ޕޮލިސް އެކެޑެމީގެ މަސައްކަތް ފަށާތާ 18 މަސް ދުވަހުގެ ތެރޭގައި ނިންމައިލެވޭނެ.
ފުލުހުންގެ ޕޮލިސް އެކަޑެމީ އަޅަން އައްޑޫ ހިތަދޫން ދިން ބިމާ ބެހޭ ގޮތުން އައްޑޫ މޭޔަރާއި އިންޑިއާ ސަރުކާރުގެ އޮފިޝަލަކު މަޝްވަރާ ކުރައްވަނީ.---ފޮޓޯ: އައްޑޫ ސިޓީ ކައުންސިލް
05 ޖެނުއަރީ 2017 - 15:21
އައްޑޫގައި އަޅަން ނިންމާފައިވާ ޕޮލިސް އެކަޑެމީ އަށް ހިތަދޫން މިހާރު ލިބިފައިވާ ކަމަށާއި އެތަނުގެ ބިންގާ މި މަހު އަޅާނެ ކަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާ އޮފިޝަލް "މިހާރު" އަށް ވިދާޅުވީ ހިތަދޫ ލިންކް ރޯޑްގައި ހިތަދޫ ޕޯޓް ލިމިޓެޑް (އެޗްޕީއެލް) ގެ އޮފީސް ހުންނަ ސަރަހައްދުން ޕޮލިސް އެކަޑެމީ އަޅަން ހަމަޖެހިފައިވާ ބިން ވެސް މިހާރު ސާފުކޮށް ނިމިފައިވާ ކަމަށެވެ.
"މި މަހުގެ ތެރޭގައި ބިންގާ އަޅަން މިހާރު އަންނަނީ ތައްޔާރުވަމުން. ބޮޑަށް ލަފާ ކުރެވެނީ މި މަހުގެ ފަހުކޮޅު ކަމަށް ބިންގާ އަޅާނީ،" އޭނާ ވިދާޅުވި އެވެ.
"މި މަސައްކަތް ފެށިގެން މި އަންނަނީ ޕޮލިސް އެކަޑެމީ އަޅާނެ ބިމެއް ހޯދަން 2012 އިން ފެށިގެން ކުރަމުން އަންނަ މަސައްކަތުގެ ތެރެއިން، އެކި ފަހަރު އެކި ލޮކޭޝަންތަކާ ބެހޭ ގޮތުން މަޝްވަރާ ކުރެވި އެންމެ ފަހުން މި ހަމަޖެހުނު ބިމުގެ ކަންކަން ހަމަޖެހިގެން ދިއުމާއެކު."
އައްޑޫ ޕޮލިސް އެކަޑެމީ އަކީ، އިންޑިއާ ސަރުކާރުގެ އެހީގައި ހިންގާ މަޝްރޫއެކެވެ. މި މަޝްރޫއަށް އިންޑިއާ އިން ވަނީ 18 މިލިއަން ޑޮލަރު ހަމަޖައްސައިފަ އެވެ.
ފުލުހުންގެ ޕޮލިސް އެކަޑެމީ އަޅަން ނިންމާފައިވާ ބިމާ ބެހޭ ގޮތުން ކަމާ ގުޅޭ ބޭފުޅުން މަޝްވަރާ ކުރައްވަނީ. ފޮޓޯ: އައްޑޫ ސިޓީ ކައުންސިލް
ޕޮލިސް އެކަޑެމީ އިމާރާތް ކުރުމުގެ މަސައްކަތް ކުރާނީ ވެސް އިންޑިއާ ސަރުކާރުން ހަވާލުކޮށްފައިވާ ކުންފުންޏަކުންނެވެ. މި މަސައްކަތް ފަށާތާ 18 މަސް ދުވަހުގެ ތެރޭގައި ނިންމައިލެވޭނެ ކަމަށް ފުލުހުން ބުނެ އެވެ.
"ޒަމާނީ ފެންވަރުގެ ވަރަށް ގިނަ ވަސީލަތްތައް އެކުލެވޭ ގޮތަށް، ފެންވަރު ރަނގަޅު ފުލުހުންގެ އެކަޑެމީ އަށް އައްޑޫގައި މި ގާއިމު ކުރަނީ،" މީޑިއާ އޮފިޝަލް ވިދާޅުވި އެވެ.
އައްޑޫގައި ފުލުހުންގެ އެކަޑެމީއެއް ގާއިމު ކުރަން ތައްޔާރުވަމުން މި އަންނަނީ، ފެބްރުއަރީ 8، 2012 ގައި ހިތަދޫގައި ހުރި ފުލުހުންގެ ޓްރޭނިން ސްކޫލް ބަޔަކު ބޭނުން ނުކުރެވޭ ވަރަށް އަންދާލައިފައި ވަނިކޮށެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ހައްވާގެ ތެލެފޯނާ
06 January 2017
ޕޮލިހުންނަށް ދީފަ ހުރިބިންތައް މިހާރުވެސް މަދެއް ނޫން، އަދި ކުޑައެއްވެސް ނޫން. މުސަތަޤްބަލްގަ ފުލުހުންވެސް ކުންފުނި ހަދައިގެން ވިޔަފާރިކުރުމުގެ ވިސްނުން ހުރީކަން ނޭނގޭ ދޯ!!!
އުމަރު
06 January 2017
އައްޑޫގެ ރައްޔިތުން ތިޔަކަމާ ދެކޮޅެއްނޫން އެކަމަކު އައްޑޫގެ ގެސްޓްހައުސްތަކާއި އިޤްތިސާދީ މަސައްކަތްކުރަން އެންމެ ކަމުދާ ސަރަހައްދު އެއްކޮށް އެވަނީ މިހާރު ޕޮލިސް އެކަޑަމީއަށް ދެވިފައި، އައްޑު އަތޮޅުގެ ހިއްކި ބިމުން ކީއްވެގެންތޯ އެބިން ކަނޑަނެއެޅީ، ޕޮލިހުންނާއި ސިފައިން އަބަދުވެސް ބަލަނީ ކޮންމެ ރަށަކުންވެސް ބޮޑު ބިމެއް އެމީހުންގެ އަތްމައްޗަށް ގެނެވޭތޯ އަދި ގިނަފަހަރު ބިންތަށް ނަގާނީ އެރަށެއްގެ އިޤްތިސާދު ކުރިއަރުވަން ޕްރައިވަޓް ސެކްޓަރަށް ދޫކުރަން އޮންނަ ބިންކޮޅު، އައްޑު އަތޮޅުގެ ގަމުގައި ސިފައިން ބޮޑުބިމެއް ހިފައިގެން އެބައުޅޭ މިހާރު އެދެވުނީ އައްޑޫގެ ރައްޔިތުން ގެދޮރު އެޅުމަށާއި އިޤްތިސާދީ މަސައްކަތްކުރުމަށް އޮތް ބިންކޮޅު، ގަން އިންޓަނޭޝަނަލްކޮށްފައި އެންމެ ފުރަތަމަ އަޅަންޖެހެނީ ޕޮލިސް އެކަޑަމީއެއްނޫން، އައްޑު އަތޮޅުގައި އެބަޖެހޭ އެނދު ގިނަކުރަން އައްޑު އަތޮޅަކީ އެހާގިނަ ބިމެއް އޮތްތަނެއްނޫން އަދި ފަޅުރަށްތަކެއް ހުރި އަތޮޅެއްނޫން، ދިވެހި ސަރުކާރުން އައްޑު އަތޮޅުގެ ރައްޔިތުން މާލެގެނެސް މުޅި އައްޑު އަތޮޅު އެގެންދަނީ ފަޅުކުރަމުން، މިކަންކަމާ އައްޑު އަތޮޅުގެ ހުރިހައި ރައްޔިތުންވެސް ހިތްހަމަ ނުޖެހޭ
އިބިރިހިން ބެއްޔާ
07 January 2017
ޙެއުވާހަކާއް.
މެންޓަލިސްޓް
05 January 2017
ތިޔައެކަޑަމީގައި އޮންނާނީ ސްޓިކާރ ޖަހަން ދަސްކޮއްދިނުމާއި ،،، ފުޓްބޯޅަލީގްތަށް ބަރާބަރަށް ބަލައި ދިރާސާކުރަން ދަސްކޮއްދިނުން ،، އެއީ މިހާރުވެސް ފުލުހުން އެންމެ ޕްރޮފެޝަނަލްކޮށް ކުރާކަމަކީ ،،، އެހެން ހުރިހާ ކަމެށް އޮންނާނީ ބޮއްސުންލާފައި ،، ވަރަށްވެދުން
ގޮހޮޑާ
05 January 2017
ފުލުސް ޓުރެއިނިންގ ސުކޫލު "ބަޔަކު" އަންދާލިއްޔޭތޯ.... ބަލަ އެއީ ކޮންބައެއްކަން ތިބޭފުޅުންނަށް ހަމަ ނޭގެނީތޯ ތިހެން ތިތާ ތިލަކުރެއްވީ ....
ލާލި
05 January 2017
ބޯހަލާކު
ވިސްނާތި
05 January 2017
އައްޑޫގެ ތަރައްގީ އަށް ވަރަށް ގިނަ ކަންކަން މިސަރުކާރަށް ކޮށްދެވިދާނެ އައްޑޫ ސިޓީ ކައުންސިލުން މިސަރުކާރާއި އެކު ސްޓޭންޑް ބައިގައި ތިބިނަމަ. މިކަން އައްޑޫ ސިޓީ ކައުންސިލުން ކޮށްދެއްވާނެ ކަމަށް މަމެން އުއްމީދު ކުރަނީ. އައްޑޫ ސިޓީ ކައުންސިލުން އަތޮޅުގެ ތަރައްގީ އަށް ޓަކައި ރާއްޖޭގައި ހުރި އެންމެ މުއްސަނދި ދިވެހި ކުންފުންނަކަށް އިސްމެހެލާ ހެރަ އާއި ސަވާހެލި ދީގެން ރިސޯރޓް ތަރައްގީ ކުރެވޭ ތޯ ސަރުކާރަށް ލޮބީ ކޮށްގެން މަސައްކަތް ކުރަންވީ އެވެ. އެއިރުން ތަމެންގެ ސިޓީ ތަމެންނަށް ތަރައްގީ ކުރެވޭނީ. މިއަދު އިދިކޮޅު ކްރިޓިކްސް އަށް ތަމެންނަށް ކޮށްދެވޭނެ އެއް ކަމެއްވެސް ނޯންނާނެ އެމެންނަށް ސިޓީ ކައުންސިލުގެ ގޮނޑި ތައް ދިނަސް. މީ ތަމެން ވިސްނަން ޖެހޭނެ ކަމެކެވެ.
ޢަހުމަދު
06 January 2017
ރައްޔިތުންނަށް ކަންކަން ކޮށްދޭން އެތަންއްގައި އޮންނަ ކައުންސިލަކީ ކޮންމެހެން ތަމެންނަށް ތާއީދުކުރާ ކައުބްސިލަކަށް ވާކަށް ނުޖހޭ. ތަމެން ވެރިކަމަށް ގެންނަން ވޯޓްދިން ބަޔަކުވެސް އެތާގަދިރިއުޅޭ!