ރައީސް ވިދާޅުވީ، ރާއްޖޭގެ މިނިވަންކަމާއި ސިޔާދަތާއި އިސްތިގުލާލު 'އެކީ އެއްމާރަކުން' ބަނދެވިފައިވާ ހަގީގީ ސިއްރަކީ އިސްލާމްދީން ކަމަށް.
މިއަދު ފާހަގަކުރާ މިނިވަން ދުވަހުގެ މުނާސަބަތުގައި ދިދަ ނެގުމަށް ޖުމްހޫރީ މައިދާނުގައި ބޭއްވި ރަސްމިއްުޔާތުގައި ރައީސް އިބްރާހިމް މުހައްމަދު ސޯލިހު ބައިވެރިވެވަޑައިގަންނަވަނީ.---ފޮޓޯ: ފަޔާޒު މޫސާ| މިހާރު
26 ޖުލައި 2022 - 10:08
42 comments
ދުނިޔޭގައި ހިނގާ ތަފާތު ފިކުރީ އޮއިވަރުން ނެއްޓި، މިނިވަން ގައުމެއްގެ ގޮތުގައި ދެމިއޮތުން ދިވެހިންނަށް އަބަދުވެސް ލާޒިމު ކަމަށާއި އެކަމަށްޓަކައި އެންމެ ފުރަތަމަ ރައްކާތެރިވެ، ހިމާޔަތް ކުރަން ޖެހެނީ އަޅުގަނޑުމެންގެ އީމާންކަމާއި އަގީދާ އަދި އިސްލާމްދީން ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މިއަދު ފާހަގަކުރާ ރާއްޖޭގެ 58 ވަނަ މިނިވަން ދުވަހުގެ ތަގުރީރުގައި އެ މަނިކުފާނު ވިދާޅުވީ، ރާއްޖޭގެ މިނިވަންކަމާއި ސިޔާދަތާއި އިސްތިގުލާލު 'އެކީ އެއްމާރަކުން' ބަނދެވިފައިވާ ހަގީގީ ސިއްރަކީ އިސްލާމްދީން ކަމަށެވެ.
"އެ ދީނުގެ ރިސާލަތާއި ހިދާޔަތުން ދިވެހި އުންމަތް އެކުއެކީ، އަލިވެ އުޖާލާ ވެެގެން ދިއުމަކީ ދެ ދުނިޔޭގައި ވެސް ރާއްޖެ އަށް ލިބޭނެ އެންމެ ބޮޑު ނަސީބާއި ރަހުމަތް. ދިވެހިރާއްޖެ، ރާއްޖޭގެ ގޮތުގައި ފުރާފުރިހަމަވި ސަބަބަކީ މުސްލިމް ދިވެހި ރައްޔިތުން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
މިނިވަންކަމަށްޓަކައި ހުރިހާ ތަފާތެއް އެއްފަރާތް ކުރަންޖެހޭ
މިނިވަން ގައުމެއްގެ ގޮތުގައި ދެމިއޮތުމަށް އެންމެ މުހިންމު ކަމަކީ އިސްލާމްދީން ހިމާޔަތް ކުރުން ކަމަށް ވިދާޅުވުމަށް ފަހު، ރައީސްގެ ތަގުރީރުގައި ދެން ފާހަގަކުރެއްވީ ދިވެހިންގެ މެދުގައި ހުރި، ހުރިހާ ތަފާތެއް އެއްފަރާތް ކުރަން ޖެހޭ ވާހަކަ އެވެ.
"ސަބަބަކީ މިނިވަންކަމުގެ އުފަލާއި އޭގެ އަސަރާއި ރަހަ އެހެން ހުރިހާ އިހުސާސަކާ ތަފާތު. މިނިވަންކަމުން ފަރުދުންނަށް ލިބޭ ހައްގުތަކާއި އިމްތިޔާޒާއި އިހުތިޔާރަކީ އެންމެންނަށް ހަމަހަމަ އެކައްޗެއް،" އެ މަނިކުފާނު ވިދާޅުވި އެވެ.
ރައީސް ވިދާޅުވިގޮތުގައި، ގައުމެއްގެ މިނިވަންކަމަކީ، އެ ގައުމެއް ދިރިދެމި އޮތުމުގެ އެންމެ މުހިއްމު ރުކުނެވެ. އަދި ވިދާޅުވީ، ސުލްހަ މަސަލަސްކަމާއި ހަމަޖެހުމާއި އުފާފާގަތިކަމާއި ތަރައްގީ ވެސް ގުޅެނީ މިނިވަންކަމުގެ ފޮނި މީރުކަމާ ކަމަށެވެ.
މި އަހަރުގެ މިނިވަން ދުވަހުގެ ދިދަ ނެގުމަށް ޖުމްހޫރީ މައިދާނުގައި ބޭއްވި ރަސްމިއްޔާތަށް ފަހު، ރައީސް އިބްރާހިމް މުހައްމަދު ސޯލިހާއި ހޯމް މިނިސްޓަރު އިމްރާން އަބްދުﷲ އަދި ޑިފެންސް މިނިސްޓަރު މާރިޔާ އަހުމަދު ދީދީ ސަމާސާއެއް ކުރައްވަނީ---ފޮޓޯ: ފަޔާޒު މޫސާ| މިހާރު
"އަޅުގަނޑުމެން ދިވެހިންނަކީ ފެށުނީއްސުރެ، މިނިވަންކަމަށް ލޯބިކުރާ ބައެއް. އެކީ އެކަތިގަނޑެއްގެ ގޮތުގައި މިނިވަންކަމަށްޓަކައި ވާން ޖެހުނު ކޮންމެ ގުރުބާނީއެއް ދިވެހިން ވަނީ ވެފައި. އިންޑިއާ ކަނޑަށް ދޮށީ މި ގައުމުގެ، ލިޔެވިފައި ނެތް ގަދީމީ ތާރީހާއި އޭގެ ފަހުގެ ތާރީހުން މި މަންޒަރު ސާފުކޮށް ބަޔާންވޭ،" ރައީސްގެ ތަގުރީރުގައި ވިދާޅުވި އެވެ.
"މިނިވަން މުސްތަގިއްލު، އަމިއްލަ ވެރިކަމެއްގައި ދެމިތިބުން ނޫން ގޮތަކީ، ދިވެހިން ރުހޭ ގޮތެއް ނޫން. އަޅުގަނޑުމެންގެ ޖީލުތައް އެގޮތުގައި އެތައް ހާސް އަހަރެއް މި ވަނީ ވޭތުކޮށްފައި."
ރައީސް ވިދާޅުވީ، އެންމެން އެއްބައިވަންތަވެ، އެކަތިގަނޑަކަށް ވެގެން ނޫނީ މިނިވަންކަން ލިބުނު ގައުމެއް އަދި ޖަމާއަތެއް ވެސް ނެތް ކަމަށެވެ. ވިދާޅުވީ، މިނިވަންކަންމަތީގައި ދެމިތިބުމަށްޓަކައި ވެސް، އެ ނޫން އެހެން ގޮތެއް ނެތް ކަމަށެވެ.
އެ ދީނުގެ ރިސާލަތާއި ހިދާޔަތުން ދިވެހި އުންމަތް އެކުއެކީ، އަލިވެ އުޖާލާ ވެެގެން ދިއުމަކީ ދެ ދުނިޔޭގައި ވެސް ރާއްޖެ އަށް ލިބޭނެ އެންމެ ބޮޑު ނަސީބާއި ރަހުމަތް. ދިވެހިރާއްޖެ، ރާއްޖޭގެ ގޮތުގައި ފުރާފުރިހަމަވި ސަބަބަކީ މުސްލިމް ދިވެހި ރައްޔިތުން،"--- ރައީސް
"އެދޭ ގޮތާއި ދެކޭ ގޮތާއި ގަބޫލުކުރާ ގޮތާ އެކުއެކީ، ކަންކަމުގައި ހިޔާލު ތަފާތު ވުމަކީ އިންސާނީ ތޮބީއަތް. ކޮންމެ ބައެއް ކަމުގައި ވިޔަސް އެއީ އެކަން އޮންނަ ގޮތް. އެހެން ނަމަވެސް މިނިވަންކަމުގެ ރާސްތާ އޮމާންކަމާއި އަމާންކަމުގައި ގަރާރުވެ، ދެމިއޮތުމަށްޓަކައި މި ދެންނެވި ހުރިހާ ތަފާތެއް އެއްފަރާތް ކުރަންޖެހޭ،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ސަރުކާރުގެ ކޮންމެ ސިޔާސަތެއް ގުޅެނީ މިނިވަންކަމާ
ރައީސްގެ މިނިވަން ދުވަހުގެ ތަގުރީރުގައި ވިދާޅުވީ، ދިވެހި ސަރުކާރުގެ ކޮންމެ ސިޔާސަތެއް ވެސް ބައްޓަން ކޮށްފައި ވަނީ ރާއްޖޭގެ މިނިވަންކަމާއި ތަރައްގީ އާއި ކުރިއެރުމަށް ލާބަ ހުރި ގޮތްތަކެއްގެ މައްޗަށް ކަމަށެވެ.
"--- ދިވެހި ދައުލަތް އޭގެ ކީރިތިކަމާއި މޫރިތިކަމާއެކު ހިނގަމުން މި ދަނީ އަބަދުމެ ފުރިހަމަ މިނިވަންކަމާއެކު،" ރައީސް ވިދާޅުވި އެވެ.
އެ މަނިކުފާނު ވިދާޅުވިގޮތުގައި، ގައުމެއްގެ ސިޔާސީ މިނިވަންކަމަކީ ބައިނަލްއަގްވާމީ ގޮތުން ދުނިޔެއާއެކު، ގުޅިގެން އުޅުމަށް ލިބޭ އެންމެ ބޮޑު ފަހިކަމެވެ. އެހެންވެ. މި ސަރުކާރުން ގެންގުޅެނީ ދުނިޔެ ބަލައިގެންފައިވާ، ތިލަފަތް ހަމަ ހަރުދަނާ ހާރިޖީ ސިޔާސަތެއް ކަމަށް ވިދާޅުވި އެވެ.
"ގައުމުތަކާއެކު އޮންނަ ގުޅުންތައް މިހާރު ބަދަހި. ބައިނަލްއަގްވާމީ މަސްރަހުގައި ރާއްޖެ އަދާކުރާ ދައުރު މި ކަންކަމަށް ހެކިވެދޭ. އަޅުގަނޑުމެންގެ ހާރިޖީ ތަރުތީބު އަބަދުވެސް ހިނގަން ޖެހޭނީ ދިވެހިރާއްޖޭގެ ސަލާމަތާއި ރައްކާތެރިކަމަށް އެންމެ މަންފާ ބޮޑު ގޮތުގައި،" މިނިވަންކަން ދެމެހެއްޓުމަށްޓަކައި ހާރިޖީ ސިޔާސަތުގެ މުހިންމުކަން ފާހަގަކުރައްވަމުން ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ
27 July 2022
އޯއައި ސީ އާ ބޮޑަށް ގުޅިވަޑައިގަތުން .
ކޮސްގޮވާ
27 July 2022
ދުނިޔޭގެ ގައުމުތަށް މިނިވަން ކަންމަތީ ތިބުމަށް ހިމާޔަތް ކުރަނީ އެބަޔަކު އުޅޭ ދީނެއް ނޫން.
ސަމްކުޅިބޭ
27 July 2022
ރައީސްކަމުގެ ހުވާ ކުރެއްވުމަށްފަހު އިސްލާމްދީން ހިމާޔަތްކުރަން އެންމެފުރަތަމަވެސް ކުރެއްވިކަމަކިީ އިސްލާމްދީނުގައި މަނާކުރެވިގެންވާ އަމަލެއްކޮށްގެން ހުކުމްއިއްވާފައިވާ ހޯރައިއްބޭ ދޫކޮށްލުން. ރައީސް ސޯލިހަށް މިވަރަށްދެން އިސްލާމްދީން ހިމާޔަތްކުރެވޭނީ.
ޕަޕްލާ
27 July 2022
ވަޒީރު ކަމަނާ (ޑިފެންސް) އައިލާ ބޭފުޅަކު ކޮންޕްރޮމައިޒް ވީމަ ދެން އެކަމަނާ އިންޑިޔާ އަދި ޒައިނިސްޓުންގެ ބާރު ދަށައް ދޭ! ވަރަށް ވާހަކަ
ކަނބިލި
27 July 2022
އިސްލާމްދީން ހިމާޔަތްކުރެވޭނީ އަމަލީގޮތުން ކަންކަން ދައްކައިގެން. މަނިކުފާނުގެ ސިޔާސސަތަކީ އިސްލާމްދީން ބަލިކަށިކޮށް ހުޅަގުމީހުން ރުއްސުން. އެވެރިންެގެ ފަރާތުން ފާޑުކިޔުމެއް އަަތުވެދާނެތީ ބޮޑެތި ފާހިޝް އަމަލުތައް ހިންގާ މީހުންގެ މައްސަލަތައް ނުބަލާ ފިޔަވަޅެއް ނާޅާ. ތިޔައީ ވަރަށް ފިނޑި ވެރިއެއް.
ގޯސް
26 July 2022
މިނިވަންކަމަކާ އިސްލާމްދީނަކާ ގުޅެމެއްނެތް. ދީނާ އާއްމުކޮށް ގުޅެނީ އަޅުވެތިކަމާ. މިހާރުވެސް ވަރަށް ރަނގަޅަށް މިކަންފެންނަމުންދަނީ.
ގފދ
26 July 2022
ދެން ތި ހިމާޔަތް ކުރަނީ އިސްލާމް ދީން ތަ? ހަހަ.
އޯގޭ
26 July 2022
އިސްލާންދީން ހިމާޔަތް ކުރަން ރައީސްކުރާ ކަމަކީ ހިންދީންގެ އަޅުކަމެއްކަމުގައިވާ ޔޯގާ ކުޅުވުން.
ލިރާރު
26 July 2022
ދީން ހިމާޔަތް ކުރަން އެބަޖެހޭ... ޗީލީ ސޯސް ގެ ބޭނުން ހިފުން ވެސް ބުއްދިވެރި ކަމަކަށް ވެދާނެ
މިނިވަނެއްނޫން މި ގައުމެއް!
26 July 2022
ބުނާބަހުގެ މާނައެއްވެސް އޮންނަން ވާނެ ދެއްތޯ؟ ދުނިޔޭގައި ވާ 195 ގައުމުތަކުގެ ތެރެއިން ކިތައްގައުމު މިނިވަންބާ؟ އަދި ބައެއް ގައުމު މިނިވަންކަން ދަމަހައްޓާތާ އެތަކެއް ސަކޭތަ އަހަރު ވެފަ އެބަހުރިބާ؟ ދެން ތިވިދާޅު ވާ ޖުމްލައިގެ ދެވަނަބައި، 195 ގައުމުގަ ތެރެއިން މިނިވަންކަމާ ގުޅިފައިވޭތޯ ބަލާލަމާ ބަހީ!!!