ވެލާނާ އިންޓަނޭޝަނަލް އެއާޕޯޓްގެ އާ ރަންވޭ ރަސްމީކޮށް ހުޅުވުމުގެ ގޮތުން ޖެއްސި ފުރަތަމަ ބޯޓު އަދި ރާއްޖެ އަށް ވެސް ޖެއްސި ފުރަތަމަ އޭ380ގެ ބޯޓު: އެ ރަންވޭ އަންނަ މަހު ހައެއްގައި ބޭނުންކުރަން ފަށާނެ -- ފައިލް ފޮޓޯ: ނިޝާން އަލީ | މިހާރު
28 ސެޕްޓެމްބަރ 2022 - 20:06
5 comments
ވެލާނާ އިންޓަނޭޝަނަލް އެއާޕޯޓްގެ އާ ރަންވޭ އަންނަ މަހު ހައެއްގައި ބޭނުންކުރަން ފަށަން ނިންމައިފި އެވެ.
އެ އެއާޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޑެޓް (އެމްއޭސީއެލް)ގެ އޮފިޝަލަކު ކަށަވަރުކޮށްދެެއްވި ގޮތުގައި އަންނަ މަހުގެ ހައެއްގައި އާ ރަންވޭ ބޭނުންކުރަން ފެށުމުގެ އިތުރުން، ހަމަ އެ ދުވަހު އެ އެއާޕޯޓްގެ އާ ސީޕްލޭން ޓާމިނަލް ވެސް ރަސްމީކޮށް ހުޅުވުމުގެ ރަސްމިއްޔާތު ބާއްވާނެ އެވެ.
ވެލާނާ އެއާޕޯޓްގައި ހެދި ސީޕްލޭން އާ ޓާމިނަލް، "ނޫވިލު" ބޭނުންކުރަން ފެށީ މިދިޔަ ޖުލައި މަހު އެވެ.
ކުރީގެ ރައީސް އަބްދުﷲ ޔާމީނުގެ ސަރުކާރުގައި އަޅަން ފަށައި އެމަނިކުފާނުގެ ވެރިކަމުގެ ފަހުކޮޅު، 2018 ގައި ރަސްމީކޮށް ހުޅުވި އެ ރަންވޭ ބޭނުންކުރަން ނުފަށާތީ މި ސަރުކާރަށް ފާޑުކިޔުން އަމާޒުވެފައިވެ އެވެ. އެމްއޭސީއެލުން ބުނި ގޮތުގައި އާ ރަންވޭ ބޭނުން ކުރަން ފެށުން ލަސްވީ ސީޕްލޭން ޓާމިނަލް ބަދަލު ކުރުމުގެ މަސައްކަތް ކުރާތީ އެވެ.
އާ ރަންވޭގެ މުހިންމު އާލާތެއް ބޭނުންކުރެވޭ ހާލަތަށް ގެނެސްފި https://t.co/JRAxwLoWG7
— Mihaaru (@Mihaarunews) September 24, 2022
އާ ރަންވޭގެ ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުރެ އެވެ. އެ ރަންވޭ އަށް އެންމެ ބޮޑެތި ބޯޓު، އޭ380 ގެ ބޯޓުތަކަށް ވެސް ޖެއްސޭނެ އެވެ.
އާ ރަންވޭއާ އެކު މިހާރު ބޭނުންކުރާ ރަންވޭ ދެން ބޭނުންކުރާނީ ޓެކްސީވޭ އަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުހާ.
29 September 2022
މިސަރުކާރުން ހާދަ އަވަހޭ ބޮޑު ރަންވޭއެއް ނިންމާލާފަ ހުޅުވާލަނީ. ޝުކުރިއްޔާ ރިމުސް. ޔާމީނު އެއްވެސް ކަމެއް ކޮށްދީފަ އޮތްތަނެއް ނުފެނޭ.
އިބްރ
29 September 2022
މިސަރުކާރުން ދެންއޮންނާނީ ރިބަން ކެނޑުން.
ސުޕާ ސްޕީޑް ކޫ
29 September 2022
މީ ދުނިޔޭގަވެސް ރަންވޭއެއް ހެދުމާ، އެބޭނުން ކުރުމާދޭތެރޭ އެންމެ ގިނަދުވަސްވީ ރަންވޭ. ކޭކެއް ފަޅައްޗޭ.
ބޮޑު ފުލައިޓު
28 September 2022
ދެން ބުރިޖު ބަންދުކުރަންޖެހޭނީ ކޮން ކޮން ގަޑިތަކެއްގައި؟
ސާމިހް ދަ ކެޕްޓަން
28 September 2022
ކޯއްޗެއް ހުޅުވާކަށްތަ. ދެރަންވޭ ބޭނުން ކުރިޔަސް މަށަށް އަވާސްއެއް ނުދޭނެ. އަވާސް ނުދޭ މައްސަލަ ލޭބާއަށާ ރައީސް އޮފީހަށްވެސް ލާނަން. ބަލައްޗޭ ކަލޭމެން.