ރާއްޖޭގައި ކޮންމެ ދުވަހަކު މަތިންދާބޯޓުތަކުގެ 1،200 މޫވްމަންޓް

އެއާޕޯޓު ޓަަވަރުގައި މުވައްޒަފުންތަކެއް މަސައްކަތްކުރަނީ: ޓަވަރުން ރަންވޭއަށް ޖައްސާ ބޯޓުތަކާއި ފުރާ ބޯޓުތައް ކޮންޓްރޯލް ކުރޭ--ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

25 އޮކްޓޯބަރ 2022 - 12:15

13 comments

ރާއްޖޭގައި ދުވާލެއްގެ މައްޗަށް އެއާޓްރެފިކްގެ 1،200 މޫވްމަންޓް ހިނގާ ކަމަށް އެމްއޭސީއެލުން ބުނެފި އެވެ.

ދުނިޔޭގެ އެއާ ޓްރެފިކް ކޮންޓްރޯލްގެ ހިދުމަތަށް 100 އަހަރު ފުރުން ފާހަގަކުރަން މިދިޔަ ބުރާސްފަތި ދުވަހު ބޭއްވި ރަސްމިއްޔާތުގައި، އެމްއޭސީއެލްގެ ޑެޕިއުޓީ ސީއީއޯ އިބްރާހިމް ތޯހާ ވިދާޅުވީ ވައިގެ ދަތުރުތައް އެއް ދުވަހުން އަނެއް ދުވަހަށް އިތުރުވަމުން އަންނަ ކަމަށެވެ.

ރާއްޖޭގައި އެންމެ ބޮޑު ޑިމާންޑެއް އޮތީ، ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓަށް ކަމަށާއި އެ އެއާޕޯޓުން ދުވާލެއްގެ މައްޗަށް އެއާޓްރެފިކްގެ 800 މޫވްމަންޓް ހިނގާ ކަމަށް ތޯހާ ވިދާޅުވި އެވެ.

އެއާކްރާފްޓެއް ޖެއްސުން އަދި ފުރައިގެން ދިއުމަކީ ވެސް އެއާޓްރެފިކް މޫވްމަންޓެއްގެ ގޮތުގައި ބަލާނެ އެވެ.

ރާއްޖޭގައި އެއާ ޓްރެފިކް ކޮންޓްރޯލްގެ ހިދުމަތް މި ވަގުތު ދެމުން އަންނަނީ އެމްއޭސީއެލުންނެވެ. މި ވަގުތު 19 އެއާޕޯޓަކަށް ދަތުރުކުރެ އެވެ.

ދުނިޔޭގެ އެއާ ޓްރެފިކް ކޮންޓްރޯލްގެ ހިދުމަތަށް 100 އަހަރު ފުރުން ފާހަގަކުރަން މިދިޔަ ބުރާސްފަތި ދުވަހު ބޭއްވި ރަސްމިއްޔާތުގައި، އެ ކުންފުނީގެ ޑެޕިއުޓީ ސީއީއޯ ތޯހާ ވާހަކަދައްކަވަނީ.-- ފޮޓޯ: އެމްއޭސީއެލް

ތޯހާ ވިދާޅުވީ ސަލާމަތާއި ރައްކާތެރިކަމާ އެކު އެއް ތަނުން އަނެއް ތަނަށް ދަތުރުކުރުމަކީ ވަރަށް ގިނަ ބައެއްގެ، ވަރަށް ބުރަ މަސައްކަތެއް ކަމަށެވެ. އެކަމުގައި އޭޓީސީންގެ ދައުރު ވަރަށް ބޮޑުކަން އޭނާ ފާހަގަކުރެއްވި އެވެ.

"އެއާޕޯޓުތައް އިތުރުވަމުންދާ ވަރަކަށް ސީޕްލޭން ދަތުރުތައް ވެސް އިތުރުވަމުން އަންނަނީ،" އެއާޕޯޓުގައި ބޭއްވި ރަސްމިއްޔާތުގައި ތޯހާ ވިދާޅުވި އެވެ.

ޕައިލެޓުންނާއި އިންޖީނިއަރުންނާ ހިލާފަށް އެއާ ޓްރެފިކް ކޮންޓްރޯލަރުންނަކީ ސީދާ އެމްއޭސީއެލް އިން ތަމްރީންކުރާ ބައެކެވެ. އެ ކުންފުނިން ވަނީ ހަތަރު މިލިއަން ރުފިޔާ ހަރަދުކޮށްގެން އެންމެ ފަހުގެ ވަސީލަތްތަކާ އެކު މި އަހަރުގެ ތެރޭގައި އޭޓީއާރު ސިމިއުލޭޓަރެއް ބޭނުންކޮށްގެން ތަމްރީންތައް ވަރުގަދަކޮށްފަ އެވެ.

ތޯހާ ވިދާޅުވި ގޮތުގައި މި މަހުގެ ހަ ވަނަ ދުވަހު އާ ރަންވޭ ހުޅުވި ފަހުން އެއާޓްރެފިކް ކޮންޓްރޯލާއި އޭވިއޭޝަން ކޮމިއުނިޓީގެ މަސައްކަތަށް ފަސޭހަތަކެއް ލިބިފައިވާ ކަމަށެވެ. އަދި އެއް ދުވަހުން އަނެއް ދުވަހަށް ނަމްބަރުތައް އިތުރުވެ، ލިބޭ ލުއި ފަސޭހަ އިތުރުވަމުން އަންނަ ކަމަށް ވިދާޅުވި އެވެ.

އެ ދަތުރުތައް ކުރިއަށް އޮތް ތަނުގައި ވެސް އިތުރުވެ، ސީޒަންގައި މި ފަހަރު ގިނަ ބޯޓުތައް އޮޕަރޭޓްކުރެވޭނެ ކަމަށާއި އެ މަންޒަރު ފެންނާނެ ކަމަށް އޭނާ ވިދާޅުވި އެވެ

އެމްއޭސީއެލް އެއާ ޓްރެފިކް ކޮންޓްރޯލާ އިބްރާހިމް ތޯހާ، އެކްޓިން އެމްޑީ (އެމްއޭސީއެލް) ވައިގެ ދަތުރުފަތުރު

13 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަރަބޯ ފާތުމަ

25 October 2022

ތިއީ ހަމަ ތާހާ ގެ މޮޅުކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކި

25 October 2022

1200 މޫވުމަންޓީ ހިގާނަމަ 24 ގަޑިއަށް ބެލިނަމަ އެއި ކޮންމެ ގަޑިއަކު 50، ހާދަބައިވަރޭ، ތިބޭފުޅުން ޓަވަރަށް އަރާފަ ފައިބާގަޑިވެސް ހިމަނައިގެން ދޯ ތިބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފީބޯ

25 October 2022

އަމުލުވެގެން މޫނުވަތައް މަގުމައްޗަށް ވެއްޓޭ ޕާޓެންވެސް ތީގެތެރޭ ހިމެނޭތަ؟ ފުލައިޓަކަށް ނުވިޔަސް ވަރަށް ބާރު މޫވްމަންޓާކާއެކު "ލޭންޑްކުރަނީ"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

25 October 2022

މާލޭގެ މަޖީދީމަގުގައިވެސް ތިކަހަލަ 5 ވަރަކަށް ފޫޓް އުސްމިނުގެ ޓަވަރެއް ބަހައްޓަން އެބަޖެހޭ ވަރަށް ޕާޓޭން އެބަގިނަވޭ. އޭރުން ދާންވިދިމާލެއްނޭގިގެން ކާކު ބެންޑުވެފައި ތިބޭމީހުން ފަސޭހައިން ގައިޑު ކުރެވޭނެތާ! ކުރީ ދުވަހުކުވެސް ޕާޓޭއަކުގޮސް ބޫމް! ފާރުގައި ފުލްފޯސްގައި! އޭނަ ހީކުރީ އެތާ ދޮރެއް ހުރިކަމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯ މޫވްމަންޓްސް

25 October 2022

ތޯހާ ދައްކަނީ ތޯތޯ ވާހަކައެއްނުންކަން އެބައެގޭ އެންމެ މަތީހުރި ފޮޓޯއަށް ބަލާލީމަ. އެސޮރު ހުރީ ވަރަށް ބޮޑަށް ދާހިއްލާފަ ވަރަށް ބައިވަރު ފުލައިޓް ޖައްސާނަމަ އެހިސާބަށްދާނެދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރުންވެށި

25 October 2022

ކިތަންމެ މޫވްމަން ގިނަވިޔަސް އަދި ނަމްބަރު އިތުރުވިޔަސް ފައިދާވާކަމަކަށް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮއިބ

25 October 2022

24 ގަޑި ކަމަށް ބަލައިފިއްޔާ 1.8 މިނެޓަކުން މޫމަންޓެއް. ދެން އޮތީ ހީތްރޯ އެއާޕޯޓު އެތަނުގައި ދުވާލަކު ޖައްސަނީ 1299 ފްލައިޓު. 2 ގުނަ ކުރީމަ 2،598 މޫމަންޓު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބާ

25 October 2022

ތޯހަވެސް މީހުންނަށް އެގޭގޮތައް ތިލަކޮށް ވާހަކަ ދައްކަންވީނުން ކޮން 800 މޫވުމަންޓެއް، ތިބުނަނީ 400 ފުލައިޓް ޖައްސާ/ނައްޓާލާ ވާހަކަތަ؟ އެަކަމަކު އެއީ ހާދަ ބައިވަރޭ، ނޮޓް ޕޮސިބަލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާފާ

25 October 2022

ކުޑަފޮތަކާ ފަންސުރަކާ ހިފައިގެން ހުޅުމާލޭ ވިލާ ޕެޓްރޯލް ޝެޑާ ދިމާލު ތޮށިމަތީ އިނދެ ގުނާލަބަލަ ރަންކޮޅާ. މޫދައްޖައްސާ ބޯޓުވެސް އެއީ ރިމޯޓް ކޮންޓްރޯލު އެއްޗިއްސެއްނޫން. ގުނާތި މޫދައްޖައްސާ ބޯޓުވެސް. ރަންވޭއަށް ޖައްސާ، އުދިއްސާލާ، މޫދައްޖައްސާ އުދިއްސާލާ.. ގުނާލާފަ ، ތޯހާއަށް ގުޅާތި އިނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ09

25 October 2022

800 އެކިޔަނީ ސީޕެލެންވެސް ލައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

hasan

25 October 2022

ހާދަ އުފާވެރި ޙަބަރެކޭ މަރުހަބާ ! ތިޔައީ ތަރައްގީ . .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

25 October 2022

ޝުކުރިއްޔާ ރައީސް ޔާމީން! ޠާހާ އަށް ސަލާމް. އާރަންވޭގެ އެންމެ އުތުރުކޮޅާ ބާރަންވޭގެ އެންމެ އުތުރު ކޮޅު ގުޅާނުލެވިގެން މިއުުޅެނީ އެތާ އަޅާނެ ސިމެންތިކޮޅެއް 3 އަހަރުވީއިރު ނުލިބިގެންބާ؟ އެހެނީ މިހާރުވެސް ތިޔަތަނަށް ޖައްސާ އެންމެ ބޮޑެތި ބޯޓުފަހަރު ރަންވޭއަށް ޖެއްސުމަށްފަހު އަނބުރާލާފަ ޓެކްސީވޭއަށް އެރުމަށްފަަހު ކުރިޔަށް ދެވޭކަށްނޯވެ އަނެއްކާވެސް ރަންވޭއަށް ނާރައެއް؟ ކޮބާބާ ޖަވާބަކީ؟! ސިމެންތިކޮޅެއްދޭންވީތަ؟