20-30 މިލިއަން ރުފިޔާ ލިބޭ ވިޔަފާރިތަކުން ވެސް އައުޓްޕުޓް ޓެކްސް ސްޓޭޓްމަންޓް ހުށަހަޅަން ޖެހޭ ގޮތަށް ހަދައިފި

މާލޭގެ ފިހާރައަކުން މީހަކު ވިޔަފާރި ކުރަނީ: އައުޓްޕުޓް ޓެކްސް ސްޓޭޓްމަންޓް ހުށަހަޅަން ޖެހެނީ އޮންލައިންކޮށް.-- ފައިލް ފޮޓޯ: މިހާރު

އަލީ ނާފިޒް، މިހާރު

29 ޑިސެމްބަރ 2016 - 15:45

4 comments

އަހަރަކު 20-30 މިލިއަން ރުފިޔާއާ ދެމެދުގެ އާމްދަނީ ލިބޭ ވިޔަފާރިތަކުން ވެސް ޖީއެސްޓީގެ ބަޔާނާ އެކު އައުޓްޕުޓް ޓެކްސް ސްޓޭޓްމަންޓް ހުށަހަޅަން ޖެހޭ ގޮތަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ހަމަޖައްސައިފި އެވެ.

މީރާ އިން އިއްޔެ ނެރުނު ސާކިއުލާއެއްގައި ބުނި ގޮތުގައި އެ ގޮތަށް އަމަލު ކުރަން ފަށާނީ އަންނަ އަހަރުން ފެށިގެންނެވެ. ޖީއެސްޓީ ބަޔާނާ އެކު ހުށަހަޅަންޖެހޭ އައުޓްޕުޓް ޓެކްސް ސްޓޭޓްމަންޓާއި އިންޕުޓް ޓެކްސް ސްޓޭޓްމަންޓް ހުށަހަޅަންވާނީ، އެ އިދާރާ އިން ބުނި ގޮތުގައި، މީރާގެ އޮންލައިން ޕޯޓަލް، "މީރާކަނެކްޓް" މެދުވެރިކޮށެވެ.

ޖީއެސްޓީ އަށް ރަޖިސްޓަރީކޮށްފައިވާ ފަރާތްތަކުން ޖީއެސްޓީގެ ބަޔާނާ އެކު އައުޓްޕުޓް ޓެކްސް ސްޓޭޓްމަންޓް ހުށަހަޅާ ގޮތަށް ހަމަޖެއްސީ މިދިޔަ އަހަރުގެ އޭޕްރީލް މަހުން ފެށިގެންނެވެ. އެކަމަކު، އެއީ އަހަރަކު 50 މިލިއަން ރުފިޔާ އަށް ވުރެ މަތިން އާމްދަނީ ލިބޭ ފަރާތްތަކުންނެވެ. އަދި މި އަަހަރުން ފެށިގެން ވަނީ އަހަރަކު 30 މިލިއަނާއި 50 މިލިއަން ރުފިޔާގެ ދެމެދުގެ އާމްދަނީއެއް ލިބޭ ފަރާތްތަކުން ވެސް އައުޓްޕުޓް ޓެކްސް ސްޓޭޓްމަންޓް ހުށަހަޅަން ލާޒިމްކޮށްފަ އެވެ.

ރާއްޖޭގައި އާއްމުކޮށް ދޭ ހުރިހާ ހިދުމަތަކުންނާއި ވިއްކާ އެއްޗެހިން ހަ ޕަސެންޓުގެ ޖީއެސްޓީއެއް ނަގަ އެވެ. އަދި ޓޫރިޒަމް ދާއިރާގެ ތަކެއްޗާއި ހިދުމަތްތަކުން ޖީއެސްޓީގެ ގޮތުގައި 12 ޕަސެންޓް ނަގަ އެވެ.

ފިހާރަ މީރާ ޓެކްސް ޖީއެސްޓީ ރީޓެއިލް ވިޔަފާރި

4 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާތުން

31 December 2016

މިކަހަލަގެ އެއްވެސް ކަމެއް ދުވަހަކު ފުރާ ފުރިހަމަ ނުވޭ. ދުވާލަކު ގަވާއިދެއް. ބަލަ ކުރިމަގަށް ގަވާއިދު ތައް ހަދާފައި އޮންނަން ޖެހޭނީ ލަނޑު ދަނޑިތަކެއް ކަނޑައަޅާފައި. މިއީ ހަމައެއް ލަމައެއް ނެތް ރާއްޖެ ވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލަތު

31 December 2016

ތިޔަ ވާހަކައަށް ތާއީދެއް ނޫން!! ލަނޑުދަނޑި އޮތީ ކަނޑައަޅާފައި. އެއީ ޓެކްސް ދައްކާ ހުރިޙާ ފަރާތަކުންވެސް އޮންލައިންކޮށް ޓެކްސް ބަޔާން (އިންޕުޓް / އައުޓްޕުޓް ޓެކްސް ސްޓޭޓްމަންޓާއެކު) ހުށަހަޅަން ފެށުން. އެގޮތުން ފަހަރަކު ގިންތިއެއްގެ ވިޔަފާރިތަކަށް އެ އަންނަނީ އެކަން ތަންފީޒު ކުރަމުން! އެކަން ކުރަން ފުރަތަމަ ފަސޭހަ ވާނީވެސް އަދި ފައިދާ ބޮޑުވާނީވެސް ބޮޑެތި ވިޔަފާރިތަކަށް! ޓެކްސް ނަގަން ފެށިއިރު ކުއްލިއަކަށް ހުރިހާ ވިޔަފާރިވެރިންނަށް ގަވާއިދުތައް ތަންފީޒު ކުރމުން ދިމާވި ބޮޑެތި ދަތިތައް ހުރި! އެތައް ބަޔަކު ނޭނގިތިބެ އެތައް ލައްކައަކުން ޖޫރިމަނާވި! އޭރުވެސް މިކަހަލަ އުސޫލަކުން ގެންދެވުނު ނަމަ މީހުންގެ ހޭލުންތެރިކަމާ، ގަވާއިދުތަކަށް ބޯލެނބުން (ކޮމްޕްލަޔަންސް) އެތައް ގުނައެއް ބޮޑުވީސް! އެ ދުވަހުގެ ތަޖުރިބާއިން ދަސްކޮށްގެން މިހާރު މީރާއިން އެ ގެންދަނީ ބޮޑެތި ކަންކަން ތަންފީޒު ކުރުމުގައި ފިޔަވަޅަކަށްފަހު ފިޔަވަޅެއް އަޅަމުން! ރަނގަޅަށް ދާ ކަންކަމަށް ފާޑުކިޔައި ނުރުހުންތެރިވެގެން ކުރިއެރުމެއް ނުލިބޭނެ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

29 December 2016

ލޯނު ތަކަށް ފައިސާ ދައްކަން ވާއިރަށް ފައިސާ ހޯދަނީއެވެ. ހާހެއްހާ މިލިއަން ޑޮލަރުގެ ލޯނު ނަގާފަ އެބައޮތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލަތު

31 December 2016

ފައިސާ ދެއްކުން އިތުރުކުރި ވާހަކައެއް މިތާކު ނެތެވެ! ހަމަ ތަނެއްގައި ވާހަކައެއް ދެކެވޭތީ އެއަށް ވަދެގަންނާނަކަށް ނުޖެހެއެވެ، ތިމާއަށް ނޭނގޭ ކަންކަމުގެ ވާހަކަ ނުދައްކަވާށެވެ!