ހައި ކޯޓުގެ ފަނޑިޔާރު ކަމަށް އިސްގާޒީ ހުޒައިފާ އައްޔަން ކުރަނީ

އިސްގާޒީ ހުޒައިފާ އާއި ޖޭއެސްސީގެ ރައީސް ހިސާންއާ އެކު: ހައި ކޯޓުގެ ބެންޗަށް އިސްގާޒީ ހުޒައިފާ އައްޔަންކުރަން ވަނީ ނިންމާފައި -- ފޮޓޯ/ޖޭއެސްސީ

މުއިއްޒު އިބްރާހިމް، މިހާރު

23 ޖޫން 2022 - 12:33

5 comments

ހައި ކޯޓުގެ ފަނޑިޔާރު ކަމަށް ފެމިލީ ކޯޓުގެ އިސްގާޒީ ހުޒައިފާ މުހައްމަދު އައްޔަން ކުރަން ނިންމައިފި އެވެ.

ހައި ކޯޓުގެ ފަނޑިޔާރުން ބެންޗުން ހުސްވެފައިވާ ތިން މަގާމުގެ ތެރެއިން އެއް މަގާމަށް ކުރިމަތިލާން ހުޅުވާލުމުން ކުރިމަތިލެއްވީ ހުޒައިފާގެ އިތުރުން ވަކީލެކެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު ނެރުނު ބަޔާނެއްގައިވަނީ ހައި ކޯޓުގެ ފަނޑިޔާރު ކަމަށް ހުޒައިފާ އައްޔަން ކުރަން ނިންމީ އޭނާއަކީ "ހައިލީ ރެކޮމެންޑެޑް" ބޭފުޅެއްކަމަށް ވާތީ އެ ކޮމިޝަންގެ އިއްޔެ ބޭއްވި ޖަލްސާއިން ކަމަށެވެ.

އިސްގާޒީ ހުޒައިފާއަކީ 2007 ވަނަ އަހަރު ރާއްޖޭގައި ފަނޑިޔާރު ކަމަށް ފުރަތަމަ އައްޔަންކުރި އަންހެން ދެ ބޭފުޅުންގެ ތެރެއިން އެއް ބޭފުޅާ އެވެ. އޭރުއްސުރެން ފެށިގެން އޭނާ މަސައްކަތް ކުރެއްވީ ފެމިލީ ކޯޓުގަ އެވެ. އެ ކޯޓުގެ އިސްގާޒީ ކަމަށް އޭނާ އައްޔަންކުރީ މިއަހަރު ކުރީކޮޅެވެ.

ހައި ކޯޓުގެ ބެންޗުން މަގާމެއް ހުސްވީ އެ ކޯޓުގެ ފަނޑިޔާރު އަލީ ސަމީރު އިސްތިއުފާ ދެއްވުމުންނެވެ. އަދި މަގާމުން ވަކިކުރަން ޖޭއެސްސީން މަޖިލީހަށް ފޮނުވުމުން އިސްތިއުފާ ދެއްވި ފަނޑިޔާރަކާއި މަޖިލީހުން ފާސްކޮށްގެން މަގާމުން ހައި ކޯޓުގެ ފަނޑިޔާރުކަމުން ވަކިކުރި ދެ ބޭފުޅުންގެ މަގާމު އަދިވެސް ހުސްކޮށް އެބައޮތެވެ.

ފަނޑިޔާރުން ހައި ކޯޓް ފެމިލީ ކޯޓު ހުޒައިފާ މުހައްމަދު ފަނޑިޔާރުން އައްޔަންކުރުން

5 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެން މުފީދު

23 June 2022

އަނެއްކާ ވައްހާބީ ސަލަފީން މިރޭ ތާލިބާން ދިދަ ހިފައިގެން މުޒާހަރާ ނުކުރާނެބާ ! އެމީހުން ކުރިން ބުނަމުން ދިޔައީ އަންހެނުން ގާޒީކަންކުރުމަކީ 'ބޮޑު ހަރާމް' ކަމެކޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޭކަރުނަ

23 June 2022

ހެހެހެ އިޢުލާނު ކުރިއިރުވެސް އެނގޭ ހުޒޭފާ ނަގާނެކަން. ހިސާންއާ އެއް ޓީމެއް. ދެން ނަގާނީވެސް އަންހެނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން ބެންގަލޫރު

23 June 2022

ދީބާނާޒް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލްވިސް

23 June 2022

ޝުކުރު ﷲ އާ އަޅާ ބަލާއިރު ހުޒައިފާ ތައުލީމީ ގޮތުން ނާއި ތަޖްރިބާގެ ގޮތުން މާ ކުރީ ގައި އުޅެނީ. އެއްވެސް ނުފޫޒެއް ނެތް . ޙުޒައިފާ ހައި ކޯޓުގެ ބެންޗަށް އައުން މިހާރުވެސް މާ ލަސްވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާތަ

23 June 2022

ބަލަ ނުފޫޒު ނެތްކަން އެނގޭނު މީހަކު ކުރިމަތި ނުލީމަ. ހުޒައިފާ ކުރިމަތި ލީ ލިބޭނެކަން އެނގޭތީ. އެހެން ބަޔަކު ކުރިމަތި ނުލީ ނުނަގާނެކަން އެނގޭތީ. ހުޒައިފާ ދެރަވެގެން ނޫން މައްސަލައަކީ ބޭނުން ބަޔަކު ޕިންޕޮއިންޓްކޮށް ނަގާތީ