ވިލިމާލެ ފަރަށް ލިބުނު ގެއްލުންތައް އެފްކޮންސް އިން ގަބޫލެއް ނުކުރި، އަލުން ސާވޭ ހަދަން އެދިއްޖެ

ޕްލެޓްފޯމް އުރުމާ ގުޅިގެން ވިލިމާލެ ފަރަށް ލިބިފައި ހުރި ގެއްލުން.

މޫސާ ރަޝީދު، މިހާރު

09 އޮކްޓޯބަރ 2022 - 22:59

މާލެ-ވިލިމާލެ ބްރިޖުގެ މަސައްކަތަށް ބޭނުންކުރާ ޕްލެޓްފޯމެއް ވިލިމާލެ ފަރަށް އެރުމާ ގުޅިގެން އެންވަޔަރުމަންޓް ޕްރޮޓެކްޝަން އެޖެންސީ (އީޕީއޭ) އިން ހެދި ރިޕޯޓުގައިވާ ބައެއް ކަންކަން އިންޑިއާގެ ބްރިޖު ހަދާ އެފްކޮންސް ކުންފުނިން ގަބޫލެއް ނުކުރި އެވެ.

ބްރިޖުގެ ޖިއޯ ޓެކްނިކަލް ސާވޭ އަށް ބޭނުން ކުރާ ޕްލެޓްފޯމެއް ވިލިމާލެ ފަރަށް އެރީ މިދިޔަ އޮގަސްޓު މަހުގެ 16 ގަ އެވެ. ނަމަވެސް އެފްކޮންސް ކުންފުންޏަށް އެ ޕްލެޓްފޯމް ފުން ކުރެވުނީ އޭގެ 12 ދުވަސް ފަހުންނެވެ.

އޭގެ ސަބަބުން ފަރަށް ބޮޑެތި ގެއްލުންތަކެއް ލިބި 10 ވަރަކަށް ފޫޓު ފުން ބޮޑެތި ވަޅުގަނޑުތަކެއް ވަނީ ހެދިފަ އެވެ.

އީޕީއޭގެ ޑިރެކްޓަ ޖެނެރަލް އިބްރާހިމް ނައީމް "މިހާރު" އަށް މިރޭ ވިދާޅުވީ އެ ތަނުގެ ސާވޭ ކުރުމަށް ފަހު، އެފްކޮންސްގެ ކޮމެންޓަށް ރިޕޯޓު ފޮނުވި ކަމަށެވެ.

އެކަމަކު ލިބިފައިވާ ގެއްލުންތަކުގެ ބައެއް ތަފުސީލުތައް އެފްކޮންސް އިން ގަބޫލުނުކުރާ ކަމަށާއި އަލުން ސާވޭ ހަދަން އެ ކުންފުނިން ބޭނުންވާ ކަމަށް ނައީމް ވިދާޅުވި އެވެ.

ތިލަމާލެ ބްރިޖު ހަދަން ބޭނުންކުރާ ޕްލެޓްފޯމެއް ވިލިމާލެ ފަރަށް އަރައިފައި--

"ޑެމޭޖް އޭރިއާގެ ހިސާބު ހަދާފައި ހުރި ގޮތާ މެދު ހިތްހަމަ ނުޖެހެނީ. އެހެންވެ އަލުން ސާވޭއެއް ހަދަން މީގެ ދެ ދުވަހެއް ކުރިން ބުނި،" ނައީމް ވިދާޅުވި އެވެ.

ފަރަށް ލިބިފައިވާ ގެއްލުންތައް ބަލަން އީޕީއޭ އިން ސާވޭ ހަދާއިރު، އެފްކޮންސް ތަމްސީލު ކުރުމަށް އިންޝުއަރެންސްގެ ފަރާތުން މީހަކު ބައިވެރިވާނެ ކަން އެ ކުންފުނިން ސިޓީއަކުން އެންގި ނަމަވެސް ފަހުން އެކަމަށް އެއްބަސް ނުވާ ކަމަށް އޭނާ ވިދާޅުވި އެވެ.

"ކޯޓުން ނިންމާފައި އޮންނާނެ މީހުން ބޭނުންވެއްޖިއްޔާ އެ މީހުންނަށް އެށީގެންވާ ފުރުސަތު ދޭން. އަވަސް އަރުވާލައިގެން އަޅުގަނޑުމެން ފިޔަވަޅު އަޅާކަށް ނޫޅޭނަން،" ނައީމް ވިދާޅުވި އެވެ.

އެފްކޯންސް އަތުން ލިބުނު ގެއްލުން ބަލަން އެ ކުންފުނިން އަމިއްލަ އަށް ސާވޭއެއް ހަދަން ބޭނުންވިއިރު، ސަރުކާރުން ކުރިން ބުނެފައި ވަނީ ވަކި ގައުމެއްގެ ވަކި ކުންފުންޏަކަށް ވީތީ އެއްވެސް ތަފާތު ކުރުމެއް ނުގެންގުޅޭނެ ކަމަށެވެ.

ފަރަށް ގެއްލުންވި މައްސަލައިގައި އެކަށީގެންވާ ފިޔަވަޅު އަޅައި ބަދަލު ހޯދާނެ ކަމުގެ ޔަގީންކަން ސަރުކާރުން ވަނީ ދީފަ އެވެ.

ތިމާވެއްޓާ ބެހޭ ޖަމިއްޔާތަކުގެ ބައެއް މީހުން ވަނީ އެ މައްސަލާގައި ފިޔަވަޅު އެޅުން ލަސްވެފައިވާ ކަމަށް ބުނެ ކަންބޮޑުވުން ފާޅުކޮށްފަ އެވެ.

ވިލިމާލެ އީޕީއޭ އިންޑިއާ ރާއްޖެ-އިންޑިއާ އިބްރާހިމް ނައީމް (އީޕީއޭ) ތިމާވެށި

66 ކޮމެންޓް, 53 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުވާދީވް

11 October 2022

އެފްކޮންސް އިން އައްޑޫގައި ދުއްވާ ލޮރީއާއި ޓްރެކްޓާރ ފަދަ ވެހިކަލްތަކުގައި ނަމްބަރު ޕްލޭޓެއްވެސް ނުހުރޭ، ރެޖިސްޓްރީ ނުކުރަންޏާ ކޮން ބޯޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

11 October 2022

ޕްލެޓްފޯމްގެ މަސައްކަތައް ދަތިވާގޮތައް އޮތްފަރަކައް ޕްލެޓްފޯމް އެރުމުގެސަބަބުން ޕްލެޓްފޯމް އެފަރުގައި 12 ދުވަހު ތާށިވެފައިއޮތުމުގެ ސަބަބުން އެފްކޮންއައް ލިބުނުގެއްލުމުގެ ބަދަލުގެގޮތުގައި ކުޑަސަރުކާރުން 10 މިލިއަން ޑޮލަރ އެފްކޮންއައްދެއްކުމައް މައިސަރުކާރުން އަމުރުކޮއްފީމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޖަރަންބަލީ

11 October 2022

އިސްތިއުމާރުގެ ދުވަސްވަރު ބައެއް ފަހަރު މިކަހަލަ ހާދިސާ ހިނގާކަން ތާރީޚު ފޮތްތަކުން ފެނޭ. ދެން ރަނގަޅުވާނީ އިންޑިޔާ ބަޔަކު އައިސް ސާވޭކޮށް އިންޑިޔާ ކުންފުންޏަށް ލިބުނު ގެއްލުމުގެ ބަދަލޭ ކިޔައި ދިވެހި ދައުލަތުން ލާރިގަނޑެއް ވެސް ނެގީމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިލިމާލެ ރައްޔިތު

10 October 2022

އެންމެފަހުން ތިކަން ނިމޭއިރު ފަރަށްއަރާ ހަލާކުވި ޕްލެޓްފޯމްގެ އަގު ދިވެހި ސަރުކާރުން އެފްކޮންއަށް ދައްކަން ނުޖެހިއްޖެއްޔާ ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލިކުގޯތިހެމާ

11 October 2022

އެނޫން ކޮންގޮތެއް ކަލޭމެނަށް ހެދޭނީ؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމަނާ

10 October 2022

ތިޔައުޅެނީ "އެފްކޯންސް" އެކަނި ގަބޫލު ނުކޮށްގެނެއްނޫނޭ. ތިޔައީވެސް ޖަހާ މަޅިއެއް. ތިޔައުޅެނީ އިންޑިޔާގެ ކުންފުންޏަކަށްވާތީ ޖުރިމަނާ ކުރަން ނުކެރިގެން. އަދި އެންވަޔަރުމަންޓް ޕްރޮޓެކްޝަން އެޖެންސީ (އީޕީއޭ) އިންވެސް ފަހަތުފަޔަށް ބަރުވެފައި ތިޔަވަނީ މާވަރަކަށްވިއްޔަ. އީޕީއޭ ވެސް ތިޔަވަނީ އެހެންވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

10 October 2022

އެފްކޮންސް އަކީ އިންޑިއާ ކުންފުންޏެއްނުން. އެމީހުން ބުނާގޮތަކަށް އެކަންނިމޭނީ. މިނިވަން ދުވަހޭކިޔަން ލަދުގަންނަން އެބަޖެހެއެއްނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

10 October 2022

ދުވަސްވާވަރަކަށް ލިބިފައިވާ ގެއްލުންތައް އޭގެޒާތުގައި ދާނީ ފޮރުވެމުން ބަދަލުވަމުން ނުވަތަ ބަދެމުން، ވީމާ އަވަސް އަރުވާލާކަށް ނޫޅެމޭކިޔާފަ ދިގުދެންމިވަރަކަށް ވެފައިހުރި ގެއްލުންތައް ފޮރުވެމުންގޮސް އެންމެފަހުން ގެއްލުމެއް ނެތްކަމަށް ނިންމުންހެން ހީވަނީ ޕުލޭނަކީ!!