ރައީސް އިބްރާހިމް މުހައްމަދު ސޯލިހު އައްޑޫ މޭޔަރާއި މެމްބަރުންނާ ބައްދަލު ކުރައްވަނީ
22 އޯގަސްޓް 2022 - 19:28
20 comments
ލޯކަލް ކައުންސިލްތައް ހިންގުމުގައި ހައްލު ކުރަންޖެހޭ ކަންކަން ހުރި ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ރައީސް އެހެން ވިދާޅުވީ، އައްޑޫ ދާއިރާގެ މަޖިލިސް މެމްބަރުންނާއި އައްޑޫގެ މޭޔަރާއެކު ރައީސް އޮފީހުގައި ބޭއްވި ބައްދަލުވުމާ ގުޅޭ ގޮތުން ކުރެއްވި ޓުވީޓެއްގަ އެވެ.
ރައީސް ވިދާޅުވީ އައްޑޫގެ މަޝްރޫއުތައް އަވަހަށް ނިންމުމަށް ހައްލު ކުރަން ޖެހޭ ކަންތައްތަކާ ގުޅޭ ގޮތުން އެ ބައްދަލުވުމުގައި މަޝްވަރާ ކުރެއްވި ކަމަށެވެ. އަދި ލާމަރުކަޒީ ގާނޫނުގެ އިސްލާހުތަކާއެކީ ކުރި ތަޖުރިބާ އިން، ކައުންސިލްތައް ހިންގުމުގައި ބައެއް ކަންކަން ހައްލު ކުރަން ޖެހޭ ކަމަށް ވެސް ވިދާޅުވި އެވެ.
އައްޑޫސިޓީގެ މަޝްރޫޢުތައް އަވަހަށް ނިންމުމަށް ހައްލުކުރަންޖެހޭ ކަންތައްތަކާ ގުޅޭގޮތުން މިއަދު މަޝްވަރާ ކުރެވުނު. އަދި ލާމަރުކަޒީ ޤާނޫނުގެ އިޞްލާޙުތަކާއެކީ ކުރެވުނު ތަޖުރިބާއިން، ކައުންސިލްތައް ހިންގުމުގައި ހައްލުކުރަން ޖެހޭ ކަންތައްތަކެއް ހުރިކަން އަޅުގަނޑުމެންނަށް ފާހަގަވި. https://t.co/7VAxv7XIOj
— Ibrahim Mohamed Solih (@ibusolih) August 22, 2022
ރައީސް އޮފީހުން ބުނި ގޮތުގައި ކައުންސިލްގެ މަސައްކަތްތައް ހިންގުމުގައި ދިމާވާ ބަޖެޓުގެ ދަތިކަމާއި، ބޯހިޔާވަހިކަމާއި، އުމްރާނީ ތަރައްޤީގެ މަޝްރޫއުތަކާއި، އިޖްތިމާއީ މައްސަލަތަކާ ގުޅޭގޮތުން ވަނީ މަޝްވަރާ ކުރެއްވި އެވެ.
އެކަންކަން ހައްލު ކުރަން ހުރިހާ ފަރާތްތަކާ ގުޅިގެން މަސައްކަތްކުރައްވާނެ ކަމުގެ ޔަގީންކަން ރައީސް ދެއްވި ކަމަށް ރައީސް އޮފީހުން ބުންޏެވެ.
އެ ބައްދަލުވުމާ ގުޅޭ ގޮތުން އައްޑޫގެ މޭޔަރު އަލީ ނިޒާރު ވިދާޅުވީ އައްޑޫއަކީ އެއް އަތޮޅެއްގައި އެންމެ ގިނަ މަޝްރޫއު ހިންގި އަތޮޅު ކަމަށާއި އެ މަޝްރޫއުތަކާ ބެހޭ ފަހުގެ މައުލޫމާތުތައް ހިއްސާ ކުރެއްވި ކަމަށެވެ. އޭގެ އިތުރުން ލާމަރުކަޒީ ގާނޫނަށް ގެނައި ބަދަލުތަކާއި ލިބުނު ފަސޭހަތަކާއި ހުރި ގޮންޖެހުންތައް ވެސް ރައީސް އަށް ހިއްސާ ކުރެއްވި ކަމަށް އޭނާ ވިދާޅުވި އެވެ.
"ރައްޔިތުންގެ މަޖިލީހުގެ ހުރިހާ މެމްބަރުންނާއި ކައުންސިލާ ހިމެނިގެން އައްޑޫ އަށް ދިމާވެފައި ހުރި މައްސަލަަތަކާއި ކުރިޔަށް ގެންދަން ޖެހޭ ކަންކަމާ ގުޅޭ ގޮތުން ވަނީ މަޝްވަރާ ކުރެވިފަ،" ނިޒާރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯރަބޭ
23 August 2022
ހޯރަފުށީ ކައުންސިލުން އުޅެނި ރަށްއިތުންނަށް ދީފަހުރި ގޯތިތައް އަތުލަށް ވަށާފާރު ނުރާނައޭ ކިޔާ. ވަށާފާރު ރޭނޭނި އަގަޔާ އަތާ ދިމާވެގެން ދޯ.
ކައުންސެލަރު
23 August 2022
ދެން!!!!!!!! މާގިނަވަނީދޯމިހާރު ތިވާހަކަ ދެއްކޭލެއް! ވެރިކަން ލިބިއްޖެ. މަޖިލިސް ލިބިއްޖެ. ކައުންސިލްތައް ލިބިއްޖެ. ދޭންބުނި ބާރުކޮބާ؟ ކާކު ހުރަސް އަޅަނީ. މަހީކުރީ ކައުންސިލްތަކުގެ މައްސަލަތައް އެއްކޮށް ހައްލުވީކަމަށް. ހަމަ ދޭތެރެއެއް ހާވާލާފައި މީހަކު ހަނދާންކޮށްދިނީމާ އާނ.. ތިޔަކަން މިއަދު ހައްލުކުރާނަން. މިވެނިކަމެއް މާދަމާ ހައްލުކުރާނަން. ކުރިން ބުނިހެން މާގިނަވެއްޖެދެން. ފޫހި އަރަނީ ނުވަންޏާ (ނުވެސްވިއެއްނު، ނުވެސްވާނެ) ހައްޕުކިޔާ.
ކަތްދައްތަ
23 August 2022
ރަނާ ދޫންޏާ މި ގައުމުގެ ކަން ފުރަތަމަ އިސްލާހުކޮށްބަލަ.
ލޯމާފާން
23 August 2022
މައްސަލަތައް ހައްލު ކުރަން 4 އަހަރު ލިބި ބޭކާރު ވެއްޖެ. އަދި ކިތައް އަހަރު ބޭނުން ވާނެތޯ؟
ރާއްޖެ
23 August 2022
ހުރިހާ ކައުންސިލަރުން ގެނެސް ރާއްޖެތެރޭ ރަށެއްގަ ފާޑެއްގެ ކޮންފަރެންސްއެއް ބާއްވާ އަނގަ ފޮނި ކަނޑާފަ ބީޗްގަ ކުޅިވަރު ކުޅެފަ ނިންމާލި އިރު އަދިވެސް މައްސަލަތައް ބާކީ އެބައޮތްތޯ؟
ބޮޑުމީހާ
23 August 2022
ރައީސް އެހެން ވިދާޅުވީމަ އައްޑޫ ކައުންސިލަރުން އެތިބީ ހިތްހަމަޖެހިފަ އަތްޖަހަން. ވަކިވަރަކަށްވުރެ ބޮޑަށް އަޅުދާސްތުވެއްޖެއްޔާވާނެ ހުރިހާ ގޮތެެއް މިވަނީ
ތިނަދޫގޯތި
23 August 2022
ތިނަދޫއިން ގޯތިނުދެނީ ގިނަބަޔަކު މާލެ ބަދަލުކުރުމަށްޓަކައި ރާވައިގެން ރައީސް އޮފީސްތެރެއިން ޕްލޭން ހަދައި އެކަަމަށް އަސްލަމް ތާއީދުކޮށްގެން.
އަހުމަދު ޗާބީބޮކާ
22 August 2022
ވެންޓިލޭޓަރުގެ ބޮޑުވައްކަން ނުބެލުނު ވެރިކަމާ ހަވާލުވުމުގެ ކުރިންވެސް ހެދީދޮގު މިހާރުވެސް ހަދަނީދޮގު ތިޔަހަދާ ބުހުތާނު ދޮގުއަޑުއަހާނެ ބަޔަކު އުޅޭހެނެއް ހީނުވޭ
އޮނަރަބްލް އަފީފު ދީދީ
22 August 2022
ކޮންދޭނަން ނުވަތަ "ކުރާނަން" ބުނުމުގެ ބަދަލުގައި ދައުލަތް ހިންގުމުގެ ބާރުން ރައްޔިތުނަށް ކަންކަން ކޮށްފައި ދެއްކުން ރަނގަޅުވާނެ. # ކައުންސިލްވެސް އަދި އެހެން ތަނެއްވެސް ހިންގޭނީ "ފައިސާއާއި ހުޅުވިފައިއޮތް ދުރުފެންނަ މަގެއް" އޮވެގެން. # އެކަންކުރަން ދައުލަތުގެ ބަޖޭޓް އިދާރީ 3 ދާއިރާއަށް ހަމަހަމައަށްބެހުމަށްޓަކާ ލާމަރުކަޒީ ޤާނޫނުއިސްލާޙްކޮށް 3 ރީޖަނަށް ޤަވަރުނަރުން އިންތިހާބުކޮށް ޕްރޮވިންސް ތަކަކަށް ރާއްޖޭގެހިންގުން ބަދަލުކޮށް ބާރު ޙިއްސާ ކުރައްވާ.
އޮނަރަބްލް އަފީފު ދީދީ
22 August 2022
އިޙްލާސްތެރި ނިޔަތެއްގައި ތިކަން ކުރަން ބޭނުންނަމަ ކުރިކުދި އެތައްސަތޭކަ ކައުންސިލް ތަކުގެ ބަދަލުގައި "ޒަމާނަށް ފެތޭގޮތަށް" ލާމަރުކަޒު ކުރުމަށްޓަކާ އިދާރީ ޤާނޫނީ 3 ރީޖަނަކަށް ރާއްޖެ ބަހާލަން ލާމަރުކަޒީ ޤާނޫނު އިސްލާޙްކޮށް ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަން ކަމުގައި ކަޑައަޅާ ކޮންމެ ރީޖަނަކަށް ރައްޔިތުން އިންތިޙާބުކުރާ ޤަވަރުނަރަކަށް ފުރުސަތުދެއްވާ.