ދުވާފަރު ކައުންސިލްގެ ޚިޔާނާތް: ތަހުގީގު ނިމި، ޑިއުޓީ ޕްރޮސެކިއުޝަނަށް

ރ. ދުވާފަރު މަތިން ނަގާފައިވާ ފޮޓޯއެއް: އެރަށު ކައުންސިލްގެ ޚިޔާނާތުގެ މައްސަލަ ޑިއުޓީ ޕްރޮސެކިއުޝަނަށް ވަނީ ފޮނުވާފައި -- ފޮޓޯ: ކިޑޯ.އެމްވީ

މުއިއްޒު އިބްރާހިމް، މިހާރު

08 އޮކްޓޯބަރ 2022 - 13:58

4 comments

ރ. ދުވާފަރު ކައުންސިލްގެ ބައެއް މެމްބަރުންނާއި ބައެއް މުވައްޒަފުން ހިމެނޭ ގޮތަށް ހިންގާ ބޮޑު ޚިޔާނާތުގެ މައްސަލަ ޑިއުޓީ ޕްރޮސެކިއުޝަނަށް ފޮނުވާފައިވާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ބުނެފި އެވެ.

ދުވާފަރު ކައުންސިލްގެ ބައެއް މެމްބަރުން އެ ކައުންސިލަށް ލިބޭ ފައިސާ އަމިއްލަ އެކައުންޓަށް ޖަމާކުރުމާއި މާލިއްޔަތު ގަވާއިދާ ޚިލާފަށް އަމަލު ކުރުމާއި މުސާރަ ދިނުމާއި މުވައްޒަފުންގެ ކަންކަން ގަވާއިދުތަކާ ޚިލާފަށް ކުރަމުންދިޔަ މައްސަލައެއް ފެންމަތިވީ ލޯކަލް ގަވަމެންޓް އޮތޯރިޓީ (އެލްޖީއޭ) އިން ނެރުނު ރިޕޯޓަކުންނެވެ.

އޭސީސީން މިއަދު ނެރުނު ބަޔާނެއްގައި ވަނީ އެކަމުގައި ބައިވެރިވި ކަމަށް ތުހުމަތު ކުރެވޭ 12 މީހަކު ހިންގާފައިވާ މުއާމަލާތްތައް ބެލިއިރު ގިނަ އަދަދެއްގެ ފައިސާގެ މުއާމަލާތްތައް ގަވާއިދުތަކާ ޚިލާފަށް ހިންގާފައިވާ ކަމަށެވެ. އަދި އެ މައްސަލާގެ ތަހުގީގު މިދިޔަ މަހުގެ 30 ވަނަ ދުވަހު ނިންމާފައިވާ ކަމަށް އޭސީސީން ބުންޏެވެ.

އޭސީސީން ބުނިގޮތުގައި އެ މައްސަލާގައި ތުހުމަތު ކުރެވޭ މީހުންގެ މައްޗަށް ދައުވާ ކުރުމުގެ މައްސަލަ މިހާރު އޮތީ ޕްރޮސެކިއުޓާ ޖެނެރަލްގެ އޮފީހުގެ ޑިއުޓީ ޕްރޮސެކިއުޝަންގެ މަރުހަލާގަ އެވެ. އަދި ތުހުމަތު ކުރެވޭ މީހުންގެ މައުލޫމާތު ހިމެނޭހެން ފަހުން އެ މައްސަލާގެ މައުލޫމާތު އާންމުކުރާނެ ކަމަށް އޭސީސީން ބުންޏެވެ.

އެ މައްސަލަ ފެންމަތިވުމާ އެކު އޭސީސީއަށް ފުލުހުންނަށް ވެސް އެލްޖީއޭއިން މައްސަލަ ހުށަހެޅި އެވެ. އެކަމަކު އެ މައްސަލާގައި ތުހުމަތު ކުރެވޭ ކައުންސިލް މެމްބަރުންނަށް ފިޔަވަޅު ނާޅާތީ އެލްޖީއޭއަށް ފާޑުކިޔުންތައް އަމާޒުވި އެވެ. އެކަމަކު އެލްޖީއޭއިން ބުނެފައިވަނީ ފިޔަވަޅު އަޅާނީ އިޖްރައާތުތައް ފުރިހަމަ ކުރުމަށްފަހު ކަމަށެވެ.

ކުށްކުރުން ރ. ދުވާފަރު އެންޓި ކޮރަޕްޝަން ކޮމިޝަން ކޮރަޕްޝަން ލޯކަލް ކައުންސިލްތައް

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަންނުވެރިޔާ

08 October 2022

އުޑެއް ބުޑެއް ނުދަންނަ މީހުން ބޮޑު މުސާރަދީ ޒިންމާދާރު މަގާމްތަކަށް ހަމަޖެއްސީމަ ވާނެގޮތް މިފެންނަނީ.ވަރިހަމަ އަސާސީ ތައުލީމް ފެންވަރު ނެތަސް.ޕާޓީން ކުރިމަތި ލާފިއްޔާހޮވޭ.އެފެންވެރަގެ މަގާމުތަކަށް ކުރިމަތި ލެވިގެން ނުވާނެ.ޝަރުތު ކަނޑައެޅިގެން ބަޔާން ވެފަ އިންނަންވާނެ.މިހާރު ތިބެނީ މަސްވެރިންނާ ދަނޑުވެރިންނާ އަދި ލިޔަންކިޔަން ރަނގަޅަށް ނޭގޭމީިހުންވެސް އެބަތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހުތާން

09 October 2022

ކަންކަމުގެ އެކޮޅު މިކޮޅު ބަލާފަ އެއްޗެތިކިއުން ރަނގަޅުވާނެ! ކޮބާތަ ތިބުނާ މޮޅު މީހުން! މާލޭގެ މިނިސްޓްރީތަކުން މާލިއްޔަތު ގަވާއިދާ ޚިލާފަށް މިލިއަނުން ބިލިއަނުން ޚަރަދުކުރިޔަސް އެއީ ހަމަ މޮޅު މީހުން! އެކަމަކު ރަށު މީހާ ކޮވިޑްތެރޭ ރައްޔަިތުންނަށް ޚިދުމަތް ދިނުމަށް މަސައްކަތް ކުރިގޮތުން މާލިއްޔަތު ގަވާއިދާ އެއްގޮތަށް ނުކުރެވުނީމާ ޚިޔާނާތަކަށްވީ! ފުރަތަމަ އެއީ ޚިޔާނާތެއްތޯ ގަވާއިދާއެއްގޮތަށް އަމަލު ނުކުރީތޯ ބަލާލަން ފެނޭ!