މާލޭގައި ބަހުގެ ޓެސްޓިން މަސައްކަތްތައް ކުރަނީ. މިނީ ބަހުގެ ހިދުމަތް ކުރިއަށް ގެންދަން މާލޭގައި 12 ބަސް ބޭނުން ކުރާނެ--ފޮޓޯ:މިހާރު
30 އޯގަސްޓް 2022 - 11:57
39 comments
އެމްޓީސީސީން މާލޭގައި ފަށަން ނިންމާފައިވާ މިނީ ބަހުގެ ދަތުރެއްގެ އަގުގެ ގޮތުގައި ފަސް ރުފިޔާ ހުށަހަޅައި އެ އަގާ މެދު އިތުރަށް މަޝްވަރާކުރަމުން އަންނަކަން "މިހާރު" އަށް އެނގިއްޖެ އެވެ.
ސަރުކާރުގެ ކަމާ ބެހޭ އިދާރާތަކުން މިކަމާ ގުޅޭ ގޮތުން އަދި ވާހަކައެއް ނުދައްކަ އެވެ. އެކަމަކު އެނގިފައިވާ ގޮތުގައި، ސަބްސިޑައިޒް ނުކޮށް ދެމެހެއްޓެނިވި ގޮތެއްގައި ދަތުރުކުރަން 7ރ. އަށް ދަތުރުކޮށްދޭން އަންނަނީ މަޝްވަރާކުރަމުންނެވެ. އެހެންވެ މީގެ ތެރެއިން ކަނޑައަޅާނީ ކޮން އަގެއް ކަމެއް އަދި ނުނިންމަ އެވެ.
މިނީ ބަހުގެ ދަތުރު ފެށުމަށްޓަކައި މާލޭގެ މަގުތަކުގައި ބަސް ސްޓޮޕްތައް މިހާރު އަންނަނީ ހަދަމުންނެވެ. ބަހުގެ ހިދުމަތް ތިން ރޫޓަކުން ކުރިއަށް ގެންދިއުމަށް ހަމަޖެހިފައިވާ އިރު، ޓެސްޓު ބުރަށް ބައެއް މަގުތަކުގައި މިހާރު އެކި ގަޑިތަކުގައި މިނީ ބަސް ދުއްވަ އެވެ.
މާލޭގެ ބޮޑެތި މަގުތައް ކަމަށްވާ މަޖީދީ މަގާއި އަމީނީ މަގާއި އޯކިޑް މަގު ފަދަ މަގުތަކުގައި މިނީ ބަސްތައް ދަތުރު ކުރާނެ އެވެ. ބަހުގެ ހިދުމަތް ފެށުމަށްޓަކައި މަޖީދީ މަގުގައި މިހާރު ވަނީ ޕާކްކުރުން މަނާކޮށްފަ އެވެ. އަދި އަމީނީ މަގާއި އެހެން ބައެއް މަގުތަކުގެ ޕާކިން ކަންކަން ހަމަޔަކަށް އެޅުވުމުގެ މަސައްކަތް ކަމާބެހޭ އިދާރާތަކުން އަންނަނީ ކުރަމުންނެވެ.
އެމްޓީސީސީން ބުނިގޮތުގައި ބަހުގެ ހިދުމަތް ފެށޭނީ ޕާކިންގެ ކަންކަން ހަމަޔަކަށް އެޅުމުންނެވެ.
މިނީ ބަހުގެ ހިދުމަތް ފެށުމަށް އެމްޓީސީސީން ވަނީ 36 ބަސް ރާއްޖެ އަށް ގެނެސްފަ އެވެ. އޭގެ ތެރެއިން މާލޭގައި 12 ބަސް ބޭނުން ކުރާނެ އެވެ.
މިނި ބަހުގައި 22 މީހުންނަށް އެއްފަހަރާ ދަތުރު ކުރެވޭނެ އެވެ. މާލޭގެ އެކި ހިސާބުތަކުން ކޮންމެ 10 މިނިޓަކުން ބަސް ދަތުރުތައް ބާއްވާނެ ކަމަށް އެމްޓީސީސީން ބުނެ އެވެ. މާލޭގެ އިތުުރުން އައްޑު އާއި ފުވައްމުލަކު އަދި ލ. އަތޮޅުގައި ވެސް މިނީ ބަހުގެ ހިދުމަތް ދިނުމަށް ވަނީ ހަމަޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުމަދު
31 August 2022
ބޮލަކަށް ކޮންމެ ދަތުރަކަށް 7 ރުފިޔާ ރަނގަޅުވާނެ. ސްކޫލް ޔުނިފޯރމުގައި ތިބޭކުދިންނަށް ފްރީނުކޮށް ބޮލަކަށް 2 ރުފިޔާ ރަނގަޅުވާނެ.
ފަގީރުކޮއި
31 August 2022
10ރ އޯކޭވާނެ. ނެތިއްޔާ އާސަންދަ އިން ކަނޑާނީ
ޗަލްތޭ ޗަލްތޭ
31 August 2022
ތިޔަ އަގު ދީގެން، ބަސް ދުއްވަން، ޓިކެޓު ކަނޑަން މީހުން ލައިގެން ތިވަރު ޖާގައިގެ އެއްޗެއް ފިރުކެމުން ދުއްވައިގެން ޚަރަދު ޗަލާނެ؟ ދެން އަނެއްކާ ސަރުކާރުން ތިޔަށް ލާރި އަޅަން ދޯ ޖެހޭނީ ނުހިނގައިގެން
ސަކަރާތް
30 August 2022
އަނެއްކާ އެއްޗެއް އިތުރުވީދޯ، ދެން އަހަރުމެން ސައިކަލުގައި އުޅޭމީހުން ދެންތިބެންޖެހޭނީ، ކުރިމަތީގައި އޮތް ޓެކްސީން މީހާ ފައިބަންދެން (ސައިޑަށް ޖައްސާނެ ޖާގަނެތުމުން)، އެގެ ފަހަތުގައި އޮތް މުދާ ޑެލިވަރީ ފިކަޕަށް ގުދަނުން އެއްޗެހި އަރުވާނިމެންދެން، އޭގެ ފަހަތުގައި އޮތް ގޭސް ޕިކަޕަށް ހުސްފުޅި ހިފައިގެން މީހަކު އަންނަންދެން، އޭގެ ފަހަތުގައި އޮތް ފެންޕިކަޕުން ޖެހިގެން ހުރި ފިހާރައަށް ފެންކޭސް ބާލަ ނިމެންދެން، މިވެސް ތަރައްގީބާ!
އެމްސް
30 August 2022
މުޅި މާލެ ބާޒާރަކަށް ހެދީމަވެސް ތިނޫން ގޮތެއް ނުވާނެ! އަދިވެސް ބިލްޑިންގ ކޯޑަށް ހެޔޮ ބަދަލެއް ގެނަސް، އިމަށްވުރެ ބޭރަށް/މަގުމައްޗަށް ޢިމާރާތް ނެރުން މަނާކޮށް، އިމަށްވުރެ އެތެރޭގަ ޢިމާރާތްކުރަން ހަދައިފިއްޔާ ފެނުގެ މައްސަލަތައްވެސް ކުޑަވެ، މަރާމާތްވެސް ފަސޭހަވީ!
މިނީބަސް
31 August 2022
ހާދަ އަމިއްލަ އެދުން ބޮޑޭ ދޯ؟ ދެން ސައިކަލް ދުއްވަން މާލެ ދެބުރިއަށް ނަގަންވީނުން!
ވޯކާރ
30 August 2022
ދިގުމިނުގައި ކިރިޔާ 1.7 ކިލޯމީޓަރު ދިގުމިން ހުންނަ ރަށެއްގެ ދަތުރަށް 5 ރުފިޔާއަކީ ވަރަށް ބޮޑު އެއްޗެއް، ޕަބްލިކް ޓްރާންސްފޯޓް މިއަށްވުރެ ބޮޑުތަނުން އަގުހެޔޮވާންޖެހޭނެ، ވިމާ 2 ރުފިޔާ ރަގަޅުކަމަށް ފެނޭ.
ޙޙ2022
30 August 2022
ފަށާބަލަ 5 ރަނގަޅޭ..... ބޮއިހަލަކި
ފާތިމާއައްތަ
30 August 2022
ތިޔަށްވުރެ ކުދި ބަސް މާލެތެރޭ ސަރުކާރުގެ އެކު އިދާރާރަކުންވެސް ދުއްވާތަންފެނޭ.. ރަނގަޅަށް ދިރާސާކޮށް ވީހާވެސް ހިމަ ބަސްތަކެއް ރުރާލަކަށް ނުވާނެ
އެމްސް
30 August 2022
5 މީހުނަށް އެރޭ ސައިކަލު ގެންނާނީބާ ނުވަތަ އަލަށް އާބާދުވާ ތަންތަނުގެ މަގު 4 ލޭނަށް ބަދަލު ކުރަންވީބާ؟
ތަރައްގީކުރަންޖެހޭ
30 August 2022
ކޮންމެ ޚިދުމަތެއް ސަބްސިޑައިޒް ކުރަންޖެހޭ ވާހަކަ މިދައްކަނީ ކީއްވެބާ؟ ބަހުގެ ޚިދުމަތް ދިނުމަތް ހަވާލުކޮށްފައި ހުރި ބިންބިން ތަރައްގާކޮށްގެން އެތަންތަނުން މަންފާ ހޯދޭނެ ނިޒާމެއް ގާއިމުކުރެވިއްޖެ ނަމަ ސަބްސިޑައިޒުނުކޮށްވެސް 5 ރުފިޔާއަށް ދަތުރުތައް ކުރެވެންވާނެ. ޓާމިނަލެކޭ ކިޔާފައި ހަމައެކަނި ބަލާލަން ރީތި ހަޓެއް ހަދާލިޔަސް ނުފުދޭ. އެތަންތަނުގައި އެކޮމޮޑޭޝަނާއި ކެއިންބުއިމުގެ ޚިދުމަތްތައް ފަދަ ކަންކަން ގާއިމުކުރެވިއްޖެ ނަމަ އިތުރު މަންފާ ހޯދޭނެ
އެމްސް
30 August 2022
-/5 ރ އަކީ ބަސްދަތުރެއްގެ އެންމެ މަތީ އަގު ކަމަށް ޓްރާންސްޕޯރޓް އޮތޯރިޓީއިން ކަނޑަނާޅައިފިއްޔާ މިކަންވެސް ޓެކްސީ ކުޅިއަށް ގޮސް ނިމިދާނެ! ހުޅުމާލެއަށް މީހަކު އައިސް ގޮސް ހަދާނީ ދުވާލަކު 1 ފަހަރުއެއް ނޫން! އެހެންކަމުން ބަހުގަ ދަތުރުކުރާ ކޮންމެ މީހެއްގެ އަތުންވެސް މަހަކު -1،000 ރ ޚަރަދުވާނެ، އެއީ ވަރަަށް ބޮޑު ޢަދަދެއް!
މަށަށް ދޭހަވީ....
30 August 2022
މި ޚަބަރުން މަށަށް ދޭހަވީ މިވަގުތައް، މިއީ ހަމައެކަނި މާލޭގެ މަޖީދީ މަގާއި، އޯރކިޑް މަގާއި އަދި އަމީނީ މަގުގެ އެކި ހިސާބު ތަކުގައި ދަތުރުކުރާނެ 22 މީހުންގެ ޖާގައިގެ، ކުދި ބަސްތަކެއް ކަމެވެ. އެއާއެކު ހިތަށްއެރީ މާލެއިން ހުޅުމާލެއަށް އަދި ހުޅުމާލެއިން މާލެއަށް މިހާރުވެސް ބިޔަ ބޮޑެތި ބަސްތަކުގެ ދަތުރު ތަކެއް އޮންނަ ކަމެވެ.
ހިއްލު
30 August 2022
5 ރުފިޔާ ރަނގަޅު ކަމަށް ބެލެވޭ.. އެއީ ހުޅުމާލޭގެ ދެބަޔާއި މާލެ އަދި އެއަރޕޯޓަށް މިހާރު ނަގާ އަގާ ބަލާއިރު އެއީ އެކަށީގެންވާ އަގެއް ކަމަށް ގަބޫލުކުރެވެނީ. ދެން ބަލަންވީ އަޅުގަނޑުމެން ރައްޔިތުންވެސް އަމިއްލަ ވެހިކަލް ބޭނުންކުރުމުގެ ބަދަލުގައި ޕަބްލިކް ޓްރާންސްޕޯރޓް ނިޒާމުގެ ތެރެއިން ކެތްތެރިކަމާއިއެކު ހޭނުން.. އޭރުން ދިރިއުޅޭ މާލޭގެ މަގުތަކުގެ ތަކުލީފްތަކަށް ބަލާއިރު އިތުރު ފަސޭހަތަކެއް ލިބިގެންދާނެ ކަމަށް ބެލެވޭ.. ކެތްތެރިކަން..!!
އެމްސް
30 August 2022
-/10 ރ އަކީ ބަސްދަރުކަށް ދުނިޔޭގެ ނިސްބަތުންވެސް ވަރަށް ބޮޑު އަގެއް! އެހެންކަމުން -/10 އާއި އަޅާ ކިޔުުން ރަގަނޅެއް ނޫން! ހުޅުމާލެ އަދި މާލެ ތެރޭގަ ބަސްދަތުރަކަށް އެންމެ އެކަށީގެންވާ އަގަކީ -/2 ރ މެލޭޝިއާ، ތައިލޭންޑް، އޮސްޓްރޭލިއާ ފަދަ ކިތަންމެ ޤައުމެއްގަ މުޅިން ހިލޭ އޮންނަ ބަސް ޚިދުމަތެއްވެސް އޮވޭ! މާލޭގެ ޓްރެފިކް ލުއިކުރަންވެސް އޮތް އެންމެ މޮޅުގޮތަކީ އެތެރޭގެ ދަތުރުތައް ހިލޭ ބޭއްވުން، އެކަމަކު އެއީ ދިވެހިންނަށް އެކަނި!