މާލޭގައި ބަހަކާއި ކާރެއް ޖެހި ހިނގި އެކްސިޑެންޓުގައި ކާރަށް ވަރަށް ބޮޑަށް ގެއްލުންވެފައި--
17 ޖުލައި 2022 - 16:53
5 comments
މާލޭގެ ކުޅިވަރު އެކުވެނި ޓްރެކާ ދިމާލުން ބޭރު މަގުން ދުއްވާފައި ދިޔަ އެމްޓީސީސީގެ ބަހެއްގައި ކާރެއް ޖެހި މީހަކު މަރުވި އެކްސިޑެންޓުގައި އަނިޔާވި އެކަކު އިތުރު ފަރުވާ އަށް ރާއްޖެ އިން ބޭރަށް އިއްޔެ ގެންގޮސްފި އެވެ.
މި މަހުގެ ހަތަރު ވަނަ ދުވަހުގެ އިރުއޮއްސުނު ވަގުތު ރަތް ކުލައިގެ ސްޕޯޓްސް ކާރު އެކްސިޑެންޓުވީ އާދަޔާ ހިލާފަށް ބާރަށް ދުއްވާފައި ދަނިކޮށް، ކޮންޓްރޯލުން ނެއްޓި އެނބުރެމުން ގޮސް ބަހުގެ ކުރީކޮޅުގައި ޖެހިގެންނެވެ.
އެ އެކްސިޑެންޓު ހިނގި ވަގުތު ކާރުގައި ފަސް މީހަކު ތިއްބެވެ. އެކަމަކު އައިޖީއެމްއެޗުގައި ފަރުވާދެމުން ދަނިކޮށް އޭގެ ތެރެއިން ގއ. މާމެންދޫ މަރިޔަމް އަމާނީ ރަޝީދު، 23 ވަނީ އެ ރޭ މަރުވެފަ އެވެ. އަނެއް ހަތަރު މީހުންނަށް އައިސީޔޫގައި ފަރުވާދޭން ޖެހުނުއިރު ތިން މީހަކު އޭރު އޮތީ ވެންޓިލޭޓަރުގަ އެވެ.
އިތުރު ފަރުވާ އަށް އިއްޔެ އިންޑިއާގެ ކޮޗިން އަށް ގެންދިޔައީ ވެންޓިލޭޓަރުގައި ފަރުވާ ދެމުން އައި އެކެކެވެ. އެނގިފައިވާ ގޮތުގައި އެ އަންހެން މީހާ ކޮޗިން އަށް ގެންދިޔައީ ނިއުރޯސާޖަރީއަކާއި އިތުރު ފަރުވާތަކެއް ވެސް ދިނުމަށް އޭނާ ވީހާ ވެސް އަވަހަކަށް ރާއްޖެއިން ބޭރަށް ގެންދިއުމަށް ޑޮކްޓަރުން ލަފާދިނުމުންނެވެ.
އޭނާ އަށް މިހާރު ފަރުވާދެމުންދަނީ އަމްރިތާ ހޮސްޕިޓަލުގަ އެވެ.
އެ އެކްސިޑެންޓުގައި އަނިޔާވެގެން އައިސީޔޫގައި ފަރުވާދިން އިތުރު ދެ މީހުން މިހާރު ވަނީ ވޯޑަށް ބަދަލުކޮށްފަ އެވެ.
އެކްސިޑެންޓް ހިނގި ސަރަހައްދުގައި ސިފައިންގެ ފަޔާ އެންޑް ރެސްކިއު ސާވިސް އިން ހަރަކާތްތެރިވަނީ-- ފޮޓޯ: އެމްއެންޑީއެފް
ވާރޭވެހެމުންދަނިކޮށް އެ އެކްސިޑެންޓު ހިނގީ ރަތް ކުލައިގެ ކާރު މެރީ ބްރައުން ރެސްޓޯރަންޓާވީ ކޮޅުން ބާރު ސްޕީޑުގައި ދުއްވާފައި ދަނިކޮށް ކޮންޓްރޯލުން ނެއްޓި އެ ވަގުތު މަގުގެ އަނެއް ކޮޅުން ދުއްވި އެމްޓީސީސީގެ ޑަބަލް ޑެކާ ބަހެއްގައި ޖެހިގެންނެވެ. އެކަމަކު ކާރު އެނބުރެމުން ދިޔަ ވަގުތު އެމްޓީސީސީގެ ބަސް ޑްރައިވަރު ވަނީ ބަސް ހުއްޓައިފަ އެވެ. ބަހުގައި ތިބި މީހުންނަށް ބޮޑެތި އަނިޔާތަކެއް ނުލިބެ ސަލާމަތްވީ އެހެންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޭސް ކާރި
18 July 2022
ކާރުގެ ޓަޔަރތައް ވަރަށްބޮޑަށް ގޭނިފައި ވާކަން ފާހަގަ ކުރެވޭ. ރޯރޑްވޯތިނެސް ހަދާއިރު ވަރަށް ކަންޖޫސީ ރާއްޖޭގަ
ކަލޯބޭ
18 July 2022
މިއެކްސިޑެންޓްގަ އަނިޔާވި ބައެއްގެ ނަންތައް އެނގޭނެ ނަމަ
ހާމިދު ޝާހިދު
18 July 2022
ތި އެކްސިޑެންޓް ހިނގުމަށް އިހުމާލުވި ފަރާތް ކޮބައިތޯ. އޭނާގެ ތަހުގީގު ކޮށް އޭނާއަށް 4 ޑިގްރީ މަރޑަރުގެ ދައުވާ ކޮށް ހަރުކަށި ފިޔަވަޅު އަޅަންޖެހޭނެ. އަދި ބާރު ސްޕީޑްގައި ދުއްވާ މިފަދަ ރޭސް ކާރުތައް ދުއްވުން ނިމުމަކަށް ގެނެވެންވާނެ.
ދގދސެފ×
17 July 2022
ދުވަސްކޮޅަކުން ތިކަންވެސް އޮބިދާނެ. އަނެއްކާ ދާނީ ނޯމަލް ނޯމަލަށް ހުރިހާކަމެއް.
އެމްސް
17 July 2022
މިއޮތީވާ ޤައުމެއް! ބިލިޔަން ބިލިޔަނުގެ ބަޖެޓް ފާސްކޮށްގެން، ސިޔާސީ ބޮޑުން އުފަލާ އަރާމުގަ އުޅޭ އިރު މިޤައުމަށް ބޭނުންވާ ވަރުގެ އެންމް ހޮސްޕިޓަލްއެއްވެސް ޤައުމަކު ނެތް!