ރާއްޖެ އިން ބަންގްލަދޭޝް އަށް އާ ސަފީރެއް މިއަދު އައްޔަން ކުރައްވައި އޭނާ އަށް ރައީސް އަބްދުﷲ ޔާމީން މަގާމުގެ ފަތްކޮޅު އަރުވައިފި އެވެ.
ބަންގްލަދޭޝްގައި ހުންނަވާ ދިވެހި އާ ސަފީރަކަށް އައްޔަން ކުރެއްވީ ގ. ޕެންޒީމާގޭ 1 އައިޝަތު ޝާން ޝާކިރެވެ.
ބަންގްލަދޭޝްގައި ހުންނަވާ ދިވެހި ސަފީރުގެ މަގާމު ހުސްވީ، ކުރިން އެ މަގާމުގައި ހުންނެވި ޑރ. މުހައްމަދު އާސިމް ފޮރިން މިނިސްޓަރު ކަމަށް އައްޔަން ކުރެއްވުމުންނެވެ. އޭނާ އަށް ފޮރިން މިނިސްޓަރުކަން ދެއްވީ މިދިޔަ ޖުލައި 13ގަ އެވެ.