ޓާޓާއަށް ދިން ނާދީ ބިމުގައި ފްލެޓު އެޅުމުގެ މަސައްކަތް ކުރަނީ.-- ފޮޓޯ: ނިޝާން އަލީ/ މިހާރު
26 ޖޫން 2022 - 12:24
11 comments
ކުރީގެ އޯޑިއޯން ސިނަމާ އަދި ކުރީގެ ނާދީ ހުރި ބިމުގައި ލަގްޒަރީ ފްލެޓް އިމާރާތްކުރުމުގެ މަސައްކަތް އިންޑިއާގެ ޓާޓާ ކުންފުނިން އަލުން ފަށައިފި އެވެ.
އެމްޑީޕީގެ ފުރަތަމަ ވެރިކަމުގައި 2010 ވަނަ އަހަރު ޓާޓާއާއެކު 555 ހައުސިން ޔުނިޓް އިމާރާތްކުރަން ހެދި އެއްބަސްވުން ކުރީގެ ރައީސް އަބްދުﷲ ޔާމީންގެ ސަރުކާރުން ބާތިލު ކުރުމުން 200 މިލިއަން ރުފިޔާ (ތިން ބިލިއަން ރުފިޔާ) ގެ ބަދަލެއް ހޯދުމަށް އެ ކުންފުނިން އިންޑިއާގެ އާބިޓްރޭޝަނަށް ހުށަހެޅި އެވެ.
ނަމަވެސް އެއްބަސްވުން ބާތިލުކުރީ ގޯސްކޮށް ކަމަށް ދިވެހި ސަރުކާރުން ގަބޫލުކުރާތީ، އާބިޓްރޭޝަނުން ބޭރުން މަޝްވަރާކޮށް، މައްސަލަ ވަނީ ހައްލުކޮށްފަ އެވެ. އެއީ، އެ ކުންފުންޏަށް ކުރިން ވެސް ދިން ތަންތަން އަލުން ދީ، އެއްބަސްވުން ހެދުމަށެވެ.
ޓާޓާއަށް ދިން ބިމެއްގައި ފްލެޓު އެޅުމުގެ މަސައްކަތް ކުރަނީ.-- ފޮޓޯ: ނިޝާން އަލީ/ މިހާރު
އޭރު ހެދި އެއްބަސްވުމުގެ ދަށުން ކުރީގެ ގާކޮއްޓާއި އަރަބިއްޔާގައި ސޯޝަލް ހައުސިންގެ 280 ފްލެޓް އިމާރާތްކުރި އެވެ. އޭގެ ބަދަލެއްގެ ގޮތުން މަތީ ފެންވަރުގެ ފްލެޓް އިމާރާތްކޮށް، ވިއްކަން އެ ކުންފުންޏަށް ދިނީ އޯޑިއޯން އާއި ނާދީ ހުރި ބިމެވެ. އޭގެ އިތުރުން ރިސޯޓެއް ހަދަން ޅ. ޅޮއްސަލަފުށި ވެސް ޓާޓާ އަށް ދިނެވެ.
އެކަމަކު މަސައްކަތް ފަށަން ދިން މުއްދަތުގައި އެކަން ކުރިއަށް ނުދިޔަ ކަމަށް ބުނެ އެއްބަސްވުން ބާތިލްކުރީ ޔާމީންގެ ވެރިކަމުގައި 2017 ވަނަ އަހަރު އެވެ. އަލުން އެއްބަސްވުމުގައި ސޮއިކުރީ އޯޑިއޯން އާއި ނާދީ ބިމާއި 30 ލަގްޒަރީ ވިލާ އަޅަން ރަށެއް ވެސް ދިނުމަށެވެ. އަދި މިދިޔަ ޖެނުއަރީ މަހު ސޮއިކުރި އެއްބަސްވުމުގައިވާ ގޮތުން، ސޮއިކުރާ ދުވަހުން ފެށިގެން ހަ މަސް ތެރޭގައި ފްލެޓް އެޅުމުގެ މަސައްކަތް ފަށަން ޖެހޭނެ އެވެ.
އެއާ އެއްގޮތަށް އޯޑިއޯން އަދި ނާދީ ހުރި ބިމުގައި ވަނީ މަސައްކަތް ފަށައިފަ އެވެ. އެ ދެ ތަނުގައި ވެސް މިހާރު ކުރަމުން އަންނަނީ ފައުންޑޭޝަން ހެދުމަށް ބިން ތައްޔާރުކުރުމުގެ މަސައްކަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންނަން އޮތް ގޮތް
27 June 2022
ފެނޭތަ ވެރިކަމެއް ހިންގޭ ވަރު 04 އަހަރު ފަހަނައަޅާ ދިޔައިރު ކުރަން ބޭނުންވި ކަމެއް އެކަމަކު ނުކުރެވި މީ މިމީހުންގެ ބަރަވެލި ސްޕީޑު
އިބްރ
26 June 2022
އިންޑިއާ ސިފައިން ތިބޭނެ ތަންތަން ހަދަނީ
ބޯބްރާ
26 June 2022
ގަމާރަކަސް ތިއި ބޮޑުވަރު.
މުހަންމާގއ
26 June 2022
ތިތަނުގައި ޕާކިން ހުންނެބާ!.
ޚ ކަލީމް
26 June 2022
ނޫން ..މިތަނުގަ ދިރި އުޅޭ މީހުންގެ ވެހިކަލްގެ ބަލަދު އަރާނީ މަގު މައްޗަށް . އެހެން ފަރާތް ތަކަކޭ އެއްގޮތަށް .
ބެއްޔަ ވާރޝަން 1.23
26 June 2022
ރައީސްއެވެ. ފްލެޓް ދިވެހިން އިންތިހާއަށް ބޭނުމެވެ. އެކަމަކު ރިޔާސީ ރޭސް މަނިކުފާނަށް އަތުޖެހެން އޮތީ އެންމެ ގޮތަކަށެވެ. ވެރިކަމުގެ ކޯލުތެރެެއިންނާއި، ވެރިކަން ކުރާ ޕާޓީ ތެރެއިން ، ހަޑިހުތުރުވެގެންވާ، އަދި އެއަމަލެއްގެ ނުބައިކަމުން މާތް ރަސްކަލާނގެ ރަށެއް އެފުށް މިފުށަށް ޖެއްސެވި ހުތުރު އަމަލު ގެނެސްގަތް މީހުން ލަސްނުކޮށް ހިފާ ހައްޔަރުކޮށް، މަޤާމުތަކުން ދުރުކޮށް، ޕާޓީން ވަކިކޮށް އެކަމުން ބަރީއަވާށެވެ. އެނޫނީ ރައްޔިތުންނަށް ވޯޓުދޭން ދަތިވާނެއެވެ.
ބަލާއިރު
26 June 2022
2023 އަށް ދައްކާނެ ކޮންކްރީޓްކޮޅެއް އަތުޖެހުނީދޯ. މިވެސް ރަށްފުށު ފަތިސް ހަނދުވަރުގެ ވައްތަރެއް
މުޑަހަންޖާ
26 June 2022
ކ.މާލޭ ގަބީލާމެން ރަށުތެރޭ ފުލެޓުކޮޅެއް އަޅާލަންވީމަ ޅ.އަތޮޅުން ފަޅުރަށެއް ހަދިޔާކޮށްލަނީ، ސަގަރޭޕާކުގަ ފެންމޯޓަރެއް ބަހައްޓަން ފ އަތޮޅު ވިއްކާލަން އުޅުނީ. ކ.ވިލިނގިލި ނޫނީ ކ.މާލޭ އަވަށެއް ވިއްކާފަ ރަށުގަ ފުލެޓު އަޅާބަލަ އެހެން އަތޮޅުތަކާ ބެހޭކަމެއްނޫން ތިޔައީ. ނައިފަރުގަ ފުލެޓު އަޅާދޭމަތިން ގުޅިފަޅުދޭނަންތަ ކަލޭމެން.
ޗެކްމާރކް
26 June 2022
އަލުން ފެށީކީ ނޫން މުޅިން އަލަށް އެތަންތާގައި މަސައކަތް ފެށީ ވޭތިވެ ދިޔަ 10 ވަރަކައް އަހަރު އެތަން ތަން ގޮޑުކޮއްފައި ބާއްވާ އޮތީ މަސައކަތް ނުކޮއް ދިވެހިނައް ޖެއްސުން ކުރަން
ސީޒަން ޖެކުހަން
26 June 2022
އިންޑިޔާ ކުންފުނިތަކުން މަސައްކަތްކުރަނީ މިގައުމު ނޮޅާލަން. އަދި ބައެއް ދިވެހިން ބޭނުންވަނީ އެމީހުން މިގައުމު ނޮޅިއަދޭން.
ށަވިޔަނި
26 June 2022
އިންޑިއާ ކީއްކުރަން ދުނިޔޭގެ އެއްވެސް ވިޔަފާރި ކުންފުންޏަކުން ވިޔަފާރި އުސޫލުން ބޭރުގައި މަސައްކަތެއް ނުކުރާނެ. ނޮޅަނީ ކޮންބައެއް؟ މިތިބި ފިހާރަތަކުން ރެއާދުވާލު ކީއްތަ މިކުރަނީ. މީގެ އަސަރު ހަމަ ކޮންމެ ރައްޔިތަކަށް ކުރޭ. އެވެސް ކޮން ދުވަހަކު. ސަރުކާރުތައް މަޑުން ތިބޭތީ އަހަރެން ކަންބޮޑުވޭ.