ހަތް އަހަރުފަހުން ކްރިސް އިވަންސް އާ އައިފޯނެއް ގަނެފި

25 ޖޫން 2022 - 07:16

މީގެ ހަތް އަހަރު ކުރިން ހޮލީވުޑްގެ މަޝްހޫރު އެކްޓަރު ކްރިސް އިވަންސް ގަތް އައިފޯން ސިކްސް އެސް ހަލާކުވުމުން އޭނާ އާ ފޯނެއް ގަނެފި އެވެ.

މަޝްހޫރު އަދި އަގުބޮޑު ފިލްމުތަކުގައި މަސައްކަތްކުރާ ތަރިންގެ އަތުގައި އޮންނާނީ އެންމެފަހުގެ އަގުބޮޑެތި ގެޖެޓުތައް ކަމަށް އަބަދުވެސް އޮންނަނީ ހީވެފަ އެވެ. އެހެންވެ، ކްރިސް އިވަންސް މާ ކުރީގެ ފޯނެއް މިހާ ގިނަ ދުވަސް ވަންދެން ބޭނުންކުރުމުން ގިނަ ބައެއްގެ ސަމާލުކަން ވަނީ އެކަމަށް ހުއްޓިފަ އެވެ.

ކްރިސް އިވަންސް އިއްޔެ އިންސްޓަގްރާމްގައި ކުރި ޕޯސްޓެއްގައި ވަނީ އޭނާގެ އައިފޯން ސިކްސް އެސް އަށް ވީގޮތް ކިޔައިދީފަ އެވެ.

View this post on Instagram

A post shared by Chris Evans (@chrisevans)

އެ ފޯނާ އަދި މިހާރު އޭނާ ގެންގުޅޭ އާ ފޯނު ކަމަށްވާ އައިފޯން 13 ޕްރޯގެ ފޮޓޯއެއް ޕޯސްޓުކޮށްފައި ބުނީ އެންމެ ހަނދާން ވާނީ އައިފޯން ސިކްސް އެސްގައި އިންނަ ހޯމް ބަޓަން ކަމަށެވެ. ފަހުގެ އައިފޯންތަކުގައި ހޯމް ބަޓަންއެއް ނީނދެ އެވެ.

އޭނާ ބުނީ އެ ފޯނު ޗާޖުކުރަން އުޅުނު އުނދަގޫ ހާލު ވެސް ވަރަށް ހަނދާން ވާނެ ކަމަށެވެ. އެ ފޯނުގައި 100 ޕަސެންޓް ޗާޖު ހުރެފައި ކުއްލިއަކަށް 15 ޕަސެންޓަށް ވެއްޓޭ ހަނދާން ވާނެ އެވެ. އެއީ އޭނާ އެ ފޯނު ބަދަލުކުރަން ޖެހުނު ސަބަބުތަކެވެ.

ހޮލީވުޑް ސެލެބްރިޓީން އެޕަލް ސްމާޓް ފޯން

4 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދު1

25 June 2022

އަސްލު އައިފޯނު ވަރަށްގިނަ ދުވަހު ގެންގުޅެވޭ. ބެޓެރީގެ ލައިފްދިޔައީމަ އެޕަލްސްޓޯރއިން އޮރިޖިނަލް ބެޓެރިއެއް ބަދަލުކޮށްލީމަ ނިމުނީ. އެޕަލްއިން ފާމްވެއަރ ސަޕޯޓްހުއްޓާލަންދެން ފޯނުގެންގުޅެވޭނެ. 2017ގަ ނެރުނު ފޯނެއް މިގެންގުޅެނީ. އަދި ހަމަ ބަރާބަރު.