ޚަބަރު / އަލިފާނުގެ ހާދިސާ

ފުނަދޫ ފަޅުގައި އޮތް ދޯންޏެއްގައި ރޯވެ އަނދައި ހުލިވެއްޖެ

ށ. ފުނަދޫގައި މިއަދު ދޯނީގައި ރޯވެ އަނދަނީ:

މޫސާ ރަޝީދު، މިހާރު

04 ނޮވެމްބަރ 2022 - 18:23

4 comments

ށ. ފުނަދޫ ފަޅުތެރޭ އޮތް ދޯންޏެއްގައި އަލިފާން ރޯވެ އަނދައި ހުލިވެއްޖެ އެވެ.

ފުލުހުން ބުނީ އެ ހާދިސާ ހިނގައިގެން އުޅޭކަން ރިޕޯޓުކޮށްފައި ވަނީ 11:15 ހާއިރު ކަމަށާއި ހާދިސާގައި އެއްވެސް މީހަކަށް އަނިޔާ ނުވާ ކަމަށެވެ.

އެ ރަށު ކައުންސިލްގެ ރައީސް އަހުމަދު އިބްރާހިމް ފުޅު "މިހާރު" އަށް ވިދާޅުވީ އެ ހާދިސާ ހިނގީ ކަރަންޓު ޝޯޓެއް ވެގެން ކަމަށް ބެލެވޭ ކަމަށެވެ. އެ ވަގުތު ދޯނީގައި އެއްވެސް މީހަކު ނެތް ކަމަށާއި ދުން އެރުމަށް ފަހު ކުއްލިއަކަށް މުޅި ދޯނީގައި ހުޅުގަނޑު ހިފީ ކަމަށް އޭނާ ވިދާޅުވި އެވެ.

"މަންޒަރު ދުށް މީހުން ބުނި ގޮތުގައި ކަންޏެއް ޖަހާފައި ހަމަ ސިކުންތުކޮޅެއް ތެރޭ މުޅި ދޯނީގެ ޑެކު އެކީ ރޯވީ،" އޭނާ ވިދާޅުވި އެވެ.

ދޯނީގައި ރޯވުމާ އެކު ރަށުގެ އާންމުންނާއި ކައިރީ އޮތް ކޮމަންޑޫގެ ދޯންޏެއް އަދި ފުލުހުން ވެސް ގުޅިގެން އަލިފާންގަނޑު ނިއްވަން މަސައްކަތް ކުރި ކަމަށް އަހުމަދު ވިދާޅުވި އެވެ.

ނަމަވެސް ދޯނީގެ ބޮޑުބައި އޮތީ ބޭނުން ނުކުރެވޭ ވަރަށް އަނދައި ހުލިވެފައިވާ ކަމަށް އޭނާ ވިދާޅުވި އެވެ.

ފުލުހުން އަންނަނީ އެ ހާދިސާ ހިނގަން މެދުވެރިވި ސަބަބު ތަހުގީގު ކުރަމުންނެވެ.

އަލިފާނުގެ ހާދިސާ ފުލުހުން ށ. ފުނަދޫ

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

LaamuonlineDOTcom

05 November 2022

އަތްފޯރާ ހިސާބުގައި މޫދު ނަމަވެސް އެފެން އަލިފާނަށް ޖެހޭނެގޮތެއްނެތް، އޮޑިފަހަރުގައި އަލިފާނުގެ ހާދިސާއެއްހިގީމާ "އޮޓަމެޓިކުން" ފެންޖެހޭގޮތައް ހެދުމަކީ ވަރަށް ފަަސޭހަކަމެއް، ބޭނުންވާނީ ކުޑަަޕަންޕެއް، ބެޓަރިއެއް، ނުވަތަ އިންވާޓަރެއް، ފުރިހަމަކޮށްލަން ބެޓަރި ޗާޖުކުރަން ކުޑަ ސޯލާޕެނަލެއް، ދެން ބޭނުނުވާނީ ހައެއްކަ ޓެންޕަރޭޗަރ ޑިޓެކުޓަރު، މީހަކު އޮޑީގައި ނެތަސް އަލިފާނުގެ ހާދިސާއެއް ހިގައިފިނަމަ އޮޓަމެޓިކުން މުޅި އޮޑިއަށް ފެންޖެހޭގޮތައް ރާވާލެވިދާނެ