ރަސޫލާއަށް ފުރައްސާރަކުރި މައްސަލާގައި ޗައިނާ ވާހަކަ ދައްކައިފި

ރަސޫލާއަށް ފުރައްސާރަކުރި މައްސަލާގައި އިންޑިއާގައި މުޒާހަރާޔައް ހިނގަމުން ދާއިރު ޗައިނާއިން ވަނީ އެ މައްސަލަ އަބަހަށް ހައްލުކުރުމަށް ގޮވާލާފައި.

ނިއުމަތުﷲ އިދުރީސް، މިހާރު

13 ޖޫން 2022 - 22:42

14 comments

އިންޑިއާގެ ވެރިކަންކުރާ ބާރަތިޔާ ޖަނަތާ ޕާޓީ (ބީޖޭޕީ) ގެ އިސް ބަޔަކު ކީރިތި ރަސޫލާއަށް ފުރައްސާރަކުރި މައްސަލަ ހޫނުވެފައި ވަނިކޮށް އެކަމާ ބެހޭ ގޮތުން ޗައިނާއިން ވާހަކަ ދައްކައިފި އެވެ.

އިންޑިއާގެ އެންމެ ބޮޑު އެއް ވާދަވެރިވާ ކަމަށްވާ ޗައިނާގެ ފޮރިން މިނިސްޓްރީގެ ތަރުޖަމާނު ވޮންގް ވެންބިން ވިދާޅުވީ ޗައިނާއިން އަބަދުވެސް ބާރުއަޅަނީ އެކި ދީންތަކާއި އެކި މުޖުތަމައުތަކުގެ މެދުގައި ތަފާތުކުރުމެއް ނެތި އެއްބަޔަކު އަނެއްބަޔަކު ގުޅިގެން އުޅުމަށް ކަމަށެވެ. އަދި މާނައެއް ނެތް ގޮތުގައި ހަރުކަށިކަން އިސްކޮށް ހަމަނުޖެހުންތަކަށް މަގުފަހިކުރުމަކީ ކޮށްގެންވާނެ ކަމަށް ނޫން ކަމަށް ވިދާޅުވި އެވެ.

"ޗައިނާއިން އުންމީދުކުރަނީ އުފެދިގެން އުޅޭ މައްސަލަ އެދެވޭ ގޮތެއްގައި ހައްލުކުރެވޭނެ ކަމަށް،" ރަސޫލާއަށް ފުރައްސާކުރި މައްސަލާގައި އިންޑިއާގައި ހިނގަމުންދާ މުޒާހަރާތަކާއި ހަމަނުޖެހުމާ ބެހޭ ގޮތުން ކޮމެންޓަކީ ކޮބައިތޯ ނޫސްވެރިއަކު ސުވާލުކުރުމުން ވޮންގް ވިދާޅުވި އެވެ.

އޭނާ ވިދާޅުވީ އެކި މުޖުތަމައުތަކުގެ މެދުގައި އުފެދޭ މިފަދަ މައްސަލަތައް ވާހަކަ ދައްކައިގެން ހައްލުކުރަން ޖެހޭނެ ކަމަށެވެ. އަދި އެކި ދީންތަކާއި ފިކުރުގެ މީހުން އެކުގައި ގުޅިގެން އުޅެވޭނެ މާހައުލެއް އޮންނަން ޖެހޭނެ ކަމަށް ވިދާޅުވި އެވެ.

ބީޖޭޕީގެ އިސް ދެ ތަރުޖަމާނަކު ރަސޫލާއަށް ފުރައްސާކުރުމުން އެ މީހުންނާ މެދު ފިޔަވަޅު އަޅާފައި ވިޔަސް ސަރުކާރުން ވެސް އަދި ބީޖޭޕީއަކުން ވެސް ސާފުކޮށް މާފަށް އެދިފައެއް ނުވެ އެވެ. މި މައްސަލާގައި ކުރަމުންދާ މުޒާހަރާތައް މިދިޔަ ހުކުރު ދުވަހު މުޅި އިންޑިއާގައި ވެސް ހޫނުވި އެވެ. އަނެއްކޮޅުން އިންޑިއާ ފުލުހުންގެ ފަރާތުން ވެސް ދަނީ މުސްލިމުންނާ މެދު ތަފާތުކުރުން ގެންގުޅެ އަނިޔާވެރިކަން އިސްކުރަމުންނެވެ. މި ދުވަސްވަރު ދަނީ އެކި ސަބަބުތައް ދައްކައި، މުސްލިމުންގެ ގެދޮރު ތަޅައި ސުންނާފަތިކުރުމުގެ މަސައްކަތް ވެސް އިތުރަށް ކުރަމުންނެވެ.

ޗައިނާ އިންޑިއާ މުޙައްމަދު، ޞައްލަﷲ ޢަލައިހި ވަސައްލަމް ދީން

14 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖުލައި

14 June 2022

ތި ވާހަކަ ރަގަޅު. އެކަމަކު ޗައިނާއިން ވެސް ޖެހޭ އެ ގައުމުގެ ބައިމަދު މުސްލިމުންނަށް ކުރާ އަނިޔާތައް ހުއްޓާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހީހީހީ

14 June 2022

ވާހަކަ ކިހާރީތި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗފ4ރ5ތ

14 June 2022

ބޮގުޖަހާ ޕާރޓީއާ ޗައިނާއާ ތީ ހަމަ އެކައްޗެއް.. ބޭރު ފުށުން ވަރަށް ޑިމޮކުރަޓިކުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖީދު

14 June 2022

ހިލާފުތައް ބޮޑުކޮށްގެން މުޖުތަމައު ބައިބައި ކުރުމަކީ އިސްލާމް ދީނާ އިދިކޮޅު ހަރަކާތެއް. ޢެއީ ދީނުގެ ނަމުގައި ކަންކަން އަލަށް އުފައްދާބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

14 June 2022

ތިވާހަކަ ރަނގަޅު. އެކަމަކު އިވޭ އަޑުތަކުން އެނގެނީ ޗައިނާގެ ވެސް ބަހާއި އަމަލު ދިމާނުވާކަން. މުސްލިމުން އެކަކުއަނެކަކު މަރަމުން ކާފަރު ކުރަމުން މުސްލިމުން ބައިބައި ކޮށް ފިތުނަ އުފައްދަމުން ދާއިރު ތިފަދަ ކަންތައް ހުއްޓުވާނީ ކިހިނެއް. މިރާއްޖެވެސް މި ނުބައި ފިތުނައަށް ވެއްޓިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީރުބޮލު ވަޒީރު.

14 June 2022

އެހެންދީންތަކުގެ މީހުންނަށް އިހްތިރާމް ކުރުމާއި އަޅާލުމުގެ އެންމެ ފުރިހަމަ ސަގާފަތެއް ފެންނާނީ ނަބިއްޔާ ސައްލަﷲ ޢަލައިހިއްސަލާމް މަދީނާ ހިޖުރަކުރައްވާ އެތާގަ ބިނާކުރެއްވި އިސްލާމީ ވެރިކަމުން. އެއަށްފަހު މުސްލިމުން މި ސަގާފަތަށް ދެމެހެއްޓި. އެކަމަކު ނަޖިދުގެ ވައްހާބީން ނިކުމެ މުސްލިމުން ވެސް ކާފަރުކޮށްފި. އެމީހުންނާ ދެބަސްވާ ކޮންމެ މީހެއްގެ ލެއާ މުދާ ހަލާލްކޮށްފި. އިސްލާމީ އުންމަތުގެ މައްޗަށް އަރައިގަނެފި. އިސްލާމީ ބުރުސޫރަ ހުތުރުކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖީދު

14 June 2022

ބީރުބޮލުވަޒީރުގެ ކޮމެންޓް ވަރަށްސަޅި. ޢެއީ ހަމަ ހަގީގަތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

14 June 2022

ބީރުބޮލު ވަޒީރު ތިހެދީ ވަރަށް ބޮޑުތެދެއް. ބަޔަކު ނެތިކޮށްލުމަށްޓަކައި ބޭނުންކުރެވޭނެ އެންމެވަރުގަދަ ހަތިޔާރަކީ ދީނުގެ ނަމުގައި އެބަޔެއްގެ މެދުގައި އޮތް އެއްބައިވަންތަކަން ނަގާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

14 June 2022

ޗައިނާއަކީވެސް ވަކި މުސްލިމުންނަށް ރަގަޅު ބައެއްނޫން. ޝިންޖިއާންގެ މިލިޔަނަކަށްވުރެ ގިނަ މުސްލިމުން ޖަލަށްލައި އެދަނީ އަނިޔާ ކުރަމުން. އެމީހުންގެ ކުށަކީ ﷲ އަށް އީމާންވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާލާއިރު

14 June 2022

ޗައިނާގަވިއްޔާ ހައްދުފަހަނައެޅި ދީނީމީހުން ނުއުޅޭނެއޭތަ ތި ބުނަނީ؟ މިތަނުގައިވެސް އެފަދަ ދީނީ މީހުން އެދަނީ ލޭހުއްދަ ކުރުމަށް ގޮވާލަމުން. އެފަދަ މީހުންނާމެދު ފިޔަވަޅެއް އަޅައި އެމީހުން އާއްމު މުސްލިމުންނެކޭ އެއްގޮތް ކުރަން އެގައުމަކަށް ފެންނަ ގޮތަކަށް ކަންކުރުމުން އެކަން ބެލޭނީ މުސްލިމުންނަށް އަނިޔާކުރަނީ ކަމަށް. މުސްލިމުންގެ ވަކި ކަހަލަ ބައެއްގެ ހުރި ނުބައި ގޮތްތަކެއް ރަގަޅުކުރަން އުޅެނީ ކަމަކަށް ނުބަލާނެ. މަންޒަރު ފެންނާނީ ވަރަށް ނުބައިކޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭއި

14 June 2022

ޗައިނާގައި މުސްލިމުންގެ ދަރިކޮޅެއް އެކީ އެކަހެރިކޮށްގެން އަދަބު ދޭކަމަށް އެބަ ކިޔާ. މިކަމުގަ ނެތްތަ ބަހެއް؟ 2 ގުދު އޮތް މީހާ 1 ގުދު އޮތް މީހާއާއި ދިމާއަށް މި ނަސޭހަތް ދެނީ.