ގދ. ތިނަދޫ: އެރަށު ބައެއްގެ ބައްތެއްޔެއް 60 އަހަރު ކުރިން ދައުލަތަށް ނެގި މައްސަލަ ހައިކޯޓުން ވެސް ވަނީ ބޭރުކޮށްލާފައި
29 ސެޕްޓެމްބަރ 2022 - 15:10
15 comments
މީގެ 60 އަހަރު ކުރިން ދައުލަތުން އަތުލި އަމިއްލަ ބައެއްގެ ބައްތެއްޔެއްގެ މައްސަލާގައި ބަދަލު ހޯދަން ދައުލަތާ ދެކޮޅަށް ކުރި ދައުވާ ހައި ކޯޓުން މިއަދު ބޭރުކޮށްލައިފި އެވެ.
ގދ. ތިނަދޫ މީހަކު ސިވިލް ކޯޓުގައި މިއަހަރު ދައުވާކުރީ އޭނާގެ މަންމަ އާއި ދޮންބައްޕަގެ އަމިއްލަ މަސައްކަތުން 1962 ވަނަ އަހަރު ބަނދެފައި އޮތް 18 ރިޔަނުގެ އާ ބައްތެއްޔެއް ދައުލަތުން ނީލަމުގައި ވިއްކާލާފައިވާތީ ގެއްލުމުގެ ބަދަލު ހޯދުމަށެވެ. އެ މީހާ ކޯޓަށް ހުށަހެޅި އަންދާސީ ހިސާބުތަކުގައިވާ ގޮތުން އެވަރުގެ ބައްތެއްޔެއްގެ އަގަކީ 1.8 މިލިއަން ރުފިޔާ އެވެ.
ސިވިލް ކޯޓުން މިދިޔަ ޖުލައި މަހު މައްސަލަ ބޭރުކޮށްލީ އެ ބައްތެލީގެ މިލްކުވެރިކަން ސާބިތުވެފައި ނެތުމާއި އެ ބައްތެލި ދައުލަތުން އަތުލީ ވެރިފަރާތުގެ ނުރުހުމުގައިކަން އަދި އެކަމުގެ ޒިންމާ ނަގަންޖެހެނީ ދައުލަތުގެ ކޮން އިދާރާއަކުން ކަން އެ މީހާއަށް ބުނެދެވިފައި ނެތުމުން ކަމަށް ބުނެ އެވެ.
އެ ނިންމުން އެ މީހާގެ ފަރާތުން ހައި ކޯޓުގައި އިސްތިއުނާފް ކުރުމުން އެ މައްސަލަ ބޭރުކޮށްލީ މަދަނީ އިޖްރައާތުގެ ގާނޫނުގެ ދަށުން ދައުލަތުން ނެގި އިޖްރާއީ އިއުތިރާޒަކާ ގުޅިގެންނެވެ. ދައުލަތުން ހުށަހެޅީ ގާނޫނީ ބަހުސެއް ނެތި އިސްތިއުނާފް ހުށަހަޅާފައިވާތީ އެ މައްސަލަ ބޭރުކުރުމަށެވެ.
ހައިކޯޓުން ވެސް ނިންމީ ސިވިލް ކޯޓުގެ ނިންމުމާ މެދު ބަހުސް ކުރާނެ ގާނޫނީ ނުކުތާއެއް ދެއްކިފައި ނެތް ކަމަށެވެ. އެހެންވެ، އެ މައްސަލަ ކުރިއަށް ގެންދެވެން ނެތް ކަމަށް ހައިކޯޓުގެ ތިން ފަނޑިޔާރުންގެ އިއްތިފާގުން ކުރެއްވި ހުކުމުގައިވެ އެވެ.
ހައިކޯޓުން އެ މައްސަލަ ބެއްލެވީ ފަނޑިޔާރު މުހައްމަދު ނިޔާޒާއި ފަނޑިޔާރު މުހައްމަދު ސަލީމް އަދި ފަނޑިޔާރު ފާތިމަތު ފަރުހީޒާ އެވެ. ބެންޗުގެ ރިޔާސަތަކީ ފަނޑިޔާރު ނިޔާޒެވެ.
ކުރީގެ ރައީސް އިބްރާހިމް ނާސިރުގެ ވެރިކަމުގައި ތިނަދޫން މީހުން ބޭލި މައްސަލަ އިންތިގާލީ އިންސާފުގެ އޮފީހުން ވެސް ދަނީ ބަލަމުންނެވެ. އެ މައްސަލާގައި މީގެކުރިން ވަނީ އާންމުކޮށް ހުޅުވާލައިގެން އަޑުއެހުންތަކެއް ބާއްވައި، އެރަށު މީހުންގެ ބަޔާންތައް ވެސް ނަގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުމާ
01 October 2022
ތިނަދޫ މީހުން ދައުވާ ކޮށްބަލަ ނުވިހާ ކުއްޖެއްގެ ފޫޅުހޯދަން.
ހށނ
30 September 2022
ބަދަލު ލިބެންޖެހޭ ނަމަ މިއަދު ނުލިބުނަސް އޭގެބަދަލު ގުނައަދަދުނުކުރެވޭނެ ވަރަށް ނޫނީ ފޫހިވާވަރަށް ބަދަލު ލިބޭނެ ދުވަހެއް އޮތްކަން ދަނެ ހަމްދުކޮށްލައިގެން ހުރުމަށް ތިބާއަށް ހަދާންކޮށްދެން. މިއަދު ތިލިބުނަސް ހޯދަން ހޭދަކުރާ ވަގުތާ އަގާ އަޅާ ކިޔާއިރު ފައިދާއެއް ނެތް. ދެން އޮތީ މައާފު ކޮށްފިނަމަ ކުރިން މިބުނި ބައި އެތައް ގުނައަށް އިތުރުވެގެންދާނެ.
ބަތަވަނަ
29 September 2022
ޓައިޓޭނިއަމް އިން ބަނދެފައިވާ ބަތްތެއްުޔެއް
ކަރާސީނު
29 September 2022
ހަނޑޫކިލޯއެއް ހައެއްކަ ރުފިޔާއަށް ލިބޭއިރު ބަތްތެއްޔެއްގެ އަގު އެހާ ބޮޑުވީ ކިހިނެއް.
ސައްޙާފް
30 September 2022
އެއީ ތި ކޮމެންޓްކުރީ އައްޑޫ ނުވަތަ ފޯއްމުލަކު މީހަކަށްވަތީ. ތިދެ ސިޓީ ބަހުރުވައިގަ ބައްތެލި ކިޔަނީ ރާއްޖެގެ އެހެންމީހުން ބައްތަވާ ކިޔާ ހަނޑޫ ކައްކާފަހުރި ކަންވާރަށް.
ދަސްކުރޭ
01 October 2022
ސައްޙާފް ފޯއްމުލަކެއް ނޫން. ފުވައްމުލައް
އަބޫ1
29 September 2022
މިވަރުން ދާ ކަމަށް ވަނީ ނަމަ ރަނަމާރީގެ މައްޗަށް ވެސް ބަދަލު ހޯދުމަށް ދަޢުވާ ކުރާނެ ދޯ
އައްޕަން
29 September 2022
ތިނަދޫ ކައުސިލުގެ ރައީސް ކައުސިލުގެ ރައީސް ކަމައް އައީ އޭނާގެ ކާފަ މުނިކާފަ މުނިމުނި ކާފަގެ ވާރުތަ މުދާ ހޯދައި އެއައް ވަކާލާތުކުރަންތަ؟؟
ދުމްމ
29 September 2022
ތިބުނާ ބައްތެލީގެ ވެރިފަރާތުގެ ނުރުހުމުގަ ދައުލަތުން ބައްތެލި ނީލަމުގަ ވިއްކާފަ އޮތުމަކީ އެކަށީގެންވާ ކަމެއް. ތިމައްސަލަ ސުޕްރީމް ކޯޓާ ހަމަޔަށް ދިއަޔަސް ސާބިތެއް ނުވާނެކަމަށް ފެންނަނީ.
ޢެޑްމުންޑޯ
29 September 2022
އެވަރުގެ ބައްތެއްގެ އޭރުގެ އަގަކީ 500 ވަރަކަށް ރުފިޔާ . 1980 ގެ އަހަރުތަކުގެ ކުރީކޮޅުވެސް މަސައްކަތްތެރިންގެ މުސާރަހުރީ ދުވާލަކަށް ފަސް ރުފިޔާ 80 ގެ ފަހުއަހަރުތަކުގައި 25 ރ ހަމައަށް އެރި އަގުތައް ! ބޮއްކުރާ ބަންނަ ލަކުޑިއަކީ ފަޅުރައްރަށުން ކަނޑާ ގަސްތައް ، 80 ގެ އަހަރުތަކުގައި ބިޔަ ބޮޑު ގަހެއްގެ އަގު އުޅެނީ 80 ރ އާއި 100 ވަރަކަށް ރުފިޔާ މީގެ 60 އަހަރު ކުރިނަމަ އެވާނީ 1960 ގެ އަހަރުތަކަށް ، ދެން ވިސްނާލާ އަގުތައް ހުންނާނެގޮތް
ހުސެން
29 September 2022
ތިޔަފަދަކަންކަން އަގު ކުރާނީ އޭރުގެ އަގަކުންނޫން، އަގުކުރާއިރު މާކެޓުގެ އަގުން، މާނައަކީ މިހާރުގެ އަގުން، ދެންބުނެލަން އޮތީ ކޯޓުތަކުގައި ޝަރީޢަތް ހިނގާނީ ޔަގީންކަމާ އިތުބާރާ ހީވާގޮތުގެމައްޗަކަށްނޫން،، ބޭނުންވާނީ އިވިޑެންސް، އެހެންވީމާ ދަށުކޯޓާއި ހައިކޯޓުގެވެސް ނިންމުން ރަނގަޅުކަމަށް އަޅުގަނޑަށް ފެނޭ!! ސުޕުރީމްކޯޓާ ހަމަޔަށް ތިޔަގޮތައް ތި މައްސަލަ ގެންދިއުމުގެ ބޭނުމެއްނެތް، ހެއްކާ ގަރީނާ ނެތި ކޯޓުތަކުން ކަންކަމެއްނުވާނެ
ސައްޙާފް
29 September 2022
ދެލޯފުޅާ، ތިކިޔަނީ 60 އަހަރު ކުރީގެ އަގު. އަގު ކުރެވޭތަކެތީގެ ވެލިއު ދުވަސްވަވަރަކަށް ބަދަލުވާނެ. މިސާލަކަށް މާގޭ އަތުން ހޯދި 100 ރުފިޔާ މީގެ 50 އަހަރު ފަހުން ކޯޓުން ނަގައިދޭނީ 100 ރުފިޔާއެއްނޫން. ބައިގަރުނަށް ވެލިއުކޮށް އެ އަދަދު 10،000 އަށް ބަދަލުވާނެ.
އޮނަރަބްލް އަފީފު ދީދީ
29 September 2022
ޢެޑްމުންޑޯ ތިޔަ ހިސާބު ޖައްސަވަނީ އަދުރެމެޓިކްސް ހިސާބު އިލްމު ބޭނުން ކުރައްވައިގެން ކަމަށް ވެދާނެ. # މިފަދަ ކަންކަމުގައި ތިގޮތަށް ހިސާބު ޖަހާނަމަ ތިރަށުގައި ހުރި މާވަރުގަދަ ލޯޔަރަކު "އުފެދުމުގައިވެސް ބާތިލް ކަމަށް ބުނި" ޖީއެމްއާރ އަށް އެތައް މިލިޔަން ޑޮލަރު އަދި ބޯގަންވިލާ ކުދިންނަށާއި ސޭޓަށް ބަދަލުގެ ގޮތުގައި މިލިޔަނުން ފައިސާ ދޭންޖެހުނީ ކީއްވެ.!؟ އެކަން އޮތްގޮތްވެސް ބުނެލަދީބަލަ.
އެޑްމުންޑޯ
29 September 2022
އޭ އޮނަރޭ.. ކީއްވެތަ އަހަރެން މާލޭ މީހެއްކަމަށް ހަދައިގެން ނުވަތަ ހީވެގެން، "ތިޔަ ރަށުގައިހުރި މާވަރުގަދަ ލޯޔަރކޭ" ތިޔަކިއަނީ؟
އަސްލޯ
30 September 2022
އޮނަރަބްލް އަށް ހީވާނީ އެހެންތާ. ޢާއްމުކޮށް ތިކަހަލަ ގަޅި ކިޔަނީ މާލޭ މީހުން. އެކަން މަތިއަޅުވަން ކިޔަނީ މަމެން ކުޅަނދު މަދޭ، އަސްލު މާލޭ މީހުން 6 ކުޅަނދު މަދުވާނެ.