އިސްކަންދަރު ސްކޫލުގެ ދަރިވަރުންތަކެއް ރިޕޯޓު ފޮތް ބަލަނީ: ގިނަ އަދަދެއްގެ މައިންބަފައިން މި ސްކޫލުން ޖާގަ ހޯދަން ބޭނުންވޭ. ފައިލް ފޮޓޯ: ނިޝާން އަލީ
08 ޖެނުއަރީ 2017 - 06:36
65 comments
މާލޭގައި ޑިމާންޑް ވަކިން ބޮޑު އެއް ސްކޫލެއްގެ ގޮތުގައި އިސްކަންދަރު ސްކޫލް ފާހަގަކުރެވެ އެވެ. ގްރޭޑް 1-10 އަށް ކިޔަވައިދޭ ސަރުކާރުގެ ސްކޫލްތަކުގެ ތެރެއިން ގިނަ ބައެއްގެ އެއް ވަނަ ހޮވުމަކީ އިސްކަންދަރެވެ. ދަރިފުޅު ގްރޭޑް އެކަކަށް ދާ އިރުގަ އާއި ދިރާސީ އާ އަހަރަކާ ކުރިމަތިލާ އިރު އެ ސްކޫލުން ޖާގަ ހޯދަން ބޭނުންވާ މައިންބަފައިން ގިނަ އެވެ.
އެޑިއުކޭޝަން މިނިސްޓްރީން ސްކޫލްތަކަށް ދަރިވަރުން ކަނޑައެޅުމުގައި މައިގަނޑު ގޮތެއްގައި ގެންގުޅެނީ އެ ކުއްޖަކު ދިރިއުޅޭ ގެއާ އެންމެ ކައިރި ސްކޫލަކުން ޖާގަ ދޭ އުސޫލެކެވެ. އެކަމަކު، އެހެން އެޑްރެހެއް ދީގެން ނުވަތަ ކޮންމެވެސް އެހެން ގޮތަކުން ވިޔަސް، ވަކި ސްކޫލަކުން ޖާގަ ހޯދަން ބައެއް މީހުން މަސައްކަތްކުރެ އެވެ. އެފަދަ ގިނަ ބަޔަކު އިސްކަންދަރު ސްކޫލަށް ޝައުގުވެރިވަނީ ކީއްވެގެން ހެއްޔެވެ؟ ސަބަބަކީ ހަމައެކަނި އެ ސްކޫލުގެ ނަން ހެއްޔެވެ؟ ނުވަތަ ހަމަ ހަގީގަތުގައި ވެސް އިސްކަންދަރު ތަފާތީ ހެއްޔެވެ؟
އިސްކަންދަރާ މާ ދުރުގައި އުޅެމުން ވެސް މި އަހަރު އެ ސްކޫލުން ޖާގައެއް ހޯދި ބެލެނިވެރިއަކު ބުނީ ޖުމްލަކޮށް ބަލާ އިރު ހުރިހާ ގޮތަކުން ވެސް އެހެން ސްކޫލްތަކަށް ވުރެ އިސްކަންދަރު ރަނގަޅުކަން ފާހަގަކުރެވިފައިވާ ކަމަށެވެ. އޭނާ އިޝާރާތްކުރީ އެ ސްކޫލުގެ ދަރިވަރުންގެ ނަތީޖާ އަށާއި އިތުރު ހަރަކާތްތަކަށެވެ. އޭނާ ބުނީ، އެންމެ ރަނގަޅީ އިސްކަންދަރު ކަމަށް ގިނަ ބަޔަކު ބުނާތީއާ ވެސް އެކު، ކޮންމެ ގޮތެއް ހަދާފައި ވެސް އެ ސްކޫލަށް ދަރިފުޅު ފޮނުވަން ބޭނުންވީ ކަމަށެވެ.
އިސްކަންދަރު ސްކޫލުގެ ރިޕޯޓު ފޮތް ދިނުމުގެ ހަފްލާގައި ދަރިވަރަކު ރިޕޯޓު ފޮތް ބަލަނީ: މިއީ އެންމެ ގިނަ ދުވަސްވީ ޕްރައިމަރީ ސްކޫލް. ފޮޓޯ: ނިޝާން އަލީ
ފަސް އަހަރުގެ ތަޖުރިބާ އިން އެއް މަންމައަކު ކިޔައިދިން ގޮތުގައި އިސްކަންދަރާ ދޭތެރޭ އޭނާގެ އެންމެ ބޮޑު ހިތްހަމަޖެހުމަކީ އަޚުލާގީ މިންގަނޑުތަކުގައި ހިފަހައްޓަން ދޭ ސަމާލުކަމެވެ.
"އިސްކަންދަރުގެ ދަރިވަރުންނަށް ފާޑުފާޑަކަށް ނޫޅެވޭނެ. ކިތަންމެ ކުޑަ ކަމެއް ވެސް ގަވާއިދާ ޚިލާފަށް ހުރިއްޔާ ވަގުތުން ބުނާނެ، އެކަމެއް ރަނގަޅުކުރަން،" މި އަހަރު އިސްކަންދަރުގެ ގްރޭޑް ހަޔަކަށް ބަދަލުވި ދަރިވަރެއްގެ މަންމަ ފާއިޒާ މުހައްމަދު ކިޔައިދިނެވެ.
"ހަމަ ފާހަގަކުރެވޭނެ، އަޚުލާގީ ގޮތުން އިސްކަންދަރުގެ ދަރިވަރުން އެހެން ސްކޫލްތަކުގެ ކުދިންނާ ތަފާތުކަން."
އިސްކަންދަރުގެ އިސް މަގާމެއްގައި މަސައްކަތްކުރައްވާފައިވާ ތައުލީމީ ދާއިރާގެ ބޭފުޅަކު ފާހަގަކުރެއްވި ގޮތުގައި އާއްމުންގެ މެދުގައި ރަނގަޅު ތަސައްވުރެއް އިސްކަންދަރުން ވަނީ ހޯދައިފަ އެވެ. އޭގެ އަސްލަކީ، އޭނާ ވިދާޅުވި ގޮތުގައި، ޓީޗަރުން ރަނގަޅުވެފައި "ބެލެނިވެރިންނަށް ޓީޗަރުން ފެންނަ ފެނުމާއި މެނޭޖްމެންޓްގެ ހަރަދަނާކަމާއި" މަތީ ގްރޭޑްތައް ތައާރަފްކުރި ފަހުން އޯލެވެލް އިމްތިހާނުން ނެރެމުން އަންނަ ނަތީޖާތަކެވެ. އޭގެ އިތުރުން، ގިނަ ދުވަސްވީ ސްކޫލަކަށް ވާތީ ވެސް އިސްކަންދަރަށް ޝައުގުވެރިކަން ބޮޑުވާނެ ކަމަށް އޭނާ ދެކެވަޑައިގަންނަވަ އެވެ.
"އެސްޓަބްލިޝްޑް ސްކޫލަކާއި އަރަމުން އަންނަ ސްކޫލަކާ ވަރަށް ތަފާތުވާނެ،" ނަން ނުޖަހަން އެދި ވާހަކަދައްކަވަމުން އެ ބޭފުޅާ ވިދާޅުވި އެވެ.
ރާއްޖޭގެ އެންމެ ފުރަތަމަ ޕްރައިމަރީ ސްކޫލުގެ (ކުރީގެ ނަން: ނާސިރިއްޔާ މޮންޓެސޫރީ ސްކޫލް) ޝަރަފާ އެކު ގަދަރުވެރި މަގާމެއް އިސްކަންދަރަށް ލިބިފައި އޮތީމާ އެ ސްކޫލުގެ މަގްބޫލުކަން ބޮޑީ ކަމަށް ވެސް ވެދާނެ އެވެ. އެއް އިރެއްގައި، އެއީ "ބޭފުޅުން"ނާއި މުއްސަނދިންގެ ދަރިންގެ ސްކޫލެއްގެ ގޮތުގައި ވެސް ބެލެވުނެވެ. އެކަމަކު، ގައިމު ވެސް މިހާރު، އެ ސްކޫލަށް އެ ލޭބަލް ހައްގު ނޫން ކަން ބައެއް ބެލެނިވެރިންގެ ބަހުން އެނގެ އެވެ.
ފާއިޒާ ބުނިގޮތުގައި އިސްކަންދަރުގައި، ބެލެނިވެރިންގެ ހައިސިއްޔަތަށް ބަލައިގެން ދަރިވަރުންގެ މެދުގައި ތަފާތުކުރާ ކަމަށް މީހުން ދެކެންޏާ އެއީ ކުށް ހީއެކެވެ.
"އަހަންނަކީ ގައިމު ވެސް މުއްސަންޖެއް ނޫން. ސްކޫލުގެ އެއްވެސް ކަމަކަށް ދުވަހަކު ވެސް އެންމެ ރުފިޔާއެއް ވެސް ދިން މީހެއް ނޫން އަދި ދެވޭނެ މީހެއް ވެސް ނޫން. އަހަރެން ވަޒީފާ އަދާކޮށްގެން ލިބޭ އެއްޗަކުން ކުއްޖާ މި ބަލަނީ. ޓީޗަރުންގެ ދުވަހު ވެސް ހަދިޔާއެއް ނުދީ ގަވާއިދާ އެއްގޮތަށް ކަންތައް ކުރަމުން އަހަރެން މި އައީ. އެކަމަކު އެހެނޭ ކިޔާފައި އަހަރެންގެ ދަރިފުޅު އެއްވެސް ކަމަކުން ބާކީކޮށްފައެއް ނެތް." އޭނާ ބުންޏެވެ.
"އަހަންނަށް އިސްކަންދަރު ފާހަގަކުރެވެނީ އެ ކުއްޖެއްގެ ގާބިލްކަމާއި ހުނަރު ހުރި މިންވަރަކުން ހުރިހާ ކުދިންނަށް ވެސް ފުރުސަތު ދޭ ސްކޫލެއްގެ ގޮތުގައި."
ކުރިން ވާހަކަދެއްކެވި ތައުލީމީ ދާއިރާގެ ބޭފުޅާ ފާހަގަކުރެއްވި ގޮތުގައި އެކި ސްކޫލްތަކުގެ މެދުގައި ބޮޑެތި ތަފާތުތަކެއް ހުރި އިރު، މާލޭގެ "އެއްވެސް ސްކޫލެއް އަނެއް ސްކޫލަކާ އަޅައެއް ނުކިޔޭނެ" އެވެ. މިސާލަކަށް، އެހެން ހުރިހާ ސްކޫލްތަކަށް ވުރެ ތަޖުރިބާ ބޮޑު އަދި މާލޭގެ މެދުގައި ހުރި އިސްކަންދަރާ އެހެން ސްކޫލްތައް އެއްގޮތް ނުވާނެ ކަން އޭނާ ފާހަގަކުރެއްވި އެވެ.
"މިސާލަކަށް ހިރިޔާ އަށް ބަލަންޏާ އެއީ ވަރަށް ޅަ ސްކޫލެއް. އަނެއްކޮޅުން ސްކޫލް ހުންނަ ތަނުގެ ގޮތުން ވެސް ތަފާތު އާދޭ. މިސާލަކަށް އިސްކަންދަރު ރަށު މެދުގައި ހުރި އިރު ހިރިޔާ، ތާޖުއްދީން، އިމާދުއްދީން ކަލާފާނު ކަހަލަ ސްކޫލްތައް މި ހުރީ އަރިމައްޗެއްގައި،" އޭނާ ވިދާޅުވި އެވެ.
އެކަމަކު ފެންވަރުގެ ގޮތުންނާއި ހިންގުމުގައި ވެސް އިސްކަންދަރު ތަފާތުކަން ގިނަ ބަޔަކަށް ގަބޫލުކުރެވިފައި އޮތްކަން އޭނާ ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
10 January 2017
އިސްކަންދަރު މޮޅު ކަމަށް ފެންނަނީ. މޮޅެތި މީހުންގެ ދަރިން އެތާ އުޅޭތީ. ވަޒީރު ބޭފުޅުންނާއި ސަރުކާރާއި ދައުލަތުގެ މަތީ މަޤާމު ތަކުގައި ތިބޭ މީހުންގެ ދަރިން އެތާއުޅޭތީ. އެކަމަކާއި ހެދި އެތަނުގައި ކުދިންގެ މެދުގައި ޓީޗަރުން ތަފާތުކުރުންވެސް އިންތިހާއަށް އޮވޭ
ޕޭރެނަްޓު
10 January 2017
އެްް އެއްވެސް ކަމުދާ ތަނެއް ނޫން. އަހަރެންގެ ދަރިފުޅު ތި ސުކޫލުގަ އުޅުން ދުވަސްވަރު ހަމަ ބޮޑުން ގެ ނުފޫޒުން ތިތަން ހުިސާރުކޮށްލާފައިއޮންން ަ ވަރު ފެނުން.. ބޭރުން ނަން މަޝްހޫރު އެތެރެ ކުނި ތަނެއް ތީ.ބި
މޫސަ
09 January 2017
ރަނގަޅު ނަތީޖާ ހޯދާ މޮޅުސްކޫލެއްކަމުގައި ބެލެވިފައި ވަނީ އަހްމަދިއްޔާ ކަން ފާހަގަކުރަން. ނަމަވެސް އަޅުގަނޑު އަހްމަދިއްޔާ އަށް ދަރިފުޅޫ ލައިގެން މިއަހަރު 10 ގައި މި ކުރެވޭ ތަޖްރިބާއަކީ އިންތިހާއަށް ބޮލަށް ބަރު ނުއުފުލޭވަރުގެ ބުރައެއްގެ ގޮތުގައެވެ. މިދިޔަ އަހަރު ކިޔެވުން ނިމުނުތަނުން ބޭއްވި މީޓިން އަކަށް ދިއުމުން އެނގުނީ 2017 ގައި ކިޔެވުން ފެށި ހަމަޖެހިލުމާއެކު ދަރިވަރުންގެ ދަތުރެއް ދުބާއީއަށް ކުރާކަން. ބެލެނިވެރިން ކޮންމެ ކުއްޖަކަށް 1200 ޑޮލަރު ހޯދަން ޖެހޭ.. އަނެއްކާ މިއަހަރުގެ ސްކޫލްފީ 1300 ރުފިޔާ މަހަކު. ހުކުރެއް ހޮނިހިރެއް ނެތި ކުއްޖާ ރެއާ ދުވާލު ކިޔެވުމުގަ .. އެކުއްޖާގެ ފަސް ފަހަތުން އަންގާ ކޮންމެ ގަޑިއަކަށް ގޮވައިގެން ދެކޮޅަށް ބެލެނިވެރިޔާ .. އާމްދަނީ ހޯދަން މަސައްކަތް ކުރަމުން .. އުފުލަން މިޖެހުނީ ބޮޑު އުނދަގުލެއް. ހިތަށް އަރަނީ ކޮންމެ ސްކޫލެއްގައިވެސް ގްރޭޑް 8 9 10 ގެ ހާލަކީ މިއީބާއޭ؟
ބެލެނިވެރިޔެއް
10 January 2017
ތި ޓްރިޕް ތައް ދިޔުމަށް އެއްވެސް ކުއްޖަކަށް މަޖުބޫެރެއް ނުކުރާނެ. ބޭނުން ކުއްޖަކު ދާނަް އިންނަނީ.. ދެން އެކްސްތުރާ ކްލާސް ތައް ގިނަ ވީމަ ވާ އުނދަގޫގެ ވާހަކަ ތިބުނީ. އޭގެ ނަތީޖާ ފެނޭބަ ދޯ.. 5 މާއްދާއިން ފާސްވިކުދިންގެ ރިކޯޑް ޕަސަންޓޭޖެއް ގާއިމް ކޮށްފަ އިން ތަނެއް ތީ. އޯ ލެެވެލް ޓޮޕް 10 ގަ އެންމެ ވިދާލާ އެްްއް ސުކޫލު. ކުޑާ ޖާގަ ކޮޅަކާ އެކީގަވެސް ވީ އެންމެ ފުރިހަމަޔަކަށް ކުދިންނަށް ހިދުމަތް ދެވޭތޯ ބަލާބަ އެމީހުން.... ލާހިކެއް ނޫން 2 ޖިންސު އެްްއް ވެގެން މަސްހުނު ވެގެން އުޅޭކަށް. ފާޑު ފާޑު ގޮތް ގޮތައް ސުކޫލުގަ އުޅޭކަށް......ދުސްއެްްހަކަ
ސސ
09 January 2017
އެތަނުން މިއުޒިކް ލަވަ ދަސްކޮށް ދޭތީ ތުއްތު ކުދިންގެ މެދުގައި އެތަން މަޤުބޫލުވަނީ!
ޫހހހ
09 January 2018
މިއުޒިކު ކިޔަވަން ދަރިވަރުންނަށް ކުރިން މަޖުބޫރުވިޔަސ މިހާރަކު ނުވޭ. އެކުއްޖަކު ބޭނުން ނޫނިއްޔާ މިއުޒިކު ކުލާހަށް ދާކަށް ނުޖެހޭ.
ހަހަ ހީވޭ ކަމެއް
08 January 2017
މިލިޔުމަށް އެހާ ގިނަ ކޮމެންޓް ލިބިފަ މިއޮތީ އިސްކަންދަރު މަގުބޫލު ކަމުގެ ހެއްކެއް. އެކި މީހުންގެ ތަޖުރިބާ ތަފާތުވާނެ. އެހެންކަމުން އަޅުގަނޑު ބުނެލާނީ އަޅުގަނޑުގެ ތަޖުރިބާގެ އަލީގައި. އިސްކަންދަރަކީ ވަރަށް ބަރާބަރު މޮޅެތި ކުދިންތަކެއް މުޖުތަމައަށް ނެރެދީފަވާ ސުކޫލެއް.
އްޜުތް
10 January 2017
ލޮލަް. ކޮމެންޓު ތައް ކިޔާފަ އެއްޗެކޭ ބުނިނަމަ ހާދަ ރަނގަޅޭ... -އެްްޜުތް-
ޢަޒްރާ
08 January 2017
ޢިސްކަންދަރު އެހާ މަގުބޫލް ސްކޫލް އަކަށް ވަނީ ސްކޫލް ގެތެރޭގެ ގުޅުން ރަގަޅުވެފައި ބެލެނިވެރިންނާ އޮންނަ ގުޅުން ހަރުދަނާވީމަ، އަދި ވަރަށް ޤާބިލް ސީނިއަރ މެނޭޖްމެންޓް އަކާ ވަރަށް ތަޖުރިބާކާރު ޓީޗަރުން އެސްކޫލް ގައި ތިބޭތީވެ.
ކަމަނަ
08 January 2017
މީޑިޔާތަކުން މިކަހަލަ ހަބަރު މިގޮތަށް ގެނެސް ދިނީމަ ކަމަކު ނުދޭ.... ސުކޫލްތަށް ހުޅުވުމާއެކު ފިތުނަ އުފެދުން ނޫންކަމެއް ނުވާނެ
މުޖޭ
08 January 2017
މިއީ ބަޔަކު އިސްކަންދަރު ޑިގުއަރުވަންވެގެން ލިޔެފައިވާ ހަގީގަތެއްނެތް ދޮގު ހަބަރެއް. އަހަރެންނަކީވެސް އިސްކަންދަރު ބެލެނިވެރިއެއް. އަހަރެންގެ ތިންކުދިން ކިޔެވީ އެތަނުން. ވަރަށް ލާރިއަށް ކިޔާ. ފެންކޭސްކޭހުން އަޅުގަނޑުމެންލައްވާ ގަނުވާ. ދުވަހަކުވެސް ދަރިން ފެނފުޅިހުސްވެގެން އެތަނަކުން ނުލިބޭ. ޓީޗަރުންވެސް ވަރަށް ތަފާތު ކުރުން ގެންގުޅޭ. މަގޭކުދިންވެސް ގެއަށްއައިސް ޝަކުވާ ކުރީ. މަގޭ ތަޖުރިބާގައި އިސްކަންދަރު ސުމެއް. މައްޝޫރީ ނަން. މިހާރު މަށަކީ ކުދިންނަށް ޓިއުޝަންދޭ މީހެއް. މަގޭ ގާތަށް މާލޭގެ ވަރަށްގިނަ ސުކޫލުތަކުގެ ކުދިން ކިޔަވަން އާދޭ. އެއީ 1 ން 5 ގެ ކުދިން. އެކުދިންގެ ސުކޫލު ފޮތްތައްވެސް މަ ބަލަން. މަށަށް ފާހަގަ ކުރެވުނުގޮތުގައި އެންމެ ކިޔަވައިދިނުމުގެ ފެންވަރު ރަނގަޅީ އަދި ވީކުލީ ފޮތްމާކު ކޮށްފައިވަނީ ތާޖުއްދީނުގަޔާއި ކަލާފާނުގައި. މިއީ އަހަރެންގެ 3 އަހަރުގެ ތަޖުރިބާ.
އިސްކަނދަރު ޕޭރެންޓެއް
10 January 2017
ރަނގަޅު ... ހަމަ މިކަހަލަ އާޓިކަލަް ލިޔާނީ މައްޝޫރު ކަމަށް ދައްކަންވެގެން..
ހަގީގަތް
08 January 2017
އެންމެ މޮޅުސްކޫލްގެ ވަނަ އަދިވެސް އޮތީ އަޙްމަދިއްޔާގައެވެ. އިސްކަންދަރަށް އެއްވެސް އަހަރެއްގައި އަހްމަދިއްޔާ އެއްވަސް އަހަރެއްގައި ވައްޓަލެވުނު ހެއްޔެވެ؟ އަރާ ހަމަކުރެވުނު ހެއްޔެވެ؟ ދެން ތިޔަ ލަގަބު ދެވެނީ ކިހިނެއް ބާވައޭ ހިތަށް އަރައެވެ.
ލަލަލަލަޖ
10 January 2017
ރަނގަޅު ވާހަކަ އެއް .. ނަތީޖާ އިން ސާބުތު ވޭ އެކަން.. އާޓިކަލުން ސާބިތު ކޮަށްދޭން ނޫޅެ ނަތީޖާއިން ސާބިތު ކޮށްދޭން އުޅެން ވީނު އިސްކަންދަރު ސުކޫލުންވެސް.. ނަން މަޝްހޫރު ކަން ތި ތަނުގަ....ޘް ކޭބބުތު އެްްއެްް
އަލީ
08 January 2017
ކުރީގައި އިސްކަންދަރާއި ޖަމާލުއްދީން އެކަނި ހުރިއިރުވެސް އިސްކަންދަރަށް އެހާ ފޭވާކުރާނެ. 80ގެ އަހަރު ތަކުގައި ޖޭޕީއެސްގައި އުޅުނު ދަރިވަރުންނާއި ޓީޗަރުންވެސް މިކަމަށް ހެކިވާނެ. އަދި އިސްކަންދަރު ދަރިވަރުންގެ ކިބައިގާ ފޮނިކަމެއްވެސް ހުރޭ.