ޔޫތު މިނިސްޓަރު މަހުލޫފް: ޔޯގާ ހެދުން ފަދަ ކަންކަން ހަރާމް ކަމަށް ކަނޑައަޅައިފި ނަމަ ނުކުރާނެ ކަމަށް ވިދާޅުވި-- ފޮޓޯ:
28 ޖޫން 2022 - 11:58
52 comments
ޔޯގާ ހެދުމަކީ ހަރާން ކަމެއް ކަމަށް ދިވެހި ސަރުކާރުގެ ކަމާބެހޭ ފަރާތްތަކުން ސާފުކޮށް ބުނެފި ނަމަ އެ ހަރަކާތް ދެން ނުބާއްވާނެ ކަމަށް ޔޫތު މިނިސްޓަރު އަހުމަދު މަހްލޫފު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރަކު ކުރެއްވި ސުވާލަށް ޖަވާބު ދެއްވަމުން މިނިސްޓަރު ވިދާޅުވީ، ޔޯގާއަކީ އިސްލާމްދީނުގެ އިލްމުވެރިންގެ މެދުގައި ހިލާފު އުފެދިފައިވާ އަދި އެކި މީހުން އެކި ވިސްނުން ގެންގުޅޭ މައްސަލައެއް ކަމަށެވެ.
ވަކި ޝައިހަކު އެއީ ހަރާން ކަމެއް ކަމަށް ވިދާޅުވުމުން ގަބޫލު ނުކުރައްވާނެ ކަމަށާއި އެހެން ޝައިހުން ދައްކަވާ ވާހަކަތައް ވެސް ގަބޫލު ކުރުމުގެ ފުރުސަތު އެބައޮތް ކަމަށް މަހުލޫފް ވިދާޅުވި އެވެ.
"އަޅުގަނޑު ވަރަށް ސާފުކޮށް ބުނަން ބޭނުންވަނީ ޔޯގާ އާއި މިއުޒިކާއި ދެން އޮތް ކަމަކާއި ދެން އޮތް ކަމެއްގައި ހަރާމްތޯ ހަރާމް ނޫންތޯ ސާފުކޮށް އަޅުގަނޑުމެން ކައިރީ ބުނީމާ އަޅުގަނޑުމެން އެ ހިސާބުން އެކަމަކާ ނޫޅޭނަން،" މިނިސްޓަރު ވިދާޅުވި އެވެ.
މަހުލޫފް ވިދާޅުވި ގޮތުގައި، މި އަހަރުގެ ޔޯގާ ދުވަސް ފާހަގަކުރަން ގަލޮޅު ދަނޑުގައި މިދިޔަ އަންގާރަ ދުވަހު ބޭއްވި ޔޯގާ ހަރަކާތާ ގުޅިގެން ބަޔަކު މިހާރު ކަންކަން ކުރަނީ ސިޔާސީ ބޭނުމެއްގަ އެވެ. އިދިކޮޅު ޕީޕީއެމާއި އެހެން ހުރިހާ ޕާޓީތަކުން ވެސް ބައިވެރިވެގެން ޔޯގާ ހަރަކާތް 2014 ވަނަ އަހަރުން ފެށިގެން ކޮންމެ އަހަރު ބާއްވާ ކަމަށް އޭނާ ވިދާޅުވި އެވެ.
ޔޯގާއާ ދެކޮޅު ހަރަކާތް ހިންގިޔަސް އާހިރުގައި ނެރެން ބޭނުންވާ ނަތީޖާއަކީ ވެރިކަމަށް އައުން ކަމަށް މަހުލޫފް ވިދާޅުވި އެވެ.
"މިއީ ސިޔާސީ ބޭނުމެއްގައި ކަނޑައެޅިގެން ބަޔަކު އޮޅުވާލައިގެން ގެއްލުންދޭ އުސޫލުން ބަޔަކު ރާވަމުން އަންނަ ކަމެއް،" މަހުލޫފް ވިދާޅުވި އެވެ.
އިސްލާމިކް މިނިސްޓްރީން ވަނީ މިސްރާއި މެލޭޝިއާގެ ފަތުވާ ދޭ މަޖިލީހުގެ ނިންމުމަށް ރިއާޔަތް ކޮށް ޔޯގާ ހެދުމަކީ ހަރާމް ކަމެއް ކަމަށާއި އެފަދަ ހަރަކާތްތައް ހުއްޓުވައި ދިނުމަށް އެދި މި މަހުގެ 15ގައި ޕޮލިސް ކޮމިޝަނަރު މުހައްމަދު ހަމީދަށް ސިޓީއެއް ވެސް ފޮނުވައިފަ އެވެ.
ނަމަވެސް އެ މިނިސްޓްރީން އިއްޔެ ނެރުނު ބަޔާނެއްގައި ވަނީ އެއީ އިޖުރާއަތްތަކާ ހިލާފަށް ނެރުނު ސިޓީއެއް ކަމަށް ބުނެ އެ ވާހަކަތައް އަނބުރާ ގެންގޮސްފަ އެވެ.
މި އަހަރުގެ ޔޯގާ ހަރަކާތާ ދެކޮޅަށް ބޭއްވި އެއްވުން ހޫނުވެ، ބަޔަކު ވަނީ ގަލޮޅު ދަނޑަށް ވަދެ، އެ ޔޯގާ ހަދަން ތިބި މީހުންނަށް ހަމަލަދީ، ތަކެއްޗަށް ވެސް ގެއްލުން ދީފަ އެވެ. ދަނޑަށް ވަދެގަތް މީހުން ބޭނުންކުރީ ޕީޕީއެމްގެ އޮފީހުން ނެރުނު އާލާތްތަކެއް ކަމަށް ފުލުހުން ބުންޏަސް އެ ޕާޓީން އެ ވާހަކަ ދޮގުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަރުތަ
29 June 2022
"ޔޯގާ" ނުކިޔާ ކޮންމެވެސް އެހެން ނަމެއް ކިޔައިގެން ތިޔަ ކަސްރަތުތައް ކޮށްފިއްޔާ ވާނީ ކިހިނެއްބާ!
ލަދުހަޔާ ވަ ބުހުތާން
29 June 2022
ބާރަށު ޝިފާޒާ އެކީ ޓީވީ ޕްރޮގްރާމެއްގައި އިނދެ ޕްރެޒެންޓަރު ކުރި ސުވާލުގެ ޖަވާބުގައި މި ތިބަ ޝިފާޒުމެން ވަރަށް ބޭނުންވާނޭ ތިމަންނަ އެމްޑީޕީއަށް ގެންދަން. އެހެނަސް ހޭހުއްޓަކާ ނުގެންދެވޭނޭ. ގެންދެވޭނީ ހޭނައްތައިގެނޭ. ހޭއެރުމާއެކު އެނބުރި އައިކޮޅަށް ދާނަމޭ. މިފާޑުގެ ވާހަކަދައްކާފަ މިއަދު އެމްޑީޕީ އަށް ވަދެ އެމްޑީޕީގެ ވަޒީރު ކަމުގައި ހުރީ ހަމަ ހޭގައި ހުރެގެންތޯ ސުވާލު އުފެދޭ. އެހެނީ ހޭނާރާ ނުވަތަ ހޭ ނުޖެހި ހުރެ ދައްކާވާހަކަ %100 ގަބޫލެއްނުކުރެވޭ.
ޔޯގާކޭޓް
29 June 2022
ރިޝްވަތު ވައްކަން ހަލާލުތޯ ހަލާލާއި ހަރާމް އޮޅުންފިލުވާމީހާ އެމްއެމްޕީއާރސީގެ ފައިސާގަ ޖެހުން ހަރާމްތޯ؟؟؟ ލަދެއްނެތިއްޔާ ކީއްތޯކުރާނީ
އަލީބަލީ.
29 June 2022
ވައްހާބީން މުޅި ގައުމު ހަލާކުކޮށްފިއޭ! ސައޫދީގަ ޔޯގާ ހުއްދަ!
މޮ1111
29 June 2022
ސައުދީގަ މަރައްމަރު ހިފާ، މިތާ ކީއްްވެ ނުހިފަނީ
ފައޮލޯ
29 June 2022
ކަލޭ ތިއީ ބޯހަމަނުޖެހޭ ކުޑަކުއްޖެއްތަ؟ ކޮންމެ ކަމެއް އެމްއެމްޕީއާރު ސީ ލާރިގަޑަށް ހެދި ގޮތަށް ހަދާފައި ނުއެގޭ ބުނީމަކާ ނުނިމޭނެ.
ޔޯގަޓް
29 June 2022
ރާއްޖޭގެ ޝޭހުންނަކީ، ސިޔާސީ ބައެއް. ހަމަ އެކަކުވެސް ނެތް ސިޔާސީ ވަކިގޮތަކަށް ނެތި، ހަމަ އެންމެ މައުލޫމާތެއްވެސް ދީފަ. ދެން ވާނީ މިހެން.
ކަނބުރުގެ
28 June 2022
މަހްލޫފް #: މި ލިންކް ބައްލަވާލައްވާ ޒާކިރު ނައިކް އެކިޔާދެނީ އެހަރާމް އެއްޗެއްކަމާއި އެގޭ ހިމެނޭޝިރުކުގެ ވާހަކަ https://www.facebook.com/TeamASP/videos/1254210348717703/
ލެބުރު
29 June 2022
މެޑިކަލް ޑޮކްޓަރު ޒާކިރު ނާޔަކަކީ ހައްދަފަހަނާ އެޅި ވާހަކަ ދައްކަމުންގޮސް މިހާރު ދުނިޔޭގެ އެއްވެސް ގައުމަކަށް ދަތުރުކުރުން މަނާ މީހެއް. އަމިއްލަ ގައުމުންވެސް ބޭރުވެއްޖެ. މެލޭޝިޔާގައި ހުންނަނީ ބަހައްޓާފަ ވާހަކަ ދެއްކުން މަނާކޮށްފަ.
1206
29 June 2022
މަހުލޫފު ދެން ބުނެފާނެ ސާފުކޮށް ބުނެދީ ބަލާށޭ، ޑރ. ޒާކިރު ނައިކް އަކީ ޝައިޚެއްތޯ، މި ސުވާލު ލިސްޓު ކޮޅުން ނުލައިން، އެންމެ ފަހުން، ޔޯގާގެ ފަތުވާ މޯޑީ ނެރުނީމާ ނޫނީ މި މީހުން ގަބޫލެއް ނުކުރާނެ. މި މީހުންނަކީ މޯޑީގެ އައުވާނުން. #ނޯ2ޔޯގާ
ހާކާލިބުރުވާލި
29 June 2022
@ލެބުރު..ޣައިރު މުސްލިމުންގެ ބަހުން މުސްލިމުންނަކީ ހައްދުފަހަނައެޅި ޓެރަރިސްޓުން.ޒާކިރް ނައިކް ހައްދު ފަހަނައެޅި ކަމަށްވަނީ ސީދާ ތެދުބަހުން ކަން ހިނގާ ގޮތް ބަޔާންކޮށް ދޭތީ..އޭތި ބަޔަކަށް ހަޖަމް ނުވާތީ.މީގެ ތެރޭގަ ހިމެނޭ މުސްލިމުންގެ ތެރަެގަ ތިބޭ ޕަޕެޓުން.ޣައިރު މުސްލިމުންގެ ބާރުތައް މުޅިދުނިޔަެގަ ކޮންމެ ފަދަ ޖަރީމާއެއް ހިންގިޔަސް އެނުވޭ ހައްދު ފަހަނައެޅިކަމަކަށް.އަދި ޓެރަރިސްޓު އަމަލަކަށް.މިސާލަކަށް ބަލަމާ އިޒްރޭލޭ ކިޔާ ޔަހޫދީންނާއި އެމެރިކާ..
ލޮލްކެޓް
29 June 2022
ހާކާލިބުރުވާލި…ހައްދުފަހަނައެޅި މީހުނައް ޒަކީރް ނައަކް ފަދަ މީހުން ވާނީ ހުދު ފޮތިކޮޅަކައް.
ޢިންނު
28 June 2022
ކަލޯ އުމުރުން ތިހާވަރު ވީ އިރު އިސްލާމް ދީން ނޭގެ؟؟ ސާބަސް.... ދީނުގައި އިލްމު ވެރިންގެ މެދުގައި ޚިލާފު އުފެދޭ ކަންކަން ނަގާގެން ބޭނުންވާ ގޮތަށް އަނބުރަން ނޫޅެ އޭގެ އެންމެ ރަނގަޅު ގޮތް ސިކުޑި ހުރިނަމަ ވިސްނޭނެ.. އިލްމު ވެރިން މިކިޔަނީ ޚަލީފާ އިންގެ ވާހަކަ
ދިއްދޫމީހާ
28 June 2022
ރައްޔިތުންގެ މުދަލުން ވައްކަން ކުރުން ސާފްކޮށް ހަރާން ކަމެއްކަން ނޭގިގެންތޯ އެމް.އެމް.ޕީ.އާރް.ސީން 30ހާސް ޑޮލަރު ހޯދީ؟؟
ކޮމެންޓޭ1
28 June 2022
ރާއްޖޭގެ ފަތުވާ މަޖިލިހުން ޣާޒީންނަށް އަންހެނުން ލުން ހުއްދަ ނުވާނެ ކަމަށް ބުނީމަވެސް އެކަން ކުރީ ދައުލަތުން. މިކަހަލަ ދީނާ ޚިލާފު ކަންތައް ދައުލަތުން ކުރާތީ ހަރުކަށި ފިކުރު ފެތުރެނީ މިފަދަ ކަންތަކަށް އޮތީ ކެތްތެރިވުން އެކަމު ބައެއްމީހުންނަށް ކެތްތެރި ނުވެވެނީ
ލައިކޭ
29 June 2022
ކަލޭ ދާންވީނު ސީރިޔަ އައް ދެން