ކުރީގެ ރައީސް އަބްދުﷲ ޔާމީން ހދ. ހަނިމާދޫއަށް ވަޑައިގަތުމުން އެރަށުން އެމަނިކުފާނުގެ ސަޕޯޓަރުންނާ ސަލާމްކުރައްވަނީ-- ފޮޓޯ: ޕީޕީއެމް
15 އޮކްޓޯބަރ 2022 - 15:37
17 comments
އިދިކޮޅު ޕީޕީއެމްގެ ސިޔާސީ ހަރަކާތްތައް އިތުރަށް ވަރުގަދަކުރުމަށާއި ރިޔާސީ އިންތިހާބަށް ތައްޔާރުވުމަށް އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން މިއަދު ހއ. އަތޮޅަށް ވަޑައިގެންފި އެވެ.
މި ދަތުރުފުޅުގައި ހއ. އަތޮޅުން ޔާމީން ފަސް ރަށަކަށް ވަޑައިގަންނަވާނެ އެވެ. އެއީ ދިއްދޫ އާއި އިހަވަންދޫ އާއި ކެލާ އަދި ތުރާކުނުގެ އިތުރުން ބާރަށެވެ.
ހދ. ހަނިމާދޫ މަގުން ހއ. އަށް ކުރައްވާ އެ ދަތުރުފުޅުގައި އެމަނިކުފާނު ވަނީ ހަނިމާދޫގައި ތިއްބެވި އިދިކޮޅުގެ ހަރަކާތްތަކުގައި އިސްކޮށް އުޅޭ މީހުންނާ ވެސް ބައްދަލުކުރައްވައިފަ އެވެ.
ކުރީގެ ރައީސް އަބްދުﷲ ޔާމީން ހދ. ހަނިމާދޫއަށް ވަޑައިގެން އެރަށުގައި ތިއްބި އިދިކޮޅުގެ ސަޕޯޓަރުންނާ ބައްދަލުކުރެއްވުން.-- ފޮޓޯ: ޕީޕީއެމް
ޕީޕީއެމުން ބުނީ މިއަދު ހަވީރު އެންމެ ފުރަތަމަ ޔާމީން ވަޑައިގަންނަވަނީ އިހަވަންދޫއަށް ކަމަށެވެ. އަދި އެރަށުގައި އެމަނިކުފާނު ބައިވެރިވެވަޑައިގަންނަވާ ޖަލްސާއެއް މިރޭ އޮންނާނެ ކަމަށް ވެސް އެ ޕާޓީން ބުންޏެެވެ.
ކުރިން ޕީޕީއެމުން ބުނެފައިވާ ގޮތުގައި ޔާމީންގެ މި ދަތުރުފުޅުގައި އެންމެ މުހިއްމު އެއް ކަމަކަށް އޮތީ 2023 އަށް އެ ޕާޓީގެ މެނިފެސްޓޯ ތައްޔާރުކުރުމުގައި އާންމުންގެ ހިޔާލާއި މަޝްވަރާ ހޯދުމެވެ. އޭގެ ތެރޭގައި މަސްވެރިންނާއި ސަރުކާރު ހިންގުމުގެ ދާއިރާއަށް ގެންނަންޖެހޭ ބަދަލުތައް ކަހަލަ އެކި ކަންކަމުގައި ރައްޔިތުންގެ ހިޔާލު ހޯދުން އޮންނާނެ އެވެ.
ރިޔާސީ ކެންޑިޑޭޓްގެ ގޮތުގައި ޔާމީން ބޮޑުތިލަދުންމަތީގެ ބައެއް ރަށްތަކަށް ވަޑައިގަންނަވާ ގޮތަށް ހަމަޖެހިފައިވާއިރު މިއީ ރިޔާސީ ކެންޑިޑޭޓްގެ ގޮތުގައި އެމަނިކުފާނު އަތޮޅު ތެރެއަށް ކުރައްވާ ދެވަނަ ދަތުރުފުޅެވެ. އެންމެ ފުރަތަމަ އެމަނިކުފާނު ވަޑައިގަތީ ދ. ކުޑަހުވަދޫ އަށެވެ.
މި ދަތުރުފުޅުގައި ޔާމީނާ އެކު ޕީއެންސީގެ ރައީސް އަބްދުއްރަހީމް ހިމެނޭ ގޮތަށް އިދިކޮޅުގެ އިސްވެރިން ވެސް ބައިވެރިވެވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮއިއްޓޭ
15 October 2022
ވ އަތޮޅު ކުދިން އުޅޭހެން އުޅެގެންވީ ކަމެއްނެތް. ޕޮލިސްގޮސް ހައްޔަރުކުރާނަމޭ ބުނީމާ އެންމެން ބިރުން ފައިބައިފި.
ގައު ހަކާ
15 October 2022
ބޮޑު ބިޔަ ޖަލްސާ އިން އެސްފިއްނާ ޖެހި ވޯޓަށް ހުރަަސް އެޅެނީ
ބޮޑޭ
15 October 2022
ޔާމީނު ލަދުންތަ ހޯރަފުށީ އެއާރފޯޓަށް ނުދިޔައީ. އިހަވަންދޫ ބަދަރުފެނިފަ ޔާމިނު ސަހަރޯއޭ ހިތަށް އަރާނެ. ހިތްގައިމް ފެރީ ޓާމިނަލެއް ފެނި އާސޯހުވެފަ ހުރީ
ހަސަންބެ
15 October 2022
މުޅި އަތޮޅުން މީހުން ގެންގޮސް ގެންވެސް ހާދަ މަދު މީސްކޮޅެކޭ ދޯ ޔާމީނަށް މަރުހަބާ ކިޔަށް މިތިބީ އެއްވެފަ. މުހަންމާކަލޯ އަށް ތިޔަ ހުރީ ތިކަން ވެފައޭ
ނާބު/ އުގޫފާރު
15 October 2022
ޤަބޫލް ކުރިޔަސް ނުކުރިޔަސް މިޤައުމުގެ ރައްޔިތުންނައް ތަރައްޤީ އާއި ލާބަލިބޭނެ ފިކުރަކީ ރައީސް ޔާމިންގެ ފިކުރު. ދުރުވިސްނުންފުޅު. ހުޅުމާލެ ބުރިޖުންވެސް ފުދޭ. ޢަދި ހުޅުލޭ އެއާރ ޕޯޓްގެ އާ ރަންވޭ. ދޯ
ޙިނި
15 October 2022
ހއ ހަނިމާދޫ ވިއްކާ ނުލައިފިއްޔާ ރަންގަޅު. ޢޭނަދޭ އެއްވެސް އެއްޗެއްގައި ސޮއެނުކުރައްޗޭ
ޗީފްގެސްޓް
15 October 2022
2023 ނެގޭނީ ފުއްދޭނެ ވަޢުދު ތަކެއް ވެގެން އަގުމަގުކުރެވިފަވަާ ވައުދުތަކޖަކަށް ވާންޖެހޭ
ލަކުޑިކަޅޭ
15 October 2022
މިރޭ ރީނދޫބައިގަނޑު ހަޖަމްނުވެވޭވަރުކޮއްލާނަން އިރާދަކުރެއްވިއްޔާ
ބަދޭ
15 October 2022
އަހަރެން ބުނަން އޮތީ ހއ ރައްޔިތުންނޭ އަގުހުރި އެއްޗެއްވިއްޔާ ރައްކާކުރޭ
ހށނ
15 October 2022
ބޮޑު ޖަލްސާއަކީ ކޮބާ؟ ވަކި މީހަކުފަހަތުގަ ހާސްވެފަ ނުތިބެ އަމިއްލަކަންކަމާ އަމިއްލަ އަށް އުޅެންވީ. ވ އަތޮޅު ކުދިން އުޅޭހެން.