ޓާޓާއަށް ދިން ނާދީ ބިމުގައި ފްލެޓު އެޅުމުގެ މަސައްކަތް ކުރަނީ.-- ފޮޓޯ: ނިޝާން އަލީ/ މިހާރު
03 ޖުލައި 2022 - 11:12
74 comments
ކުރީގެ އޯޑިއޯން ސިނަމާގެ ބިމުގައި އިންޑިއާގެ ޓާޓާ ކުންފުނިން އިމާރާތް ކުރަމުން އަންނަ ލަގްޒަރީ ފްލެޓްތައް ގަތުމަށް ހުޅުވާލައިފި އެވެ.
މީގެ ހަފުތާއެއްހާ ދުވަސް ކުރިން މަސައްކަތް ފެށި އެ ފްލެޓްތައް ގަތުމަށް ހުޅުވާލިއިރު އޭގެ ތެރޭގައި ހިމެނެނީ އެއް ކޮޓަރި އާއި ތިން ކޮޓަރީގެ އެޕާޓްމަންޓްތަކެކެވެ.
"ލަގްޒަވަން- އޯޑިއޯން" ގެ ނަމުގައި ހަދާ އެ ފްލެޓް ގަންނަ ފަރާތްތަކުން ޑައުންޕޭމަންޓްގެ ގޮތުގައި މަދުވެގެން 100،000ރ. ދައްކަން ޖެހެ އެވެ. ފްލެޓްގެ ބާކީ ފައިސާ ދައްކަން ޖެހެނީ އެ ތަނުގެ މަސައްކަތް ކުރިއަށްދާ ވަރަކަށް ބަހާލައިގެންނެވެ.
ފްލެޓްތަކުގެ އެއް ކޮޓަރީގެ އެޕާޓްމަންޓެއްގެ ބޮޑު މިނަކީ 415.17 އަކަފޫޓެވެ. އެ ފްލެޓްތަކުގެ އަގަކީ 2.3 މިލިއަން ރުފިޔާ އެވެެ.
ތިން ކޮޓަރީގެ އެޕާޓްމަންޓްތަކުގެ ތެރޭގައި 1048.09 އަކަފޫޓާއި 982 އަކަފޫޓުގެ ތަންތަން ހިމެނެ އެވެ. އެ ތަންތަނުގެ އަގު އުޅެނީ 4-5 މިލިއަން ރުފިޔާއާ ދެމެދުގަ އެވެ.
ދެން އެ އިމާރާތުގައި ހިމެނެނީ ތިން ކޮޓަރި އާއި މެއިޑް ރޫމް ހިމެނޭ ގޮތަށް ހަދާ އެޕާޓްމަންޓްތަކެކެވެ. އެއީ 1141.85 އަކަފޫޓުގެ އެޕާޓްމަންޓްތަކެކެވެ. އެ ތަނުގެ އަގު އުޅެނީ 5.6 މިލިއަން ރުފިޔާގަ އެވެ.
ޓާޓާގެ އިމާރާތުގެ ފްލޯ ޕްލޭން.
އެ އިމާރާތުގެ މަސައްކަތް އެއްކޮށް ނިމޭނެ ކަމަށް ލަފާކުރަނީ މާޗު 2025 އަށެވެ. މަސައްކަތް އެއްކޮށް ނިންމައި ހަވާލުކުރާއިރު ލިފްޓް ހަރުކޮށް، ފަރުނީޗަރު ވެސް ހުންނާނެ އެވެ. އަދި އިމާރާތުގެ ތިރީގައި ފިހާރަތައް ހަދައި ފަސޭހައިން ވިޔަފާރިކުރެވޭނެ އިންތިޒާމު ހަމަޖައްސާނެ ކަމަށް އެ ކުންފުނިން ބުނެ އެވެ.
އެ އިމާރާތުގެ ޓެރަސްގައި ޕޫލާއި ޗޭންޖިން ރޫމް އަދި ކުޑަކުދިން ކުޅޭނެ ސަރަހައްދެއް ވެސް ގާއިމުކުރާނެ އެވެ. އަދި ޖިމަކާއި ޔޯގާ ސެންޓަރެއް ވެސް ހިމެނެ އެވެ. އިމާރާތުގެ ގްރައުންޑް ފްލޯ އާއި ފަސްޓް ފްލޯގައި އެކި ވިޔަފާރިތައް ހުޅުވާ ގޮތަށް ހަމަޖައްސާފައިވާއިރު މީހުން އުޅޭނީ ބާކީ ނުވަ ފްލޯގަ އެވެ.
އެމްޑީޕީގެ ވެރިކަމުގައި 2010 ގައި ޓާޓާ އެކު 555 ހައުސިން ޔުނިޓް އިމާރާތްކުރުމަށް ހެދި އެއްބަސްވުން ބާތިލުކުރުމުން 200 މިލިއަން ރުފިޔާގެ ބަދަލެއް ހޯދުމަށް އެ ކުންފުނިން ވަނީ އިންޑިއާގެ އާބިޓްރޭޝަނަށް ހުށަހަޅައިފަ އެވެ.
އެކަމަކު އެއްބަސްވުން ބާތިލުކުރީ ގޯސްކޮށް ކަމަށް ސަރުކާރުން ގަބޫލުކުރާނީ އާބިޓްރޭޝަނުން ބޭރުން މަޝްވަރާކޮށް މައްސަލަ ހައްލުކުރީ އެވެ. އެ ކުންފުންޏަށް ކުރިން ދިން ތަންތަން އަލުން ދިނުމަށް އެއްބަސްވި އެވެ. އެ އެއްބަސްވުމުގެ ދަށުން ކުރީގެ ގާކޮއްޓާއި އަރަބިއްޔާ ހުރި ބިމުގައި ސޯޝަލް ހައުސިން ޔުނިޓް އިމާރާތްކުރުމުން އޭގެ ބަދަލުގެ ގޮތުގައި މަތީ ފެންވަރުގެ ފްލެޓް އިމާރާތްކޮށް ވިއްކަން އެ ކުންފުންޏަށް ދިނީ އޯޑިއޯން އާއި ނާދީ ބިމެވެ. އަދި ރިސޯޓެއް ހަދަން ޅ. ޅޮއްސިލަފުށި ވެސް އެ ކުންފުންޏަށް ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިރުޅިޔަ
05 July 2022
ތިޔަ ފުލެޓެތްތަކުގެ ކަންކަމާއި ބެހޭ ގޮތުން އިތުރަށް ސާފުކޮށްލަންޖެހޭ ކަންކަން ހުރީތީ، ތިޔަ ޕްރޮޖެކްޓް ހިންގާ އޮފީހަކީ ކޮބައިތޯއާއި ގުޅޭނެ ނަންބަރަކީ ކޮބައިކަން ބޭނުމޭ ބުނެލަން ބޭނުން. ދެން އެނގޭ ފަރާތަކުން ހިއްސާކޮށްދީބަލަ! ނިކަން ކެރެންޏާ. މަ ބޭނުމޭ ނިކަން އަވަހަށް ޚާލާސްކޮށްލަން.
ޚިޔާލު3
05 July 2022
މިވަރުން ރައްޔިތަކަށް އޮތީ ކޮންފައިދާއެއްތޯ ބޭރުބަޔަކަށް ދަވްލަތުގެ މުދާ ނުއަގުގައި ދޭން އެއްބަސްވުންހެދީ ކިހާބޮޑު މޮޔައެއްބާއެވެ.
ފިނރުޓޭ
04 July 2022
ބަލާލަން ބޭނުން ކިތަށް ވައްތަރުގެ ކިތަށް އެޕާޓުމަންޓު ތިޔަ ކޮންޑޯ ތަކުން ވިއްކަނީ! އޭރުން އަންދާޒާކޮށްލަން އެނގޭނެ ކިހާ ފައިދާއެއް ލާފަ ކަން ތި އެޕާޓުމަންޓުތައް ވިއްކަން ތި އުޅެނީ!
އެމްސް
04 July 2022
ސޯޝަލް ހައުސިންގ އިން ފްލެޓް ލިބުނު މީހުން ތެރޭ ޓާޓާ ފްލެޓް ގަނެވޭ ފެންވަރު/މާލޭގަ ގެދޮރު ހުރި މީހުންވެސް ހިމެނޭ!
އަލީ ރަޝީދު
04 July 2022
ތިކަން ވެއްޖެއްނު ހުއްޓުވަން. އިމާރާތް ފަސްޓް ދެން ލާރީގެ ވާހަކަ އަންނަ ގޮތަކަށް ބަދަލުވާން ވެއްޖެއްނު. މިހާރު ދެން ފީ ރޯނެއް ދަމާލާފަވެސް މިލިއަން ރުފިޔާ ދޭށޭ ބުނަނީ ކޮންމެ ބަޔެއްވެސް. ބޯ ހަލާކު
ާއުނިމާ
04 July 2022
ތިޔަ ފުލެޓްތަކަށް ވައިވެސް ނޭޅޭނެ
ދެލިފުޅި
04 July 2022
މިވަގުތު އެޕާޓްމަންޓެއް ތިއަގުތަކުގަ ގަތުމަށްވުރެ ރަނގަޅީ އަދި މަޑުކޮށްލުން. މިހާރުހުރި ރޭޓުތަކަކީ ކުރިންހުރި ކުލިތަކަށްބަލާފަ ހަދާފަހުރި ރޭޓުތަކެއްކަމަށް ފެންނަނީ. މިހާރު އެވަރުގެތަނެއް ކުއްޔަށް ނެގިޔަސް އެއަގުގަ ބެންކުމެދުވެރިކޮށް ގަތުމަށްވުރެ ޚަރަދުކުޑަވާނެ. ކުރިއަތް އޮތްތަނުގަ ފްލެޓްތައް ގިނަވީމަ ކުލިތައް ކުޑަވާނެ. މިކަމުގަ އޮތީ ހުރިހާ އެންމެންވެގެން ދުރުރާސްތާ ވިސްނާފަ ބޮޑުއަގަށް ނޫނެކޭ ބުނުން. އޭރުން އަގުކުޑަކުރަން މަޖުބޫރުވާނެ. ވިސްނާލަމާ
އެމްސް
04 July 2022
ތިޔަކަމުގަ ބޭންކްގެ ދުރުރާސްތާ ވިސްނުން މާމޮޅުވާނެ! މިޤައުމުގަ ރިސްކް ފްރީ ވިޔަފާރިއެއް ކުރާ ހަމަ އެކަނި ބަޔަކީ ބޭންކްތައް! ބޭންކް އޮފް މޯލްޑިވްސް އަކީ ސަރުކާރު! ރަޢިއްޔަތުންގެ ސަރުކާރެއް/ރަޢިއްޔަތުންގެ އިޙުސާސް ހުރި ސަރުކާރެއްވެސް އޮންނަން އުޅުނު އެކަމަކު ނުފޫޒު ގަދަ މަދުބަޔަކު އެފުރުސަތެއް ނުދިން!
ދެލިފުޅި
04 July 2022
1ކޮޓަރި 415.17 އަކަފޫޓުގެ އަގު: އަކަފޫޓަކަށް 5,539.89 ރުފިޔާ 3ކޮޓަރި 982 އަކަފޫޓުގެ އަގު: އަކަފޫޓަކަށް 4,073.3 ރުފިޔާ 3 ކޮޓަރި 1048.09 އަކަފޫޓުގެ އަގު: އަކަފޫޓަކަށް 4,770.58 ރުފިޔާ 3+1 ކޮޓަރީގެ 1141.85 އަކަފޫޓުގެ އަގު: އަކަފޫޓަކަށް 4,904.32 ރުފިޔާ އެހެންވީމަ ގަންނަންލިބޭއަގު އެންމެ ބޮޑީ އެންމެ ކުދި އެޕާރޓްމަންޓްތައްކަމުގައި ބުނެވިދާނެ. 1 ކޮޓަރި ބެންކުމެދުވެރިކޮށް ގަންނަން މަހަކު 20,693.70 ރުފިޔާ 20އަހަރުވަންދެން ދައްކަންޖެހޭ (ޖުމްލަ 4,966,487.28)
ޢަރުތަ
03 July 2022
ތިޔަ އިމާރާތުގަ އުޅޭ މީހުންގެ ވެހިކަލްތައް ތިޔަ އިމާރާތުގެ ކޮންމެވެސް ފްލޯއެއްގަ (ބޭސްމަންޓްގަނަމަވެސް) ހުރުން ވަރަށް މުހިންމު، ސަރުކާރުގެ ކަމާ ބެހޭ ފަރާތްތަކުން އިމާރާތް ހަދާ ފަރާތާ މަޝްވަރާކޮށް މިކަންތައް ފުރިހަމަ ވާނެ ގޮތަކަށް އިމާރާތްކުރުމަށް ގޮވާލަން.
ދޮންބެއަލީ
03 July 2022
މާލޭ ބިން ރަންވަޅަކަށް ހަދާ ގެދޮރުވެރިކަމަށް ދިވެހިން ވޯރާއިން ކައިރީ ސަލާން ޖަހަން ޖެއްސި ސރކ މީ..