ވަގުތީ ކޭބަލެއް އަޅައި ހިޔާ ފްލެޓްތަކަށް ކަރަންޓު ދީފި

ހިޔާ ޓަވަރެއްގެ ލިފްޓަށް އަރަން ބަޔަކު މަޑުކޮށްލައިގެން: ވަގުތީ ކޭބަލެއް އަޅައި ހިޔާ ފްލެޓްތަކަށް މިހާރު ވަނީ ކަރަންޓު ދީފައި -- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

15 ނޮވެމްބަރ 2022 - 15:29

4 comments

ވަގުތީ ކޭބަލެއް އަޅައި ހުޅުމާލެ 2 ގައި ހުންނަ ހިޔާ ފްލެޓްތަކަށް ސްޓެލްކޯ އިން ކަރަންޓުގެ ހިދުމަތް ދީފި އެވެ.

އެ ކުންފުނިން ދެންމެ ކުރި ޓުވީޓެއްގައި ބުނީ ކަރަންޓުގެ މައްސަލަ ހައްލުކޮށް މިހާރު ހިޔާ ފްލެޓްތަކަށް ކަރަންޓު ދީފައިވާ ކަމަށެވެ. ހިޔާގެ ފްލެޓްތަކުގައި ކަރަންޓާއި ފެން ނެތި ގާތްގަނޑަކަށް ހަތަރު ވަރަކަށް ގަޑިއިރު ހޭދަވި އެވެ.

މިއަދު ހެނދުނު ހިޔާ ފްލެޓްތަކުން ކަރަންޓުގެ ހިދުމަތް މެދުކެނޑުނީ އެ ޓަވަރުތަކަށް ކަރަންޓު ދިނުމަށްޓަކައި އަޅާފައިވާ މައި ކޭބަލެއް ބުރިވެގެންނެވެ.

އެ ކުންފުނިން ކުރިން ބުނީ، މައި ކޭބަލަށް ގެއްލުންވީ، ހުޅުމާލެ 2 ގައި އިމާރާތްކުރުމުގެ މަސައްކަތްކުރާ ބަޔަކު ކޮންނަނިކޮށް ކަމަށެވެ. އެހެންވެ، އެ ކޭބަލް މަރާމާތު ކުރުމުގެ މަސައްކަތް ސްޓެލްކޯ އިން ކުރަމުން އަންނަ ކަމަށް ބުންޏެވެ.

ހިޔާ ފްލެޓްތަކަށް އަލުން ކަރަންޓު ދޭން ގިނަ ވަގުތު ތަކެއް ނަގާނެ: ސްޓެލްކޯ https://t.co/G4XMjrTnlJ
— Mihaaru (@Mihaarunews) November 15, 2022

ކަރަންޓު ކެނޑި ގިނައިރުތަކެއް ވުމުން ހިޔާ ފްލެޓްތަކުގައި ދިރިއުޅޭ މީހުން ސޯޝަލް މީޑިއާގައި އެކަމުގެ ކަންބޮޑުވުން ފާޅުކުރި އެވެ. ބައެއް ޓަވަރުތަކުން މިއަދު ފެނުގެ ހިދުމަތް ވެސް މެދުކެނޑުނެވެ.

ހުޅުމާލެ 2 ގައި އިމާރާތް ކޮށްފައިވާ 25 ބުރީގެ 16 ޓަވަރުގައި ވިއްސަކަށް ހާސް މީހުން ދިރިއުޅެ އެވެ. ކޮންމެ ޓަވަރެއްގައި 3-4 ލިފްޓް ހުންނައިރު މިއަދު ކަރަންޓު ކެނޑުނު ވަގުތު ޓަވަރު އެކެއްގެ ލިފްޓެއްގައި ތިބި ބަޔަކު ގަޑިއެއްހާއިރަށް ތާށި ވެސް ވި އެވެ.

އެ މީހުން ލިފްޓުން ނެރުނީ ލިފްޓްތައް ސާވިސް ކުރާ މީހުންގެ އެހީތެރިކަމާ އެކު އެވެ. އެއްވެސް މީހަކަށް އަނިޔާއެއް ވެފައެއް ނުވެ އެވެ.

ހުޅުމާލެ ސްޓެލްކޯ އެޗްޑީސީ ހުޅުމާލޭ ދެ ވަނަ ފިޔަވަހި ހިޔާ ފްލެޓްތައް

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަދުރެމެޓިކްސް

15 November 2022

ވެރިން ވަގުތީ ވާނީ ކޮންދުވަހަކުން؟ މިބުނީ ޔާމީން އަނެއްވާވެސް ވެރިކަމަށް އަންނަން ފޫގަޅަނީ ކޮން ހައިސިއްޔަތަކުން؟ ވެރިޔަކަށް ހުރިއިރު އެންމެ އަރިސްކޮށް ހުރި ނައިބްރައީސް ގައުމު ލޫޓްވިއިރު ނޭގުނު ބޭފުޅަކަށް ދެންވެރިކަމަށް އަޔަސް މީހުން ކިހިނެތް އިތުބާރު ކުރާނީ. ބްރިޖެއް އަޅާއިރު އެއާ އެއްވަރަކަށް ފައިސާ ގެއްލެންޏާ އެއީ ވަރަށް ބޮޑު މައްސަލައެއްދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުތީ އަލީ

15 November 2022

މިގައުމު މިހާރު ހިގަނީ މިގޮތައް. ވަގުތީ... ހުރިހާ އެއްޗެއްވެސް ވަގުތީ..ވަގުތީ ކޭބަލެއް...ވަގުތީ ހިޔާ.. ވަގުތީ މިސްކިތް....އެވަގުތީ ތަން ދާއިމީވާ ދުވަހެއް ނާންނާނެ. އެގޮތައް ހުންނާނީ ތާއަބަދު. މީހާރުވެސް ކިތައްމިސްކިތް އެބަހުރި ވަގުތީ ތަންތަނުގެ ގޮތުގައި. ވެރިންވެސް އެގޮތައް ނަމަ ދޯ، އެކަމަކު ވެރިކަން ލިބިއްޖެއްޔާ ދުވަހަކުވެސް ވެރިކަން ދޫކޮށްލަން ބޭނުންނުވާނެ. ދާއިމަށް ވެރިކަމުގައި ތިބެންބޭނުންވަނީ.