ޝަހުމް މަރަން ކުރި ހުކުމުގެ ސައްހަކަން ކަށަވަރު ކުރަން ދައުލަތުން ސުޕްރީމް ކޯޓަށް

ޝަހުމް: އޭނާ މަރަން ކުރި ހުކުމުގެ ސައްހަކަން ކަށަވަރުކުރަން ދައުލަތުން ސުޕްރީމް ކޯޓަށް ވަނީ ހުށަހަޅާފައި --- ފޮޓޯ/ޕޮލިސް

މުއިއްޒު އިބްރާހިމް، މިހާރު

04 ސެޕްޓެމްބަރ 2022 - 12:22

6 comments

މީގެ 10 އަހަރު ކުރިން މާލޭގައި ތޫނު އެއްޗަކުން ހަމަލާދީ މީހަކު މަރާލި މައްސަލާގައި އިބްރާހިމް ޝަހުމް އާދަމްގެ މައްޗަށް ހައި ކޯޓުން އިއްވި މަރުގެ ހުކުމުގެ ސައްހަކަން ކަށަވަރުކުރަން ދައުލަތުން ސުޕްރީމް ކޯޓަށް ހުށަހަޅައިފި އެވެ.

މަޖީދީމަގާއި އަލިކިލެގެފާނު މަގު ގުޅުނު ހިސާބުގައި 2011 ވަނަ އަހަރު ސ. ހިތަދޫ ވަރުދީގޭ އަހުސަން ބަޝީރަށް ހަމަލާދީ އޭނާ މަރާލި މައްސަލާގައި ގ. ކޯޒީ އިބްރާހިމް ޝަހުމް އާދަމް މެރުމަށް ހައި ކޯޓުން މިދިޔަ އަހަރު ފަހުކޮޅު ހުކުމްކުރީ އެ ހަމަލާއަށްފަހު އަހުސަން މަރު މަތީގައި އޮވެގެން ބުނި ބަހަށް ބުރަދަން ދީގެންނެވެ. އެއީ މަރު މަތީގައި އޮވެގެން ބުނި ބަސް (ޑައިން ޑިކްލަރޭޝަން) ރާއްޖޭގެ ކޯޓަކުން ހެއްކެއްގެ ގޮތުގައި ބަލައިގަތް ފުރަތަމަ މައްސަލަ އެވެ.

ޝަހުމް މެރުމަށް ކުރި ހުކުމުގެ ސައްހަކަން ކަށަވަރުކުރަން މިދިޔަ ހަފުތާގައި ދައުލަތުން ސުޕްރީމް ކޯޓަށް ހުށަހެޅިޔަސް، އެ މައްސަލަ އެ ކޯޓުން އަދި ބަލައެއް ނުގަނެ އެވެ. ހުކުމުގެ ސައްހަކަން ކަށަވަރުކުރަން ދައުލަތުން ހުށަހަޅާނީ ކުށްވެރިޔާގެ ފަރާތުން އެ މައްސަލަ އިސްތިއުނާފް ނުކުރުމުންނެވެ.

އަހުސަން

ޝަހުމްގެ އިތުރުން މއ. ވީނަސްތަރި ހަސަން ޝިމާޒް މުހައްމަދު ސުވާދުގެ މައްޗަށް 15 އަހަރުގެ ޖަލު ހުކުމެއް ވެސް މި މައްސަލާގައި ހައި ކޯޓުން އިއްވި އެވެ. އެއީ އަހުސަން މަރާލުމުގައި ޝަހުމަށް އެހީތެރިވެދިން ކަމުގެ ކުށުގަ އެވެ.

Maru matheegai bunaa bas varugadha hekkakah: Thaareekhee nimmumeh!

The most trusted news source in the Maldives

Mihaaru

ޝަހުމާއި ޝިމާޒްގެ މައްޗަށް ކުރި ހުކުމަކީ ޑައިން ޑިކްލަރޭޝަން ބަލައިގަތް ފުރަތަމަ މައްސަލަ

ޝަހުމްގެ މައްޗަށް މަރުގެ ހުކުމް އައިއިރު އޭނާ ގެންދަނީ މަރުގެ އެހެން މައްސަލައެއްގައި އުމުރު ދުވަހުގެ ޖަލު ހުކުމެއް ވެސް ތަންފީޒު ކުރަމުންނެވެ. އެއީ 2010 ވަނަ އަހަރު މާފަންނު ޔޫތު ސެންޓަރު ކައިރީގައި ތޫނު އެއްޗަކުން ހަމަލާދީ މީހަކު މަރާލި މައްސަލާގައި ކުރި ޓެރަރިޒަމްގެ ދައުވާ ސާބިތުވެގެންނެވެ.

Ahusan ge maru: Shahum maran hukum koh, Shimaz 15 aharah jalah

The most trusted news source in the Maldives

Mihaaru

ޝަހުމާއި ޝިމާޒްގެ މައްޗަށް ކުރި ހުކުމް

އެ މައްސަލާގައި ތުހުމަތުގައި ޝަހުމް ހައްޔަރުކޮށްފައި ހުއްޓާ 2011 ވަނަ އަހަރު ކްރިމިނަލް ކޯޓުން އޭނާ ބަންދުން ދޫކޮށްލީ ހެލްތް މިނިސްޓްރީގެ ލިޔުމެއް ނުލިބޭތީ އޭރުގެ ހެލްތް މިނިސްޓަރު ޒިންމާދާރު ކުރަން ކަމަށް ބުނެ އެވެ. އޭނާ ދޫކޮށްލިތާ ދުވަސްކޮޅެއް ވީތަނާ، އަހުސަނަށް ހަމަލާދީ މަރާލުމަށްފަހު ފިލައިގެން އުޅެނިކޮށް އޭނާ ހައްޔަރުކުރީ ފަޅު ރަށަކުންނެވެ.

ސުޕްރީމް ކޯޓް މީހުން މެރުން މަރުގެ އަދަބު އިބްރާހިމް ޝަހުމް އަހުސަންގެ މަރު

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސް އަނގަ

04 September 2022

ނުކުރެވޭނެ މަރުގެ ހުކުމް ތަންފީޒެއް... ތަނެއްގަ ބަޔަކު ކުރިޔަކަސް މިގައުމަކު ތިކަމެއް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

04 September 2022

މީހަކު މަރަން ދީނުގަ އޮންނަނީ ޝަރުޢީ ހުރިހާ މަރުޙަލާއެއް ނިމި، ވާރުސިންގެ ބަހައްވެސް ފަހު! އަދި އެކަންކަމެއް ފުރިހަމައެއް ނުވޭ އެހެން ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

04 September 2022

އުމުރައް ޖަލައްލީމަވެސް 25 އަހަރުފަހުން މިނިވަންވޭ، މިވެސް ހެއްވާ އަދި ވެރިން ކަންފަސޭހަޔައް އަޅާނުލާ އޮތަ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާއިބްރީ

04 September 2022

މައިބަދާގައި ރިއްސާތީވެ ރާއްޖޭން ބޭރަށްފުރުވާ ނުލާފިއްޔާ ކިތަންމެހާވެސް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި މައިންނަށް

04 September 2022

ހެޔޮނުވާނެ، ދަރިންކޮޅު މިފަދަ މުޖުރިމުންނަށް ވިޔަނުދިނުމަށާއި، މުޖުރިމުންގެ، ކިބައިން ރައްކާތެރި ކުރާށެވެ! އެކަން ކުރެވޭނީ ޚާއްޞަކޮށްު މައިން އެމީހުންގެ ދަރިންނަށް ފާރަވެރިވެ ދަރިންނާ އެކުވެރިވެ ކުޑައިރުއްސުރެ ރަނގަޅަށް ތަރުބިއްޔަތު ދެވިގެންނެވެ. ފިރިމީހާ ވަރިކޮށްފައި ދިޔަޔަސް، ދިރިއުޅެނީ ކުޑަ ތަންކޮޅެއްގައި ވިޔަސް ނުހަނު ތަކުލީފާއިއެކުގައި ވިޔަސް ދަރިންކޮޅު ދޫކޮށް ނުލާށެވެ! ﷲ އެއްވެސް އަޅަކަށް ނޫފުއްލެވޭ ވަރުގެ ބުރައެއް ނުޖައްސަވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

04 September 2022

ސްޕްރީމް ކޯޓްގެ ޗީފް ޖަޖު އަދި ބެންޗްގައި ހިމެނިވަޑައިގަންނަވާ ބޭފުޅުން ތިކަމުގައިވެސް އިންސާފުވެރި ހުކުމެއް ނެރެދެއްވާނެ ކަމާއިމެދު ޝައްކެތް ނުކުރަން # މިފަދަ ޤާތިލެއްގެ ދިފާޢިގައި ދައުލަތުން މަސައްކަތް ކުރިކަމުގައިވިޔަސް ނުލަފާ ޤާތިލްގެ ހަންޖަރުން އިތުރު މީހެއްގެ ފުރާނަ ދުއްވާލަން ދައުލަތުން އެފުރުސަތު ނުދެއްވާނެ ކަމަށް ހީކުރަން. # ތިއީ ރައްޔިތުންގެ ތެރެއަށް މިކިވަނެއްގެ ގޮތުގައި ދޫކޮށްލާވަރަށްވުރެން ނުރައްކާތެރި މީހެއް.