އާރްޑީސީން ބުނެފައިވާ ގޮތުގައި އަމީނީމަގުގައި ތާރު އަޅާނީ ދެ ބަޔަކަށް ބަހާލައިގެން. ފުރަތަމަ ތާރު އަޅާނީ ދަރުބާރުގެ ކައިރިން ފެށިގެން ބިލަބޮންގް ސްކޫލާ ހަމައަށް.
އަމީނީމަގު މަރާމާތުކުރުމުގެ މަޝްރޫއު ފެށުމުގެ ގޮތުން ބޭއްވި ރަސްމިއްޔާތުގައި އާރްޑީސީގެ މެނޭޖިން ޑިރެކްޓަރު މޫސާ އަލި މަނިކު (މޫކޭ) ވާހަކަދައްކަވަނީ -- ފޮޓޯ: އާރްޑީސީ
22 ނޮވެމްބަރ 2022 - 16:24
54 comments
މާލޭގެ އަމީނީ މަގު ޒަމާނީ ފެންވަރަށް ތަރައްގީ ކުރުމުގެ ޕްރޮޖެކްޓް ނިންމަން 24 ގަޑިއިރު މަސައްކަތް ކުރަން ޖެހުނަސް، އެ ކަމަށް ތައްޔާރަށް އޮތް ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން މިއަދު ބުނެފި އެވެ.
ދައުލަތުގެ ބަޖެޓުން ބޮޑު ހަރަދެއް ކޮށްގެން މި ސަރުކާރުން ހަދަމުން އަންނަ އަމީނީ މަގުގެ މަސައްކަތް ލަސްވާ ކަމަށް ބުނެ އަމާޒުވާ ފާޑުކިޔުންތަކާ ގުޅިގެން އާރުޑީސީން ނެރުނު ނޫސްބަޔާނެއްގައި ބުނީ އެ ކުންފުނިން އެ ހަދަނީ އެކަމަށް ވާން ޖެހޭ ހުރިހާ ތައްޔާރީތަކެއް ވެގެން ކަމަށެވެ.
"އަމީނީމަގުގެ މަސައްކަތް 24 ގަޑިއިރު ކުރިއަށް ގެންދަން ޖެހުނު ނަމަވެސް، އެ މަސައްކަތް ކުރެވޭނެ ގޮތްތައް ވަނީ ރޭވިފަ އެވެ،" ބަޔާނުގައި ބުންޏެވެ.
އަމީނީމަގުގައި ތާރު އެޅުމުގެ ޕްރޮޖެކްޓުގެ ދަށުން މިހާރު ހަދަމުން އަންނަ ސަރަހައްދު: އެ ސަރަހައްދުގެ މަސައްކަތް ނިންމައި، ތާރު ނޭޅި އޮންނަތާ ގިނަ ދުވަސްތަކެއް ވެއްޖެ -- ފޮޓޯ: ފަޔާޒް މޫސާ | މިހާރު
އަމީނީ މަގުގައި ތާރު އެޅުމުގެ މަސައްކަތް ލަސްވާ މައްސަލާގައި "މިހާރު" ގައި މިއަދު ޖެހި ޚަބަރާ ގުޅިގެން ކުރިމަތިވި ފާޑުކިޔުންތަކުން ދިފާއުވާން އާރުޑީސީން ނެރުނު ބަޔާނުގައި ބުނީ އެ މަސައްކަތް ލަސްވަނީ އެމްޑަބްލިއުއެސްސީން ކުރަން ޖެހޭ އަޕްގްރޭޑްގެ ކަންކަމަށް ބޭނުންވާ ބައެއް ވަސީލަތްތައް ލިބުނު ލަސްވެގެން ކަމަށެވެ. އެ ވަސީލަތްތައް ލިބެންދެން މަސައްކަތް މަޑުޖައްސާލަން ޕްލޭނިން މިނިސްޓްރީން އެދިފައިވާ ކަމަށް ވެސް އެ ކުންފުނިން ބުންޏެވެ.
އެ ކުންފުނީގެ އޮފިޝަލަކު މިއަދު "މިހާރު" އަށް ވިދާޅުވެފައި ވަނީ އަމީނީ މަގުގައި ތާރު އަޅަން ޕްލޭންކޮށްފައި އޮތީ ދެ ބަޔަކަށް ބަހާލައިގެން ކަމަށެވެ.
"އަޅުގަނޑުމެންގެ ޕްލޭންގައި އޮތީ ގާތްގަނޑަކަށް އަމީނީ މަގުގެ ދެބައިކުޅަ އެއްބަޔާ ހިސާބަށް ޕޭވިންގެ މަސައްކަތްތަކާއި ދެން ކުރަން ޖެހޭ މަސައްކަތްތައް ކޮށްފައި، މަގު ދެ ބަޔަކަށް ބަހާލައިގެން ތާރު އަޅަން،" އޭނާ ވިދާޅުވި އެވެ.
އަމީނީމަގުގައި ތާރު އަޅަން ޕްލޭންކޮށްފައި އޮތީ ދެ ބަޔަކަށް ބަހާލައިގެން: އާރުޑީސީ https://t.co/sTXSsqS8J4
— Mihaaru (@Mihaarunews) November 22, 2022
އޮފިޝަލް ވިދާޅުވިގޮތުގައި، އަމީނީ މަގުގައި ތާރު އަޅަން ފަށާނީ ބިލަބޮންގް ސްކޫލް ހުންނަ ހިސާބަށް ޕޭވިންގެ މަސައްކަތްތައް އެއްކޮށް ނިމުމުންނެވެ.
ތާރު އަޅަން ނުފެށިޔަސް، ޕޭވިންގެ މަސައްކަތް ނިމޭވަރަކުން އެ މަގަށް ވެހިކަލްތަކަށް ވަދެވޭ ގޮތް ހަދަން ނިންމާފައިވާ ކަމަށް ވެސް އޭނާ ވިދާޅުވި އެވެ.
ޕްލޭނިން މިނިސްޓްރީން އަމީނީ މަގު ހަދަން ރޯޑް ޑިވެލޮޕްމަންޓް ކޯޕަރޭޝަނާ ހަވާލުކުރީ މި އަހަރު ޖުލައި މަހު ތިނެއްގަ އެވެ. މިދިޔަ އޮގަސްޓް މަހު 30 ގައި އަމަލީ މަސައްކަތް ފެށި އެ މަގުގައި ތާރު އަޅައި ނިންމަން ދިނީ 10 މަސް ދުވަހުގެ މުއްދަތެކެވެ.
ދައުލަތުގެ ބަޖެޓުން 84 މިލިއަން ރުފިޔާ ހަރަދުކުރާ އެ މަޝްރޫއުގެ ދަށުން އަމީނީ މަގުގައި 1.7 ކިލޯމީޓަރުގެ ތާރު އަޅައި، ފެން ހިންދާ ނިޒާމެއް ވެސް ގާއިމު ކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިމަނާ
23 November 2022
ކަމެެއްނުކުރެވެންޏާ ނުކުރެވޭކަމަށް އެއްބަސްވުމަކީ ގޯހެއްނޫނޭ. ކަމެއްނުކުރެވޭތާ ގަދަބަސްބުނުމުން ހައްތަހާ ތިޔަ ފަޟީހަތްވަނީ. އެހެންކުންފުންޏެއްގެ ބޮލުގައި ތިޔަ ޒިންމާ އަޅުވަނީ. ބަލަގަ އެމްޑަބްލިއުއެސްސީގެ ސީއީއޯނޭބުނީ ތިމަންނަމެންގެ އަތުގައި އެބަހުއްޓޭ ރާއްޖޭގެ އެހެންކުންފުނިތަކަށް ބޭނުންވާވަރަށްވެސް ފެންހޮޅި އެޅުމާބެހޭ ސާމާނު. މިހާރު ތިޔަކިޔާއެއްޗެއްނޭގުނު. ތިޔަބުނަނީ އެމްޑަބްލިއުއެސްސީގެ ނާގާބިލިވާހަކަތަ؟
އިއްޒަތު
23 November 2022
ސޯލިހުއަށް. ވެދުން ސަލާމެވެ. އަޅު ހައްދައިގެން އިންސާނުން ލައްވާ މަސައްކަތް ކުރުވާ އުޅުނީ 15 ވަނަ ގަރުނުގައެވެ. މިހާރު މިއުޅެނީ ކިތައްވަރު ގަރުނުގާކަން ބޭފުޅާއަށް އިގޭހެވެ؟ ގާނޫނުތަކުން މަނާ ކަންތައްތައް ރައްއިތަކު ވިއަސް ބަންގާޅިން ލައްވާ ވިއަސް ކުރުމުގެ އެއްވެސް ބާރެއް ސޯލިހުއަކައް ނޯންނާނެއެވެ. އެއާ އިދިކޮޅައް ބަޔަކު ލައްވާ ގާނޫނައް ގޮންޖަހާ މަސައްކަތް ކުރުވާނަމަ ކޮންމެސް ދުވަހަކުން ގާނޫނު އަރާ ބޭފުޅާއާ ހަމަކުރާނެއެވެ.
ހުސެންޓެ
23 November 2022
މިހާދަ ގޮތްވެސް ކުޑަމީހެކޭ ދޮ. ކަލޭގޮސް 24ގަޑިއިރު އޮވެބަލަ އަމީނީމަގު ހަދަން. ފިނިކޮޓަރީގަ އިދެގެން ފޮނިބައިސާ ކެޑިއަކަސް އަދިނުވާނެ
ކޮރަޕުސަން
23 November 2022
ކައެ ހުރޭ 5 އަހަރު ތިހެން ވައި އަނގަތަޅަން. ދެނެއް އަހަރުންގެ ވޯޓެއް ނުލިބޭނެ
ރުހާމު
23 November 2022
މޫކެ ކައެ ތިއުޅެނީ އެފުރިކާ އަޅުން ގެންގުޅުޒަމާނުތަ މީހުންލައްވާ 24ގަޑިއިރު ގުލާނު ކުރުވަން؟؟؟؟ ކައެމެން ލަދުގަނޭތަ ހައްގޭ ފަޅޮލޭ ގޮވަމުން އައި ބާގަޑު
1123
23 November 2022
ޝިފްޓައް މީހުން ބަހަލައިގެން ކުރޭވޭނެ ވާހަކަ އެބުނީ. ތިބުނިހެން މީ އަޅުން ގެންގުޅޭ ޒަމާނެއް ނޫންވިއްޔާ.
ފައްތެ
23 November 2022
1123 ކައެ އާދެބަޔަ ރައްރަށުގަ އާރުޑިސީ މުއްޒަފުން ޝިފުޓައް ބަހައިންތޮ މަސައްކަތް ކުރުވަނީ ބަލަން
ލޭބަރު
23 November 2022
އެމެރިކާގައި ކަޅުމީހުން އަޅުން ގޮތުގައި ގެންގުޅުނު ޒަމާނުވެސް ސައުވިސްގަޑިއިރު މަސައްކަތް ނުކުރުވާ. މޫކޭގެ ވިސްނުން ހުރީ ސީދާ ޖާހިލިއްޔަތުގެ އެންމެ އަޑީގައި. ގަޔައްބާރު ސުލިމުފިޓު ގަމީސްލާހަ އެޕަލު ފޯނު ހިފާގެން ފުއްޕާހަ ހުއްޓަސް ސިކުޑި ހުރީ ތަގައްޔަރުވެފައެ. ލޭބަރު މިނިސްތަރު ކަލޭގެ ކޮބާތޭ؟
1123
23 November 2022
24 ގަޑިއިރު ސެކިއުރިޓީ ބަލަހައްޓާ މީހުން ތިބޭނީ އެކަކެއް ނޫން. ހަމަ އެގޮތައް މީހުން ޝިފްޓައް މަސަތްކަތް ކުރުވޭނެ. އެއްބަޔަކު މަސައްކަތުގަ ނޫޅޭނެ ބުރޯ.އެހެން ނޫނަސް އިތުރު ގަޑީގަ މަސަތްކަތް ކުރީމަ އޯޓީ ކިޔާ އެއްޗެއްވެސް ދޭނެ.
ފުރެންޑު
23 November 2022
މީ އެންމެ ސްލޯ 4 އަހަރު. ބުރިޖުވެސް، ފުލެޓު އެޅުންވެސް ސްލޯލިހް ސްޕީޑުގައި. އެންމެ ބާރުސްޕީޑުގައި ގެންދެވުނު ހަމަ އެކަނި ކަމަކީ ޓެކްސް ބޮޑު ކުރުން.
ފައުޗީ
23 November 2022
ބުރޮ ކޮލެޖު އިސްދަރިވަރުންގެ ބަހާއަމަލާ ދިމާނުވާނެ
ޒިއައްޓެ
23 November 2022
ހެޔޮވެރިކަން ސުލޯވާނެ އިންސާނުން އަޅުންގެ ގޮތުގައި ގެންގުޅޭނެ ކޮރަޕްސަން ބޮޑުވާނެ ރައްޔިތުން ފެލާނެ
24ގަޑި
23 November 2022
މޫކެއަށް ސުޓާފުން ފެންނަނީ މެޝިނުތަކެއްގެ ގޮތުގައިކަން ޔަގީން. އިންސާނުންގެ ސިފާގަ މަމެން ފެންނަނަމަ 24 ގަޑިއިރު ކީއްކުރަންތޭ 8 ގަޑިއިރައްވުރެ އެންމެ ސިކުންތޭއްވެސް އިތުރައް އަހުން ލައްވާ މަސައްކަތް ނުކުރުވާނެ. ސުޓާފުން އަވީގަ ގުދާރު ބިއްދާން މިކުރާ މަސައްކައް ކުރަން މޫކެއައް 1 ގަޑިއިރު އޮވެވުނަނަސް މަމެން ތިބޭނައް 24 ގަޑިއިރު ގުދައް. ތަ ނިކަން 1 ގަޑިއިރު ގުދައް އޮވެފެލެ
އިނާޒް
23 November 2022
މަގެ ދޮންބެ ލައްވާ ދިހަބާރަ ގަޑިއިރު ތިމޫކޭ ފިޒިކަލް ލޭބަ އެބަކުރުވާ. އަހަރުން ނުދޭނަން ސޯލިހަކައް ވޯޓެއް އެހެންވީމަ ދެނެެއް
ކަޓުސަރުކާރު
23 November 2022
ދުނިޔެ ތަރައްގީވާ ވަރަކައް އިބުރާސޯލިހުދަނީ ފަހަތައް. މެސިނަރީއިން ކުރެވޭނެ މަސައްކަތްތައްވެސް ކޮރަޕުސަން ބޮޑުކަމުން އަންބޮޑިއައް ލާބައި ގިނަކަމުން މެސިނަރީ ނުހޯދަ ސުޓާފުންލައްވާ ކުރުވާ ވައްތަރު ދޮގެ؟
ޚޯރި
23 November 2022
8 ގަޑި އިރު ތެރެއިން ކިތައް ގަޑިއިރުބާ ސައި ހޮޓާތަުގައާއި ފޯނުގައި ތިބެނީ.
ކޮސްބޮޓު
23 November 2022
ހޯރި ކައެ ސައިނުބޯތަ މަސައްކަތްކުރަނީ؟
އެން.ޑީ.ފީ
23 November 2022
ޕާޓީ ކުދިންނަށް ވަޒީފާ ބަހަން ހަދާފަ އޮތް ކުންފުންޏެއް
އަމީނީމަގު
23 November 2022
ތިކަން ވާނެބާ