އެކްސިޑެންޓެއް ހިނގި ސަރަހައްދެއްގައި ފުލުހުން ހަރަކާތްތެރިވަނީ: މީހެއްގެ ލޮލުން ފެނުން ގެއްލުނު އެކްސިޑެންޓްގައި އެކަކު ކުށްވެރިވެ، ޖޫރިމަނާ އާއި ޖަލު ހުކުމެއް ވަނީ އިއްވާފައި --- ފޮޓޯ/މިހާރު
05 ޖުލައި 2022 - 12:24
11 comments
އެކްސިޑެންޓެއްގައި މީހެއްގެ އެއް ލޮލުގެ ފެނުން ގެއްލުނު މައްސަލާގައި ކުށްވެރިވި މީހަކު 144،000ރ. އިން ޖޫރިމަނާކޮށް އަދި ނުވަ ދުވަހަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.
މީގެ ހަ އަހަރު ކުރިން، 2016 ވަނަ އަހަރު ބޮޑުތަކުރުފާނުމަގުގައި ދެ ސައިކަލެއް ޖެހި އެކްސިޑެންޓެއް ހިނގީ ސައިކަލެއް އޯވާޓޭކް ކުރަން އުޅުމުގެ ތެރޭގައި އެހެން ސައިކަލެއްގައި ޖެހިގެންނެވެ. އެ ސައިކަލު ދުއްވަން އިން މީހާގެ އަތުގައި ލައިސަންސެއް ނެތެވެ.
އަނެއް ސައިކަލުގައި އިން މީހާގެ އެއް ލޮލުގެ ފެނުން އެ އެކްސިޑެންޓްގައި ދާއިމަށް ވަނީ ގެއްލިފަ އެވެ.
ކްރިމިނަލް ކޯޓުން މިދިޔަ ހަފުތާގައި ކުރި ހުކުމުގައިވަނީ ލައިސަންސް ނެތި ސައިކަލު ދުއްވުމަކީ އޭނާ ކޮށްފައިވާ ފަރުވާ ކުޑަ އަމަލެއް ކަމަށެވެ. އަދި މަގުގެ މެދު ރޮނގު ހުރަސް ކޮށްފައިވަނީ ގަވާއިދާ ޚިލާފަށް ކަން ހެކިންގެ ބަހުން ސާބިތުވާ ކަމަށް އެ ހުކުމުގައިވެ އެވެ.
އަނިޔާއެއް ދިނުމުގެ ކުށް އެ މައްސަލާގައި މައްޗަށް ސާބިތުވިއިރު އެ ކުށުގެ އަސާސީ އަދަބަކީ އެއް އަހަރާއި ހަތް މަހަށް ޖަލަށްލުމެވެ. އަދި އެކި ސަބަބުތަކާ ހެދި މައްސަލަ ލަސްވެފައިވާތީ އޭނާގެ އަދަބުގެ ދަރަޖަ ދަށްކުރަން ހުކުމުގައި ނިންމާފައިވެ އެވެ. އެގޮތަށް ދަށްކުރުމުން އޭނާގެ މައްޗަށް ކަނޑައެޅޭ އަދަބަކީ ނުވަ މަހާއި 18 ދުވަހުގެ ޖަލު ހުކުމެކެވެ.
އެ އަދަބު ޖޫރިމަނާގެ އަދަބަކަށް ބަދަލުކުރީ އޭނާއަކީ ކުށުގެ ވެށީގައި އުޅޭ މީހަކަށް ނުވާތީ އެވެ. ނުވަ މަސް ދުވަހުގެ އަދަބު ޖޫރިމަނާއަކަށް ބަދަލު ކުރުމުން ޖެހެނީ 144،495ރ. އެވެ. އެ ފައިސާ 12 މަސް ތެރޭގައި މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ދައްކަން ހުކުމުގައި އަންގާފައިވެ އެވެ.
އަދަބުގައި ބާކީ އޮތް 18 ދުވަހުގެ ތެރެއިން ބަންދުގައި ހޭދަކުރި މުއްދަތު ހުކުމުގެ މުއްދަތުން އުނިކުރުމުން އޭނާ ނުވަ ދުވަހުގެ ޖަލު ހުކުމެއް ތަންފީޒު ކުރަންޖެހޭނެ ކަމަށް ހުކުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟމމމމ
09 July 2022
ލޮލޮގެ ފެނުން ވަނީ ގެއްލިފަތޯ ކަށަވަރު ކުރިބާ؟ އެދުވަހު އެތާގަ ނެތް ހެއްކެއް އުފައްދައިގެން ވެސް ދައުވާ ކުރެވިދާނެ، އަދި ތި އެކްސިޑެންޓް ގަ ލޮލައް ގެއްލުވެފަ ހުރީ ހަމައެކަނި އަނެކާ އަށްބާ؟ ދެންއޮތީ ގަސްތުގަ އަނިޔާ އެެއް ދޭން އުޅުނުކަމުގެ ވާހަކަ، ކިހާ ވަރަކަށް ބަލާފަ ބާ އެގޮތައް އަމަލު ކުރީ؟ އަންދާޤާނޫން،
ކެޔޮޅުހހހހ
06 July 2022
ކޮބާ ލޮލުގެ ފެނުން ގެއްލުން މީހާއަށްވީ ބައި... މީރާ އަށް ކޮންގެއްލުމެއްވެގެން މީރާ އަށް ޖޫރިމަނާ ދޭން ޖެހެނީ...
ފޮނިޓައްޕު ހަސަނު
05 July 2022
އުފެދޭ ސުވާލަކީ ތިޔަ ޖުރްމައިނާ 145000ރ އެ އަނިޔާ ލިބުނުމީހާއަށް ސަރުކާރުން ދޭނެތޯ؟
66635
05 July 2022
މުރަނގަ ފަތް ބިނުމާ، އޮފީހުގަ ހުންނަ ކޮފީ ދަޅުން ކޮފީކޮޅެއް ގެޔައް ގެންދިއުން ފަދަ ގެއްލުން ބޮޑު ކަންކަމަށް އަދަބު ބޮޑުވާނީ. މީހުން މެރުމާއި މަސްތުވާތަކެއްޗާއި، ދައުލަތް ލޫޓުވުން ފަދަ ކަންކަމަކީ އާދައިގެ ކަންކަން. ހައްޔަރެެއް ނުކުރެވޭނެ ހެއްކެއް ނުހުންނާނެ ރާއްޖެއިން ފަރުވާކުރެވޭ ބައްޔެއް ނުޖެހޭނެ ހުކުމް ކުޑަވާނެ ބަދަލު ލިބޭނެ. އޯކޭ އެއްނު
ކަތްދައްތަ
05 July 2022
ކްރިމިނަލް ކޯޓުން ބަލާފައިވަނީ ހަމައެކަނި ކުށުގެ ބައި. އެބަޔަށް އެއޮތީ އުޤޫބާތް ދީފަ. ދެން އޮތީ ލޮލުގެ ފެނުން ގެއްލިގެންދިިޔަ ބައި. އެއީ މަދަނީ ބައެއް. ލިބުނު ގެއްލުމުގެ ބަދަލު ހޯދުމަށް އެސައިކަލު ދުއްވި މީހާ ގޮވައިގެން ހަމަ ދަޢުވާ ކޮށް ބަދަލު ހޯދަންވީ. ލޮލެއްގެ ފެނުން ގެއްލިއްޖެނަމަ، ގާތްގަޑަކަށް ފަސްލައްކަ ވަރު ލިބޭނެ. އެއީ ދިޔައެއްގެ ދެބައިކުޅަ އެއްބައި.
1828
05 July 2022
މިއަށް ކިޔަނީ ސަދޫމް ޖަސްޓިސް. މިކަމުން ދައްކުވައިދެނީ އިންސާނުން ހަދާ ޤާނޫނު ކަމުނުދާކަން.
ޖައިސާމް
05 July 2022
ދެން އެހެން ވިއްޔާ ކިހިނެއް ވާންވީ؟
ޝަފީރު
05 July 2022
އަނިޔާ ލިބުނު މީހާއަށް ލިބުނީ ކޮން އިންސާފެއް. ޅައިސަންސް ނެތީމާ އިންސާފު ލިބުނު ޤަވާއިދާ ޚިލާފަށް މަގުހުރަސްކުރީމާ އިންސާފު ލިބިއްޖެ. އެކްސިޑެންޓްވީމާ އިންސާފު ލިބިއްޖެ. 18 އަހަރުގެ އަދަބެއް ލިބުނު މީހާގެ އަދަބު ލުއިކޮށް ޖުރިމާނާ ކުރީމާ ސަރުކާރަށް ފައިސާލިބި އިންސާފު.؟؟؟؟؟ އަނިޔާލިބުނު މީހާއަށް ލިބެނީ ތޮޔޮ ކަރުދޙެއްވެސް ނުލިބުނު.
ރޯޒަސް
05 July 2022
އަދި އެއްފަހަރު ޚަބަރު ކިޔާލާ.
ާމަރީތް
05 July 2022
ސަރުކާރަށް ލާރި ގަނޑެެއް ހޯދީ. ލޮލުގެ ފެނުން ގެއްލުނު މީހާއަށް ލިބުނީ ކޮން އިންސާފެއް
1828
05 July 2022
ލޮލުގެ ފެނުން ގެއްލުނު މީހާއަށް ލިބުނީ ސަދޫމްގައި ލިބޭ ކަހަލަ 'ބޭ' އިންސާފެއް.