07 ޖުލައި 2022 - 06:11
12 comments
ޔޫކްރޭންގެ އިރުމަތީގައި އޮންނަ ދޮންބާސް ސަރަހައްދަށް މިހާރު ވެރިވެގެން ތިބި ރަޝިޔާ ސިފައިން އެ ސަރަހައްދުން ބާލައި، މުޅި ދޮންބާސް އަލުން ޔޫކްރޭންގެ ފުރިހަމަ ބާރުގެ ދަށަށް ގެނައުމުގެ މަސައްކަތް، ޔޫކްރޭން ސިފައިން މިހާރު ފަށާފައިވާ ކަމަށް އެ ގައުމުން ބުނެފި އެވެ.
ދޮންބާސް އަލުން ހިފުމަށް ޔޫކްރޭން ސިފައިން މިއަދު ވެސް ވަރުގަދަ ހަމަލާތަކެއް ދިން ކަމަށް ޔޫކްރޭނުން މި ބުނީ، ދޮންބާސް ސަރަހައްދުގެ މައި ސަހަރުތަކުގެ ތެރެއިން، ޔޫކްރޭން ސިފައިންގެ ބާރުގެ ދަށުގައި އެންމެ ފަހުން އޮތް ލީސީޗަންސްކް، ރަޝިޔާ ސިފައިންގެ ބާރުގެ ދަށަށް ދިޔަތާ އެއް ދުވަސް ފަހުންނެވެ. އެ ސަހަރުގައި ތިބި ޔޫކްރޭން ސިފައިން ފައިބައި، ރަޝިޔާ ސިފައިންގެ ބާރުގެ ދަށަށް އެ ސަހަރު ހިނގައްޖެ ކަމަށް ޔޫކްރޭން ސަރުކާރުން ވެސް އެއްބަސްވި އެވެ.
ދޮންބާސްގެ ލުހާންސް ޖުމްހޫރިއްޔާގައި ހުންނަ، ޔޫކްރޭންގެ އަސްކަރީ އިދާރީ ވެރިޔާ ސެރްހީ ހޭއިޑޭ ވިދާޅުވީ، ދޮންބާސް ސަރަހައްދު އަލުން ހިފުމަށް ޔޫކްރޭން ސިފައިން މިއަދު ވަރަށް ވަރުގަދަ ހަމަލާތަކެއް ދީ ރަޝިޔާ ސިފައިންނަށް ބޮޑެތި ގެއްލުންތަކެއް ދިން ކަމަށެވެ. ލުހާންސްކް ޖުމްހޫރިއްޔާ އާއި ޑޮނެޓްސްކް ޖުމްހޫރިއްޔާގައި ވެސް ރަޝިޔާ ސިފައިންނަށް ބޮޑެތި ގެއްލުންތަކެއް މިއަދު ދީފައިވާނެ ކަމަށް ޔޫކްރޭންގެ އަސްކަރިއްޔާ އިން ބުނެ އެވެ.
ލުހާންސްކް ޖުމްހޫރިއްޔާ އާއި ޑޮނެޓްސްކް ޖުމްހޫރިއްޔާއަކީ، މިދިޔަ ފެބްރުއަރީ މަހުގެ 23 ވަނަ ދުވަހު މިނިވަންކަން އިއުލާން ކުރުމުން ރަޝިޔާ އިން އެކަން ބަލައިގެންފައިވާ ދެ ޖުމްހޫރިއްޔާ އެވެ. ރަޝިޔާ ސިފައިން ޔޫކްރޭނާ ދެކޮޅަށް، ފެބްރުއަރީ މަހުގެ 24 ވަނަ ދުވަހު ފަތިހު ހަމަލާތައް ދޭން ފެށީ، އެ ދެ ޖުމްހޫރިއްޔާގެ މިނިވަންކަން، ރަޝިޔާގެ ރައީސް ލަޑިމިއާ ޕުޓިންގެ ރިއާސީ ގަރާރަކުން ގަބޫލުކުރެއްވުމަށް ފަހު އެވެ.
ސެރްހީ ހޭއިޑޭ ވިދާޅުވީ ލުހާންސްކް ޖުމްހޫރިއްޔާގެ ލީސީޗަންސްކް ހިފުމަށް ރަޝިޔާ ސިފައިން ކުރި ހަނގުރާމައިގެ ތެރޭގައި ވެސް، ޔޫކްރޭން ސިފައިން ދިން ރައްދު ހަމަލާތަކުގައި ރަޝިޔާގެ އެތައް ހާސް ސިފައިން މަރުވި ކަމަށެވެ. ރަޝިޔާ ސިފައިންގެ އަދަދު ގިނަވެފައި ހަތިޔާރު ގިނައިން ހުއްޓަސް، ޔޫކްރޭން ސިފައިން ތިބީ އެއަށް ވުރެ މާ ފުރިހަމަ އަށް ތައްޔާރުވެގެން ކަމަށް ވެސް އޭނާ ވިދާޅުވި އެވެ.
ޔޫކްރޭންގެ އިރުމަތީ ދޮންބާސް ސަރަހައްދުގެ ބޮޑު ބައެއް ހިފައި، ޔޫކްރޭންގެ އެތެރެ އަށް ރަޝިޔާ ސިފައިން ޖެހެމުން ދާއިރު، ޒަމާނީ ބަރު ހަތިޔާރާއި އަސްކަރީ އިތުރު ސާމާނު ފޯރުކޮށްދިނުމަށް ޔޫކްރޭނުން ދަނީ ވިލާތުގެ ގައުމުތަކަށް ގޮވައިލަމުންނެވެ.
މިހާރު ޔޫކްރޭންގައި ކުރަމުންދާ ހަނގުރާމައިގައި، ރަޝިޔާ ސިފައިންގެ ބާރުގެ ދަށަށް ގެންދެވޭ ޔޫކްރޭންގެ ކޮންމެ ސަރަހައްދެއް ރަޝިޔާގެ ބާރުގެ ދަށަށް ދަނީ، ދެ ފަރާތުގެ މެދުގައި ގިނަ ދުވަސްތަކެއް ވަންދެން ހަމަލާތައް ބަދަލުކޮށް، އެ ސަރަހައްދެއް އެކުގައިހެން ސުންނާފަތިވާ ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރަބޯ
18 July 2022
ރަޝިޔާއިން މުޅި ޔުކްރެއިން ހިފާ، ކޮމެޑިއަން ޖަލައް ނުލަނީސް ދެން އެމެރިކާ އާއި ހުޅަނގުގެ ބަލާވެރިކަމެއް ނުކެނޑޭނެ. އެހެންވީމާ ރަޝިޔާ އިން ސީދާ އެހެން ނުބުންޏަކަސް އެކަން އޮތީ އެހެން ކަމަށް އިއްޔެ މަގޭ ކައިރީގަ ޖެނެރަލް ޝޮއިގޫ ވިދާޅުވި.
ސަލީމު އިދުރީސް
07 July 2022
ރުސީން ޔޫރޭނު ހިފަންބޭނުންވާތިދޯ ވެރިރައް ވަށާލީ!ހުޅަގުގެ އަތްމަތީ ހަތިއާރު ކޮޅެއް ދޮންބާސް ރޫސީން ހިފިއިރު ޔޫކުރޭނު ސިފައިން އަތުގަހުރީ! ދުނިއޭގަ މިހާތަނައް އުފެއްދި އެންމެ ޒާމާނީޓޭންކު ހޯބިސްގެ ނަމުނައްދީވާ 7 ޓޭންކު ޖަރުމަން ވިލާތުން އިހައްދުވަހު ޔޫކުރޭނައް ފޯރުކޮއްދިނީ!ނޭޓޯގެ ޒަމާނީ ހަތިއާރުގެ25%ދިންނަމަވެސް ޔޫރޭނުގެ އެކިތަންނުން ފެނުނީހީ އިސްޕެކެޓީ ބޮލަނައިސްހަދަން ފުނޑުވާވަރައް ފުވާފަހުރި ރޫސީސިފައިންގެ މަސްފުނިފުނި!ނަސީބުއެހެނުވިކަން
އިރުމަތި
07 July 2022
ކޮޔާ ޒެލެންސްކޯ، އެމެރިކާ އާއި އިއުރަޕުން ސަލާން ޖަހައިގެން ހޯދި ހަތިޔާރު ތައް' ބުލެކު މާރކެޓުގަ އެހެން ގައުމު ތަކަށް ވިއްކައިގެން އަމިއްލަ ޖީބު ބޮޑުކުރާނީ އެއްނުން.. ކަލޭ ހީކުރީ އަހަރުން އަށް ނޭންގޭނެކަމަށް. ޒެލެންކޯ ވެރިކަމުގަ ހުރެގެން ތިޔަ ހަނގުރާމައެއް ނުނިންމާނެ..
ރަމްޒާން
07 July 2022
ހަބަރު ލިބޭ ގޮތުން އައިއެސްޖަމާއަތް ޔޫކްރެއިން އެތެރެއަށް ވައްދައިގެން އެބައުޅޭ އެމަރިކާ އަޑީގައިއޮވެގެން ރަޝިއާގެ ޗެސްނިއާގެ މުސްލިމުންގެ ގޮރިއްލާ ލަޝްކަރާއި ކުރިމަތިލަން ވެގެން..ޔޫކްރެއިން ސިފައިން ކަދިރޯވްގެ ފައުޖާއި ކުރިމަތި ލާން ބިރުގަނޭ..ކޮމެންޓް ކުރި އިހުސާސް އަށް ބުނެލަން ބޭނުންވަނީ އެއޮތްބޮޑު އެމަރިކާ އަށް ވިއެޓްނާމް ބަލިނުވި ކަމާއި..އޮއޮތްބޮޑު ކޯލިޝަން ނޭޓޯއާއި އެމަރިކާ ބައިވެގެން ވެސް ކުޑަ ހަނގުރާމަވެރިޖަމާއަތް ތާލިބާނުން ބަލިނުވިކަން
ބީރުބޮލު ވަޒީރު.
07 July 2022
ޔޫކުރޭނުގެ ރައީސަކީ ވަކަރުގޭ ކުއްޖެއް. ވައްޓާލީމަ ބުނާނެ މުންޑު އަނދެގެން ހުރީމައޭ. ދެން ފަޓުލޫނު ލައިގެން ހުއްޓާ ވައްޓާލީމަ ބުނާނެ ފައިވާނަށް އަރައިގެން ހުރީމައޭ ވެއްޓުނީ. ހުސްފަޔާ ހުއްޓާ ވައްޓާލީމަ ބުނާނެ ބޫޓަށް ނާރާ ހުރީމައޭ ވެއްޓުނީ. އަނގަޔަކުން ދެރައެއް ނުވާނެ. އަނެއްކާ ހަބަރުތަކުން ސުރުހީއެއް ހޯދީ ޖޯކަރު. އެންމެފަހުން ހަތަރެސްފައިގަ ބިޑިއަޅުވާފައި ގެންގޮސް ޖަލަށްލީމަ ތިއަ ޖޯކަރު ކިބައިން ސަލާމަތްވާނީ.
ރަދީފްއޮފިޝަލް
07 July 2022
ވަޒީރު ބްރޯ ޔޫ ކޮބާ؟؟ ޔޫގެ ރަޢުޔު މިކަމި ވަރަށް މުހިންމު.
ބީރުބޮލު ވަޒީރު.
07 July 2022
ވަޒީރު މިހުރީ އޭރުވެސް މިހާރުވެސް ރަދީފާއެކީ. ލެއްގި ކޮމިޝަނަރު ފިލިހެން ނުފިލާނެ. ސަލީމް އިދުރީސް އަދިވެސް ކޮންމެވެސް ވަރެއް އެބަކުރޭ.
ރަދީފްއޮފިޝަލް
07 July 2022
ތޭންކްސް ވަޒީރު ބްރޯ.
ރަދީފްއޮފިޝަލް
07 July 2022
ޒަމާނީ ހަތިޔާރު ޖޯކަރެއްގެ އަތަށް ދީގެން މިތާ އުޅޭ ސަލީމް އިދްރީސް ވެސް ހުންނަނީ އަތް ޖަހަން.ނަމަވެސް ބާ ދަގަނޑު ހިފައިގެން އުޅޭ މީހުން އެދަނީ އެމީހުންގެ މައްޗަަށް ކުރި ހޯދަމުން.ވ.ވެދުން
އަސާސް
07 July 2022
ވަށައިގެން ދުނިޔޭގެ އެންމެ ޒަމާންވީ ހަތިޔާރުތަށް އޮއްސާއިރުވެސް ތިޔަ ޔުކުރޭނަށް ވާހަމަ އެއްކަމެއްވެސްނެތް.
އިޙްސާސް
07 July 2022
ކަމެއްވާތީނު އެއޮއްބޮޑު ރަޝިޔާއަށް ކުޑަކުޑަ ޔުކުރޭނު ބަލިނުކުރެވިގެން އެއުޅެނީ
ރަދީފްއޮފިޝަލް
07 July 2022
ބަލި ނުކުރެވޭ!!! ހެހެހެހެހެ. (ރަޝިޔާގެ ޕްލޭންގަ އެއްވެސް ހިސާބެއްގަ ނެތް މުޅި ޔުކްރެއިން އިންވޭޑްކުރާނެކަމަށް.އެހެންވީމަ ވާނުވާ އެނގިގަތުމަށް @އިޙްސާސް އަށް ނަސޭހަތްތެރިވަން.) ވ.ވެދުން