ފަޒްލޫން: އޭނާ ދޫކޮށްލި ނިންމުން ވަނީ ބާތިލްކޮށްފައި
22 ސެޕްޓެމްބަރ 2022 - 15:19
5 comments
ޔޯގާ ހަރަކާތާ ދެކޮޅަށް ހިންގި ހަމަނުޖެހުންތަކަށް ހިތްވަރުދިން ކަމަށް ބުނެ ހައްޔަރުކުރި ޝައިހް ފަޒްލޫން މުހައްމަދު ކްރިމިނަލް ކޯޓުން ބަންދުން ދޫކޮށްލީ ގޯސްކޮށް ކަމަށް ހައި ކޯޓުން މިއަދު ހުކުމްކޮށްފި އެވެ.
މިދިޔަ ޖޫން މަހު ގަލޮޅު ދަނޑުގައި ބޭއްވި ޔޯގާ ހަރަކާތާ ދެކޮޅަށް ބަޔަކު ހިންގި ހަމަނުޖެހުންތަކާ ގުޅިގެން، އެކަމަށް ހިތްވަރު ދިންކަމަށް ބުނެ ފަޒްލޫން ހައްޔަރުކޮށް، މަހަކަށް ވުރެ ގިނަ ދުވަހު ބަންދުގައި ބެހެއްޓުމަށްފަހު ކްރިމިނަލް ކޯޓުން މިދިޔަ ޖުލައި ފަޒްލޫން ދޫކޮށްލީ ޝަރުތުތަކާ އެއްކޮށެވެ.
އެ މައްސަލަ ދައުލަތުން އިސްތިއުނާފް ކުރުމުން ހައި ކޯޓުން މިއަދު ނިންމީ ފަޒްލޫން ދޫކޮށްލަން ނިންމިއިރު އޭނާއާ ދެކޮޅަށް ހުށަހަޅާފައިވާ ހެކިތަކާއި އޭގެ ނިސްބަތަށް ބަދަލެއް ނާންނައިރު، އޭނާގެ ބަންދަށް ލުއި ދޭން ނިންމި ސަބަބެއް އެނގެން ނެތް ކަމަށެވެ.
އެހެންވެ، ދަށު ކޯޓުގެ ނިންމުން ހައި ކޯޓުގެ ތިން ފަނޑިޔާރުންގެ އިއްތިފާގުން ބާތިލްކުރި އެވެ. އެހެން ނަމަވެސް ފަޒްލޫން އަލުން ބަންދުކުރާކަށް ހައި ކޯޓުން އަމުރެއް ނުކުރެ އެވެ. އޭގެ ބަދަލުގައި ހައި ކޯޓުން އެންގީ އޭނާ އަލުން ބަންދުކުރަން ދައުލަތުން ދަށު ކޯޓަށް ހުށަހަޅައިފި ނަމަ، އެ ހުކުމުގެ އުސޫލުތަކަށް ރިއާޔަތްކޮށް، ބަންދާ މެދު އަލުން ގޮތެއް ނިންމުމަށެވެ.
ފަޒްލޫންގެ އިތުރުން ޝެއިހް އާދަމް ނިޝާން ވެސް އޭރު ހައްޔަރުކުރި އެވެ. އޭނާ ވެސް ފަހުން ވަނީ ދޫކޮށްލައިފަ އެވެ. އެ މައްސަލާގައި ޖުމްލަ 19 މީހަކު އޭރު ހައްޔަރުކުރި އެވެ. ގިނަ މީހުން މިހާރު ވަނީ ދޫކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަތްދައްތަ
22 September 2022
މި ޝޭހަށް ހީވަނީ މިނޫނީއްޔާ ދީން އެގިގެން އުޅޭ މީހަކު ނެތްކަމަށް. ދުރުގަ ހުރެގެން އާންމުން ޗާޖުކޮށްފަ ވަދެގަންނަން އަމުރުކޮށްފަ ދެން މިކިޔަނީ ތިމަންނަ ނުވަންނަމޭ ތިޔަމަންނަ ހުރީ ބޭރުގައޭ. ތިމަންނަ ކީ އަތުން ހުއްޓުވަން އޮތް ބަސްފުޅެކޭ. ބަލަ އެބަސްފުޅު ކިޔާފަ އަތުން ހުއްޓުވަން އެންމެ ކުރީގަ ނުހުރީމާ އެގޭ އެއްޗަކީ މުނާފިގުކަން.
ހިޔާލީ އަލީ
22 September 2022
އިސްލާމްދީން ދެކެ މިހާ ލޯބިވާ މީހުން ކީއްވެބާ އަބަދު ރުޅިއައިއްސަ ކޮންމެވެސް ހާޖާނަކަށް ހިތްވަރު ދީގެން މި އުޅެނީ،؟ ޔޯގާ ހަރާމޭ ކިޔާފަ ގައުމުތަކުގެ ސަފީރުން ބޮލުގަ ދިދަ ދަނޑިން ތަޅުވާފަ، ޑްރަގު، ވައްކަން، ދޮގު ހުވާކުރާ މީހުން ފަހަތުން ދާން މިމީހުންނަށް ނޭންގެނީ ކިއްވެބާ؟ ދީން ދެކެ ލޯބިވާ ވަރު ފަޅާއަރަނީ މި ކަހަލަ ކަމެއް ދިމާވީމަ.
ހށނ
22 September 2022
ޔޯގާގެ ފައިދާގެ ތެރޭގަ މަސްތުން ބޭރުވެ، ދެވި ކެޑި ރުޅިމަޑުވެ، ހަޅޭއްލަވަމުން މީހުންފަހާ ލަޓިބުރި ހިފައިގެން ދުވެ އަތުގަ ޖެހުނު މީހަކު ޗިސްކުރަމުން ދިއުމަކީ ގޯހެއްކަން އެކަން ކުރުމުގެ ކުރިން ނަފުސު ދަނެގަނޭ. އަޅެ މިއީ ކިހާބޮޑު ފައިދާއެއްތޯ؟
ރބޅ
24 September 2022
ކަލޭ ތީ އަޅެ މުސްލިމެއްތަ؟
އުދުހޭ
22 September 2022
ލިވާތުކުރިމީހާ ގޭބަންދައް ދޫކުރީ ރަގަޅަށްދޯ؟