25 އޮކްޓޯބަރ 2022 - 15:56
12 comments
އީރާންގައި އުފައްދާފައިވާ "ކަމިކާޒޭ" ޑްރޯންގެ އިތުރު 2000 ޑްރޯން ގަތުމަށް ރަޝިޔާ އިން އީރާނަށް އޯޑަރު ދީފައިވާ ކަމަށް ޔޫކްރޭނުން މިއަދު ބުނެފި އެވެ.
މިހާރު ކުރަމުންދާ ހަނގުރާމައިގައި ޔޫކްރޭން ސިފައިން ދޭ ހަމަލާތަކުގައި ރަޝިޔާ ސިފައިންނަށް ބޮޑެތި ގެއްލުންތަކެއް ލިބެން ފެށުމާ ގުޅިގެން، ރަޝިޔާ އިން ވަނީ އީރާނުގައި އުފައްދާފައިވާ ޑްރޯން މަތިންދާބޯޓުތަކެއް ގަނެ، ޔޫކްރޭނާ ދެކޮޅަށް ބޭނުންކުރަން ފަށައިފަ އެވެ. މިދިޔަ ދެ ހަފުތާގައި އީރާންގެ ޑްރޯންތައް ބޭނުންކޮށްގެން ދިން ހަމަލާތަކުގެ ސަބަބުން ޔޫކްރޭންގެ ކަރަންޓު ވިއުގަ ވަނީ މުޅިންހެން ހަލާކުވެފަ އެވެ.
ޔޫކްރޭންގެ ރައީސް ވޮލިޑިމީރް ޒެލެންސްކީ ވިދާޅުވި ގޮތުގައި ރަޝިޔާ އަށް އީރާންގެ ޑްރޯންތައް ގަތުމަށް މަގުފަހިވީ، ޔޫކްރޭންގެ ދިފާއުގައި ބޭނުންކުރުމަށް އިޒްރޭލުގެ ހަތިޔާރުތައް ދޭން އިޒްރޭލުން ދެކޮޅު ހެދުމުންނެވެ. އެހެން ނޫން ނަމަ، ރަޝިޔާއާ އެކުގައި އަސްކަރީ ގުޅުން ބަދަހިކުރަން އީރާނަށް ނުކެރޭނެ ކަމަށް ވެސް އޭނާ ވިދާޅުވި އެވެ.
އޭނާ ވިދާޅުވި ގޮތުގައި އީރާންގެ 2000 ޑްރޯން ގަންނަން އޯޑަރު ދިނުމާ ގުޅިގެން، އީރާންގެ އަސްކަރީ ތަޖުރިބާކާރުންގެ ޓީމެއް މިހާރު ތިބީ ރަޝިޔާ އަށް ގޮހެވެ. އެމީހުންގެ މަސައްކަތަކީ އީރާންގެ ޑްރޯންތައް ބޭނުންކުރާނެ ގޮތް ރަޝިޔާގެ ސިފައިންނަށް ކިޔައިދީ އެކަމަށް އަހުލުވެރި ކުރުމެވެ.
އީރާނުގައި އުފައްދާފައިވާ ޝާހިދު މަރުކާގެ ޑްރޯންތަކަކީ، އޭގައި ގިނަ އަދަދެއްގެ ގޮވާތަކެތި ހަރުކޮށް، ދުއްވާފައި ގޮސް ދުޝްމަނުންގެ އަމާޒަށް ޖެހިގަތުމާއެކު ގޮވާ ގޮތަށް، ޕައިލެޓަކާ ނުލައި ދުއްވުމަށް ތައްޔާރުކޮށްފައިވާ ކުދި މަތިންދާބޯޓުތަކެކެވެ.
މި ބާވަތުގެ ޑްރޯންތައް "ކަމިކާޒޭ"ގެ ނަމުން މަޝްހޫރުވެފައިވަނީ، އެ ޑްރޯން ގޮސް އޭގެ އަމާޒުގައި ޖެހިގަނެ ގޮވާ ގޮތަށް އުފައްދާފައިވާތީ އެވެ. "ކަމިކާޒޭ" އަކީ ދެ ވަނަ ބޮޑު ހަނގުރާމައިގެ ތެރޭގައި ދުޝްމަނުންގެ އަމާޒުތަކަށް ހަމަލާ ދިނުމުގައި ޖަޕާނުން ބޭނުންކުރި ވައިގެ ސިފައިންގެ ފިދާއީ ލަޝްކަރަކަށް ދީފައިވާ ނަމެކެވެ. އެ ލަޝްކަރުގެ ދައުރަކީ، ހަތިޔާރު ބަރުކޮށްފައި ހުންނަ މަތިންދާބޯޓުގައި ގޮސް، ދުޝްމަނުންގެ އަމާޒުތަކަށް ބޯޓާއެކު ޖެހިގަނެ ޖާނުން ފިދާވުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރޭ
28 October 2022
ރަދީފޫ، ޕުޓިން ބޭބެ ކައިރީގަ ބުނެބަލަ އަހަރެމެން އަތުގަ ދުމަބައްޑާ އެބަހުއްޓޭ. މިހާރު އެވެސް ގަންނާނެ.
ޒަބޫރު
26 October 2022
ލެއްގި ކޮމިޝަނަރ އަކީ ބޯހަމަޖެހޭމީހެއްނޫން ބޭނުންވާ ކަންތައް ހާސިލުވިޔޯ އެހެންކަމުންނޯ އެމަރިކާ ރައްދުނުހިފީ ދެން އީރާނުގެ މެދުފަންތީގެ މިސައިލްތައް ޕެޓްރިއޮޓް ސިސްޓަމްތަކުގެ ރެޑާރަކަށް ޑިޓެކްޓްކޮށް ނުލެވުނީ ކީއްވެ؟ ގަރުދިޔައާއި ބަތްކާންތަ އެމަރިކާ ސިފައިން އެވަގުތު ތިބީ؟ އެމަރިކާ ގެ ކޮންޓްރޯލް ރޫމާއި ރަންވޭ ތަކާއި 3 ބަންކަރު ގޮވި ކަން ސެޓަލައިޓު ފޫޓޭޖުން އިނގިއްޖެ ހުދު ސީއެންއެން އިން އެހެން ބުނީ އެމަރިކާ ރައްދުނުހިފީ ބިރުން
ލެއްގިކޮމިޝަނަރ
26 October 2022
އަމާޒަ ބަޑިޖަހަން ނޭންގޭ، މިސޭލެއް ކޮމާޝަލް ފުލައިޓެއް ވަކިކުރަން ނޭނގޭ ބަޔަކު އަތުން ޑުރޯންގަންނަނީއޭ؟ މިވަރުގެ ބަޔަކަށް ރަދީފްބެއްޔާއާ ބީރުބޮލު ވަޒީރު މިކިޔަނީ ބޮޑުބާރެކޯ؟ މިދިޔަ ހަފުތާތެރޭ ބަޑަށް ޖެހިފައޮތް އުތުރު ކޮރެއާއިންވެސް ހަތިޔާރު ސިޕްމެންޓެއް ގަނެފި. މާނަޔަކީ މަކުރިންވެސް ބުނިހެން ސިންގާގެ ދަތްކޮޅު ވެރިގެންގޮށް މިހާރު އެހުސްވީއޭ. ސޯވިއެޓް ޒަމާނު ވާރުތަމުދަލުން ލިބުނު ދަބަރު ޖެހި ހަތިޔާރުން މުޅި ރަސިޔާގެ ބާރުވެެރިކަން ނިމި ހަފުސްވެއްޖެ
ޝަކުވާބޯޓު
26 October 2022
ލެެއްގީ ރަދީފު ބުނީ ލެމަންއަށް ދާށޯ ކުޅި ބޯކި ކާން..
ހެއްހެ ހޭ
26 October 2022
އަމާޒަށް ބަޑިޖަހަންނޭގޭ އެމަރިކާ 1988ވަނަ އަހަރު ރޯމާދުވާލު ކޮމާޝަލް ފްލައިޓެއް މިސައިލްހަމަލާދީ ގޮއްވާލީ މިވަރުގެ ބަޔަކަށް ސަލީމު ބެއްޔާ އާއި ލެއްގި ކޮމިޝަނަރ މިކިޔަނީ ބޮޑު ބާރެކޯ އީރާނަކީ އާދައިގެ ބައެއްނަމަ ޓްރަމްޕު އަމުރު ތަންފީޒުކުރުމަށް ދެކޮޅުހެދި އެމަރިކާގެ އެންމެއިސް ޖެނަރަލް މާކްމިލޭ ކީއްވެ މިހެން ބުނީ މަނިކުފާނޯ އީރާނައް ހަމަލަނުދޭށޭ ތީކުރަންހެޔޮވާވަރުކަމެއްނޫނޯ ބިރުންފިއްކެނޑޭނޭ އަދި އެމީހުންގެ ހަމަލާ ވަރަށް ނުރައްކާތެރި ވާނެޔޭ؟؟؟
ލެއްގިކޮމިޝަނަރ
26 October 2022
1988ގަ ދުނިޔޭގެ ޓެކްނޮލޮޖީއާ، އިންޓަނެޓާ، ހަތިޔާރާ އެހަތިޔާރު އަމާޒަށް ވާސިލުވުމަށް އެހީތެރިވާ ސެޓެލައިޓްތައް 2020ވަނަ އަހަރު ވަނީ އެތަކެއްތަނެއް ތަރައްގީވެ ކުރިއަރާފަ. މިކިޔަނީ މީގެ 35 އަހަރާ މިހާރާ ނުބައްދަލޭ. އެމެރިކާއިން ބަދަލު ހިފުމުގެ ގޮތުން ކަމެއް ނުކުރީވެސް، އެމެރިކާ ކުރަންބޭނުންކަން ކަން އިރާނުން ކުރީމަ. ސުލައިމާނީގެ ބަދަލު ހިފަން ހަދައިގެން 160 މީހުންގެ ފުރާނަ ދުއްވާލާ ފުލައިޓްގެ ބަދަލަށް ބިލިއްނެއްހާ ޑޮލަރު ދިޔާމަ އެމެރިކާއަށް ފުދޭނެ.
ޒެލެންސްކީ
26 October 2022
ނެތްތަ ބައު ޑްރޯން ކޮޅެއް ނަމަވެސް ދެވޭކަށް.. ހާދަ ދެރައޭ.. ހާދަ ދެރައޭ.. އެމެރިކާއިން މިދޭ ހަތިޔާރެކޭ ފަންތޮށި ބަނޑިއެކޭ.. ތަފާތެއްނެތް.. ވާކަމެއް ޙަރާން..
ޖަދުވަދު
26 October 2022
މި ޒެލެންސްކޯ މީ ކާކުތަ، މީނާ އީޔޫ އަށް ވައްދަން އިއުރަޕުން ވެސް ބޭނުމެއް ނުވޭ. މީނާ މީ ހޮލީވުޑުން މާ ގައްޑާ މީހެއް ކަމަށް ދައްކައިގެން އުޅޭ އެއްވެސް އުރެތްޕެއް ނެތް' ދުނިޔެއަށް ޖެހިފަ އޮތް ވަބާއެއް.
ހާމަނާއީ
25 October 2022
އަދި މިގޮލާ އެބަބުނެއޭ އިޒްރޭލުން ހަތިޔާރުދިން ނަމަ އިރާނަކަށް ނުކެރުނީހޭ ރަޝިޔާއަށް ހަތިޔާރުދޭކަށް.. އަހަރެމެންދެކެ ބިރުން އިޒްރޭލްއަށް ނުކެރެނީ ހަތިޔާރު ޔުކްރޭންއަށްދޭން.. އިޒްރޭލްއަށް ކެރޭނަމަ މިހާރުވެސް އިރާންއަށް ޙަމަލާދޭނެ.. އިނގޭނެ ޙަމަލާއެއްދީފިއްޔާ އިޒްރޭލް ޗާޓުން ފޮހެލާނެކަން.. މިހާރު ދުނިޔެއަށް އެނގޭނެ ޑްރޯންގެ ފެންވަރުވެސް.
ޒެލެސްކީ
26 October 2022
އެހެންގައުމު ތަކުގެ ކަންކަމާ ކަލޭމެން ނުބެހި އަމިއްލަގައުމުގަ ކުރަމުންދާ މުޒާހަރާތަކާ ހަމަނުޖެހުންތައް މައިތިރި ކުރަންއުޅުން މާބުއްދިވެރިވާނެ. ތިތާގެ ސަރުކާރު މިހާރު އެޔޮތީ ވެއްޓޭނީ އަދުތޯ މާދަންތޯވާހިސާބުގަ.
މޮޓޯ ސައިކަލް
25 October 2022
ގޮތްނޭގޭ އެތެއް ވަރުގަދަ ހަނތިޔާރުތަކެއް އީރާނުއަތުގައި ހުރުންގާތް އީރާނުގެ މެދުފަންތީގެ މިސައިލްތައް ރެޑާރަކަށް ޑިޓެކްޓްކޮށް ނުލެވޭ އެމަރިކާގެ ޑިފެންސް ސިސްޓަމަކަށް އަދިބޮޑެތި މިސައިލުތަކުގެ ބާރުންދުނިޔެ ބިރުންފިއްކެނޑޭނެ އެމަރިކާގެ އާމީ ޗީފް މާކްމިލޭއަށް އިޙްސާސް ކުރެވޭ އީރާނާ ހަނގުރާމަކޮށްފިއްޔާ މެދުއިރުމަތިން އެމަރިކާގެ ސަންދޯކު ނޭރޭނެކަން މިލޭ ޓްރަމްޕު ކައިރީގައި ބުނި ކުރިންވެސް އީރާނާކުރާ ހަނގުރާމަ ބިރުން ފިތްކަނޑައިގެން ދާވަރުވެދާނެކަމަށް
ބީރުބޮލުވަޒީރު.
25 October 2022
މިއޮތީވާ ކަމެއް ލައިގަނެފަ. އަބަދު އިރާނު އިރާނު އިރާނު އިރާނު ޑުރޯނު ޑުރޯނު ޑުރޯނު . މިނޫން އެއްޗެއް މިހާރު ނޭޓޯއަކަށްވެސް ޔޫކުރޭނަކަށްވެސް ނުކިޔޭ. ތިއީ ވަރުގަދަ ޑުރޯނެއްތާ. ހީވަނީ ނިއުކުލިއަރ ބޮމެއް ވެއްޓިގެން އުޅޭހެންވިއްޔަ. އަމުދަކުން ކަމިކާޒޭ ކިއާ ޑުރޯނެއް އީރާނުގަ ނުވެސް އުފައްދާ. ޖޯކު އޮފްދަ އިއަރ މިކަމާމެދު އަފުރާސިޔާބުގެ ކޮމެންޓެއް ބޭނުން.