ޖިންސީ ގޯނާއާ ދެކޮޅު މުޒާހަރާއެއް: ކުޑަކުއްޖަކަށް ޖިންސީ ގޯނާކުރި އެ ކުއްޖާގެ އާއިލާގެ މެމްބަރަކު 57 އަހަރަށް ޖަލަށްލާން ވަނީ ހުކުމްކޮށްފައި -- ފޮޓޯ/މިހާރު
22 ޖޫން 2022 - 12:28
7 comments
އާއިލާގެ މެމްބަރެއްގެ ގޮތުގައި ހުރެ ކުޑަކުއްޖަކަށް ޖިންސީ ގޯނާކޮށް އަދި ޖިންސީ އަމަލުތައް އެ ކުއްޖާއަށް ދެއްކި މީހަކު 57 އަހަރަށް ޖަލަށްލާން ކްރިމިނަލް ކޯޓުން އިއްޔެ ހުކުމްކޮށްފި އެވެ.
މިއީ ފަހުގެ ތާރީޚެެއްގައި އެފަދަ މައްސަލައެއްގައި ރާއްޖޭގައި އިއްވި އެންމެ ބޮޑު ޖަލު ހުކުމެކެވެ. ވ. އަތޮޅުގެ ރަށަކަށް ނިސްބަތްވާ އެ މީހާގެ މައްޗަށް އެހާ ބޮޑު ޖަލު ހުކުމެއް އައީ އޭނާގެ މައްޗަށް ކުރި ތިން ދައުވާއެއް ސާބިތުވުމުންނެވެ.
އެ މީހާ އަށް ދައުލަތުން ދައުވާކުރީ 2019 ވަނަ އަހަރު އެވެ. އެ މީހާގެ މައުލޫމާތު ޚަބަރުގައި އާންމުނުކުރީ އަނިޔާ ލިބުނު ކުއްޖާގެ މައުލޫމާތު ހާމަވިޔަ ނުދިނުމަށެވެ.
އާއިލާގެ މެމްބަރެއްގެ ގޮތުގައި ހުރެ، އެ އާއިލާގެ ކުޑަކުއްޖަކާ މެދު ޖިންސީ އަމަލެއް ހިންގުމުގެ ދައުވާ ސާބިތުވާތީ ކްރިމިނަލް ކޯޓުން އިއްވީ 25 އަހަރުގެ ޖަލު ހުކުމެކެވެ. އަދި އިތުބާރުކުރެވޭ މަގާމެއްގައި ހުރެ، ކުޑަކުއްޖާ އަށް ދެއްކުމުގެ މަގްސަދުގައި ޖިންސީ އަމަލެއް ހިންގުމުގެ ދައުވާ ސާބިތުވުމުން އިތުރު 17 އަހަރުގެ ޖަލު ހުކުމެއް އިއްވި އެވެ. އިތުބާރު ކުރެވޭ މަގާމެއްގައި ހުރެ، ބަޔަކު ޖިންސީ އަމަލު ހިންގާ މަންޒަރު ކުޑަކުއްޖަކަށް ދެއްކުމުގެ ދައުވާ ސާބިތުވުމުން އޭނާގެ މައްޗަށް އިތުރު 15 އަހަރުގެ ޖަލު ހުކުމެއް ވެސް އިއްވި އެވެ.
މީގެ އިތުރުން ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުގެ ދައުވާ އާއި އޮރިޔާން ކާޑު ގެންގުޅުމުގެ ދައުވާއެއް އެ މީހާގެ މައްްޗަށް ކުރިޔަސް، ކޯޓުން ނިންމީ އެ ދައުވާ ސާބިތުނުވާ ކަމަށެވެ.
އެ މީހާގެ މައްޗަށް ޖުމުލަ 57 އަހަރުގެ ޖަލު ހުކުމެއް އިއްވިޔަސް، އޭނާ ބަންދުގައި ހޭދަކުރި މުއްދަތު އުނިކުރުމަށްފަހު އޭނާ ޖަލުގައި ދެން ހޭދަކުރަން ޖެހޭނީ 54 އަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ.
23 June 2022
ކޮބައިތަ އެއްޖިންސުން ގުޅުން ހިންގާ މީހުންނާއި ސޯޝަލް މީޑިއާގައި އެކަން ޕްރޮމޯޓްކުރަން އުޅޭމީހުން؟ އެމީހުންނަށް ހަމަ އެއްވެސް ހުކުމެއްނެތް. އެއީ ފާފައަކަށް ނުވަތަ ކުށަކަށް ނުވަނީބާ؟
މަގޭ ތަޖުރިބާގެ އަލީގައި ބުނަން.....
22 June 2022
އެންމެ ކުޑައިރުއްސުރެން ދަރިންނާއި ވަރަށް ގާތް ރަޙްމަތްތެރި ކަމެއް އުފެއްދުމަކީ ދަރިންކޮޅު ޝިކާރަވެރިންގެ ކިބައިން ރައްކާތެރި ކުރުމަށް ކޮންމެހެންވެސް ކުރަންޖެހޭނެ ކަމެކެވެ. އޭރަށް ނުސީދާ ގޮތަކަށް އެއްވެސް މީހަކު ބަލައިލިއަސް އެވާހަކަ ރިޕޯރޓް ކުރާނެއެވެ. އެގުޅުން ޤާއިމް ކުރުމަށް ދަރިންނާއިއެކު މަޝްވަރާކޮށް ކަންކަމުގެ ވާހަކަ ބަދަލުކޮށް އުފާވެރި މަޖާ ވަގުތުތައް ކުޑައިރުއްސުރެ ހޭދަކުރަންވާނެ އެވެ. "ރައްކާވެ ތިބިއްޔާ ދަތުރެވެ."
ކޮރަލް
22 June 2022
57 އަހަރަށް ވެސް ޖަލަށް ލާން ހުކުމް ކުރެވިދާނެ އެވެ. އެކަމު ކޮންމެ 5 އަހަރަކުން ރައީސް ގެ އަފްއާމް ގެ ދަށުން މީހުންތައް ދޫކޮށްލާއިރު އޭގެ ތަފްސީލް އެއް ނޭނގެ އެވެ. ފަހުން މިއެނގެނީ ކުޑަ ކުއްޖެއްގެ މައްސަލައިގަ ހުކުމް ކޮށްފަ ހުރި މީހަކުވެސް ދޫކޮށްލި ކަމެވެ. ވީމާ ބޮޑެތި ކުއްވެރީން ދޫކުރުމުގައި ރައީސް އަށް ލިބޭ ބާރު ހަނި ބުކޮށް މައްސަލަ އަށް ދާއިމީ ހައްލެއް ނުލިބޭނެ އެވެ.
އިންތިޒާރު!
22 June 2022
ތިމީހާގެ ހުރިހައިވަނަވަރެއް ދާދެއަވަހަށް އެންމެނަށް އެނގޭނެ. މިފަދަކުޑަ މުޖުތަމަޢެއްްގައި ތިފަދަކަމެއް ސިއްރުކުރާނީ ކިހިނެތް! ތެދެކެވެ. ނޫހެއްގައި މަޢުލޫމާތު ޗާޕުނުކުރެވުނަސް ތިހުރިހައިއެއްޗެއް ސޯޝަލްމީޑިއާގައި ޗާޕުވާނެއެވެ.
ރަދީފްއޮފިޝަލް
22 June 2022
`. ބްރަދާ. އޮފެންޑާސް.އެމްވީ އިން ހުރިހާ ކަމެއް ސާފްވާނެ. ވ.ވެދުން
ބެސްޓް
22 June 2022
އެތައްގެއްގައި ހިނގާކަންކަން. ބޮޑުސިއްރައް ހަދަނީ ޢާއިލާގެ ލަދައް... ގިނަފަހަރު އެކަހަލަކަންތައްވަނީ ހަމަ އާއިލާތެރެއިން.
ރަދީފްއޮފިޝަލް
22 June 2022
`. ވަރަށް ބަރާބަރު ހުކުމެއް.ތިކަހަލަ ބޮޑެތި އަދަބުތައް ދީގެންވެސް ތި ބައިގަނޑު މައިތިރިކުރަން ޖެހޭ.އާއިލީ މީހާ އެއީ ކުދިންނަށް ހިމާޔަތްދޭން ހުރި މީހާ.ނަމަވެސް އެމީހާގެ މޯޓަރުގެ ކޮއިލް އަނބުރެން މެދުވެރި މިކުރަނީ ކުޑަ މައުސޫމް ކުއްޖާ.މިއީ ލަދުވެތިކަމެއް.އަދި މިއީ ހިތާމަހުރިކަމެއް.57 ވެސް ނޫން ޖަހަންވީ ، 157 ޖަހަން ވީ.ވ.ވެދުން. ކުޑަކުދިންނަށްހިމާޔަތްދޭންޖެހޭ