކަމެއް މިކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސީހް

29 December 2016

އަޅުގަޑުމެެންނަ މިވަރުގެ ރައީސަކު ލިބުނީތީﷲގެހަޒުރަތަ ށުކުރުކުރަން އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްހަފު ޖާހިލިއްޔާ

29 December 2016

ދިވެހި ބަހުން ނަންކިޔަން ނޭނގިގެންބާ އަރަބި ބަހުން ނަންކިޔާފަ ތިޔޮތީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީދާ

29 December 2016

އަހަރެންގެ ގޭގައި ތިބެނީ 5 މީހުން 10 ވަރަކަށް ރަގަޅު ފެންވަރުގެ ޚަތިމު އެބައޮތް. ކޮންމެހެން މަހަލްދީފް ޚަތިމެއް ނެތަސް ގުރުއާން ކިޔެވޭނޭ. ސިޔާސީ ބޭނުންތަކަށް ދީން ބޭނުން ނުކުރުމަށް ވަރަށް އާދޭހާއެކު މި ސަރުކާރަށް ގޮވައިލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫނި ރާއްޖެ

29 December 2016

އަހަރެން ދެކޭ ގޮތުގައި މިއަށް ވުރެ މާރަނގަޅު ރަނގަޅު ފުރިހަމަ ޤުރުއާން ތަރްޖަމާއެއް ދިވެހިންނާއި ހަމަޔަށް ގެނެސްދިނިއްޔާ. އަޑު އިވޭގޮތުގައި 2008 ގައި ނެރުނު ތަރުޖަމާގައިވެސް ބޮޑެތި ފުށުއެރުންތަކެއް އުޅޭ. 100 އިންސައްތަ ސުންނީމުސްލިމުން އުޅޭ ޤައުމެއްގައި އަދި ނިސްބައްތުން އެެންމެ ގިނަ ދީނީ އިލްމުވެރިން ތިބި ޤައުމެއްގައި މިފަދަ ހަދިޔާ ގެނެއްދިނުން ތިޔަށްވުރެ މާ ރަނގަޅު. އަދި ބުޚާރީ މުސްލިމްފަދަ ހަޓީޘް ފޮތްތަކުގެ ތަރްޖަމާ ކުރުން މާރަނގަޅު. މީ ހަމަ ޚިޔާލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަނަ

29 December 2016

ވަރަށް ރަނގަޅު ވާހަކައެއް ހަމަ ތާއީދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީ

29 December 2016

ދެއްކުންތެރި ކަމެއްނެތި ތިކަން ކޮށްފިޔާ ކިތަންމެހާވެސް ރަނގަޅު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަތާ / މެދު ޕްރޮވިންސް

29 December 2016

ދެއްކުންތެރިކަމެއް ނެތްނަމަ ކޮންމެހެން މާބޮޑު ރަސްމިއްޔާތެއް ބާއްވަގެން އެތަނަށް ރައީސް މީހާ ގޮސްގެން ރައީސް މީހާއަށް ތަޢުރީފް ކޮށްކޮށްފައި ދެން އެކުރަނީ ކޮންކަމެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމޭޒިންގްދޯ

29 December 2016

މުސްހަފް މާލްދީބް ރައީސް ނެރެދެއްވުން އިޓްް ގިވްސް އަސް އަ ހެޕީ އެން ޖޯއިފުލް ގިވިންގް ދޯ. ރާއްޖޭގެ ތާރީޚް ގައި ވެސް ކޮންމެ ގެއަކަށް މުސްހަފް އެއް މިބަހަނީ އެއީ މަމެންގެ ބިއުޓިފުލް އެން އޯސަމް އެން ފްލޯލެސް ސަރުކާރު ހިނގަމުން ދާ ދުވަސް ވަރު ދޯ. އެމޭޒިންގް އެން ވޮންޑަރފުލް.