ޚަބަރު / މ. ނިރުފެހިގޭގެ އަލިފާނުގެ ހާދިސާ

ފިހިގެން ފަރުވާދޭ މީހާ ވެންޓިލޭޓަރުން ނަގައިފި، ހާލު ރަނގަޅު: އައިޖީއެމްއެޗް

އަލިފާން ރޯވި ތަނުން ފެނުނު މީހުންގެ ހަށިގަނޑު ގެންދަނީ: ގިނަ މީހުން އޮތީ އައިޑެންޓިފައި ނުކުރެވޭ ވަރަށް ފިހިފައި -- ފޮޓޯ: ފަޔާޒު މޫސާ | މިހާރު

އިފްރާޒް އަލީ، މިހާރު

20 ނޮވެމްބަރ 2022 - 12:18

1 comments

މ. ނިރުފެހި ގޭގައި ހިނގި ނުރައްކާތެރި އަލިފާނުގެ ހާދިސާގައި ފިހިގެން، އައިޖީއެމްއެޗުގައި ފަރުވާދެމުން އަންނަ ބަންގުލަދޭޝްގެ މީހާގެ ހާލު ރަނގަޅުވަމުން އަންނަ ކަމަށް އެ ހޮސްޕިޓަލުން މިއަދު ބުނެފި އެވެ.

އެ ހޮސްޕިޓަލުގެ މީޑިއާ އޮފިޝަލަކު "މިހާރު" އަށް ވިދާޅުވީ އައިސީޔޫގައި ފަރުވާދެމުން އައި އެ މީހާ ވެންޓިލޭޓަރުން ނަގައި، މިއަދު ހެނދުނު ވޯޑަށް ބަދަލުކޮށްފައިވާ ކަމަށެވެ.

"އޭނާގެ ހާލު ކުރިއަށް ވުރެ ވަރަށް ބޮޑަށް އަންނަނީ ރަނގަޅުވަމުން،" އޭނާ ވިދާޅުވި އެވެ.

އަލިފާނުގެ ހާދިސާ: އައިޖީއެމްއެޗުގައި އޮތް މީހާގެ ހާލު އަދިވެސް ވަރަށް ސީރިއަސް https://t.co/wpUOZ4Iajh
— Mihaaru (@Mihaarunews) November 11, 2022

ފުލުހުން މިއަދު ބުނީ އެ ހާދިސާގައި މަރުވި 10 މީހުންގެ ހަށިގަނޑު ވެސް މިހާރު އެ މީހުންގެ ގައުމަށް ފޮނުވާލާފައިވާ ކަމަށެވެ. އެއީ އިންޑިއާގެ އަށް މީހުންނާއި ބަންގުލަދޭޝްގެ ދެ މީހެކެވެ.

މަރުވި ބައެއް މީހުންގެ ހަށިގަނޑު ވަރަށް ބޮޑަށް ފިހި، ކާކުކަން ދެނެގަންނަން އުނދަގޫވި އެވެ.

މިހާތަނަށް މާލޭގައި ހިނގި އެންމެ ބޮޑު އަލިފާނުގެ ހާދިސާ ހިނގީ ނިރުފެހިގޭގެ ތިރީގައި ހުންނަ ޖަރާޖެއްގައި ރޯވެގެންނެވެ. އެ ގޭގައި މަތީ ފްލޯގައި ދިރިއުޅުނީ ބިދޭސީ މަސައްކަތްތެރިންނެވެ. އޭގެ ތެރޭގައި ބަންގްލަދޭޝް، ސްރީ ލަންކާ އަދި އިންޑިއާ މީހުން ވެސް ހިމެނެ އެވެ.