އެފްއޭއެމް ހައުސް: އެތަނުގެ ކަރަންޓް ބިލަށް 6.5 މިލިއަން ރުފިޔާ ނުދައްކާ އެބައޮތް.-- ފޮޓޯ: ވީނިއުސް
23 އޮކްޓޯބަރ 2022 - 16:38
40 comments
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ކަރަންޓް ބިލަށް ދައްކަން ޖެހޭ 6.5 މިލިއަން ރުފިޔާ ދައްކާފައި ނުވާތީ އެފްއޭމް ހައުސް އިން ކަރަންޓްގެ ހިދުމަތް މިއަދު ކަނޑާލައިފި އެވެ.
ސްޓެލްކޯ އިން ކުރި ޓުވީޓެއްގައި ބުނީ، އެފްއޭމް ހައުސް އިން ކަރަންޓުގެ ހިދުމަތް މެދުކަނޑައިލަން ޖެހުނީ، އެ އެސޯސިއޭޝަނުން އެ ކުންފުންޏަށް ދައްކަންޖެހޭ ފައިސާ ދެއްކުމަށް އެކި ފަހަރު މަތިން އަންގައި، ގިނަ ފުރުސަތުތަކެއް ދިނުމުން ވެސް އެކަން ކޮށްފައި ނުވާތީ ކަމަށެވެ.
އެ ފައިސާ ނުދައްކާ ނަމަ، އެފްއޭއެމްގެ އެހެން އިމާރާތްތަކުން ވެސް ކަރަންޓްގެ ހިދުމަތް މެދުކަނޑައިލާނެ ކަމުގެ އިންޒާރު ވެސް ސްޓެލްކޯ އިން ދިނެވެ.
ސްޓެލްކޯގެ އޮފިޝަލަކު "މިހާރު" އަށް ވިދާޅުވީ، ސެޕްޓެމްބަރު 2019 އިން ފެށިގެން މި އަހަރުގެ ސެޕްޓެމްބަރު މަހުގެ ނިޔަލަށް އެއްވެސް ކަރަންޓް ބިލެއްގެ ފައިސާ އެފްއޭއެމުން ނުދައްކާ ކަމަށެވެ.
އޮފިޝަލް ވިދާޅުވިގޮތުގައި ސްޓެލްކޯ އިން މިހާރު ދައްކަންޖެހޭ 6.5 މިލިއަން ރުފިޔާއަކީ ޖޫރިމަނާ އެކު އެ މުއްދަތުގެ ކަރަންޓު ބިލުތަކަށް އަރާ ޖުމުލަ އަދަދެވެ.
އެފްއޭއެމް ހައުސްގެ އިމާރާތް ބާވެ، އެ ތަނުގެ މަސައްކަތް ޗާންދަނީ މަގުގައި ހުންނަ އިމާރާތަކަށް ވަނީ ބަދަލުކޮށްފަ އެވެ. އެފްއޭއެއެމް ހައުސް ހުސްކުރީ އެ ތަނުގައި 20 ބުރީގެ އިމާރާތެއް ހެދުމަށެވެ. އެކަމަކު އެ މަސައްކަތް މިހާތަނަށް ފަށާފައެއް ނުވެ އެވެ.
ގަލޮޅު ދަނޑުގައި ވެސް އެ އެސޯސިއޭޝަންގެ ބައެއް މަސައްކަތްތައް ކުރެ އެވެ. އަދި މި ފަހުން އަނެއްކާ ވެސް އެ އިމާރާތުގައި ބައެއް މަސައްކަތްތައް ކުރަން ފެށި އެވެ. ކޮވިޑް-19ގެ ހާލަތު އެންމެ ގޯސްވި ދުވަސްވަރު ކޮވިޑް ފެސިލިޓީއެއްގެ ގޮތުގައި ވެސް އެ އިމާރާތް ބޭނުންކުރި އެވެ.
ސަރުކާރުގެ ބައެއް ކުންފުނިތަކުން ވެސް ކަރަންޓް ބިލް ނުދައްކާ މައްސަލަ ވަރަށް ބޮޑު ކަމަށް ސްޓެލްކޯއިން މި ފަހުން ބުނެފައިވެ އެވެ. އެ ކުންފުނިން މި މަހު ކުރީކޮޅު ބުނި ގޮތުގައި ދައުލަތުގެ މީޑިއާ، ޕީއެސްއެމްގެ ކަރަންޓު ބިލުތަކަށް 80 މިލިއަނަށް ވުރެ ގިނަ ރުފިޔާ ނުދައްކަައި އެބައޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
LaamuonlineDOTcom
24 October 2022
ސަރުކާރު ކުންފުނިތަކުން ނުވަތަ އޮފީހަކުން ކަރަންޓު ބިލުނުދައްކާ "ދިހަ ބާރަ" އަހަރުވެގެންދާއިރު ވެސް ކަރަންޓު ކަނޑާނުލަނީ ކީއްވެތޯ؟ ދައްކަންޖެހޭ އަދަދު މިލިޔަނުން ބިލިޔަނުން އަރައިގެން ދާއިރު އެކަމާ ފިޔަވަޅެއްނާޅާ ކަރަންޓުވެސް ކަނޑާނުލާ ބެހެއްޓުމުގައި ސުޓެލްކޯގެ އިހުމާލު އެބައޮތެއްނޫންތޯ؟ ކަރަންޓު ބިލުނުދެއްކީމާ ފިޔަވަޅުނާޅާ ގިނަދުވަސްކުރަނީ ސުޓެލްކޯގެ ރޭވުމަކުން ނޫންބާ؟ ހުރިހާދުވަހެއްގެ ޖޫރިމަނާއާ އެކު ކިހާބޮޑު ފައިދާއެއް ދެއްތޯ؟
ލެވެލި
24 October 2022
ލެވަލް އޮފް ފުޓްބޯލް އިން މޯލްޑިވްސް. މި އަހަރު ވޯލްޑް ކަޕް ކުޅޭނެ ރާއްޖެ
އިޙްސާސް
24 October 2022
ދިވެހި އެކަކުވެސް ފީފާއަކަށް ނުދާނެކަން ބައްސާމަށް އެނގޭ. އެހެނީ ފީފާއިން ފިޔަވަޅު އަޅާނީ އެފްއޭއެމް އާމެދު ބައްސާމު ހުންނާނެ މަގާމުން ވަކިވިޔަސް ވަކިކުރިޔަސް ހެވިދިލިފަ. ދިވެހި ފުޓުބޯޅައިގެ ހަލާކު.
އަންދިރިހިއްކި
24 October 2022
މިހާ ދުވަހު ބިލްނުދައްކާ އޮތްއިރު ކަރަންޓު ނުކެންޓީ ކީވެތޯ، ކޮން އުސޫލަކުންތޯ! މިއަދުން ފެށިގެން އެއްވެސް މީހަކު ބިލް ދައްކާނެކަމެށް ނެތް. ޔޫތް މިނިސްޓަރު އަހުމަދު މަހުލޫފްގެ ހަރު މުދަލެއް، ނޫނީ ވަކި ހާއްސަ އެއްޗެއް ބައްސާމު އަތުގަ އޮތީތާ! މާބިރަކުން ތި އުޅެނީ؟؟
ބަލަ
24 October 2022
މަހުޅޫފަކާއި އެފް.އޭ.އެމް އަކާއި ނުކުޅެވޭނެ. އެއީ އިންޑިވިޖުއަލް ބޮޑީއެއް. ދުނިޔޭގެ ފީފާގެ ދަށުން ހންގާތަނަކަށްވާތީ ކުރިންވެސް މަހުލޫފު ބެހެން އުލުމުން ފީފާއިން ބަނީ ހަރުކަށި އިބާރާތުން ކުއްވެރިކޮށްފަ. މިކަމުގައި ޒިންމާ ނަގަންޖެހޭނީ ހުދުމުހުތާރު ބައްސާމު އާއި އޭނަގެ އައްވާނުން. އޭނަ އައީ ވެލެންސިޔާ އެއްވަނަ ޑިވިޝަނަށް ގެންނަން އަދި ރާއްޖޭގެ އެންމެން ލޯބިކުރާ ފުޓުބޯޅައިގެ ދުވަސް ދުއްވާލަން. އެކަން ކޮށްފި
ބަލަ
24 October 2022
މިހާރު ސްޓެލްކޯއަށްވެސް މުސާރަނުދޭ، ބަނސާމޫ ކަލޭގެ ލަދުކޮބާ؟ އެފް.އޭ.އެމް އިން ގެންނަ ކޯޗުންނަށްވެސް މުސާރަނުދެ، ޤައުމީޓީމަކަށް މުސާރަނުދެވޭ، މުވައްޒަފުންނަށް ބަނސާމުފިޔަވާ މުސާރަނުލިބޭ، ޓީމުތކަށް ދޭންވާ ފައިސާއެއް ނުދެވޭ،. ކިހާބޮޑޫވެއްޖެކަމެއް ބަނސާމޫ؟ މަށައްފެންނަނީ މިހުރިހާއެންމެން ދުނިޔޭގެ ފީފާ ހެޑްއޮފީހަށް މިމައްސަލަތަށް ހުށައަޅައިގެން މިކަލޭގެ މިތަނުން، މިމަގާމުން ގަދަކަމުންނަމަވެސް ދުރުކޮށް އޭނާ ޝަރިއްޔަތަށް ގެންދަން
ކިހާބޮޑުކަމެއް
24 October 2022
މިހާރު މިގައުމުގެ ފުޓްބޯޅައިގެ މުހިއްމު ޚަބަރަކަށްވެސް މިލިބެނީ މިކަހަލަ ވާހަކަތައް. ފުޓްބޯޅަ ކުރިއަރާ ރަގަޅަށް ހިންގާ ގައުމުތަކުގައި ލިބޭނީ އެގައުމުގެ ލީގުތަކުގެ ނަތީޖާތަކުގެ ވާހަކަ!!
48343
23 October 2022
އެފްއޭއެމް ތަޅާލަފާ ނިކަމެތިންގެޚާނާއެއް ތިތާހަދަންވީ.
ކައުންސެލަރު
23 October 2022
ކިހާތާހިރު؟ އެފްއޭއެމުގެ ބިލްތަކަށް ޖޫރިމަނާއާއެކީ 6.5 މިލިއަން ރުފިޔާ އެރީމަ ޚިދުމަތް ކަނޑާލީ... ޕީއެސްއެމްގެ ބިލްތަކަށް 80 މިލިއަން ރުފިޔާ (ޖޫރިމަނާނުލާ) އެރީމާވެސް ޚިދުމަތް ދެނީ ޕްރޮޕެގެންޑާ މެޝިންވީމާތާދޯ. ވާހް
އެޑަމް ބެ
23 October 2022
ހުރިހާ އެސޯސިއޭސަނަކުން ތިބޭ މީހުން ގެ ޖީބައް ބަރުވަންޔާ ވާނެ ގޮތްތީ
މޯޑޭ
23 October 2022
ހުރިހާ އެސޯސިއޭސަނަކުން ވެސް ކަރަންޓް ކަނޑާލަންވީ