އަރުޝަދު ހައްޔަރުކުރީ ޑްރަގް އެތެރެކުރުމުގެ އާ ތުހުމަތެއްގައިކަން ހާމަވެއްޖެ

ފުލުހުން އަތުލައިގެންފައިވާ މަސްތުވާއެއްޗެހިތަކެއް: އަރުޝަދު ރޭ ހައްޔަރުކުރީ އާ ތުހުމަތެއްގައި --- ފޮޓޯ/މިހާރު

26 އޮކްޓޯބަރ 2022 - 12:44

މަސްތުވާތަކެތީގެ މައްސަލައެއްގައި އިސް މީހެއް ކަމަށް ފުލުހުން ތުހުމަތުކުރާ އަރުޝަދު ޚާލިދު ރޭ ހައްޔަރުކުރީ މަސްތުވާތަކެތި އެތެރެކުރުމުގެ އެހެން ތުހުމަތެއް ކަން ހާމަވެއްޖެ އެވެ.

ނުވަ ކިލޯގެ ޑްރަގް މައްސަލައެއްގައި އިސް މީހެއް ކަމަށް ފުލުހުން ތުހުމަތުކުރާ އަރުޝަދު ސްރީލަންކާއިން ރާއްޖެ އައުމާ އެކު މިމަހު އޭނާ ހައްޔަރުކުރީ ހައި ކޯޓުގެ އަމުރަކާ ގުޅިގެން އެ ކޯޓަށް އޭނާ ހާޒިރުކުރުމަށެވެ. އެކަމަކު ފަހުން ފުލުހުން އަމިއްލައަށް އޭނާ ދޫކޮށްލި އެވެ. އަދި ރޭ އަނެއްކާވެސް ވަނީ ހައްޔަރުކޮށްފަ އެވެ.

އަރުޝަދު ބަންދުކުރަން ހައިކޯޓުން ނެރުނު އަމުރު އޭނާގެ ފަރާތުން އިސްތިއުނާފް ކުރި މައްސަލާގައި ސުޕްރީމް ކޯޓުގައި މިއަދު ބޭއްވި އަޑުއެހުމުގައި އޭނާގެ ވަކީލް ވިދާޅުވީ ރޭ އަރުޝަދު ހައްޔަރުކުރީ މިދިޔަ ހޯމަ ދުވަހު ރާއްޖެއަށް ޑްރަގް އެތެރެކުރި ކަމަށް ތުހުމަތުކޮށް ކަމަށެވެ.

އަރުޝަދާ ދެކޮޅަށް މިފަހަރު އޮތީ ހަމައެކަނި އިންޓެލިޖެންސް ރިޕޯޓެއް ކަމަށާއި އަދި އޭނާ ދިރިއުޅޭ ތަނާއި ހަށިގަނޑު ބަލައި ފާސްކުރުމުން ވެސް އެފަދަ އެއްޗެއް ފެނިފައިނުވާ ކަމަށް ވަކީލް ވިދާޅުވި އެވެ.

އަރުޝަދު ރޭ ހައްޔަރު ކުރިއިރު، ފުލުހުން އަމިއްލައަށް ކުރިން އޭނާ ދޫކޮށްލި މައްސަލަ ހޫނުވެ، އެކަމުގައި ބައިވެރިވި ފުލުހުންގެ މައްސަލަ ބަލަން ޕްރޮސެކިއުޓާ ޖެނެރަލްގެ އޮފީހުން އޮތީ އޭރު އަންގައިފަ އެވެ.

އަރުޝަދަކީ މިދިޔަ އަހަރު ރާއްޖެއިން އަތުލައިގަތް 119 ކިލޯގެ މަސްތުވާތަކެތީގެ މައްސަލާގައި އިސް މީހެއް ކަމަށް ވެސް ފުލުހުން ކުރިން ބުނެފައިވެ އެވެ. އެކަމަކު އެ މައްސަލާގައި މިހާތަނަށް އޭނާއަށް ދައުވާއެއް ނުކުރެ އެވެ.

ކުށްކުރުން ފުލުހުން ސުޕްރީމް ކޯޓް މަސްތުވާތަކެތި މަސްތުވާތަކެތީގެ ގާނޫނު

8 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސް

26 October 2022

ޑްރަގު ވާހަކަ ތީ ބޮޑު ޖޯކެއް މިހާރު. ފަހަކަށް ނުބަލާ އެކަކުވެސް، އެންމެން ފައިސާއާ ހެދި މަރުދެނީ. އެކަކު ވެސް ނޫޅޭ ތިކަން ރަގަޅު ކުރާކަށް. ހާސަކޮށް ފުލުންނާ ކޯޓް ތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދގދސެފ×

26 October 2022

ތިހާ މާތް މީހެއް އެއްގޮތަކަށްވެސް ހައްޔަރުގާ ބަހައްޓައިގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުންޖިޗޭ

26 October 2022

އަބަދުވެސް ބޮޑުންނޭ، ގިނަޢަދަދެކޭ ކިޔައިގެން ނޫސްތަކުގެ ފަލަސުރުޙީއިން ޖާގަހޯދާ، ދުވަހަކުވެސް އެއިން މީހަކު ކުށްވެރިވެގެން އަދަބަކާ ކުރިމަތިލާތަނެއް ނުފެނޭ، ބައެއް މީހުން މުއްސަނދިކަމުގައި ސަރުކާރުތައް ހިންގާ ޕާޓީތަކުގެ އިސްމަޤާމުތަކުން ނިވާވެގެންތިބެ ދޮވެއިސްތިރިކޮށް ސްކޫލުތަކަށް ލެޕްޓޮޕް ހަދިޔާކޮށް، އިޖްތިމާޢީ އެހެންކަންކަމަށް ހޭދަކޮށް ކިލަނބުވެފައިވާ ތަޞައްވަރު ރަނގަޅު ކުރަމުންދާއިރު، މިރޮނގުން ގޮސްގެން ދުވަހަކުވެސް އިޞްލާޙެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަރީި

26 October 2022

ޢަރުޝަދު ގެ ފޮޓޯ ކޮބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުވަހަކުވެސް ރަގަޅަކައް ކަމެއް ނުވާނެ!

26 October 2022

ޗެއިން އޮފް ކަސްޓަޑީ އެބައޮތް. ދެން ގެއްލޭނީ ބައިކަލް ޗެއިން. ފެނޭތޯ ބަލާބަލަ. އޮންނަން ޖެހޭ އެއްޗެއްކަންވެސް އެގޭނީ ދެ އަހަރު ފަހުމް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް 123

26 October 2022

ތަންކޮޅެއް ތިލަކޮން ބުނެބަލަ ދޫކޮއްލާނެ އާ ބަހަނާ ތަކާ އެކީގައޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

26 October 2022

ފުލުހުން އުޅޭގޮތުން އަބަދުވެސް މާބޮޑު ޕްލޭނެއް ނޫނީ ޓްރެޕެއް ހަދައިގެން އުޅޭހެން ހީވަނީ.. ދެން އެމް ސީ ހަމީދުގެ ސީރިއަސް ފޮޓޮއަކާއިއެކު މޮޅު ޚަބަރެއް ނޫހުންފެންނާނީ.. ކަންތައްދަނީ ޗޮކުން..